2018-01-06

خه‌بات‮: ‬هێمن گردەچاڵی

سەرەتای‮ ‬دامەزراندنمان بۆ‮ ‬27/4/2017 ‮ ‬دەگەڕێتەوە،‮ ‬مۆڵەتی‮ ‬رەسمیمان لە وەزارەتی‮ ‬ناوخۆ و پارێزگای‮ ‬هەولێر وەرگرتووە،‮ ‬سەنتەرەكەمان لەگەڵ گرووپەكانی‮ ‬تر جیاوازی‮ ‬ئەوەیە كە سەنتەری‮ ‬بارزان بۆ ژینگەپارێزی‮ ‬و شاخەوانی‮ ‬جیاواز لە سەنتەرەكانی‮ ‬تری‮ ‬شاخەوانی‮ ‬گرینگی‮ ‬بە ژینگەش دەدەین و لەگەشتەكانماندا،‮ ‬گەشتەوان و شاخەوانەكان لەسەر چۆنیەتی‮ ‬پاراستنی‮ ‬ژینگەی‮ ‬كوردستان رایاندەهێنین،‮ ‬لە كۆنەوە لە ناوچەی‮ ‬بارزان گرینگی‮ ‬بە ژینگەدراوە وەك لە سەر دەستی‮ ‬شێخ ئەحمەد بارزانی‮ ‬كە دەبێت هەموو لایەنەكانی‮ ‬ژینگە لەم دەڤەرە پارێزراو بێت،‮ ‬ئەمانە وتەی‮ ‬دەستپێكی‮ ‬بەڕێز(ئەنوەر دۆڵەمەری‮) ‬سەرۆكی‮ ‬سەنتەری‮ ‬بارزان بۆ ژینگەپارێزی‮ ‬و شاخەوانی‮ ‬بوو كە لە دەستپێكی‮ ‬دیمانەكە بۆ(خەبات‮)‬ی‮ ‬كرد‮: ‬

*هاوكاری‮ ‬و پاڵپشتییەكانتان لە كوێوەیە؟

بەگوێرەی‮ ‬یاسا دەبێت لەلایەن حكومەتەوە مانگانە هاوكاری‮ ‬بكرێن،‮ ‬بەڵام تا ئێستا لەبەر ئەم بارودۆخەی‮ ‬بەسەر كوردستاندا‮ ‬هاتووە هیچ هاوكارییەك نەكراوین،‮ ‬لێرەوە داوا لە خێرخوازان و كۆمپانیاكان دەكەین كە هاوكاریمان بكەن‮.‬

*كێ بەردەوام لەگەڵتان گەشت دەكات؟

هەموو كەسێك دەتوانێ لەگەڵ ئێمە گەشتی‮ ‬شاخەوانی‮ ‬ئەنجام بدات ئەو كەسەی‮ ‬گەشتی‮ ‬شاخەوانی‮ ‬ئەنجام ئەدا‮. ‬دەبێت لە رووی‮ ‬بیرو هۆش و جەستەوە كامل بێت و لە هەژدە ساڵان بەسەرەوە بێت و گەنج و پیرو هەموو تەمەنێك بۆی‮ ‬هەیە گەشتی‮ ‬شاخەوانی‮ ‬ئەنجام بدا،‮ ‬بەڵام بۆ گەشتی‮ ‬ژینگەیی‮ ‬و گرووپی‮ ‬منداڵان دەبێت منداڵان رابهێنرێن لەسەر پاكڕاگرتنی‮ ‬ژینگە وسروشتی‮ ‬جوانی‮ ‬كوردستان

*كام چین‮ ‬وتوێژ پێویستە بۆ گەشتە شاخاوییەكان لەگەڵتان بن؟

هەموو چین‮ ‬وتوێژێك لە هەردوو رەگەزەكە دەتوانێ ببێتە شاخەوان بەمەرجی‮ ‬ئەوەی‮ ‬تەمەنی‮ ‬لە سەرووی‮ ‬هەژدە ساڵان بێت و لە لایەن دكتۆری‮ ‬سەنتەرەوە رێگەی‮ ‬پێبدرێت كە هیچ كێشەیەكی‮ ‬تەندروستی‮ ‬نەبێت‮ ‬

