2018-01-07

هاوڕێ كەمال‮‬

ساڵی‮ ‬2017 ساڵی‮ ‬قەیران و ناخۆشی،‮ ‬ساڵی‮ ‬داگیركردنی‮ ‬كەركوك و جینۆسایدكردنی‮ ‬دوز خورماتو و تەعریبكردنی‮ ‬دەشتەكانی‮ ‬دوبز و داقوق و پردێ و مەخمور و،‮ ‬ساڵی‮ ‬لەدەستدانی‮ ‬زۆرێك لە سەرچاوە ئابوورییەكانی‮ ‬كوردستان و،‮ ‬ساڵی‮ ‬ئابلۆقەی‮ ‬دارایی‮ ‬و داخستنی‮ ‬سنوورەكان و،‮ ‬ساڵی‮ ‬لێكترازانی‮ ‬سیاسی‮ ‬و خیانەت و لەكەداركردنی‮ ‬شكۆی‮ ‬ئاڵا و پێشمەرگە بوو‮.‬

بەڵام ئەمانە هەمووی‮ ‬دەبنە رابردوو و گۆڕانكاریان بەسەر دێت لەگەڵ گۆڕانی‮ ‬هاوكێشە ناوخۆیی‮ ‬و نێودەوڵەتییەكان و هیچ كامیان جێگیر نابن و بەڵكو هەندێكیان هەر ئاماژەی‮ ‬پێ ناكرێت لە ئەرشیفەكان،‮ ‬ئەوەی‮ ‬كە دەچێتە نێو ئەرشیفی‮ ‬رێكخراوە نێودەوڵەتییەكان و گەلانی‮ ‬دونیا و دەبێتە بابەتی‮ ‬توێژینەوەو دیراساتی‮ ‬یاسایی‮ ‬و سیاسی‮ ‬لە سەرانسەری‮ ‬دونیا ریفراندۆمەكەی‮ ‬خەڵكی‮ ‬كوردستانە لە ساڵی‮ ‬2017،‮ ‬هەر وەك چۆن لە سەردەمی‮ ‬نوێدا حكومەتی‮ ‬مەلیك مەحمود و كۆماری‮ ‬كوردستان لە مەهاباد بوون بە ناسنامەی‮ ‬ئازادی‮ ‬وسەربەخۆیی‮ ‬گەلێك و هاوكات پەڵەیەكی‮ ‬رەش بە نێوچەوانی‮ ‬ئەو وڵات و رێكخراوانەی‮ ‬خۆیان بە پاسەوانی‮ ‬دیموكراسییەت و ئازادی‮ ‬و مافی‮ ‬چارەی‮ ‬خۆنووسینی‮ ‬گەلان دەزانن،‮ ‬بە هەمان شێوە ریفراندۆمی‮ ‬خەڵكی‮ ‬كوردستان بووە مایەی‮ ‬شانازی‮ ‬بۆ خەڵكی‮ ‬كوردستان و شەرمەزاری‮ ‬بۆ ئەو وڵاتە بەناو دیموكراسیخوازانە كە گەلێك رای‮ ‬خۆی‮ ‬بە شێوازێكی‮ ‬مەدەنییانە و ئاشتییانە دەربڕی‮ ‬و داوای‮ ‬مافێكی‮ ‬سەرەتایی‮ ‬خۆی‮ ‬كرد وەك هەموو گەلانی‮ ‬جیهان بەڵام بە ناشرینترین شێوازی‮ ‬سەردەم بە بەرچاوییاندا سەركوتكرا وبێ دەنگیان هەڵبژارد‮.

‬ئێستا هەندێك لە كورد لە ژێر كاریگەری‮ ‬حزبی‮ ‬یان ئەجیندای‮ ‬دەرەكی‮ ‬یان باری‮ ‬ئابوری‮ ‬و دەروونی‮ ‬ریفراندۆم بە كارەسات و هەڵەی‮ ‬مێژووی‮ ‬ناو دەبەن،‮ ‬بەڵام لە دواڕۆژدا ئەزانن كە مەزنی‮ ‬و گرنگی‮ ‬ئەم پرۆسەیە لە چیدا بووە وچۆن دەبێتە بەڵگەنامەی‮ ‬بەدیهێنانی‮ ‬مافەكانیان وەكو تاپۆیەكی‮ ‬شەرعی‮ ‬بەدەستیانەوە و ریفراندۆم دەبێتە رەحمی‮ ‬سەربەخۆیی‮ ‬و دەوڵەت،‮ ‬باشترین بەڵگەش لەسەر ئەمە دژایەتیكردنی‮ ‬وڵاتانی‮ ‬داگیركەری‮ ‬كورستانە بۆ ریفراندۆم،‮ ‬چونكە باش دەزانن ریفراندۆم باشترین و سەردمییانەترین رێگایە بۆ بەدیهێنانی‮ ‬مافەكانی‮ ‬خەڵكی‮ ‬كوردستان و رزگاربوون لە ژێردەستەیی‮ ‬و كە ئەمەش لەگەڵ بەرژەوەندی‮ ‬و خواستی‮ ‬ئەوان ناگونجێ بۆیە بە هەموویانەوە حەلقەیان لە دەوری‮ ‬خەڵكی‮ ‬كوردستان و ریفراندۆمیان گرێدا و بە كارەسات و مەترسی‮ ‬ناویان برد،‮ ‬چونكە باش لە هێزە‮ ‬یاسایی‮ ‬و سیاسییەكەی‮ ‬تێدەگەن‮.

