2017-12-03

خه‌بات: فاتیح بەرزنجی

هەموو ساڵێك بەبۆنەی‮ ‬لەدایكبوونی‮ ‬پێشەوای‮ ‬ئیسلام حەزرەتی‮ "‬محەمەد‮" ‬د،خ‮ ‬فەخری‮ ‬كائینات ئەو‮ ‬یادە لەسەرتاسەری‮ ‬جیهان دەكرێتەوە،‮ ‬لەمزگەوت و تەكیەو خانەقاكان و لە هەندێ لەماڵەكانیش بەو بۆنە پیرۆزە ئەو‮ ‬یادە دەكرێتەوە و ساڵانە چەند رۆژێك بەر لەهاتنی‮ ‬ئەویادە بە سەرپەرشتی‮ ‬پارێزگای‮ ‬هەولێر و بە هاوكاری‮ ‬یەكێتی‮ ‬زانایانی‮ ‬ئایینی‮ ‬ئیسلام و ئەوقافی‮ ‬هەولێر كۆبوونەوە لە پارێزگا سازدەكرێت بۆئەوەی‮ ‬لیژنەی‮ ‬باڵای‮ ‬فیستیڤاڵی‮ ‬پایتەخت ئامادەكاری‮ ‬بۆئەو فیستیڤاڵە بكات كە ساڵانە لەسەر قەڵای‮ ‬هەولێر سازدەكرێت‮.‬

هاووڵاتیان و كاسبكاران خۆیان بۆ ئەو‮ ‬یادە پیرۆزە ئامادە كردبوو

هەموو ساڵێك چەند رۆژێك بەر لەهاتنی‮ ‬یادی‮ ‬لەدایكبوونی‮ ‬پێشەوای‮ ‬ئیسلام‮ "‬موحەمەد‮" ‬د،خ‮ ‬لەسەر بێت بە باشترین شێواز خۆیان بۆئەو‮ ‬یادە ئامادە دەكەن‮. ‬دەربارەی‮ ‬چۆنیەتی‮ ‬خۆ ئامادە كردنی‮ ‬ئەو‮ ‬یادە ئەو راپۆرتە مەیدانیەمان ئەنجامدا و راو سەرنجی‮ ‬ژمارەیەك لە كاسبكاران و هاووڵاتیانمان لە ناو بازاڕ‮ ‬وەرگرت‮: ‬

‮"‬حاجی‮ ‬عیرفان نەجاڕ‮"‬لەناو بازاڕی‮ ‬گەورەی‮ ‬هەولێر گوتی‮: ‬هەموو ساڵێك ئێمەی‮ ‬كاسبكارانی‮ ‬ناو بازاڕبە جۆش و خرۆشەوە بە باشترین شێواز خۆمان بۆ‮ ‬یادی‮ ‬لەدایكبوونی‮ ‬پێغەمبەری‮ ‬مەزن‮ "‬موحەمەد‮" ‬د،خ‮ ‬لەسەر بێت ئامادە دەكەین و پارە لەناو خۆمان كۆدەكەینەوە و لەمزگەوت شیرینی‮ ‬و كەل و پەل بۆئەو‮ ‬یادە دەكڕین‮.‬

‮"‬حاجی‮ ‬كەمال قەساب‮" ‬گوتی‮: ‬هەموو ساڵێ لەهەولێر ئەو‮ ‬یادە بەرز و پیرۆز رادەگرین و شیرینی‮ ‬دەكڕین و دابەشیدەكەین و‮ ‬یادەكە بۆتە نەریتێك لەناو خەڵكی‮ ‬ئەوشارە دێرینە و ئێمەی‮ ‬كاسبكاران هەر لەبەیانیەوە خەریكی‮ ‬ئەو فیستیڤاڵەن تادرەنگانی‮ ‬ئێوارە‮ ‬یادەكە درێژەی‮ ‬هەیەو بەو بۆنەیەوە پیرۆزبایی‮ ‬لەموسوڵمانانی‮ ‬جیهان و كوردستان دەكەین‮.‬

