2017-12-17

خه‌بات: فاتیح بەرزنجی

نەخۆشخانەی‮ ‬ئیمرجنسی‮ ‬هەولێر لەساڵی1998 لەلایەن‮ ‬ڕێكخراوێكی‮ ‬ئیتاڵی‮ ‬دروستكراوەو تاساڵی‮ ‬205 ئەوان سەرپەرشتیاندەكرد،‮ ‬پاشان لەلایەن چەند كەسانێكی‮ ‬دڵسۆزی‮ ‬ئەو شارە وایانكرد كەئەو سیستەمەی‮ ‬پێشتر ئیتاڵیەكان بەڕێوەیاندەبرد هەر بمێنێ و بەهەمان سیستەمی‮ ‬خۆی‮ ‬و لەجاران باشتر كاردەكات ولەوەتەی‮ ‬دامەزراوەلەماوەی‮ ‬ئەو هەموو ساڵانەی‮ ‬تەمەنی‮ ‬خۆی‮ ‬توانیویەتی‮ ‬خزمەتێكی‮ ‬بێ وێنەی‮ ‬خەڵكی‮ ‬بكات وبەبێ جیاوازی‮ ‬وژمارەیەكی‮ ‬زۆری‮ ‬هاووڵاتیانیشی‮ ‬لەمردن رزگار بكات‮.‬

‮ ‬بەگوتەی‮ ‬دكتۆر‮ "‬رەوەند موشیر حەوێزی‮" ‬بەڕێوەبەری‮ ‬نەخۆشخانە‮: ‬ئەو نەخۆشخانەیە شەوو رۆژ لەماوەی‮ ‬24 كاتژمێر پێشوازی‮ ‬لە هەموو بریندارێك دەكات،‮ ‬رۆژانە ئەونەخۆشخانەیە پێشوازی‮ ‬لەچەندین بریندار دەكات و لەلایەن بەڕێوەبەرایەتی‮ ‬گشتی‮ ‬تەندروستی‮ ‬هەولێربەهەماهەنگی‮ ‬پارێزگای‮ ‬هەولێر نۆژەنكرایەوە و پەرەی‮ ‬پێدرا‮. ‬لەماوەی‮ ‬ئەو چەند ساڵانەی‮ ‬قەیرانی‮ ‬دارایی‮ ‬كارە خزمەتگوزاریەكانی‮ ‬ئەو نەخۆشخانەیە نەوەستاوە‮.‬

نەخۆشخانەیەكی‮ ‬تایبەت بەبرینداران بەهەموو جۆرێك

دەربارەی‮ ‬كارەكانی‮ ‬دیكەی‮ ‬ئەو نەخۆشخانەیە دكتۆر‮ "‬رەوەند حەوێزی‮" ‬گوتی‮: ‬ئەو نەخۆشخانەیە‮ ‬100 بێدی‮ ‬خەواندنی‮ ‬هەیەو نەخۆشخانەكە تایبەتە بەبرینداران بە هەموو شێوەیەك،‮ ‬چ برینداری‮ ‬مین‮ ‬بێت‮ ‬یاخود برینداری‮ ‬فیشەك‮ ‬یاخود هەر بریندارێكی‮ ‬دیكەی‮ ‬چەك بێت،‮ ‬هەوڵیداوە دەمودەست نەشتەرگەری‮ ‬بۆ برینداران بكرێت‮. ‬لەماوەی‮ ‬شەڕی‮ ‬تیرۆریستانی‮ ‬داعش لەو نەخۆشخانەیەدا چەندین نەشتەرگەری‮ ‬بۆ پێشمەرگە قارەمانەكان كراوە،‮ ‬جگەلەچارەسەركردنی‮ ‬هێزەكانی‮ ‬پێشمەرگە ئەو نەخۆشخانەیە لەكاتی‮ ‬گرتنەوەی‮ ‬شاری‮ ‬موسڵ‮ ‬پێشوازی‮ ‬لەژمارەیەكی‮ ‬زۆری‮ ‬بریندارانی‮ ‬ئەوشارەكرد و رۆڵێكی‮ ‬كارای‮ ‬گێڕا لەچارەسەركردن و ئەنجامدانی‮ ‬نەشتەرگەری‮ ‬بۆ برینداران‮.‬

