2017-12-20

ساسان دەروێش
 هۆڵەندا‮ ‬ وێڕای‮ ‬لە خۆگرتنی‮ ‬سەروەرییەكانی‮ ‬گەلی‮ ‬كورد لە مێژووی‮ ‬بزاڤی‮ ‬رزگاریخوازی‮ ‬نەتەوەیماندا،‮ ‬ئافرەتی‮ ‬كوردیش دارێكی‮ ‬باڵانمایی‮ ‬ئەو خەبات و تێكۆشانە بووە كە شانازییە بۆ نەوەكانی‮ ‬داهاتوو،‮ ‬بە هەڵدانەوەی‮ ‬لاپەڕەكانیشی‮ ‬بە هەزاران نموونەی‮ ‬جوان دێنە بەردیدەت،‮ ‬ئەوەتا ئەگەر بڕوانینە مێژووی‮ ‬تەمەنی‮ ‬خاتوو ئەشرەف ئیبراهیم عەبدولرەحمان لێوان لێوە لە خەبات و تێكۆشان و خۆڕاگری‮. ‬لەگەڵ گێژەڵوكەی‮ ‬ڕۆژگار و شەوەزەنگی‮ ‬تاریكی‮ ‬بندەستی‮ ‬داگیركارانی‮ ‬كوردستان هیچ كات نائومێد نەبووە و لە گۆشە نیگایی‮ ‬خۆیی‮ ‬و پەروەردەی‮ ‬خانەوادەكەی‮ ‬بەكوردایەتی‮ ‬بە چرای‮ ‬دەستی‮ ‬رووناكی‮ ‬بەخش بووە بە ئێستاشەوە كە لە دوای‮ ‬ئەوەی‮ ‬نەخۆشی‮ ‬بەرۆكی‮ ‬دەگرێ و راپێچی‮ ‬نەخۆشخانەكانی‮ ‬هۆڵەندای‮ ‬دەكات و دەكەوێتە بەردەم نەشتەرگەری‮ ‬و ئازارێكی‮ ‬زۆری‮ ‬جەستەی،‮ ‬چاو لە كوردستان دەبێت و چۆك بە هەموو ئەو كۆسپانە دێنێ كە قەدەر لە هەناویا بۆی‮ ‬هەڵگرتبوون‮. ‬بۆ زیاتر ئاشنابوون بەم خاتوونە خەبات دیمانەیەكی‮ ‬تایبەتی‮ ‬لەگەڵ سازدا‮: ‬ كوردایەتی‮ ‬وپارتایەتی‮ ‬بووبەبەشێك لە ژیانم خاتوو ئەشرەف تینووی‮ ‬ئازادی‮ ‬بۆ نیشتیمان و كوردایەتی‮ ‬و رەنگدانەوەی‮ ‬لە ژیانیدا چیرۆكێكی‮ ‬بێ كۆتاییە و گوتی‮: ‬زۆر بە كورتی‮ ‬پیاندا تێدەپەرم كە شانازی‮ ‬دەكەم لە مێژووی‮ ‬گەلەكەمدا دڵۆپێك ئاوی‮ ‬دەریای‮ ‬جوان و روونی‮ ‬كوردایەتی‮ ‬بم‮. ‬من لە شارۆچكەی‮ ‬سەنگەسەر و لە خانەوادەیەكی‮ ‬نیشتیمان پەروەر چاوم بە هاواری‮ ‬نیشتیمان و سوتماكی‮ ‬هەڵهێنا وهەر لە منداڵییەوە باوكم وانەی‮ ‬قوتابخانەكەی‮ ‬بارزانی‮ ‬پێ پەیڕەو كردین و ئامۆژگاری‮ ‬و هاندەرم بۆ هەست و حەزی‮ ‬خزمەتكردنم بۆ گەڵ ونەتەوەكەم بوو‮. ‬تەمەنم نزیكەی‮ ‬دەساڵ دەبوو لەگەڵ خانەوادەكەم لەساڵی‮ ‬1974 ئاوارەی‮ ‬شاری‮ ‬نەغەدەی‮ ‬ئێران بووین هەر لەوێ لە ساڵی‮ ‬1979 لە هەمان شار پەیوەندیم كرد بە پارتی‮ ‬دیموكراتی‮ ‬كوردستان ویستم هەنگاو بۆ ئاواتی‮ ‬باوكم و حەزی‮ ‬خۆم بنێم و زۆر سەركەوتوانە توانیم لە نێو ئافرەتان رۆڵێكی‮ ‬كاریگەر ببینم و ببمە بەرپرسی‮ ‬یەكێتی‮ ‬ئافرەتان بە هەڵبژاردن‮ ‬تا ئەو كاتەی‮ ‬لە ریگایی‮ ‬نایاسایی‮ ‬كۆچم كرد بۆ هۆڵەندا لە ساڵی‮ ‬1997 و ماوەی‮ ‬شەش ساڵ بەناڕەحەتی‮ ‬ژیام بێ ئەوەی‮ ‬مافی‮ ‬پەنابەریم هەبێت تا سەرئەنجام بوومە هەڵگری‮ ‬رەگەزنامەی‮ ‬ئەم وڵاتە و دانەبڕام لە خۆشەویستی‮ ‬نیشتیمان و لەبیركردنی‮ ‬رابردووم كە كوردایەتی‮ ‬و پارتایەتی‮ ‬بووبە بەشێك لە ژیانم وئاوێتەی‮ ‬ڕۆح وجەستەم بوو‮.