2017-12-13

 ساسان دەروێش‮ -‬ هۆڵەندا‮ ‬
 یەكێتی‮ ‬ئافرەتانی‮ ‬كوردستان لە نێوان‮ ‬65 ‮ ‬ساڵدا،‮ ‬خاوەنی‮ ‬حەوت كۆنگرەی‮ ‬سەركەوتوون،‮ ‬لەگەڵ ئەوەشدا قوتابخانەیەكی‮ ‬كاریگەر و شارەزا بووە بۆ پێگەیاندنی‮ ‬هەزاران ئافرەتی‮ ‬كورد كە خزمەت بە كورد و كوردستان بكەنەوە كە لە رابردوودا لە شاخ پێشمەرگە و لە شار لە بەڕێوەبردندا رۆڵی‮ ‬دیار و بەرچاویان لەخەبات وتێكۆشاندا هەبووە و هەیە‮. ‬لە دوا كۆنگرەش لە‮ ‬14/3/2007 دا‮ ‬یەكێك لە بڕیارە گرنگەكانی‮ ‬كردنەوەی‮ ‬ئۆفیسی‮ ‬ئەوروپای‮ ‬یەكێتی‮ ‬ئافرەتانی‮ ‬كوردستان بوو لە تاراوگە و بەو پێیەش‮ ‬هەمان ئۆفیس خاوەنی‮ ‬نۆ ئەنجومەنن لە وڵاتانی‮ ‬جیاوازی‮ ‬ئەوروپادا كە رۆڵی‮ ‬گرنگیان بینیوە و هەر‮ ‬یەكەیان بوونەتە باڵیوزێكی‮ ‬كورد بۆ گەیاندنی‮ ‬پرسە نەتەوەییەكان و پرسی‮ ‬ئافرەتی‮ ‬كورد‮. ‬بۆ ئەم‮ ‬یادەش هەریەك لەم بەڕێزانە بەشێوەیەكی‮ ‬جیاواز هەستی‮ ‬خۆیان بۆ خەبات‮ ‬دەربڕی‮:‬ فەزیلە شۆڕش بەرپرسی‮ ‬ئۆفیسی‮ ‬ئەوروپای‮ ‬یەكێتی‮ ‬ئافرەتانی‮ ‬كوردستان لەو بارەیەوە گوتی‮:‬‮ ‬لە بارودۆخێكدا ئەم ساڵ‮ ‬یادی‮ ‬دامەزراندنی‮ ‬یەكێتی‮ ‬ئافرەتانی‮ ‬كوردستان دەكەینەوە،‮ ‬خەونی‮ ‬سەربەخۆیی‮ ‬كوردستان لە رێگە دایە و بۆ گەیشتمان بەو ئامانجە بەدرێژایی‮ ‬مێژوویی‮ ‬بزاڤی‮ ‬رزگاریخوازی‮ ‬كورد ئافرەتانی‮ ‬كوردپەروەر و دڵسۆز رۆڵێكی‮ ‬بەرچاویان هەبووە و هەیە لە خەباتی‮ ‬گەلی‮ ‬كوردستان بۆ سەربەخۆیی،‮ ‬بەتایبەتی‮ ‬لە پاڵپشتكردنی‮ ‬ریفراندۆم وسەركەوتنی‮ ‬ئەنجامەكانی‮ ‬و ناڕەزایەتی‮ ‬دەربڕین بەرامبەر هێرشكردنە سەر شارەكانی‮ ‬كوردستان لە دەیان چالاكی‮ ‬جۆراوجۆردا خۆیان دەبیننەوە و ئافرەتانی‮ ‬كوردیش لە تاراوگە و وڵاتانی‮ ‬جیاواز هەمیشە جێگا دەستیان دیارە و جێگایی‮ ‬سوپاسكردنن‮. ‬ئافرەتی‮ ‬كورد بەردەوامە لە تێكۆشانی‮ ‬بۆ بەدەست هێنانەوەی‮ ‬تەواوی‮ ‬مافەكانی‮ ‬گەلی‮ ‬كورد لە كوردستانێكی‮ ‬سەربەخۆدا و