2018-02-04

خه‌بات: ساسان دەروێش‮ -‬ هۆڵەندا‮ ‬

‮ ‬وێڕای‮ ‬ئەوەی‮ ‬كە لە سەردێڕی‮ ‬میدیاكانی‮ ‬هۆڵەندا بەگشتی‮ ‬باس لە خراپی‮ ‬ڕەوشی‮ ‬كوردو تورك دەكرێ لە وڵاتەكەیاندا كە لەچەند‮ ‬ڕۆژی‮ ‬ڕابردوودا لە شوێنە گشتیەكاندا گروپی‮ ‬بچوك بچوك كۆبوونەتەوەو بەریەككەوتن لەنێوانیان روویداوەو بووەتە هۆی‮ ‬شێواندنی‮ ‬ئارامی‮ ‬و پۆلیسیش توندڕەوەكانیانی‮ ‬بەرەو لێپێچینەوە بردووە‮. ‬ئەمەش لە كاتێك دایە كە وەزیری‮ ‬دەرەوەی‮ ‬هۆڵەندا لە لێدوانێكدا گوتوویەتی‮ ‬ئۆپەراسیۆنەكە بۆ عەفرین شەڕی‮ ‬نێوان تورك و كورد نییە،‮ ‬بەڵكو پارێزگاریكردنە لە سنوری‮ ‬خۆیان،‮ ‬بۆیە بۆ جارێكی‮ ‬تر‮ ‬ڕەوەندی‮ ‬كورد بەهەماهەنگی‮ ‬لەگەڵ لیژنەی‮ ‬هاوكاریی‮ ‬پارتە سیاسییە كوردستانییەكان لە هۆڵەندا‮ ‬،‮ ‬لە نێویاندا ئەندام و لایەنگرانی‮ ‬ئەنجومەنی‮ ‬نیشتیمانی‮ ‬كورد لە سووریا،‮ ‬لەبەردەم باڵەخانەی‮ ‬پەرلەمانی‮ ‬هۆڵەندا گردبوونەوەیەكیان پێكەوە سازكردو تیایدا بە بەرزكردنەوەی‮ ‬ئاڵای‮ ‬كوردستان و دروشمی‮ ‬جۆراوجۆر داوایان كرد هێرشەكانی‮ ‬توركیا بۆ سەر عەفرین بوەستێنرێ و چیتر هاووڵاتیانی‮ ‬سڤیل نەبنە قوربانی‮.‬

سەرەتاش بەمارشی‮ ‬نەتەوەیی‮ ‬ئەی‮ ‬ڕەقیب و ساتێك بێ دەنگی‮ ‬وەستان بۆ گیانی‮ ‬قوربانیان و شەهیدانی‮ ‬كوردستان وەستان‮ ‬،‮ ‬دواتر‮ ‬ڕۆستەم عیسا بەرپرسی‮ ‬كۆمیتەی‮ ‬هۆڵەندای‮ ‬ئەنەكەسە پەیامێكی‮ ‬خوێندەوەو تیایدا سەركۆنەی‮ ‬هێرشەكانی‮ ‬بۆ سەر عەفرین كردو گوتی‮ ‬كە پێشتر ئێمە وەك ئەنجومەن لە بەیاننامەیەكدا نیگەرانی‮ ‬خۆمان دەربڕیوە دژی‮ ‬ئۆپەراسیۆنەكە و ئەوەشیان‮ ‬ڕەتكردەوە كە هەندێ میدیا باسیان لە هاوكاری‮ ‬ئەنەكەسە بۆ سوپای‮ ‬توركیا كردووە بە هەڵەدا چوون و پشتگیری‮ ‬و هاوخەمیان بۆ عەفرین و كوردستان دەربڕیوە،‮ ‬دواتریش لە لایەن عەلی‮ ‬هروری‮ ‬وتەبێژی‮ ‬لیژنەی‮ ‬هاوكاری‮ ‬پارتە كوردستانیەكان باسی‮ ‬لە گەڵاڵەكردنی‮ ‬یاداشتنامەیەك كرد كە‮ ‬ڕادەستی‮ ‬پەرلەمانی‮ ‬هۆڵەندا دەكەن لەم كاتەدا و داوایان لە حكوومەتی‮ ‬هۆڵەندا كرد پاشگەزبێتەوە لە پشتگیری‮ ‬لە هێرشەكان بۆ سەر عەفرین كە توركیا مافی‮ ‬ئەوەی‮ ‬نییە وڵاتێكی‮ ‬تر ببەزێنێ وخەڵكی‮ ‬سڤیل شەهید بكات،‮ ‬بەهەر چ بیانوویەكەوە بێت دەبێ هێرشەكان‮ ‬ڕابوەستێنرێ‮ . ‬هەروەها پێشمەرگەی‮ ‬دێرینی‮ ‬پارتی‮ ‬و كەمئەندامی‮ ‬سەنگەر دكتۆر فەلاح ئەبوبەكر بۆ خەبات گوتی‮: ‬لەم گردبوونەوەیەماندا داواشمان كرد كۆمەڵگەی‮ ‬نێودەوڵەتی‮ ‬بێنە دەنگ و چیتر تەماشاكارو بێ دەنگ نەبن لە بەردەوامی‮ ‬ئەم‮ ‬ڕەوشە،‮ ‬چونكە دەبێتە جینۆساید و ماڵوێرانییەكی‮ ‬تر بۆ گەلی‮ ‬كورد و كوردستان‮. ‬

لە كۆتاییشدا خاتوو چیمەن نەقشبەندی‮ ‬بەرپرسی‮ ‬كۆمیتەی‮ ‬ڕێكخستنی‮ ‬پارتی‮ ‬ئازادی‮ ‬كوردستان لە هۆڵەندا بۆ خەبات گوتی‮: ‬ئێمە ئەمڕۆ شان بەشانی‮ ‬پارتە كوردستانییەكان و‮ ‬ڕەوەندی‮ ‬كورد و بەشێكی‮ ‬بەرچاو لە ئەندام و لایەنگرامان بەشداربووین و پشتگری‮ ‬خۆمان دەربڕی‮ ‬بۆ عەفرین و سەركۆنەی‮ ‬هێڕشەكانمان كرد بۆ سەر پارچەیەكی‮ ‬تری‮ ‬كوردستان،‮ ‬لەگەڵ ئەوەشدا پارتەكەمان هەڵوێستی‮ ‬خۆی‮ ‬بەفەرمی‮ ‬دەربڕیوە كە ئەگەر پێویست بكات پێشمەرگەكانیان بەشداردەبن لەبەرگریكردن لە عەفرین،‮ ‬بەم شێوەیە لە كەشو هەوایەكی‮ ‬ساردو ئارام و پارێزگاریكردنی‮ ‬پۆلیسی‮ ‬هۆڵەندیدا لەگەڵ گەیاندنی‮ ‬پەیامەكەیان بەپەرلەمانی‮ ‬هۆڵەندا گردبوونەوەكە كۆتایی‮ ‬هات‮.‬

 
چاپکردن   Share گه‌ڕانه‌وه‌