2018-02-04

خه‌بات: هاوار مورتكه‌یی

ناستیا راخمانگولۆڤا‮ ‬Nastya Rakhmangulova بۆتە ناوێكی‮ ‬دیار لەسەر ئاستی‮ ‬ئەورووپا كاتێك میدالیای‮ ‬برونزی‮ ‬ئەورووپای‮ ‬بەدەستهێنا،‮ ‬هەروەها لە نێوشەترەنجی‮ ‬وڵاتی‮ ‬ئۆكرانیا زیاتر ناوبانگی‮ ‬دەركرد،‮ ‬بەتایبەتیش دوای‮ ‬ئەوەی‮ ‬سێ ساڵ لەمەوبەر توانی‮ ‬لەسەر ئاستی‮ ‬وڵاتەكەی‮ ‬پلەی‮ ‬یەكەم و نازناوی‮ ‬ئافرەتانی‮ ‬شەترنجی‮ ‬ئۆكرانیا بەدەست بهێنێت،‮ ‬لاپەڕەی‮ ‬وەرزشی‮ ‬رۆژنامەی‮ ‬خەبات توانی‮ ‬دیدارێك لەگەڵ ئەو شەترەنجزانە لاوە ئەنجام بدات‮.‬

ناستیا راخمانگۆلۆڤا لە ساڵێ‮ ‬1994 لە شاری‮ ‬نیكۆلایڤی‮ ‬ئۆكرانی‮ ‬لەنێو خێزانێكی‮ ‬شەترەنج دۆست لەدایك بووە،‮ ‬هەڵگری‮ ‬بڕوانامەی‮ ‬WGM ‮‬ و هەروەها رەیتێكی‮ ‬بەرزی‮ ‬لە لیستی‮ ‬شەترەنجزانانی‮ ‬یەكێتی‮ ‬شەترەنجی‮ ‬نێودەوڵەتی‮ ‬هەیە كە‮ ‬2275ی ‮ ‬FIDEبەو پێیەی‮ ‬ئێستا تەمەنی‮ ‬24 ساڵە و هێشتا دەرفەتی‮ ‬زۆری‮ ‬لەبەردەمدایە كە تواناكانی‮ ‬زیاتر لە شەترەنجدا بەكاربهێنێ و دەسكەوتی‮ ‬زیاتر لە سەر ئاستی‮ ‬ئەورووپا و جیهان بەدەست‮ ‬یهێنێت،‮ ‬ناستیا دەربارەی‮ ‬خۆی‮ ‬و خانەوادەكەی‮ ‬دەڵێت‮: ‬خانەوادەكەم هەر هەموویان‮ ‬یاری‮ ‬دەكەن و شەرتەنج تێكەڵ بە ژیانیان بووە،‮ ‬باوك و دایكم راهێنەری‮ ‬شەترەنجن،‮ ‬برایەكەشم ئاستێكی‮ ‬باشی‮ ‬لەشەترەنجدا هەیە،‮ ‬هەروەها باپیرە و داپیرەشم‮ ‬یاری‮ ‬شەترەنجیان كردووە،‮ ‬من بە راشكاوانە دەدوێم و راستییەكان دەڵێم،‮ ‬كاتێك چاوم كردەوە زۆر حەزم دەكرد ببم بە سەماكارێك‮ ‬یان گۆرانی‮ ‬بێژێك،‮ ‬واتە من حەز بە تێكەڵاوییەكم دەكرد،‮ ‬لەراستیدا من كەسێكی‮ ‬تێكەڵاوم‮ ‬ببورە كە ئەمە دەڵێم‮‬،‮ ‬بەڵام هەروەك باسم كرد هەر چواردەورم شەترەنج بوو لە ماڵ،‮ ‬هیچ رگایەكی‮ ‬تر نمابوو جگە لەشەترەنج كە هەڵیبژێرم،‮ ‬دواجارر رێگای‮ ‬ژیانی‮ ‬خۆم لە شەترەنجدا دۆرزییەوە‮.‬

ناستیا راخمانگۆلۆڤای‮ ‬كچە پاڵەوانی‮ ‬شەترەنجی‮ ‬ئۆكرانیا زیاتر دەڵێت‮: ‬دایك و باوكم هەرزوو فێری‮ ‬شەترەنجیان كردم،‮ ‬كاتێك تەمەنم بوو بە چوار ساڵ بەردی‮ ‬شەترەنجم جولاند،‮ ‬ئەمە سەرەتای‮ ‬كاروانی‮ ‬من بوو لەگەڵ شەترەنج،‮ ‬بەڵام لەسەر ئاستی‮ ‬ئەورووپاش‮ ‬یەكەمین بەشداریم ئەوكاتە بوو كە تەمەنم شەش ساڵان بوو واتە لە ساڵێ‮ ‬2000? شەترەنج باشترین چانسی‮ ‬لە ساتەكانی‮ ‬ژیانمدا پێ بەخشیوم،‮ ‬گەشتی‮ ‬وڵاتان و ناسینی‮ ‬كلتوری‮ ‬گەلان،‮ ‬تێكەڵاوی‮ ‬لەگەڵ خەڵكانی‮ ‬خۆشەویستی‮ ‬شەترەنج،‮ ‬شەترەنج ئارامی‮ ‬دەبەخشێتە گیانم‮.‬

لە كۆتاییدا ئەو كچە پاڵەوانەی‮ ‬ئۆكرانیا دەڵێت‮: ‬ئەگەرچی‮ ‬هەڵگری‮ ‬بڕوانامەی‮ ‬WGM‮‬م و توانیومە لە ساڵی‮ ‬2015 ببمە‮ ‬یەكەی‮ ‬ئۆكرانیا لەسەر ئاستی‮ ‬كچان،‮ ‬و هەروەها بەدەستهێنانی‮ ‬میدالیای‮ ‬برونزی‮ ‬ئەورووپا‮ ‬ی‮ ‬خوار‮ ‬18 ساڵ لە پراغ‮ ‬ساڵی‮ ‬2012، بەڵام هێشتا خەونی‮ ‬دیكەم ماوە لە شەترەنجا ئەویش دەمەوێ دووەم بڕوانامەی‮ ‬گراندماستری‮ ‬ئافەرتان بەدەست بهێنم،‮ ‬لەمەشدا هەوڵی‮ ‬خۆمی‮ ‬بۆ دەدەم،‮ ‬چونكە شەترەنج بۆتە پیشەم،‮ ‬من جگە لەوەی‮ ‬یاری‮ ‬دەكەم لەهەمان كاتیش راهێنەری‮ ‬شەترەنجم‮.‬

 
چاپکردن   Share گه‌ڕانه‌وه‌