2017-12-03

دڵشاد مستەفا وەسانی

حزبی‮ ‬كوردی‮ ‬لەگەڵ خۆیدا لە ناكۆكییەكی‮ ‬گەورەدایە،‮ ‬چونكە بەرهەمی‮ ‬كۆمەڵگەی‮ ‬خۆمان و دەوروبەر نییە،‮ ‬بەڵكو كاڵایەكی‮ ‬هاوردەكراوە،‮ ‬لەبەرئەوەی‮ ‬حزب لای‮ ‬ئێمە پڕە لە گیانی‮ ‬تۆڵەسەندنەوە،‮ ‬ناچارین بەدوای‮ ‬ئەوەدا بگەڕێین و بپرسین،‮ ‬ئاخۆ ئەو كاڵا هاوردە كراوە،‮ ‬خۆی‮ ‬هەڵگری‮ ‬ڤایرۆسی‮ ‬گیانی‮ ‬تۆڵەسەندنەوەیە‮ ‬یان لای‮ ‬خۆمان بە گیانی‮ ‬تۆڵەسەندنەوە بارگاوی‮ ‬كراوە؟‮ ‬

لەوەتەی‮ ‬حزب لە وڵاتی‮ ‬ئێمەدا پەیدابوون،‮ ‬دیاردەی‮ ‬جودابوونەوەش لەگەڵیدا سەریهەڵداوە،‮ ‬ئەوەی‮ ‬جێی‮ ‬سەرنج و تێڕامانە ئەوەیە،‮ ‬كاتێ بە مێژووی‮ ‬سیاسیی‮ ‬خۆماندا دەچینەوە،‮ ‬دەبینین جیابوونەوە بە پاساوی‮ ‬فكری‮ ‬و هەڵوێستی‮ ‬نیشتمانییەوە راگەیاندراوە،‮ ‬بەڵام لە ئەسڵدا پاساوەكە زیاتر كەسێنی‮ ‬و ناكۆكییە لەسەر پلە و پۆست،‮ ‬لەهەموویشی‮ ‬سەیرتر،‮ ‬لە كۆمەڵگەی‮ ‬ئێمەدا ئەوانەی‮ ‬پاساوی‮ ‬فكری‮ ‬وەك دروشمێك بۆ شەرعییەتدان بە جیابوونەوە بەرزدەكەنەوە،‮ ‬ئەوانەن كە خۆیان بە دەستەبژێری‮ ‬كۆمەڵگە دەزانن و دەیان تۆمەت دەدەنە پاڵ حزبی‮ ‬دایك،‮ ‬بە حزبی‮ ‬دواكەوتوو و خێڵەكی‮ ‬و بەجێماوی‮ ‬دادەنێن،‮ ‬هەر كە وەك گرووپێك دەركەوتن و پاش چەند ساڵێكی‮ ‬چاوەڕوانی،‮ ‬دەبینی‮ ‬ئەو گیانی‮ ‬تۆڵەسەندنەوەیەی‮ ‬لەواندا هەیە،‮ ‬بەو جۆرە تۆخییە لە حزبی‮ ‬دایك،‮ ‬حزبی‮ ‬دواكەوتوو بە قەولی‮ ‬خۆیان نییە‮.‬

ئێستا گیانی‮ ‬تۆڵەسەندنەوە لە ناو حزبەكاندا ئامادەیە،‮ ‬زۆرجار رەفتار و هەڵسوكەوتی‮ ‬حزب دەستنیشان و ئاراستە دەكات،‮ ‬هەقی‮ ‬بەسەر ئەوەدا نییە بارودۆخ لە واقیعدا چییە و پێویستە چی‮ ‬بكرێتە كاری‮ ‬لەپێشینە و چیش دوابخرێ،‮ ‬لە ناخۆشترین هەلومەرجی‮ ‬دژواردا،‮ ‬بەگیانی‮ ‬تۆڵەسەندنەوە هەڵسوكەوت دەكات،‮ ‬دروشم بەرز دەكاتەوە و بەناوی‮ ‬نوێخوازی‮ ‬لە كاری‮ ‬حزبایەتی‮ ‬خۆی‮ ‬نمایش دەكات،‮ ‬حزبی‮ ‬كوردی‮ ‬كە خۆی‮ ‬بە جیاواز لە خێڵایەتی‮ ‬پیشان دەدات،‮ ‬لەو خۆبەجیاواز پیشاندانە لێی‮ ‬تێكدەچێ،‮ ‬هەندێ جار و لە هەندێ كاتی‮ ‬ناسكدا،‮ ‬لەوانەیە خێڵایەتی‮ ‬و دابی‮ ‬عەشیرەت،‮ ‬وەك نواندنی‮ ‬پیاوەتی‮ ‬و شەهامەت،‮ ‬لە حزب باشتر لەگەڵ رووداو هەڵبكات،‮ ‬لێ حزب لە دۆخێكی‮ ‬وەك ئێستای‮ ‬كوردستاندا،‮ ‬لە جیاتی‮ ‬ئەوەی‮ ‬ببێتە ئامرازی‮ ‬هێوربوونەوە،‮ ‬خۆی‮ ‬دەبێتە هۆكاری‮ ‬سەرەكیی‮ ‬ئاڵۆزی،‮ ‬بەگیانی‮ ‬تۆڵەسەندنەوە رەفتار دەكات‮.‬

ئەوەی‮ ‬ئەو جۆرە حزبانە دەیكەن،‮ ‬حزبایەتییەكە لەبەرگی‮ ‬نوێخوازیدا،‮ ‬بەڵام ئامانج ئەوەنییە كە رایانگەیاندووە،‮ ‬بەڵكو لێدانە لە حزبی‮ ‬بەرامبەر،‮ ‬هەر لەبەرئەوەی‮ ‬پێچەوانەی‮ ‬حزبی‮ ‬بەرامبەربن،‮ ‬ئاگایان لەخۆنامێنێ و دەكەونە دژی‮ ‬هەڵوێست و بۆچوونی‮ ‬دوێنێی‮ ‬خۆیان،‮ ‬كێشەی‮ ‬گەورە لەوەدایە،‮ ‬گیانی‮ ‬تۆڵەسەندنەوەی‮ ‬عەشیرەت قابیلی‮ ‬كاڵبوونەوەیە،‮ ‬بەڵام لەو حزبانەدا لە چوارچێوەیەكدا بۆ‮ ‬ناكۆكیی‮ ‬حزبی‮ ‬تیوریزە و بە بەرنامە دەكرێ،‮ ‬دەیانگووت گفتوگۆ‮ ‬لەگەڵ بەغدا بكەن،‮ ‬ئێستا دەڵێن دەبێ سەرلەبەری‮ ‬ئەو دەموچاوانە بەوان بگۆڕدرێن،‮ ‬وەك ئەوەی‮ ‬ئەوان لەم ژینگەیەدا پەروەردە نەبووبن و لە هەسارەیەكی‮ ‬دیكەوە هاتبن،‮ ‬ئەگەر بە دەموچاوی‮ ‬ئەوان دونیا دەبێتە شامی‮ ‬شەریف و وەك خۆیان دەڵێن مووچە و خاكی‮ ‬داگیركراو دەگەڕێننەوە،‮ ‬ئەوا‮ ‬یەكەم كەس دەبم داوادەكەم جێگەیان بۆ‮ ‬چۆڵكەن‮.‬

 
چاپکردن   Share گه‌ڕانه‌وه‌