‮"‬حاجی‮ ‬فەهمی‮ ‬بەزاز‮": ‬هەر بەرز و پیرۆز بێت‮ ‬یادی‮ ‬لەدایكبوونی‮ ‬حەزرەتی‮ ‬موحەمود فەخری‮ ‬كائینات‮ ‬د،خ‮ ‬لەسەر بیت،‮ ‬لێرەوە لەرێگەی‮ ‬رۆژنامەكەتانەوە پڕبەدڵ پیرۆزبایی‮ ‬لە هەموو موسوڵمانانی‮ ‬كوردستان و جیهان دەكەین‮.‬

‮"‬سەرباز‮"‬ی‮ ‬پێڵاو فرۆش گوتی‮: ‬بۆ ئەو‮ ‬یادە پیرۆزە هەموو كاسبكارانی‮ ‬ناو بازاڕ‮ ‬خۆشحاڵین بەو‮ ‬یادە پیرۆزەو شیرینیمان ئامادەكرد و دابەشی‮ ‬سەر هاووڵاتیانی‮ ‬دەكەین و دوعای‮ ‬خێر بۆ كوردستانەكەمان دەكەین كە لە تەنگژە ئابووریە رزگاریان بێت‮.‬

‮ "‬دلۆڤان خەسرۆ‮" ‬دوكانداریش گوتی‮: ‬ناو بازاڕ‮ ‬بەجوانترین شێواز بە دروشمی‮ ‬جۆراوجۆری‮ ‬ئایینی‮ ‬رازێنرابۆوە و لەمزگەوتەكان بە تەواشیحی‮ ‬ئایینی‮ ‬ئەو‮ ‬یادە بەرێكوپێكی‮ ‬بەڕێكرا‮.‬

ماموستا‮ "‬مەلا مازن‮" ‬گوتی‮: ‬هەموو ساڵێك لەمزگەوتەكانی‮ ‬شاری‮ ‬هەولێر ئەو‮ ‬یادە زۆر بە رێكوپێكی‮ ‬دەكرێتەوە و مزگەوتەكان جمەیان دێت لە خەڵكی‮ ‬موسوڵمان و بەشداری‮ ‬لەو‮ ‬یادە پیرۆزە دەكەن‮. "‬حاجی‮ ‬جەمیل‮"‬ی‮ ‬تەمەن‮ ‬65 ساڵان گوتی‮: ‬لە شاری‮ ‬هەولێر هەر لەدێر زەمانەوە لەیادی‮ ‬جەژنی‮ ‬لەدایكبوونی‮ ‬حەزرەتی‮ "‬موحەمەد‮" ‬د،خ‮ ‬لەسەر بێت لە‮ ‬تەكیەو مزگەوت و خانەقاكانی‮ ‬شاری‮ ‬هەولێر ئەو‮ ‬یادەیان بەرز و پیرۆز راگرتووە و شیرینیان دابەشدەكرد و بەدەم وتاری‮ ‬ئایینی‮ ‬و خوێندنەوەی‮ ‬سروودی‮ ‬ئاینی‮ ‬یادەكەیان زیاتر گەرمتر دەكرد‮.‬

‮"‬حاجی‮ ‬كەریمی‮" ‬تەمەن‮ ‬60 ساڵان گوتی‮: ‬ئێمە لەو شارە كۆن و دێرینە زۆر بە تێر و تەسەلی‮ ‬ئەو‮ ‬یادەمان دەكردەوە لە ساڵانی‮ ‬زوو هەولێر وەكو ئێستا جەنجاڵ نەبوو شاری‮ ‬هەولێر ژمارەی‮ ‬گەڕەكەكانی‮ ‬كەم بوو لە مزگەوتەكان زۆربەی‮ ‬مامۆساتایانی‮ ‬ئاینی‮ ‬كۆدەبوونەوەو بەدەف‮ ‬لێدان و سروودی‮ ‬ئاینی‮ ‬ئەو‮ ‬یادەیان بەرز و پیرۆز رادەگرت و تا درەنگانی‮ ‬ئێوارە‮ ‬یادەكە درێژەی‮ ‬دەبوو‮. "‬حاجی‮ ‬ساڵح‮"‬ی‮ ‬تەمەن‮ ‬67 ساڵان گوتی‮: ‬خۆزگەم بە ساڵانی‮ ‬زوو چونكە لە ساڵانی‮ ‬حەفتاو هەشتاكان شاری‮ ‬هەولێر وەكو ئێستا نەبوو مەولودی‮ ‬پێغەمبەری‮ ‬د،خ‮ ‬لەسەر بێت زۆر خۆشتر و بەجۆشتر بوو،‮ ‬هەرچەندە ئێستاش ئەم‮ ‬یادە پیرۆزە هەر بە زیندوویی‮ ‬ماوەتەوە‮.‬

