2017-11-28

خەبات‮- ‬چۆمان‮: ‬
یەكێك لە گرفتەكانی‮ ‬ئاوی‮ ‬چۆمان بەتایبەتی‮ ‬لەوەرزی‮ ‬زستان و لەكاتی‮ ‬بارینی‮ ‬بەفری‮ ‬زۆر و نزمبوونەوەی‮ ‬پلەی‮ ‬گەرمی‮ ‬ئەوەیە كە دەبێتە هۆی‮ ‬شكانی‮ ‬بۆڕیی‮ ‬ئاو،‮ ‬هەروەها كێشەی‮ ‬سەرەكیی‮ ‬وەك لەم راپۆرتەدا بەدی‮ ‬دەكرێت،‮ ‬دووری‮ ‬سەرچاوەی‮ ‬ئاوی‮ ‬سەنتەری‮ ‬چۆمانە كە دەكەوێتە پڕژێ و ئەو ناوچەیەش زۆرترین بەفری‮ ‬لێدەبارێ و هاوینانیش لێی‮ ‬دەمێنێتەوە و گەشتیار لە هاویندا رووی‮ ‬تێدەكەن،‮ ‬بۆیە لەكاتی‮ ‬بەفربارین كە سەرچاوەی‮ ‬ئاوەكە دەگیرێ كاری‮ ‬چاككردنەوە زەحمەت دەبێت،‮ ‬لە مانگی‮ ‬11ـی‮ ‬ئەمساڵ سەرچاوەی‮ ‬ئاوی‮ ‬سەنتەری‮ ‬چۆمان بەهۆی‮ ‬بەفر و دواتریش رەنووی‮ ‬بەفر گیرا و كێشەی‮ ‬بۆ دانیشتووانی‮ ‬چۆمان درووست كرد،‮ ‬بۆ زیاتر تیشك خستنە سەر گرفتی‮ ‬ئاوی‮ ‬چۆمان لەكاتی‮ ‬بەفربارین و سەرمادا و چۆنیەتی‮ ‬چاككردنەوە،‮ ‬بە پێویستمانزانی‮ ‬بەرپرسی‮ ‬فەرمانگەی‮ ‬ئاوی‮ ‬چۆمان و دەوروبەری‮ ‬ئازاد مستەفا بدوێنین‮. ‬
سەرەتا لەبارەی‮ ‬لەكاركەوتنی‮ ‬هێڵی‮ ‬سەرەكیی‮ ‬ئاوی‮ ‬پڕژێ‮ - ‬چۆمان لە مانگی‮ ‬11ـی‮ ‬ئەمساڵدا،‮ ‬بەرپرسی‮ ‬فەرمانگەی‮ ‬ئاوی‮ ‬چۆمان و دەوروبەری‮ ‬ئازاد مستەفا گوتی‮:‬‮ ‬تەنیا لە مانگی‮ ‬11ـی‮ ‬ئەمساڵدا سێ جار هێڵی‮ ‬سەرەكیی‮ ‬ئاوی‮ ‬چۆمان شكاوە،‮ ‬كە لە سەرچاوەكەیەوە لە پڕژێ تا چۆمان نزیكەی‮ ‬17 كیلۆمەترە،‮ ‬هەروەها جگە لە تۆڕی‮ ‬سەرەكیی‮ ‬ئاوی‮ ‬سەنتەری‮ ‬چۆمان و شكانی‮ ‬قفڵ و بۆڕی‮ ‬و گیرانی‮ ‬بۆڕی‮ ‬و خەتی‮ ‬فەڕعی‮ ‬گەڕەكەكان،‮ ‬هەموو ئەمانە كێشەی‮ ‬درووست كرد و هەوڵماندا چارەسەریان بكەین،‮ ‬بەڵام لەم مانگەدا كێشە بۆ سەرچاوەی‮ ‬ئاوی‮ ‬چۆمان دروست بوو،‮ ‬لە‮ ‬ڕێكەوتی‮ ‬16/11/2017 پاككردنەوەی‮ ‬سەروچاوەی‮ ‬ئاوی‮ ‬پڕژێ بە حەفارە كە