2018-01-08

وه‌زاره‌تى كار و كاروبارى كۆمه‌ڵايه‌تى عێراق رايگه‌ياند، له‌ ئێستادا چوار مليۆن هاووڵاتى عێراقى له‌ ژێر هێڵى هه‌ژاريدان و له‌ لايه‌ن حكومه‌ته‌وه‌ هاوكارى ده‌كرێن.

له‌ به‌ياننامه‌يه‌كدا، وه‌زيرى كاروكاروبارى كۆمه‌ڵايه‌تى عێراق محه‌ممه‌د شياع رايگه‌ياند، ده‌وڵه‌ت پابه‌ندى ده‌ستوورى و شه‌رعى له‌سه‌ره‌ بۆ چاودێرى و هاوكاريكردنى زياتر له‌ چوار مليۆن هاووڵاتى هه‌ژار و دابينكردنى لانيكه‌مى ژيانى رۆژانه‌ بۆيان.

گوتيشى: له‌ كۆبوونه‌وه‌كانى حكومه‌تدا هه‌وڵمانداوه‌ بڕى ئه‌و هاوكارييانه‌ زياتر بكه‌ين كه‌ بۆ كۆمه‌كى هه‌ژاران ته‌رخانكراوه‌.

داواشى كرد، داموده‌زگا و رێكخراوه‌ خێرخوازى و مه‌ده‌نييه‌كان هه‌وڵه‌كانيان يه‌كخه‌ن بۆ به‌ره‌نگاربوونه‌وه‌ى هه‌ژارى.

روونيشيكرده‌وه‌، سه‌رچاوه‌ى هه‌ژارى و نه‌دارى هاووڵاتيانى عێراق بوونى گه‌نده‌ڵى و به‌هه‌ده‌ردانى سامان و نه‌مانى هه‌لى كاره‌.

په‌ره‌سه‌ندنى هه‌ژارى له‌ عێراقدا هاوكاته‌ له‌گه‌ڵ زيادبوونى رێژه‌ى هه‌نارده‌ى نه‌وتى خاو بۆ بازاره‌كانى جيهان.

عێراق يه‌كێكه‌ له‌ وڵاته‌ ده‌وڵه‌مه‌نده‌كان به‌ سامانى نه‌وت و كانزاكان.


K24
 

 
چاپکردن   Share گه‌ڕانه‌وه‌