*تا چەند هاووڵاتی‮ ‬هوشیاری‮ ‬پاراستنی‮ ‬ژینگەیان هەیە وەك دەزانین،‮ ‬جگە لە شاخەوانی‮ ‬ئێوە گرینگی‮ ‬بەلایەنی‮ ‬ژینگەش دەدەن؟

هەر وڵاتێك‮ ‬یان لایەنێك گرینگی‮ ‬بە ژینگە نەدات ئەوە لەڕووی‮ ‬تەندروستییەوە لاواز دەبێت و ژینگەكەی‮ ‬پاك نابێت بۆیە پێویستە هەموو لایەك رۆشنبیر بكرێن بۆ ئەوەی‮ ‬كە لەهەموو كایەكانی‮ ‬ژیاندا بەتایبەتی‮ ‬لە قوتابخانە و ماڵانەوە منداڵان فێربن لەسەر پاراستنی‮ ‬ژینگەی‮ ‬وڵاتەكەیان‮ ‬

*جگە لە ئەوەی‮ ‬ئێوە دەیكەن چیدی‮ ‬پێویستە بۆ ژینگەپارێزی‮ ‬بكرێت؟

ئەوەی‮ ‬زۆر گرینگە لە قوتابخانەكاندا دەبێت‮ ‬وانەی‮ ‬ژینگە هەبێت و مامۆستا وەك وانەكانی‮ ‬تر قوتابیان لەسەر پاراستنی‮ ‬ژینگە رابهێنی‮ ‬و ساڵانە پلان هەبێت لە لایەن حكومەتەوە بۆ ئەوەی‮ ‬ئاستی‮ ‬زانیاری‮ ‬هەموو لایەك بەرزبكرێتەوە بۆ پاراستنی‮ ‬ژینگەی‮ ‬وڵات‮.‬

*چ سەركێشییەكتان هەبووە لەم گەشتە شاخەوانیانە،‮ ‬بەرزترین لوتكەش كە‮ ‬تائێستا پێی‮ ‬گەیشتوون كامەبووە؟

بەرزترین لوتكە كە تا ئێستا ئێمە پێی‮ ‬گەیشتووین لوتكەی‮ ‬چیای‮ ‬هەڵگوردە كە بەرزیەكەی‮ ‬3607 ‮ ‬مەترە‮ ‬سەركێشی‮ ‬ئەوەشمان هەبووە لە كاتی‮ ‬پشووەكانماندا لەبەرزی‮ ‬لوتكەكان بمێنینەوە كە پلەی‮ ‬گەرمی‮ ‬ژێر سفر بووە و ئەوە جگە لەوەی‮ ‬تابەیانی‮ ‬مارێكی‮ ‬گەورە لەگەڵمان لە ناو چادرەكانمان ماوەتەوە ئەوەیە سەر كێشی‮ ‬شاخەوانی‮ ‬لە رووی‮ ‬ژینگەشەوە نابێت ئەم جۆرە گیانلەبەرانە زیانیان بەربكەوێت،‮ ‬شاخەوانی‮ ‬وەرزشێكی‮ ‬نوێیە لە كوردستان،‮ ‬بەڵام پێشوازییەكی‮ ‬باشی‮ ‬لێدەكرێت لەلایەن خەڵكی‮ ‬كوردستان،‮ ‬شاخەوانی‮ ‬پێكدێت لە بەردەوانی‮ ‬و سەهۆڵ و ئەشكەوتەوانی‮ ‬و شاخ و رێڕەوی‮ ‬دۆڵەكان‮ ‬

كەرەستە شاخەوانییەكان تایبەتمەندیی‮ ‬خۆی‮ ‬هەیە،‮ ‬هەر وەرزە و جۆرێكە،‮ ‬دەبێت لەلایەن‮ ‬ئۆفێسی‮ ‬شاخەوانی‮ ‬كە ئۆفێسەكەی‮ ‬لە وڵاتی‮ ‬فەڕەنسایە رێگا پێدراو بێت‮.‬

 
چاپکردن   Share گه‌ڕانه‌وه‌