بەدەستهێنانەوەی‮ ‬تەواوی‮ ‬مافەكانی‮ ‬ئافرەت‮. ‬لەم‮ ‬یادە پیرۆزباییەكی‮ ‬گەرم لە سەرجەم كادیران وئەندامانی‮ ‬یەكێتی‮ ‬ئافرەتانی‮ ‬كوردستان دەكەم لەگەڵ تەواوی‮ ‬ئافرەتی‮ ‬كورد‮. ‬بەداخەوە ئەوەی‮ ‬لە ساڵی‮ ‬2014 ‮ ‬كرا بەرامبەر ئافرەتی‮ ‬كورد بەدەستی‮ ‬داعش مێژوو دووبارە بۆیەوە لە‮ ‬2017 ‮ ‬لە كەركوك وناوچەكانی‮ ‬بەدەستی‮ ‬میلیشیاكانی‮ ‬حەشدی‮ ‬شەعبی‮ ‬لە توندوتیژی‮ ‬بەرامبەریان و شەهیدكردن وئاوارەكردنیان لە ماڵ و خاكی‮ ‬خۆیان،‮ ‬دەبێت ئەم‮ ‬یادە بكەینە داكۆكیكردن و وەستانی‮ ‬پێشێلكاری‮ ‬دوژمنان و داگیركاران بەرامبەر گەلەكەمان دەیكەن و ئافرەتان بەتایبەتی‮ .‬ رووناك سەعید خانقا بەرپرسی‮ ‬ئەنجومەنی‮ ‬هۆڵەندا لەو بارەیەوە دەڵێ‮: ‬بەبۆنەی‮ ‬یادی‮ ‬دامەزراندنی‮ ‬65 ‮ ‬ساڵی‮ ‬دامەزراندنی‮ ‬یەكێتی‮ ‬ئافرەتانی‮ ‬كوردستان،‮ ‬جوانترین پیرۆزبایی‮ ‬لە خۆمان و هەموو ئافرەتانی‮ ‬كوردستان دەكەم بەتایبەتی‮ ‬ئەو ئافرەتانەی‮ ‬كە ماندوونەناسن و بە درێژایی‮ ‬مێژوو ژیانیان بە كورد و كوردستان بەخشیوە و خەبات و تێكۆشانیان بەردەوامە لە پێناو خاك و نیشتیمان‮. ‬هەتاكو نموونەی‮ ‬ئەو ئافرەتە جوانانەمان هەبێت‮ ‬یەكێتی‮ ‬ئافرەتانیش بەردەوام دەبێت و شەهیدەكانمان بەتایبەتی‮ ‬شەهیدانی‮ ‬ئافرەتان ناویان بەنەمری‮ ‬لە مێژوودا تۆمار كرا و سەری‮ ‬رێز و نەوازش دائەنەوێنم لەم‮ ‬یادەدا بۆ دایك وخوشكانی‮ ‬شەهیدان و پێشمەرگە قارەمانەكانی‮ ‬نێو سەنگەری‮ ‬بەرگریكردن لە كوردستان‮. ‬ سەیران زواێتەیی‮ ‬بەرپرسی‮ ‬ئەنجومەنی‮ ‬ئافرەتانی‮ ‬بەلژیكا لەو بارەیەوە رایگەیاند‮: ‬بۆ ئەم‮ ‬یادە پیرۆزەی‮ ‬یەكێتیەكەمان‮ ‬یەكێتی‮ ‬ئافرەتانی‮ ‬كوردستان و بە ناوی‮ ‬خۆم و ئەنجومەنی‮ ‬بەلژیكا پیرۆزبایی‮ ‬خۆمان ئاراستەی‮ ‬دەستە خوشكەكانمان دەكەیەن و خۆشەویستیمان دەكەینە چەپكە گوڵی‮ ‬رێزلێنان بۆ دایك وخوشكانی‮ ‬شەهیدان و پێشمەرگە قارەمانەكانی‮ ‬كوردستان‮. ‬بە درێژایی‮ ‬دیرۆكی‮ ‬پڕ‮ ‬لە قوربانی‮ ‬و خوێناوی‮ ‬بزاڤی‮ ‬رزگاریخوازیی‮ ‬نەتەوەیمان دوژمنانمان هەوڵی‮ ‬زۆریان داوە كورد لە نەخشەی‮ ‬سەرخاكی‮ ‬باوباپیرانمان بسڕنەوە،‮ ‬بەڵام ئێمە لە پەت و سێدار و دوژمن نەترساوین و بەئومێدەوە دەڕوانیەنە خەبات و قوربانیەكانمان و بەردەوام بوونمان بۆیە هەر دەگەین بەئامانجی‮ ‬خۆمان‮. ‬هەروەها دژی‮ ‬هەموو پێشێلكارییەكانین كە دژی‮ ‬ئافرەتی‮ ‬كورد لە ناوچە كوردستانیەكانی‮ ‬كە داگیركراون بەدەستی‮ ‬دوژمنانمان دەكرێت‮.‬ سروە عارف بەرزنجی‮ ‬بەرپرسی‮ ‬ئەنجومەنی‮ ‬ئافرەتانی‮ ‬رۆژهەڵاتی‮ ‬ئەڵمانیا لەو‮ ‬یادەدا دەڵێت‮: ‬پارتی‮ ‬دیموكراتی‮ ‬كوردستان هەر لە سەرەتایی‮ ‬دامەزراندنییەوە لە ساڵی‮ ‬1946 ‮ ‬تەنها وەك پارتێكی‮ ‬سیاسی‮ ‬و شۆڕشگێری‮ ‬بۆ بەدەستهێنانی‮ ‬دۆزی‮ ‬رەوای‮ ‬كورد كاری‮ ‬نەكرد،‮ ‬بەڵكو بۆ‮ ‬یەكسانی‮ ‬كۆمەڵایەتی‮ ‬لە نێو كۆمەڵگە و پێكهاتەكانی‮ ‬كوردستان كاری‮ ‬بەردەوامی‮ ‬كردووە و رێكخراوەكانی‮ ‬ئافرەتان و قوتابیان و لاوانی‮ ‬دامەزراند بۆ گرنگیدان و پێشكەوتنی‮ ‬ئەو چینانەی‮ ‬تری‮ ‬كۆمەڵگا و بەشداری‮ ‬كردنیان لە شۆڕشی‮ ‬ئازادیخوازی‮ ‬گەلەكەمان،‮ ‬لە روانگەی‮ ‬یەكسانی‮ ‬نێوان پیاو ئافرەت و لەسەر پێشنیاری‮ ‬بارزانی‮ ‬نەمر لەساڵی‮ ‬1952 ‮ ‬رێكخراوی‮ ‬ئافرەتانی‮ ‬كوردستان دامەزرێندرا،‮ ‬لەگەڵ ئەوەشدا كە كۆمەڵگای‮ ‬كوردەواری‮ ‬وەك كۆمەڵگاكانی‮ ‬تری‮ ‬رۆژهەڵاتی‮ ‬ناوەڕاست كۆمەڵگایەكی‮ ‬پیاوسالاریە ئافرەتی‮ ‬كورد لە رێگای‮ ‬رێكخراوەكەیانەوە توانی‮ ‬بە ئازادی‮ ‬و چالاكانە رۆڵی‮ ‬خۆی‮ ‬ببینێت‮. ‬خوڵێخۆشبوو خاتوو ناهیدەخانی‮ ‬شێخ سەلام‮ ‬یەكەم سكرتێری‮ ‬یەكێتی‮ ‬ئافرەتان دانرا‮ ‬،‮ ‬ئەندامانی‮ ‬رێكخراوەكە هەوڵیان دابۆ پێشكەوتنی‮ ‬ئافرەت لە بواری‮ ‬زانست و خوێندن و راگەیاندن و لە ساڵی‮ ‬1954 دا توانیان‮ ‬یەكەم گۆڤاری‮ ‬دەنگی‮ ‬ئافرەت بڵاوبكەونەوە‮. ‬لە بەردەوامی‮ ‬هەوڵەكانیان توانیان ئافرەتی‮ ‬كورد