2017-12-05

دیمانە‮: ‬هاوار مورتكەیی
Tijana Blagojevic ‮ ‬تیجانا بلاگۆجیفیچ كچە شەترەنجزانی‮ ‬مۆنتینیگرۆ و پاڵەوانی‮ ‬وڵاتەكەی‮ ‬و هەڵگری‮ ‬میدالیای‮ ‬برۆنزی‮ ‬پاڵەوانێتی‮ ‬جیهان و ئەورووپا بۆ خوار تەمەنی‮ ‬18 ‮ ‬ساڵان،‮ ‬خاوەنی‮ ‬سێ نۆرمی‮ ‬گراندماستەری‮ ‬ئافرەتانە،‮ ‬لە خێزانێكی‮ ‬شەترەنجی‮ ‬لەدایك بووە،‮ ‬باوك و دایكی‮ ‬هەڵگری‮ ‬دوو بڕوانامەی‮ ‬بەرزی‮ ‬شەترەنجن،‮ ‬بۆیە لە تەمەنێكی‮ ‬بچووك فێری‮ ‬شەترەنج دەبێت و هەر زووش بەشداری‮ ‬پاڵەوانێتی‮ ‬وڵاتەكەی‮ ‬دەكات،‮ ‬ئەو كچە شەترەنجزانە لاوە ئەگەرچی‮ ‬ریتینگێكی‮ ‬بەرزیشی‮ ‬هەیە،‮ ‬بەڵام هێشتا خەونی‮ ‬ماوە كە لەم بوارەدا بیهێنێتەدی،‮ ‬لاپەڕەی‮ ‬وەرزشی‮ ‬رۆژنامەی‮ ‬خەبات لە رێگای‮ ‬ئینتەرنێتەوە‮ ‬دیمانەیەكی‮ ‬لەگەڵ ئەنجامدا و بەمشێوەیە وەڵامی‮ ‬پرسیارەكانی‮ ‬داینەوە‮.‬
تیجانا بلاگۆجیفیچ كە ریتینگی‮ ‬نێودەوڵەتی‮ ‬2260ی‮ ‬فیدایە سەبارەت بە ژیانی‮ ‬خۆی‮ ‬گوتی‮: ‬لە‮ ‬20/7/1997 ‮ ‬لە شاری‮ ‬نایكسیك لە مۆنتینیگرۆ لە دایك بوومە،‮ ‬بەو پێیەی‮ ‬خانەوادەكەمان شەترەنج دۆستن،‮ ‬بۆیە لەتەمەنی‮ ‬4 ‮ ‬ساڵان فێری‮ ‬بنەماكانی‮ ‬شەترەنج بووم،‮ ‬بەلام لەتەمەنی‮ ‬9 ‮ ‬ساڵیدا بۆ‮ ‬یەكەمین جار بەشداریم لە پاڵەوانێتی‮ ‬وڵاتەكەم كرد،‮ ‬هەروەها گوتی‮: ‬من شەترەنجم زۆر خۆش دەوێت،‮ ‬چونكە‮ ‬یارییەكە جێی‮ ‬بایەخ و سەرنجدانە،‮ ‬هەر جارەو رووبەرووی‮ ‬هەڵوێستێكی‮ ‬تازە دەبیت،‮ ‬دەرفەتی‮ ‬داهێنانی‮ ‬تێدایە،‮ ‬گیانی‮ ‬وەرزشی‮ ‬لە لووتكەدایە،‮ ‬تەنها شەترەنجە دەتوانێت تێكەڵی‮ ‬ناخ بێت،‮ ‬لە شەترەنجدا دەتوانی‮ ‬لە‮ ‬یاریزانی‮ ‬زۆر بەهێزتر لە خۆت ببیەتەوە،‮ ‬بەگشتی‮ ‬یاری‮ ‬شەترەنج‮ ‬زۆر لایەنی‮ ‬باشی‮ ‬هەیە،‮ ‬سەبارەت بۆ خۆشمەوە نهینی‮ ‬سەركەوتنەكانم بۆ دایك و باوكم دەگەڕێتەوە،‮ ‬چونكە باوكم هەڵگری‮ ‬بروانامەی‮ ‬گراند ماستەرە،‮ ‬دایكیشم هەڵگری‮ ‬نازناوی‮ ‬فیداماستەرە،‮ ‬لەوانەوە فێری‮ ‬عەزفی‮ ‬یاری‮ ‬شەترەنج بووم،‮ ‬ئێستاش هەر ئەوان راهینەر و نموونەی‮ ‬بەرزی‮ ‬منن‮.‬
