2017-12-02

ساڵح محەمەد تەیرۆ

هەلبەت ل پشتی‮ ‬روویدانێن‮ ‬16ی‮ ‬ئۆكتۆبەرێ‮ ‬یا ئیساڵ كو ئەو هەلویستێ ئەمریكا و بەریتانیا و هندەك ل هێزێن هەڤپەیمانان بەرامبەر ب هەرێما كوردستانێ هاتینە گوهرین كۆ ژلایێ سەركردایەتیا سیاسی‮ ‬یا كورد ڤە قەد چاڤەرێ كری‮ ‬نەبون،‮ ‬چونكە ئەڤە نێزیكی‮ ‬سێ ساڵانە پێشمەرگەهێن قەهرەمان هەڤسەنگەرێن ڤان دەولەت وهێزان ل دژی‮ ‬مەزنترین وترسناكترین رێكخراو كۆ رێكخراوا تیروریستیا داعش دسەنگەرێن بەرەڤانیكرنێ دانە‮ ‬،‮ ‬لێ دیارە بەرژەوەندی‮ ‬تەحەكومێ ب سیاسەتێ دكەن و هەر دبنەرەتدا ژی‮ ‬ب هزرا من ئەمریكا چ جارا پشتەڤان نەبویە وتاكو خیانەتێ ل گەلێ كوردستانێ بكەتن بەلكو بەرژەوەندخوازە و چی‮ ‬دی‮ ‬نە و لڤان هەلویستێن وان ژی‮ ‬دیار بۆ كۆ ب تنێ پشتەڤانێن كوردان چیانە‮ .‬

ب هەرحال پشتی‮ ‬مەرەمێن حكومەتا ناوەندی‮ ‬یا عێراقێ دیار بون كو ب تنێ مەبەستا وان داگیركرنا تەڤەیا دەڤەرێن هەرێمی‮ ‬یێن دەرڤەی‮ ‬هەرێمی‮ ‬نینە بەلكۆ دڤێت دەڤەرێن دی‮ ‬ژی‮ ‬داگیر بكەتن وهەرێما كوردستانێ بگوهریت بۆ باكورێ عێراقێ‮ ‬،‮ ‬لەوما پێشمەرگەهێن قەهرەمان نەچاربون كو سنورەكێ بۆ دابنێن و بەرگریێ ل هەرێما كوردستانێ بكەن و مەزنترین داستانا پردێ و مەحمودیێ بەرامبەر وێ هێزێ لسەر دەستێن پێشمەرگەهێن قەهرەمان تومار بكەن و بێژنە وان ئێدی‮ ‬بەسە‮ .‬

هەر ل پشتی‮ ‬توماركرنا ئەڤان داستانا بوچوونێن ئەمریكا هاتنە گوهرین و دواترین بوچوونا ماكگورك نوێنەرێ تایبەتی‮ ‬یێ سەروكێ ئەمریكا بۆ هەڤپەیمانێن شەرێ داعش و ل دیدارا دگەل بەرپرسێ فەرمانگەها كاروبارێن دەرڤە‮ ‬یێن حكومەتا هەرێما كوردستانێ كو داخواز كر ل داهاتی‮ ‬هەرێمەكا كوردستانێ‮ ‬یا ب هێز د چوارچویڤێ ئیراقەكا ب هێزدا بهێتە دی‮ . ‬ئەگەر مرۆڤ ب هویری‮ ‬لسەر ڤی‮ ‬هەلویستەیی‮ ‬رابوەستیت تا رادەیەكێ هەلویستەیەكێ باشە بۆ داهاتی‮ ‬یا هەرێما كوردستانێ كو هەردوو لایەنان واتە بەغدا وهەرێما كوردستانێ وەكی‮ ‬ئێك ببینن چونكە لڤێرە ئاماژێ ددەتە هەرێما كوردستانێ نەك پارێزگارێن باكورێ ئیراقێ واتە سەرەدەریا وان دگەل دوو حكومەتاندایە‮ ‬،‮ ‬دیسان ئەڤ هەلویستە رەنگە و دبیت ژی‮ ‬دەرفەتەكا باشتر بیت بۆ داهاتیا كوردستانێ و بۆ موكمرنا پەیوەندیێن هەرێمێ و ئەمریكا‮ ‬،‮ ‬یا خویایە ژی‮ ‬روویدانا‮ ‬16 ئوكتوبەرێ ب ئەگەرا هەڤبەشیا لایەنەكێ سیاسی‮ ‬یێ كوردستانێ دگەل هێزێن عێراقێ و پاش كشیا پەیوەندیان دگەل كوردستانی‮ ‬و ژبەركۆ باوەرییا ناڤخویی‮ ‬یا كوردستانێ دگەل دەرڤە لاوازبوو‮ . ‬بێگومان پیلانا هەرێمی‮ ‬بۆ هەڤكاریا عێراقێ ئەڤە ژی‮ ‬پالپەستویەكا دی‮ ‬بو بۆ سەركوردستانێ و تا رادەیەكی‮ ‬ژی‮ ‬ئەگەرەك بۆ كو ئەمریكا ل پشتگیریا كوردستانێ بێ دەنگ بیت‮ ‬یان نەشێت سنورەكێ بۆ عێراقێ دابنێت و سەرەرای‮ ‬دزانی‮ ‬كو مەترسیێن ئیرانێ ل دەڤەرێ چەندە‮ .‬