بە دنیا بناسێنن و بنەمایەكی‮ ‬وا پتەویان بۆ‮ ‬یەكێتی‮ ‬ئافرەتان دروست كرد تا بەردەوام بێت و پەرەبسێنێ وگەیشتە ئەوەی‮ ‬ئەمڕۆ ئۆفیسی‮ ‬سەرەكی‮ ‬و چەندین ئەنجومەنی‮ ‬لە نێو ئەوروپاشدا هەبێت و بەم بۆنەیەوە پیرۆزبایی‮ ‬گەرمم بۆ هەموو دەستە خوشكانم بەتایبەتی‮ ‬ئافرەتانی‮ ‬كورد و دایك و خوشكی‮ ‬شەهیدان‮. ‬ ئیڤان حوسێن رەسوڵ كارگێر لە باتی‮ ‬بەیان نوری‮ ‬بەرپرسی‮ ‬ئەنجومەنی‮ ‬ئافرەتانی‮ ‬دانیمارك لەو باریەوە وتی‮: ‬لەگەڵ دروستبوونی‮ ‬یەكێتی‮ ‬ئافرەتانی‮ ‬كوردستان لەسەر دەستی‮ ‬باوكی‮ ‬كورد مستەفا بارزانی‮ ‬نەمر لە ساڵی‮ ‬1952 ‮ ‬ئافرەت هاتە مەیدانی‮ ‬خەبات و تێكۆشان و قوربانیدان لە پێناو رزگاركردنی‮ ‬خاكی‮ ‬داگیركراومان،‮ ‬بەشێوەیەكی‮ ‬رێكخراوی‮ ‬كەوتە نێو گۆڕەپانی‮ ‬سیاسی‮ ‬لە كوردستانی‮ ‬عێراق و رۆڵێكی‮ ‬گرنگی‮ ‬هەبووە لە شۆڕشەكانی‮ ‬گەلی‮ ‬كورد لە عێراق و لە پێناویشدا قوربانی‮ ‬زۆری‮ ‬داوە و هەمیشە پاڵپشتی‮ ‬شۆڕش و پێشمەرگە بوون و جێگایی‮ ‬شانازی‮ ‬گەل بوون،‮ ‬ئێستاش لە دوای‮ ‬65 ‮ ‬ساڵ هێشتا بەردەوامین و بە گوڕ‮ ‬و رۆحێكی‮ ‬كوردانەوە هەنگاو دەنێن بۆ كۆتاییهاتن بە نەهامەتییەكانمان بەگشتی‮ ‬وەك گەلی‮ ‬كورد و ئافرەتان‮. ‬پڕ‮ ‬بە دڵ پیرۆزبایی‮ ‬لە خۆمان و گشت ئافرەتی‮ ‬كوردستان دەكەم كە ئەم‮ ‬یادكردنەوەیە ببێتە مایەی‮ ‬سەركەوتن و مژدانە بۆ گەلی‮ ‬كورد و ئامانجەكانی‮ ‬لە سەربەخۆبوونمان‮ .‬ ئاریان عەبدولەتیف بەرزنجی‮ ‬بەرپرسی‮ ‬ئەنجومەنی‮ ‬ئافرەتانی‮ ‬شتوتگارت لە ئەڵمانیا لەوباریەوە رایگەیاند‮:‬‮ ‬بە بۆنەی‮ ‬ساڵیادی‮ ‬دامەزراندنی‮ ‬یەكێتییەكەمان‮ ‬یەكێتی‮ ‬ئافرەتانی‮ ‬كوردستان،‮ ‬جوانترین و رازاوەترین پیرۆزبایی‮ ‬هەڵقوڵاو لە ناخی‮ ‬دڵمانەوە پێشكەشە بە سەرجەم ئافرەتانی‮ ‬كورد و سەری‮ ‬رێز و نەوازش بۆ شەهیدانی‮ ‬خەباتگێری‮ ‬گەلەكەمان و سەبر و ئارامی‮ ‬بۆ دایك وخوشك و خێزانی‮ ‬شەهیدانمان‮. ‬بەداخەوە ئەم ساڵی‮ ‬یادكردنەوەكەمان لەكات وساتێكدایە كە دیرۆكی‮ ‬گەلەكەمان پڕ‮ ‬بوو لە نەهامەتی‮ ‬و برینی‮ ‬سارێژ نەكراو،‮ ‬بەڵام بە هیوایی‮ ‬رۆژێكی‮ ‬رووناكین و چرایەكی‮ ‬تازە هەڵدەگیرسێنین و پڕبەدڵ پیرۆزبایی‮ ‬لە هەموو ئافرەتێكی‮ ‬كورد دەكەم‮. ‬هیوای‮ ‬سەركەوتن و كاری‮ ‬باشتر بۆ‮ ‬یەكێتیەكەمان‮. ‬ نەورۆز عوسمان هالۆ بەرپرسی‮ ‬ئەنجومەنی‮ ‬ئافرەتانی‮ ‬مونشن لە ئەلمانیا دەڵێت‮: ‬رۆژا دامەزراندنا‮ ‬یەكێتی‮ ‬یا ئافرەتێن كوردستانێ،‮ ‬ئێك ژ وان رۆژێن مێژووی‮ ‬و گەلەك‮ ‬گرنگە دنێڤ‮ ‬بزاڤا رزگاریخوازا گەلێ مەدا.ژبەر كو ب ڤێ رۆژێ پرۆسەسا وەك هەڤی‮ ‬یا ژن و زەلامێ كوردب شێوەیەكی‮ ‬فەرمی‮ ‬دەستپێكر و ژنا كورد مل ب ملێ زەلامی‮ ‬د خزمەت و‮ ‬خەباتێ دا رۆلێ خوە باشتر گێرا،‮ ‬ب تایبەتی‮ ‬د بوارێ سیاسی‮ ‬دا‮. ‬كار و چالاكیێن ژنا كورد دبن چەترا‮ ‬ڤێ‮ ‬رێكخراوێ دا گەرم و گورییەكا دی‮ ‬ب خوەڤە بینی‮ ‬و هەتا نها بەردەوامە،‮ ‬لەوا پیرۆز بیت ئەڤ رڤژا گرنگ و پرشنگدار ل تەڤایا ژنێن‮ ‬كورد‮.‬ رۆشنا زەنگەنە بەرپرسی‮ ‬ئەنجومەنی‮ ‬ئافرەتانی‮ ‬بەریتانیا ژ لەندەن لەو بارەیەوە رای‮ ‬خۆی‮ ‬بەمشێوەیە دەخاتەڕوو‮: ‬بەبۆنەی‮ ‬65 هەمیین ساڵیادیی‮ ‬دامەزراندنی‮ ‬یەكێتی‮ ‬ئافرەتانی‮ ‬كوردستان،‮ ‬پیرۆزبایی‮ ‬لە هەموو ئەندامانی‮ ‬رێكخراوە تێكۆشەرەكەمان و گشت ئافرەتان لە كوردستان ئەكەین‮. ‬پیرۆز بێت لە ئافرەتانی‮ ‬خەباتكار كە ئێستا سەرسەختانە و بە بێ گوێدان بەكێشە و لەمپەرەكانی‮ ‬سەر رێگا،‮ ‬رەوتی‮ ‬خەباتی‮ ‬بەرابەری‮ ‬درێژە پێدەدەن و ئەم رێگا پڕ‮ ‬هەوراز و نشێوە دەبڕن‮. ‬ئەو قۆناغەی‮ ‬كە ئێستا ئێمە پێیدا تێدەپەرین دەبینرێ زۆر هەستیارە،‮ ‬ئەو ئاڵ و گۆڕانەی‮ ‬كە لە دۆخی‮ ‬هەنووكەدا لە ئارادایە لەسەر ئێمە ئەوە فەرزدەكات كە چۆن بتوانین لەگەڵ ئەم گۆڕانكاریانە خۆمان رێكبخەین و ئەركی‮ ‬پێشەنگایەتی‮ ‬خۆمان بەجێبێنین‮. ‬بە هیواین بە زووترین كات ئارامی‮ ‬بگەرێتەوە بۆ وڵاتەكەمان و كۆتایی‮ ‬بەگشت قەیرانەكان بێت وئاشتی‮ ‬بەرقەرار بێ‮.