بەهۆی‮ ‬بەرد و لم و لافاو گیرابوو،‮ ‬كە بەهۆیەوە ئاوی‮ ‬چۆمان پچڕابوو،‮ ‬لە‮ ‬ڕێكەوتی‮ ‬19/11/2017 چاككردنەوەی‮ ‬خەتی‮ ‬سەرەكی‮ ‬ئاوی‮ (‬پڕژێ‮) ‬لە سەرەوەی‮ ‬گەڕەكی‮ ‬كۆسرەتان،‮ ‬لە‮ ‬ڕێكەوتی25/11/2017دوای‮ ‬بارینی‮ ‬باران و بەفرێكی‮ ‬زۆر دیسان بەهۆی‮ ‬ڕەنووی‮ ‬بەفر سەرچاوەی‮ (‬پڕژێ‮) ‬گیراوەو دوو‮ ‬ڕۆژ ئاوی‮ ‬چۆمان پچڕا،‮ ‬بەڵام سەرەڕای‮ ‬سەختی‮ ‬كەش و هەواو بارینی‮ ‬بەفر و سەختی‮ ‬شوێنی‮ ‬ئاوەكە و نەگەیشتنی‮ ‬ئۆتۆمبێل و بەهۆی‮ ‬بەستنی‮ ‬ڕێگای‮ (‬چۆمان‮ -‬ پڕژێ‮)‬،‮ ‬سەرەڕای‮ ‬كەمی‮ ‬بودجە و ئیمكانیات هەوڵی‮ ‬خۆمان داوەو درێخیمان نەكردووەو توانیمان زۆر بەزوویی‮ ‬ئاوی‮ ‬سەرچاوەی‮ ‬پڕژێ دووبارە چاك بكەینەوە و ئاو بۆ چۆمان بگەڕێنینەوە‮.‬
لەبارەی‮ ‬ئەوەی‮ ‬كە پلەی‮ ‬گەرمی‮ ‬زۆر دادەبەزێت و بەفرێكی‮ ‬زۆر باری‮ ‬ئاخۆ چۆن ئامێر دەگاتە ئەو شوێنە و بۆ لابردنی‮ ‬بەفر و سوودی‮ ‬لێ وەردەگرن، ئازاد مستەفا گوتی‮:‬‮ ‬سەرەڕای‮ ‬سەختی‮ ‬شوێنی‮ ‬سەرچاوە و ساردی‮ ‬شوێنەكە و بارینی‮ ‬بەفرێكی‮ ‬زۆر و نەگەیشتنی‮ ‬ئۆتۆمبێل و تەنانەت نەگەیشتنی‮ ‬حەفارەش بۆ ئەو شوێنە،‮ ‬بەڵام ئێمە لە هەوڵی‮ ‬خۆمان بەردەوام بووین،‮ ‬سەر لە بەیانی‮ ‬رۆژی‮ ‬25 ـی‮ ‬ئەم مانگە تا ئێوارە توانیمان سەرچاوەی‮ (‬پڕژێ‮) ‬چاك بكەینەوە،‮ ‬بە ماوەیەكی‮ ‬كەم ئاوەكە گەیشتەوە سەنتەری‮ ‬شاری‮ ‬چۆمان و بەسەر گەڕەكەكاندا دابەشكرایەوە،‮ ‬بەهۆی‮ ‬بەفرێكی‮ ‬زۆر و دابەزینی‮ ‬پلەی‮ ‬گەرما نەمانتوانی‮ ‬لە رۆژی‮ ‬25 ـی‮ ‬ئەم مانگە حەفارە بگەیەنینە سەرچاوەی‮ ‬ئاو لە پڕژێ،‮ ‬ناچار لەگەڵ كارمەندانی‮ ‬فەرمانگەكەمان ئەوانەی‮ ‬ناونیشانیان میراوە ماوەی‮ ‬نزیكەی‮ ‬چوار كیلۆمەتر بە پێ رۆیشتین تا گەیشتینە پڕژێ بە بێڵ لە بەیانییەوە تا ئێوارە خەریكی‮ ‬لابردنی‮ ‬بەفر بووین و سەرچاوەی‮ ‬ئاوەكەمان پاككردەوە،‮ ‬چونكە بەفرێكی‮ ‬زۆر بەتایبەتیش دوای‮ ‬رەنووی‮ ‬بەفر كەوتبووە سەرچاوەكە و هەمووی‮ ‬ببوە سەهۆڵ و ئاوەكە نەدەچووە هێڵی‮ ‬سەرەكیی‮ ‬ئاو،‮ ‬بەم شێوەیە ئاوەكە گەڕایەوە‮. ‬