كارمەندانی‮ ‬تەندروستیش رۆڵیان هەبووە لەخزمەتكردنی‮ ‬برینداران

دواتر‮ "‬پشتیوان بەگۆك‮" ‬بەڕێوەبەری‮ ‬كارگێری‮ ‬نەخۆشخانەكە گوتی‮:‬كارمەندانی‮ ‬تەندروستی‮ ‬ئەو نەخۆشخانەیە شان بەشانی‮ ‬پزیشكان هەمیشەلەخزمەتی‮ ‬هەموو ئەو بریندارانەدابوون كەهاتوونەتەنەخۆشخانەكە،‮ ‬وێڕای‮ ‬ئەو قەیرانە داراییەی‮ ‬كەماوەی‮ ‬چەندین ساڵە بەرۆكی‮ ‬گرتووین،‮ ‬بەڵام كارمەندانی‮ ‬تەندروستی‮ ‬شەوو رۆژ هەرلەكاركردن دابوونە و بەبێ جیاوازی‮ ‬چارەسەری‮ ‬بریندارانیان كردووە‮.‬

دەربارەی‮ ‬سەردانی‮ ‬كردنی‮ ‬هاووڵاتیان بۆنەخۆشخانەكە بەڕێوەبەری‮ ‬كارگێڕی‮ ‬نەخۆشخانەی‮ ‬ئیمرجنسی‮ ‬گوتی‮: ‬هەر كە بریندارێك دەگاتە ئەو نەخۆشخانەیە ژمارەیەكی‮ ‬زۆری‮ ‬كەس و كارەكەی‮ ‬جەنجاڵی‮ ‬دروستدەكەن بۆیە لێرەوە داوا لەكەس و كاری‮ ‬برینداران دەكەین كە پێویستە جەنجاڵی‮ ‬لەناو نەخۆشخانەكە دروستنەكەن،‮ ‬ئێمە خۆمان بەباشترین شێوە خزمەتی‮ ‬ئەو بریندارە دەكەین وكارمەندان زۆربە‮ ‬ڕێك وپێكی‮ ‬ئاگایان لە نەخۆشەكە دەبێت و چارەسەری‮ ‬تەواوی‮ ‬دەكەن و ئاگایان لە كاتەكانی‮ ‬پێدانی‮ ‬دەرمان و چارەسەركردنیان هەیە وكاتی‮ ‬سەردانی‮ ‬كردنی‮ ‬نەخۆش هەفتەی‮ ‬دوو رۆژە،‮ ‬ئەویش رۆژانی‮ ‬یەكشەممەو چوارشممە‮‬یە لەكاتژمێر‮ ‬2-4‮‬ی‮ ‬ئێوارەیە‮. ‬لەو دوو رۆژەدا كەس وكاری‮ ‬نەخۆش دەتوانن‮ ‬یەكتر ببینن‮.‬

نەخۆشخانەیەكی خزمەتگوزار

‮"‬كازم عەزیز‮" ‬باوكی‮ ‬بریندارێك بوو گوتی‮: ‬دەستخۆشی‮ ‬لە پزیشكان و كارمەندانی‮ ‬نەخۆشخانەكە دەكەم كە رۆژانە چارەسەری‮ ‬كوڕەكەم دەكەن و چاویان لێیەتی‮.‬

‮"‬ستاركەریم‮" ‬لەپرسگە دانیشتبوو گوتی‮: ‬ئەونەخۆشخانەیە باشترین خزمەتگوزاری‮ ‬پێشكەش بە نەخۆشان دەكات،‮ ‬هەقوایە لەلایەن وەزارەتی‮ ‬تەندروستیەوە زیاتر پاڵپشتی‮ ‬بكرێت تائەوانیش زیاتر لەخزمەتی‮ ‬هاووڵاتیاندابن‮.‬

‮"‬قارەمان محەمەد"گوتی‮: ‬ئەونەخۆشخانەیە لەكاتی‮ ‬شەڕی‮ ‬تیرۆریستانی‮ ‬داعش رۆڵی‮ ‬كارایان هەبووە لەچارەسەركردنی‮ ‬برینداران‮.‬

 
چاپکردن   Share گه‌ڕانه‌وه‌