ئەو كچە شەترەنجزانە ئاماژە بە نۆبەرەی‮ ‬دسكەوتەكانی‮ ‬دەكات و دەڵێت‮: ‬لەیەكەم بەشداریكردنم لە پالەوانێتی‮ ‬مۆنتینیگرۆ بوو كە لە خوار تەمەنی‮ ‬10 ‮ ‬ساڵیدا توانیم پلەی‮ ‬یەكەم بەدەست بهینم،‮ ‬لەسەر ئاستی‮ ‬دەرەوەش لە پاڵەوانێتی‮ ‬لاوانی‮ ‬ئەورووپا بەشداریم كرد كە لە شاری‮ (‬Sibenik‮)‬ لە كڕواتیا بەڕێوەچوو توانیم پلەی‮ ‬یەكەم لە خوارتەمەنی‮ ‬10 ساڵیدا بەدەست بهێنم،‮ ‬دیارترین دەسكەوتەكانی‮ ‬وەرزشیم بریتی‮ ‬بووە لە‮:‬
میدالیای‮ ‬بڕۆنزم بەدەستهینا لە پاڵەوانێتی‮ ‬جیهان بۆ لاوانی‮ ‬خوار تەمەن‮ ‬18 ‮ ‬ساڵ،‮ ‬بەهەمان شێوە میدالیای‮ ‬برۆنزم لە پاڵەوانێتی‮ ‬ئەورووپای‮ ‬لاوان بۆ خوار‮ ‬18 ‮ ‬ساڵ بەدەستهێنا،‮ ‬هەروەها سێ نۆرمی‮ ‬گراند ماستەی‮ ‬ئافرەتان‮.‬
دواتر‮ ‬Tijana Blagojevic ‮ ‬پاڵەوانی‮ ‬ئەورووپا و جیهان سەرباری‮ ‬ئەو دەسكەوتانەی‮ ‬هێشتان خەونی‮ ‬دیكەی‮ ‬هەیە كە دەڵێت‮: ‬هێشتا خەونی‮ ‬گەورەترم ماوە،‮ ‬بۆ ئەمەش كۆڵ نادەم و بەردەوام رووبەرووی‮ ‬هەورازەكان دەبمەوە بۆ ئەوەی‮ ‬پییان بگەم،‮ ‬چونكە شەترەنج زۆر شتی‮ ‬جوانی‮ ‬لە ژیانمدا پێ بەخشیوم وەك زیاتر بیركردنەوە و گیانی‮ ‬جەنگاوەری،‮ ‬گەشت و گەڕانیش تیایە كە زۆر شتی‮ ‬لێوە فێر دەبم،‮ ‬بە هاورێیان شاد دەبی‮ ‬لە هەموو دونیا،‮ ‬واتە شەترەنج هونەر وەرزشە،‮ ‬شەترەنج بەس بۆ ئەوە نییە لەبەرامبەرەكەت بدەیت،‮ ‬بەڵكو وەسیلەیەكی‮ ‬فێركردنە بۆ باشتركردنی‮ ‬ئاستی‮ ‬زانستیت،‮ ‬سەرباری‮ ‬هەموو ئەمانەش لە كاتی‮ ‬یاری‮ ‬كردندا تام و چێژێكی‮ ‬خۆش وەردەگری‮.‬

 
چاپکردن   Share گه‌ڕانه‌وه‌