لێ‮ ‬یا گرنگ لڤی‮ ‬بابەتی‮ ‬ئەوە ئەرێ چەوا دێ كوردستانەكا ب هێز دناڤ عێراقەكا ب هێزدا هێتە ئاڤاكرن ؟ ب هزرا من ئارمانجا ئەوە كو ئەمریكا دڤێت دەستوورێ عێراقێ ب دروستی‮ ‬بهێتە جێ بەجێ كرن و لدویڤ مادە و بەندێن دەستووری‮ ‬مافێن كوردستانێ بێنە دابینكرن كو ئەو ژی‮ ‬ل چوارچویڤێ عێراقەكا ئێكگرتی‮ ‬دا بیت دڤی‮ ‬قویناغێ دا،‮ ‬رێكخستنەڤا لەشكرێ كوردستانێ ل سەر سیستەمەكێ لەشكری‮ ‬و ب پرەنسیپێن زانستی‮ ‬و ئەكادیمی‮ ‬و بیتە لەشكرەكێ نیشتیمانی‮ ‬و دویر بیت ل هێزێن سەر ب ڤی‮ ‬لایەنی‮ ‬و لایەنێ هە و لژێر وەزارەتا بەرگرییا عێراقێ دا بیت ب دابینكرنا موچە و چەك و تەقەمەنیڤە‮ ‬،‮ ‬یاسا سەروەر بیت و دادوەریا جڤاكی‮ ‬بەرجەستە بیت،‮ ‬داهاتیێ هەرێما كوردستانێ ب هەمی‮ ‬داهاتیێن وێڤە‮ ‬یا شەفاف و دیار بیت‮ ‬،‮ ‬ب دەزگەهكرنا دەزگەهێن حكومی‮ ‬واتە دەزگەهێن نیشتیمانی‮ ‬بن و دویر ل مایتیكرنا لایەنێن سیاسی‮ ‬د كاروبارێن واندا‮ ‬،‮ ‬واتە چ فەرە كو حكومەتا هەرێما كوردستانێ حكومەتەكا ب هێز دناڤ حكومەتەكا ناوەندی‮ ‬یا عێراقێ ئاڤا بكەت بەرییا هەمی‮ ‬تشتەكێ رێكخستن و ئیككرێزی‮ ‬و ئێكهەلویستیا لایەنێن سیاسی‮ ‬یە ل كوردستانێ و بنبركرنا ناكوكیان دناڤبەرا لایەنێن سیاسی‮ ‬یێن كوردستانێ و پێگیركرن ب دەستوورو‮ ‬یاسایی‮ ‬ئەوی‮ ‬كو ژلایێ زورینەیا خەلكێ عێراقێ و ب كوردستانڤە دەنگ لسەر هاتیە دان تاكو لڤێ قویناغا سەخت ودژوار دەرباز دبین‮ ‬،‮ ‬موكمكرنا پەیوەندیان دگەل ئەمریكا و هێزێن هەڤپەیمان و لسەر بنیاتێ بەرژەوەندیان و دگەل دەولەتێن جیران و بەغدا ودویر ل بەرژەوەندیێن بەرتەسك‮ ‬یێن حزبایەتی‮ ‬،‮ ‬دیسان بەرنامەیێ ئاشتیی‮ ‬بكەتە بنەرەتی‮ ‬كارێن خۆ‮ ‬یێن دوا رۆژێ و ب هویری‮ ‬د پەیوەندیێن خۆ و بەرژەوەندیاندا بچیتەڤە و هەول بدەت ب جدی‮ ‬و رژدی‮ ‬دوست وهێزو هەڤپەیمانا دروست بكەت و ئەڤە ژی‮ ‬ب كریار بهێنە كرن نەك ب گوتن و ب رێكرنا دەمی‮ ‬ب بێ شول‮ ‬،‮ ‬هەلبەت فەرە هێزەك بیت ل رۆژ هەلاتا ناڤین كۆ هێزا ئاشتی‮ ‬و دیموكراسی‮ ‬و مافێ مروڤی‮ ‬و ئاسایش و ئارامی‮ ‬ببیتە پێشەنگ بۆ وەلاتێن زلهێز و دەوروبەریش و ب راست ودروستی‮ ‬پابەند بن نەك درویشمێن بێ رامان بن‮ ‬،‮ ‬خالەكا دی‮ ‬كو فەرە ئاماژێ پێ بكەم ئەو ژی‮ ‬پشت بەستنە بخۆ چونكە سەرۆك بارزانی‮ ‬ژی‮ ‬لدویماهی‮ ‬ووتارا خودا كەرەمكروگوت‮ : ‬پشت بەستن ب خۆ‮ ‬یا گرنگە بۆ داهاتی‮ ‬،‮ ‬پشت ب هێزێن نافخو ببەستین بۆ ماف وداهاتیێ مە‮ ‬،‮ ‬ژبەركۆ ب پەرتو بەلاڤەبوونێ دێ بینە كەرەستە و بەردەستكێن دوژمنان‮ ‬،‮ ‬لەوما ئەركەكێ ئەخلاقی‮ ‬و نیشتیمانی‮ ‬و نەتەوەیی‮ ‬یە و رێزگرتنە ل خەبات وتێكوشین و قوربانیدانا گەلێ كوردستانێ‮ ‬یە كو ئەم هەمی‮ ‬ببینە ئێك هێزا كوردستانی‮ ‬ودویر ل بەرژەوەندیین كەسی‮ ‬و حزبی‮ ‬كو ئەو ژی‮ ‬بۆ‮ ‬ئێك ئارمانجە كە خزمەتكرنا داهاتیا كوردستانێ‮ ‬یە‮.‬

 
چاپکردن   Share گه‌ڕانه‌وه‌