2018-01-20

خەبات‮: ‬توانا زرار

شاعیری‮ ‬لاو‮ ‬ئاراس گەبەیی، لە گوندی‮ ‬گەبەی‮ ‬سەر بەپارێزگای‮ ‬سلێمانی‮ ‬چاوی‮ ‬بەدونیا هەڵهێناوە،‮ ‬وەك خۆی‮ ‬لەدیمانەیەكی‮ ‬رۆژنامەی‮ ‬خەباتدا ئاماژەی‮ ‬پێدەكات و دەڵێت‮: ‬لە ساڵی‮ ‬1988‮ ‬لە دایكبووم،‮ ‬ئاستی‮ ‬خوێندەواریم باشە تەنیا چەند‮ ‬ساڵێك خوێندومە لەبەر شەڕی‮ ‬ناخۆ نەمتوانی‮ ‬خوێندن تەواو بكەم، ساڵی‮ ‬1996‮ ‬ئاوارەی‮ ‬هەولێر بووین ئیستا نیشتەجێی‮ ‬شاری‮ ‬هەولێرم، پیشمەرگەم‮ ‬لە لیوای‮ ‬یەكی‮ ‬فەوجی‮ ‬چواری‮ ‬پیادە‮.‬

تێكەڵ بوونیشم بەبواری‮ ‬شیعر دەگەڕێتەوە بۆ تەمەنی‮ ‬15 ساڵی،‮ ‬هەمیشە حەزم لە شیعر نووسین و خوێندنەوەی‮ ‬شیعر كردووە،‮ ‬بەڵام لەساڵی‮ ‬2014 ەوە دەتوانم بڵێم زیاتر پەرەم بە نووسینی‮ ‬شیعردا‮.‬

* لە كوێوە لە دەرگای‮ ‬شیعرتدا؟

لەدەرگای‮ ‬عەشقەوە،‮ ‬كاتێ عاشق بووم زیاتر لەنێو بوارەكەدا قاڵبوومەوە‮. ‬

* لای‮ ‬تۆ شیعر بەرجەستەكردنی‮ ‬هەستە‮ ‬یان زادەی‮ ‬بیر؟

هەركاتێكیش شیعر دەنووسم لەناخەوە هەست بەئاسوودەیی‮ ‬دەكەم‮. ‬شیعر نووسین لای‮ ‬من هەست و بیرە‮. ‬دوای‮ ‬نووسینی‮ ‬هەر شیعرێ هەست بەئاسودەیی‮ ‬ناخم ئەكەم‮.‬

* چۆن دەڕوانیتە ئەزموون و بەرهەمی‮ ‬شاعیرە لاوەكانی‮ ‬وەك خۆت؟‮ ‬

زۆربەی‮ ‬هەرە زۆری‮ ‬لاوی‮ ‬هەست جوان و وشە زێرینن،‮ ‬من هیوای‮ ‬زۆرم پێیانە بۆ ئایندە لاوانێكی‮ ‬زۆری‮ ‬شاعیر دەركەون و بێنە مەیدان‮.‬

* شتێ هەیە بەناوی‮ ‬شاعیری‮ ‬پیر‮ ‬یان گەنج‮ ‬یان شیعری‮ ‬مێینە،‮ ‬یاخود شیعر هەر شیعرە و هیج جیاواییەك نییە؟‮ ‬

بێگومان جیاوازی‮ ‬زۆر هەیە،‮ هەرشاعیرە و بەجۆرێ ئەنوسێ، هەیە لەسەر نیشتمان ئەنوسێ، هەیە لەسەر سۆزی‮ ‬ژن ئەنوسێ، هەیە لەسەر بێ وەفایی‮ ‬و دابڕان ئەنوسێ،‮ ‬جیاوازی‮ ‬زۆر هەیە‮. ‬

* زیاتر لە شیعرەكانت تەركیزت كردۆتە سەری‮ ‬چی؟‮ ‬

تەنیا حەزدەكەم شیعر لەسەر خۆشەویستی‮ ‬بنوسم‮ ‬،‮ ‬زۆربەی‮ ‬هەرە زۆری‮ ‬شیعرەكانیشم لەسەر خۆشەویستی‮ ‬و عەشقە‮.‬

* كۆی‮ ‬بەرهەمە شیعرییەكانت بەچاپت گەیاندوون چەند بەرهەمە،‮ ‬پرۆژەی‮ ‬ئایندەت چییە؟

شیعرەكانم چاپ نەكردووە لەبەر شەڕی‮ ‬داعش و ئەم قەیرانە‮، پەنا بەخوا ئەگەر دەرفەت هەبێت لە داهاتوو بەتەمام چاپیان بكەم، ئیستا لەرێی‮ ‬پەیجەكەمەوە‮ ‬ڕۆژانە شیعرەكانم پۆست ئەكەم و هەوادارێكی‮ ‬زۆرم هەیە كە بەردەوام چاوەڕوانی‮ ‬شیعری‮ ‬تازەم لێدەكەن‮. ‬منیش بەشیعرەكانم ئاوێزانی‮ ‬دونیای‮ ‬خەیاڵیان دەكەم‮.‬

 
چاپکردن   Share گه‌ڕانه‌وه‌