دواتر هەر بەبۆنەی‮ ‬یادی‮ ‬لەدایكبوونی‮ ‬پێغەمبەر‮ ‬د،خ‮ ‬لەسەر بێت سەردان‮ ‬یەكێتی‮ ‬زانایانی‮ ‬ئایینیمان كرد‮. ‬دكتۆر‮ "‬عەبدوڵڵا مەلا سەعید‮" ‬سەرۆكی‮ ‬یەكێتی‮ ‬زانایانی‮ ‬ئاینی‮ ‬ئیسلام لەكوردستان‮ ‬بۆ خەبات روونیكردەوە‮: ‬سەرەتا بەبۆنەی‮ ‬مانگی‮ ‬مەولود و‮ ‬یادی‮ ‬لەدایكبوونی‮ ‬پێغەمبەری‮ ‬ئیسلام‮ ‬د،خ‮ ‬لەسەر بێت پیرۆزبایی‮ ‬گەرم لە سەرجەم موسوڵمانانی‮ ‬كوردستان بەبۆنەی‮ ‬ئەو‮ ‬یادەپیرۆزەوە دەكەم‮. ‬لەهەمانكاتیشدا ساڵانە لەكوردستان هاووڵاتیانی‮ ‬كوردستان بەسەرجەم‮ ‬پێكهاتەكان ئەو‮ ‬یادە بەرز و پیرۆز‮ ‬رادەگرن،‮ ‬بەتایبەتی‮ ‬لەشاری‮ ‬هەولێر ئەمساڵیش بەرنامەی‮ ‬جۆرا و جۆر هەیەبۆ پێشوازیكردن لەو‮ ‬یادە پپیرۆزە و لە مزگەوتەكان و لە تەكیە و‮ ‬خانەقاكان و شوێنە گشتیەكان ئەو‮ ‬یادە بەرز و پیرۆز رادەگرن،‮ ‬بەتایبەتی‮ ‬لە شاری‮ ‬هەولێر و لەو رۆژەدا مامۆستایانی‮ ‬ئایینی‮ ‬چاودێری‮ ‬ئەو پڕۆسە‮ ‬پیرۆزە دەكەن،‮ ‬بۆئەوەی‮ ‬هەموومان بەتێكڕا ئەویادە پیرۆزە سەرپەرشتیبكەین‮.‬

ئێمە لەویادە پیرۆزە پێویستیمان بەوەیە تاسوود لە رەفتار و كردارە بەرزەكانی‮ ‬پێغەمبەری‮ ‬خوا حەزرەتی‮ "‬موحەمەد‮" ‬د،خ‮ ‬لەسەر بێت وەربگرین تا لەرۆژگاریكی‮ ‬وەكو ئەمڕۆ پێویستیمان بە‮ ‬یەكڕیزی‮ ‬و تەبایی‮ ‬و برایەتی‮ ‬و‮ ‬یەكتر قبوڵكردن هەیە بۆپتەوكردنی‮ ‬یەكڕیزی‮ ‬ناو پێكهاتەكانی‮ ‬ناو كۆمەڵگە و حكوومەتی‮ ‬هەرێمی‮ ‬كوردستان رێز و حورمەتێكی‮ ‬زۆر لەو‮ ‬یادە پیرۆزە دەگرێت و ساڵانە لەكوردستان ئەو‮ ‬یادە بەرز و پیرۆز راگیراوە و ئەمساڵیش لەسەرجەم مزگەوتەكان و تەكیەو خانەقاكان و شوێنە گشتیەكان ئەو‮ ‬یادە دەكرێتەوە‮.

 
چاپکردن   Share گه‌ڕانه‌وه‌