2018-01-14

بەكر كەریم حەسەن‮

نووسەر و‮ ‬ڕەخنەگر و شاعیری‮ ‬بەریتانی‮ ‬سموئیل جونسون دەلێ‮" ‬متمانە بە خۆبوون‮ ‬یەكەمین پێداویستی‮ ‬ئیشەگەورەكانە‮"..‬ واتە هەر كات بمانەوێت كارێكی‮ ‬گەورە‮ ‬ئەنجام بدەین سەرەتا دەبێ بڕوا و متمانەی‮ ‬تەواومان بەخۆمان هەبێت،‮ ‬گەر تاقیكردنەوە بە نموونە وەربگرین گومانی‮ ‬تێدانییە تاقیكردنەوەكان هەردەم بۆ ژمارەیەكی‮ ‬زۆر لە قوتابیان بۆتە مایەی‮ ‬دوو دڵی‮ ‬و‮ ‬ڕاڕایی‮ ‬و بێزاری‮ ‬و ترسی‮ ‬زۆر‮ ‬،‮ ‬هەندێ‮ ‬جار وا كاریان‮ ‬لێدەكات خەونی‮ ‬بەترس ببینن و لە خەو‮ ‬وا دەزانن دوا كەوتوون بۆ تاقیكردنەوەكان و لە بیر چوونەوە و دڵتەنگی‮ ‬و خواردن و نەخواردن و شتی‮ ‬تر‮.‬

پێویستە سەرەتا قوتابی‮ ‬ئەوپەری‮ ‬متمانە و بڕوای‮ ‬بە خۆی‮ ‬هەبێت و هەرگیز نەترسێ و لە وانەكان‮ ‬بگات و باشی‮ ‬خوێندبێ و هەندێ كار هەیە پێویستە پێش تاقیكردنەوەكان تا كۆتاییان دێت جێ بەجێ‮ ‬یان بكات،‮ ‬وەكو كات دابەشكردن و هەبوونی‮ ‬خشتەی‮ ‬خوێندن تەلەفزیۆن و ئەنتەرنێت بە گشتی‮ ‬بەلاوە بنرێت قوتابی‮ ‬بە لایانەوە نەچێ زوو نووستن و بەیانیان زوو لە خەو هەستان هەندێ جوولەی‮ ‬وەرزشی‮ ‬كەم و هەرگیز نابێ بە برسیەتی‮ ‬بچیتە تاقیكردنەوەكان بەڵكو خواردن‮ ‬یان شیرینی‮ ‬بخوات و لە پێش دەستپێكردنی‮ ‬تاقیكردنەوەكان زۆر گفت وگۆ لەگەڵ قوتابیان نەكات و هەوڵ نەدان بە كاتێكی‮ ‬كورت پێداچوونەوە بە هەموو بابەتەكان بكاتەوە،‮ ‬بەڵكو پیشوویەك و هێمنی‮ ‬پێویستە بۆ قوتابی‮ ‬پێش تاقیكردنەوەكان دەستی‮ ‬پێ بكات كە چووە ژووری‮ ‬تاقیكردنەوە ئەوپەری‮ ‬متمانەی‮ ‬بە خۆی‮ ‬هەبێت كە دادەنیشێ ئاسوودە بێت و‮ ‬ڕاڕا نەبێت هەرگیز نەترسێت،‮ ‬وا متمانەی‮ ‬بەخۆی‮ ‬هەبێت كە زۆر بە ئاسان سەیری‮ ‬تاقیكردنەوەكان بكات كە پرسیارەكان دەبینێ هیچ نەشلە ژێ سەرەتا ئەوەی‮ ‬دەزانێ وەڵامی‮ ‬بداتەوە كە دیتی‮ ‬وا قوتابیان دەردەچن و تەواو بوونە بە هیچ شێوەیەك نابێ سەخلەت ببێ پەلە پەڵ بكات خۆ ئەوەی‮ ‬زوو دەردەچێ ناچێ میدالیا وەربگرێ‮ ‬،‮ ‬بەڵكو وەرگرتنی‮ ‬میدالیا و دەرچوون لەو كاتەدا‮ ‬تۆ‮ ‬یەكلای‮ ‬دەكەیتەوە كە بە بڕوا بە خۆبوون وەڵامی‮ ‬سەرجەم پرسیارەكان دەدەیتەوە و بە شێنەیی‮ ‬ئینجا دەردەچی‮ ‬،‮ ‬كە ئەو تاقیكردنەوە تەواو بوو بە هیچ شێوەیەك نابێ بیری‮ ‬لێ بكەینەوە‮ ‬ئەوە‮ ‬ڕۆیشت بووە‮ ‬ڕابردوو‮ ‬تاقیكردنەوەی‮ ‬ترت هەیە دەبێ ئەوەیان باشتر بی‮ ‬ئیتر‮ ‬،‮ ‬وە هەروەها‮ ‬تا تاقیكردنەوەكان تەواو دەبن بزانە قۆناغێكی‮ ‬هەستیاری‮ ‬قوتابیە بۆ پەڕینەوە لە قۆناغێك بۆ قۆناغی‮ ‬دوای‮ ‬ئەوە ئەوەش بزانە تاكە سوودمەندی‮ ‬پاشە‮ ‬ڕۆژ خودی‮ ‬خۆتی‮ ‬و تۆش نە‮ ‬یەكەم كەسی‮ ‬نە دوا كەسی‮ ‬تاقیكردنەوە ئەنجام دەدەی‮ ‬،‮ ‬وە من لێرە كە ئەو دێرە دەنووسم دڵنیام زۆر سەركەوتوو دەبی‮ ‬و متمانەی‮ ‬تەواو پێت هەیە ساڵی‮ ‬تر لە قۆناغی‮ ‬تر خۆت دەبینیتەوە لە هەمان كات دەبیتە مایەی‮ ‬شانازی‮ ‬بۆ كەس وكارت ئەوانیش پێویستە ئەو ماوەیەی‮ ‬تاقیكردنەوەكان زۆر‮ ‬ڕەچاوی‮ ‬تۆ بكەن لە هەموو‮ ‬ڕوویەكەوە بە تایبەتی‮ ‬خێزانەكان سەردان و سەردانی‮ ‬كردن و دەرچوون‮ ‬ڕابگرن‮ ‬تا منداڵەكانیان لە تاقیكردنەوەكان تەواو دەبن گەر گیروگرفت و كێشەش هەبێا دوای‮ ‬بخەن و بەلاوەی‮ ‬بنێن خۆی‮ ‬هەموو مالێك كاتی‮ ‬تاقیكردنەوەكان گەر قوتابیان هەبێت ژینگەی‮ ‬ماڵ گۆڕانكاری‮ ‬بە سەردادێت هەموویان دڵیان لای‮ ‬منداڵەكانیانە و چاودێری‮ ‬دەكەن و حەز دەكەن هەموو شتی‮ ‬بۆ فەراهەم بكەن و تەنها منداڵەكانیان بخوێنێ‮ ‬،‮ ‬بێگومان هیواو ئاواتی‮ ‬هەموو خێزانێك دەرچوونی‮ ‬منداڵەكانیانە‮.‬

دەمەوێ بە كورتی‮ ‬ئاماژە بە‮ ‬ڕۆلی‮ ‬مامۆستا و قوتابخانە بدەم هەرگیز مامۆستا لە هەوڵی‮ ‬ئەوە دا نەبێت گرانترین و قورسترین پرسیار بۆ قوتابیەكانی‮ ‬بهێنێتەوە‮ ‬لە بیری‮ ‬نەچێ بەرهەمی‮ ‬مامۆستا قوتابیەكانیەتی،‮ ‬مامۆستای‮ ‬بەرێز وا تەماشای‮ ‬تاقیكردنەوەكان مەكە كە تاكە پێوەری‮ ‬دەرچوونی‮ ‬قوتابی‮ ‬بێت‮ ‬،‮ ‬بەڵكو بە درێژایی‮ ‬ساڵ‮ ‬بە هەموو ووردەكارییەكانیەوە پێوەری‮ ‬دەرچوونە،‮ ‬بەڵام لە تاقیكردنەوەكان هەوڵ بدرێ پرسیاری‮ ‬ڕوون و تێگەیشتوو بۆ قواتبی‮ ‬بهێنرێتەوە ئەوەی‮ ‬گرنگە كەشێكی‮ ‬لە بارو‮ ‬ڕەخساو بۆ قوتابی‮ ‬درووست بكرێ هەموویان وەكو‮ ‬یەك هەرگیز مامۆستای‮ ‬بەرێز لە كاتی‮ ‬تاقیكردنەوەكان تەوفەكردن و چاك و چۆنی‮ ‬و چوونە لای‮ ‬هەندێ قوتابی‮ ‬و قسە لەگەڵ كردنی‮ ‬هەندێكیان لە بەرچاوی‮ ‬ئەوانی‮ ‬تر هەلەیە نابێ بكرێ‮ ‬،‮ ‬بەڵكو كاتی‮ ‬تاقیكردنەوەكان‮ ‬گەر منداڵەكەت لە هۆڵەكە بوو ئەوانی‮ ‬تر نەزانن تۆ‮ ‬ڕەچاوی‮ ‬دەكەی‮ ‬بەڵكو هەموویان قوتابین‮ ‬،‮ ‬وە دڵنیام مامۆستایانی‮ ‬بەرێز شارەزاو و خاوەن ئەزموون و ویژدانن متمانە و بڕوا زیاتر دەبەخشنەوە خودی‮ ‬قوتابیەكان دووردەكەنەوە لە خۆ تووڕەكردن و قیژاندن و هاوار بە سەر كردن كە بێگومان شلە ژایی‮ ‬و ترساندن بە سەر كۆی‮ ‬قوتابیەكان درووست دەكات و ئەوەی‮ ‬دەیزانن لە بیریان دەچێتەوە‮ ‬،‮ ‬بەڵكو پێویستە بە زمانی‮ ‬شیرین و پەروەردەیی‮ ‬ڕەفتاریان لەگەڵ بكرێ و پێداویستیەكانیان بۆ فەراهەم بكرێ و ئەوپەری‮ ‬ئاسوودە بن لە هۆڵی‮ ‬تاقیكردنەوەكان،‮ ‬چونكە ئەو تاقیكردنەوانە چارەنووسییە بۆ قوتابیەكان‮ ‬،‮ ‬بەڵام بۆ مامۆستایان بەرێ كردنی‮ ‬چەند كاتژمێرێكە‮ ‬بۆقوتابیان پەڕینەوەی‮ ‬سالێكە بۆ خێزانەكانیش هیوا و خۆزگەیانە لە بیرمان نەچێت هەموومان قوتابی‮ ‬بووین‮.‬

❊ ‬ماستەر لە كارگێری‮ ‬پەروەردەیی

 
چاپکردن   Share گه‌ڕانه‌وه‌