‬ هەنگاوەكان خێراتربوون لە هەڵگرتنی‮ ‬پێیەكانم پاشان خاتوو ئەشرەف لە روانگەی‮ ‬خۆی‮ ‬جیاوازی‮ ‬گەورە نێوان خەباتكردن لە شاخ و تاراوگە دەبینێ و لەو بارەوە گوتی‮: ‬بێگومان ئەو جیاوازییە زۆر بە گەوەریی‮ ‬دەبینیم،‮ ‬وێڕای‮ ‬ئەوەی‮ ‬كە لە ساڵی‮ ‬1997 كە گەیشتمە هۆڵەندا و شەش ساڵ چارەنووسم نادیاربوو پاش ئەو ماوەیە كە مافی‮ ‬پەنابەری‮ ‬و رەگەزنامەی‮ ‬هۆڵەندیم پێدرا،‮ ‬هەنگاوەكان خێراتر بوون لە هەڵگرتنی‮ ‬پێیەكانم بۆ ئەوەی‮ ‬بتوانم بەردەوام بم لە كار و چالاكی‮ ‬و خەبات و نزیك بوونەوە لە نێو چڤاكی‮ ‬هۆڵەندی‮ ‬پێویست بوو زمانی‮ ‬ئەو وڵاتە بزانم،هەر بۆیەش هەوڵم دا بەشداری‮ ‬كۆرسی‮ ‬زمانی‮ ‬هۆڵەندی‮ ‬بكەم وبخوێنم،‮ ‬هەروەها زانیم شێواز و قۆناغی‮ ‬خەبات لە نێو چڤاكی‮ ‬ئەوروپی‮ ‬و رۆژهەڵاتی‮ ‬ناوین جیاوازن،‮ ‬لە هەشتاكان و نەوەدەكان لەكوردستان خەبات و بەرخودان،‮ ‬خەباتی‮ ‬سیاسی‮ ‬و چەكداری‮ ‬شاخ بوو،‮ ‬بەڵام لە ئەوروپا بزاڤ و بەرخودان خەباتی‮ ‬مەدەنییە،‮ ‬منیش هەوڵم دا بە شێوازی‮ ‬خەباتی‮ ‬مەدەنی‮ ‬و هونەری‮ ‬شیعر،‮ ‬ئێش و ئازار و مەزلومیەت و پەیامی‮ ‬گەل و نەتەوەكەم بە جڤاكی‮ ‬هۆڵەندی‮ ‬و نەتەوكانی‮ ‬تر كە لە هۆڵەندا دەژین بگەینم‮. ‬بە بڕوای‮ ‬من فەلسەفەی‮ ‬هونەر لە بواری‮ ‬شیعردا ئامرازێكی‮ ‬ئیدیاڵە بۆ راكێشانی‮ ‬سەرنجی‮ ‬خەڵك وگەیاندنی‮ ‬پەیامی‮ ‬كوردستان،‮ ‬هەربۆیە هەوڵم داوە لە جڤین و‮ ‬یادەوەرییەكانی‮ ‬ئەم وڵاتەدا بە خوێندنەوەی‮ ‬شیعر پەیامی‮ ‬خۆم بگەیەنم ئەمەش لەدوای‮ ‬ئەوەی‮ ‬ئەندامی‮ ‬رێكخراوێكی‮ ‬ئافرەتانی‮ ‬هۆڵەندام لە شاری‮ ‬ئەمستردام جگە لەوەی‮ ‬كە ئەندامی‮ ‬ئۆفیسی‮ ‬ئەورپایی‮ ‬یەكێتی‮ ‬ئافرەتانی‮ ‬كوردستان و كارگێڕی‮ ‬لیژنەی‮ ‬ناوچەی‮ ‬هۆڵەندام لەو رێكخراوە هۆڵەندییە كە تایبەتە بەئافرەتانی‮ ‬وڵاتانی‮ ‬جیاواز كە لە كاتی‮ ‬كۆڕ‮ ‬و سیمینارەكان بانگهێشتی‮ ‬خەڵكانی‮ ‬شارەزا و پسپۆڕ‮ ‬دەكەن لە بابەتی‮ ‬ئافرەت و پەروەردەی‮ ‬منداڵ و كلتور و سیاسەت لەم ماوەیەدا زۆر سەرنجیان دابوو سەر بارودۆخی‮ ‬عێراق و كوردستان و زۆر نیگەرانن لە هەڵسوكەوتی‮ ‬ناوەند دژ بەهەرێمەكەمان،‮ ‬هەروەها هەندێك لە‮ ‬یاساكانی‮ ‬عێراقیان پێ نەشیاوە بۆ ئافرەت وپەروەردە و سەریان سوڕماوە بۆ شودانی‮ ‬منداڵی‮ ‬9 ساڵ و بە زۆردانی‮ ‬بە پیاوێكی‮ ‬بەتەمەنتر كە بێشك سەرئەنجام توندوتیژی‮ ‬لێ دەكەوێتەوە و دەبێتە هۆی‮ ‬تێكچوونی‮ ‬شیرازەی‮ ‬خێزان وكۆمەلگاكە،‮ ‬بەڵام ئەوانە بەو دیدەی‮ ‬عێراق سەیری‮ ‬ئێمە ناكەن و تێگەیشتون لە جیاوازی‮ ‬كلتور و‮ ‬یاساكانمان كە بە دڵنیاییەوە ئەوەش كەوتۆتەوە سەر خۆمان كە كاری‮ ‬زیاتر بكەین بۆ پیشاندانی‮ ‬روویەكی‮ ‬گەشی‮ ‬شارستانی‮ ‬نەتەوەی‮ ‬خۆمان و وڵاتەكەمان‮. ‬ بڕوا بوون بە خۆم نەخۆشی‮ ‬پەكی‮ ‬نەخستم لە كار و تێكۆشانم لە كۆتایشدا خاتوو ئەشرەف بە بڕوایەكی‮ ‬بە هێز لە بەرەوڕووی‮ ‬نەخۆشییەكەی‮ ‬وەستاوەتەوە ولەو بارەوە دەڵێ‮: ‬هەموو ژیانی‮ ‬خۆمم تەرخانكرد لە پێناوی‮ ‬كوردستان بۆ بینینی‮ ‬ئامانجەكەی‮ ‬كە سەربەخۆیی‮ ‬بوو،‮ ‬بەڵام بەداخەوە پاش خەیانەتی‮ ‬16ی‮ ‬ئۆكتۆبەر وێڕای‮ ‬ناتەندروستیم لەگەڵ لەدەستدانی‮ ‬نیوەی‮ ‬خاكی‮ ‬كوردستان،‮ ‬ئازاری‮ ‬جەستەی‮ ‬خۆمم لە بیركرد و ئاوێتەی‮ ‬هاواری‮ ‬نیشتیمان بوو،‮ ‬هیندەی‮ ‬تر رق ئەستور تر بووم كە بەگژ داگیركاران بچینەوە و خەبات و تێكۆشانی‮ ‬زیاتر بكەین‮. ‬سالی‮ ‬2016 توشی‮ ‬نەخۆشی‮ ‬شێرپەنجە‮ ‬ی‮ ‬مەمەك بووم‮. ‬دەورانێكی‮ ‬سەخت و دژوار بوو بۆم،‮ ‬بەڵام ئیمان و بڕوام بە خۆم و خوای‮ ‬گەورە و كەسوكار و دۆستانم ئەو ماوەیەم تێپەڕاند و ئێستاش بەخۆشحاڵیەوە لەسەر كار و چالاكییەكانی‮ ‬خۆم بەردەوامم‮. ‬لەو ماوەیەدا وەك ئەركێكی‮ ‬نەتەوەی‮ ‬بەشداری‮ ‬زۆربەی‮ ‬خۆپیشاندانەكانم كرد بۆ پشتگیری‮ ‬لە ریفڕاندۆم و هەروەها لە دوای‮ ‬ئەوەی‮ ‬نێوەی‮ ‬خاكی‮ ‬كوردستان بەخیانەت درا لە هەمان خۆپیشاندانیشدا لە دژی‮ ‬داگیركارییەكانی‮ ‬حەشد لە ئەورووپا بەشداربووم جگە لەوەی‮ ‬كە بەشیعر هەستی‮ ‬خۆمم دەردەبڕی‮. ‬بەهیوام لە ئایندەدا بتوانم هەموویان لە نامیلكەیەكدا كۆبكەمەوە‮. ‬لە كۆتایشدا دەڵێم چەند نەخۆشی‮ ‬شێرپەنجە گەورە و ترسناك و كوشندە بێت كە زۆر بەكڕوماتی‮ ‬دێت،‮ ‬مرۆڤ دەبێت لە ئاستیدا خۆڕاگر بێت و هێز و توانای‮ ‬خۆی‮ ‬بخاتە گەڕ‮ ‬بەرامبەری‮ ‬ئەوسا ئەویش كرنۆش دەبات و رزگارت دەبێت،‮ ‬ئەوەی‮ ‬لە ژیان ماومە هەر بۆ خزمەتی‮ ‬كوردستانی‮ ‬تەرخان دەكەم بەڵام خۆزگە پشتگوێ خستن و پەڕاوێز خستن و خزم خزمێنە لە نێو كۆمەڵگاكەماندا كاڵ دەكرایەوە بۆ ئەوەی‮ ‬كەس مافی‮ ‬كەس نەخوات‮.‬

 
چاپکردن   Share گه‌ڕانه‌وه‌