2018-01-10

ساڵح محەمەد تەیرۆ
ئەڤا كو لڤان چەند رۆژان تێنە روویدان ل ئیرانێ ب بوچوونا من دەستپێكا هەول و بزاڤێن هندەك لایەنێن سەر ب بالێ توندرەو بوو ل دژی‮ ‬حكومەتا روحانی،‮ ‬هەلبەت ئارمانج ژی‮ ‬یا دیارو بەرچاڤە كو دڤێن بڤێ رێكێ واتە ب رێكا خۆنیشاندنا حكومەتا روحانی‮ ‬بهەلوەشینن و حكومەتەكا دی‮ ‬پێك بینن و لدویڤ دروشمێن تێنە بلندكرن دڤان خۆنیشاندانا داخازا ئازادی‮ ‬و ژیانی‮ ‬دكەن‮.‬ دیسان داخازدكەن كو ئەو خەرجیاتێن لدەرڤەیی‮ ‬ئیرانێ بو دەولەتێن مینا سوریا و عیراقێ و لوبنان و‮ ‬یەمەن‮ ‬تێنە خەرج كرن بۆ خەلكێ ئیرانێ بهێنە خەرجكرن و بارێ ئابوری‮ ‬یێ ژیانا وان بەرەڤ باشتر بن،‮ ‬لێ دیارە و ئەگەر بوو باران دێ بیتە قوڕ‮ ‬ژی،‮ ‬لەوما رۆژ ب رۆژێ ئەڤ خۆپیشاندانە‮ ‬یێن بەرفرەهتر دبن و تا رادەیەكێ ژی‮ ‬ل دەستێت وان دەرچوویە و ئاراستەیەكا دی‮ ‬وەرگرتی‮ ‬یە كو ئەو ژی‮ ‬داخازا هەرفاندنا رژێما ئیرانێ دكەن،‮ ‬هەلبەت هەرفاندنا سیستەمێ هەرفاندنا رژێما ئیرانێ دڤان كاوداناندا كارەكێ ئاسان نیە وگەلەكی‮ ‬ب زەحمەتە ژی‮ ‬لبەر چەندین ئەگەرا مینا ئیران دەولەتەكا بهێزە ژ ئالیەكێ ڤە و ئەڤ خۆنیشاندانە ژی‮ ‬وەكو پێدڤی‮ ‬د رێكخستی‮ ‬نینە و چ هێزێن زلهێز پشتەڤان نینە و راستەوخو پشتەڤانیا ڤان خۆپیشاندانا بكەن‮ ‬و سوپا ژی‮ ‬پشكداری‮ ‬نیە وەكو پێدڤی‮ ‬دگەل ڤان خۆنیشاندانا،‮ ‬دیسان لسەر ئاستێ نافخۆیی‮ ‬ودەڤەرێ ژی‮ ‬هاوكێشەیێن سیاسی‮ ‬زوی‮ ‬ب زوی‮ ‬تێنە گوهرین كو زورجاران ل هزرو تەوقعاندا نیە هەلویست و گۆڕانكاریی‮ ‬تێنە د ئارادا،‮ ‬خالەكادی‮ ‬فەرە ئاماژێ پێ بكەم كو روسیا ب هەمی‮ ‬شیانێن خوڤە‮ ‬یێ بەرگریێ ل رژێما ئیرانێ دكەتن و دگەل هندێ دایە كو بمینتەڤە هەروەكە چەوا هەر ل راپەرینێن خەلكێ سوریا ل دژی‮ ‬رژێما سوریا روسیا دگەل مانەڤا رژێما بەشار ئەسەدی‮ ‬بوو،‮ ‬بەریتانیا ژی‮ ‬ل دژی‮ ‬ڤان خۆپیشاندانادایە و دڤێن رژێما ئیرانێ بمینیت‮. ‬لەوما فەرە كۆ كورد ب گشتی‮ ‬و نەمازە كوردێن كوردستانا رۆژهەڵات لەزێ نەكەتن و خەلكێ خۆ ژی‮ ‬ب كوشتن نەدەتن و فەرە ژی‮ ‬تەماشەڤان بین و تاكو بزانین دێ چ هێـتە روویدان و ئەڤ ئاراستەیە دێ بەرەڤ كێڤە چن و چ بەرهەم هەبن،‮ ‬هەروەتوف پێدڤی‮ ‬یە كورد باش بزانیت و بڤێتن‮ ‬یان نەڤێتن رژێما ئیرانێ ب وان ناهێتە هەرفاندن و ب وان بەردەوام ژی‮ ‬نابیتن،‮ ‬لێ‮ ‬یاكۆ ئەڤان هاوكێشەیان ئێكلا دكەتن باژێرێن مەزنن و نەمازە پایتەختێ ئیرانێ كو تەهرانە و‮ ‬یێن دی‮ ‬و پشتەڤانێن راستەوخو‮ ‬یێن دەولەتێن زلهێز و رێكخستنەكا ب رێكوپێك و پشكداریا هێزێن لەشكری‮ ‬و نەمازە سوپایێ پاسداران كو بهێزنترین هێزە دناڤ لەشكرێ ئیرانێ دا،‮ ‬لەوما فەرە كو كوردێن رۆژهەلات بەریا هەر تشتەكێ بەرەیەكێ كوردستانێ ئاڤا بكەن و خۆ بەرهەڤ بكەن و تەماشەڤانێن ڤان روویدانا بن تاكو بزانن ئەنجام دێ گەهنە كێری،‮ ‬چونكە‮ ‬یا خویایە كو تا نها ب هیچ شێوەیەكێ حكومەتا هەرێما كوردستانێ مایتێكرن د نافخۆیا هیچ دەولەتەكا دەوروبەردا نەكری‮ ‬یە و نەڤیایە ژی‮ ‬ئەو ببنە سەدەم بۆ نەسەقامگیریا ئارامیێ ل ڤان دەولەتێت جیران و هەردەم رێز ژی‮ ‬ل هەڤبەندیێن خودا گرتی‮ ‬یە بەرامبەر دەولەتێن دەوروبەر و سەرەرای‮ ‬ماتێكرنێن وان د هەرێما كوردستانێ دا،‮ ‬چەوا لڤێ دویماهیكێ ئیرانێ حكومەتا هەرێما تاوانبار كر گوایە ئەڤ رێككەفتنە ل پایتەختێ هەرێما كوردستانێ هاتیە كرن،‮ ‬بەرسڤا حكومەتا هەرێمێ ژی‮ ‬بۆ وان‮ ‬یا دیار و بەرچاڤ بوو،‮ ‬ڤێجا باشتر ئەوە كو كورد تەماشەڤان بن نەك لایەنگیر و نەك دژ و ئەز باوەرم ژی‮ ‬ئەڤ خۆپیشاندانە دێ بۆ دەمەكێ درێژ ڤەكێشن ئەگەر بڤی‮ ‬رەنگی‮ ‬برێڤە بچن چونكە من لسەری‮ ‬ئاماژە ب ئەگەرێن وان دایە‮.‬

 
چاپکردن   Share گه‌ڕانه‌وه‌