‬ نائلە ئیبراهیم مستەفا بەرپرسی‮ ‬ئەنجومەنی‮ ‬ئافرەتانی‮ ‬سویسرا بۆ خەبات بەمشێوەیە دوا‮:‬‮ ‬بە بۆنەی‮ ‬65 مین ساڵڕۆژی‮ ‬دامەزراندنی‮ ‬یەكێتی‮ ‬ئافرەتانی‮ ‬كوردستانەوە لەسەر دەستی‮ ‬باوكی‮ ‬رۆحی‮ ‬نەتەوەكەمان مەلا مستەفا بارزانی،‮ ‬جوانترین و گەرمترین پیرۆزبایی‮ ‬ئاراستەی‮ ‬سەرجەم ئافرەتانی‮ ‬كوردستان دەكەین‮. ‬ئافرەتانی‮ ‬كوردستان لە رووی‮ ‬سیاسی‮ ‬وچەكدارییەوە شان بەشانی‮ ‬پیاوان سیمبولی‮ ‬خەبات و بەرخودان بوون،‮ ‬لەهەمان كاتیشدا ئەركی‮ ‬دایكاتەیتشیان لەسەرشان بووە لە پەروەردەكردنی‮ ‬رۆڵەكانی‮ ‬دواڕۆژی‮ ‬میللەتەكەمان،‮ ‬ئەم هۆكارە وایكردوەكە بارزانی‮ ‬نەمر فەرموویەتی،‮ ‬ئافرەتان نیوەی‮ ‬كۆمەڵگان ودایكی‮ ‬نیوەكەی‮ ‬دیكەشن‮. ‬ئافرەتان بەهێزترین و كاریگەرترین بەشی‮ ‬كۆمەڵگان‮. ‬بە بۆنەی‮ ‬ئەم رۆژە پیرۆزبایی‮ ‬و سڵاوی‮ ‬گەرمم ئاراستەی‮ ‬برا پێشمەرگەكانمان دەكەین كە لە سەنگەرەكانمان بەرگری‮ ‬لە خاكی‮ ‬كوردستان دەكەن‮. ‬نیهاد باعەدری‮ ‬بەرپرسی‮ ‬ئەنجومەنی‮ ‬ئافرەتانی‮ ‬هانۆڤەر لە ئەڵمانیا لەو‮ ‬یادەدا دەڵێت‮:‬‮ ‬وێڕای‮ ‬پیرۆزبایی‮ ‬خۆمان بۆ گشت ئافرەتانی‮ ‬كوردستان،‮ ‬خۆشەویتیمان قبوڵ بكەن بۆ دایك و خوشكی‮ ‬شەهیدان و پێشمەرگە قارەمانەكانمان كە لە سایەی‮ ‬ئەوان بۆ هەمیشە سەربەرزین‮. ‬راستە بارودۆخەكە هەستیار و دژوار بوو بۆ گەلێ كورد و ئافرەتی‮ ‬كورد كە باجی‮ ‬گەورەیان داوە بۆ ئازادی‮ ‬و سەربەخۆیی‮ ‬كوردستان لە هەوڵە چڕوپڕەی‮ ‬كە‮ ‬یەكێتیەكەیان بە درێژایی‮ ‬65 ‮ ‬ساڵ لە بەرەوپێشچوون و هەنگاوناندایە لە بواری‮ ‬كۆمەڵایەتی‮ ‬و سیاسی‮ ‬و توانیویەتی‮ ‬ببێتە مینبەرێكی‮ ‬ناوەندی‮ ‬مەدەنی‮ ‬متمانەپێكراو كە كۆمەڵگا بەرەوپێش بەرێت و ئەم دۆخەش كۆتایی‮ ‬دێت و كوردستان رو ولە ئامانجە پیرۆزەكەی‮ ‬دەكاتەوە تا گەیشتن‮ ‬بە سەركەوتن‮.

 
چاپکردن   Share گه‌ڕانه‌وه‌