‬هەر بۆیە دەبێت خەڵكی‮ ‬كوردستان لە هەڵوێستی‮ ‬دوژمنانەوە بزانێت كە ریفراندۆم چەند كارێكی‮ ‬مەزن بوو و كاری‮ ‬مەزنیش بێ گومان لێكەوتەی‮ ‬لێ دەبێتەوە بەڵام هیچ كارێكی‮ ‬مەزن لە ئانوساتە سەرەتاییەكانییەوە هەڵناسەنگێندرێت بەڵكو ئەوە لە ئایندەدا مێژوونووسانی‮ ‬جیهانن پێمان دەڵێن ئەم كارە لە كوێی‮ ‬كتێبەكانییان و لە ژێر چ ناونیشانێكەوە دەنووسرێت‮. ‬كۆمەڵگا پێشكەوتووە زیندووەكان باشتر درك بە گرنگی‮ ‬ئەم پرۆسەیە دەكەن،‮ ‬باشترین نمونە گەلی‮ ‬كەتەلۆنیا بوو كە پاش ئەنجامدانی‮ ‬ریفراندۆمەكەیان توشی‮ ‬سەركوتكردنێكی‮ ‬نێودەوڵەتی‮ ‬بوون هاوشێوەی‮ ‬گەلی‮ ‬كوردستان بەڵام پاشان لە هەڵبژاردنەكانی‮ ‬ئەو هەرێمە هەمان ئەو پارت و لایەنە سەربەخۆخوازانە زۆرترین‮ ‬دەنگی‮ ‬هاوڵاتیانیان بە دەستهێنایەوە،‮ ‬ئەمەش باشترین بەڵگەبوو بۆ هەموو جیهان كە داوای‮ ‬رەوای‮ ‬گەل و دەنگی‮ ‬حەق بە سەركوتكردن دانامركێتەوە بەڵكو خەڵك سورتر دەبن لەسەر داوای‮ ‬مافەكانیان‮.‬

‮ ‬ریفراندۆمی‮ ‬خەڵكی‮ ‬كوردستان لە زۆربەی‮ ‬سایت و كەناڵە جیهانییەكان بە رووداوێكی‮ ‬مێژووی‮ ‬لە قەڵەم درا كە دوایینیان راپۆرتێكی‮ ‬كەناڵی‮ (‬الجزیرە‮)‬ی‮ ‬عەرەبی‮ ‬بوو كە باس لە گرنگترین رووداوەكانی‮ ‬ساڵی‮ ‬2017‮ ‬دەكات كە تێیدا ئاماژەی‮ ‬بە ریفراندۆمی‮ ‬خەڵكی‮ ‬كوردستان كردووە و بەمەش دەردەكەوێت كە ریفراندۆمی‮ ‬خەڵكی‮ ‬كوردستان بووە رووداوێكی‮ ‬مێژوویی‮ ‬وسڕینەوەی‮ ‬مەحاڵە و نە بە دادگایەكی‮ ‬نۆ دادوەری‮ ‬و نە بە حكومەتێكی‮ ‬تائیفی‮ ‬و نە بە دەوڵەتانی‮ ‬دراوسێ و نە بە رێكخراوە نێودەوڵەتییەكان تەنانەت بە حكومەت و حزبە كوردییەكانیش ناتوانن تیری‮ ‬سەربەخۆیی‮ ‬كە لە كەوانی‮ ‬ریفراندۆمەوە دەرچوو بیگێڕنەوە‮!.‬

‮❊ ‬ماستەر لە‮ ‬یاسای‮ ‬دەستوری

 
چاپکردن   Share گه‌ڕانه‌وه‌