بەرپرسی‮ ‬فەرمانگەی‮ ‬ئاوی‮ ‬چۆمان لەبارەی‮ ‬سەرچاوەی‮ ‬ئاوی‮ ‬چۆمان زیاتر گووتی‮:‬‮ ‬سەختی‮ ‬شوێن و پاڵەپەستۆی‮ ‬ئاو وایكردووە كە بەبەردەوام تۆڕی‮ ‬ئاوی‮ ‬چۆمان تێك بشكێت،‮ ‬كەمی‮ ‬ئامێر و كەل و پەلی‮ ‬چاككردنەوە و سەختی‮ ‬ناوچەكە و كەمی‮ ‬بودجە بەهۆی‮ ‬قەیرانی‮ ‬دارایی‮ ‬كاری‮ ‬ئێمەی‮ ‬خراپتر كردووە كە بەهۆیەوە زۆر كێشەو گرفتمان بۆ دروست دەبێت‮ .‬
لەبارەی‮ ‬ئەوەی‮ ‬كە ئاووهەوای‮ ‬ناوچەكە بەتایبەتی‮ ‬لە زستاندا كار دەكاتە سەر تۆڕی‮ ‬ئاو و هێڵی‮ ‬سەرەكیی‮ ‬ئاوی‮ ‬پڕژێ بۆ چۆمان،‮ ‬ئایا بەهۆی‮ ‬رۆژانی‮ ‬پشوو كار ناكرێت و خەڵك بێ ئاو دەمێنێتەوە تا رۆژی‮ ‬دەوام؟ لەوەڵامدا بەرپرسی‮ ‬فەرمانگەی‮ ‬ئاوی‮ ‬چۆمان گوتی‮:‬‮ ‬ئاووهەوا كاریگەریی‮ ‬لەسەر تۆڕی‮ ‬ئاوی‮ ‬چۆمان و هێڵی‮ ‬سەرەكیی‮ ‬ئاو هەیە بەتایبەت لە زستان و لەكاتی‮ ‬بارینی‮ ‬بەفر و بارانێكی‮ ‬زۆر،‮ ‬لەبارەی‮ ‬ئەوەی‮ ‬كە رۆژانی‮ ‬پشوو كار لە چاككردنەوە نەكەین،‮ ‬شتی‮ ‬وا نییە،‮ ‬بۆ نموونە رۆژی‮ ‬25 ی‮ ‬11ی‮ ‬2017 شەممە بوو واتە پشوو بوو،‮ ‬سەرەڕای‮ ‬ئەوەی‮ ‬نەمانتوانی‮ ‬ئامێر بگەیەنینە سەرچاوەی‮ ‬ئاو،‮ ‬نزیكەی‮ ‬چوار كیلۆمەتر لەگەڵ چەند كارمەندێكی‮ ‬فەرمانگەكەمان بەپێ چووینە سەرچاوەی‮ ‬ئاو لە پڕژێ و لە بەیانییەوە تا ئێوارە كارمان كرد و سەرچاوەكەمان چاككردەوە كە بەبەفرێكی‮ ‬زۆر گیرابوو،‮ ‬بەردەوام خزمەتی‮ ‬خەڵكی‮ ‬ناوچەكە دەكەین،‮ ‬هەر لێرەشەوە وێڕای‮ ‬ئەوەی‮ ‬قەیرانی‮ ‬داراییە،‮ ‬بەڵام داواكارین حكوومەتی‮ ‬هەرێمی‮ ‬كوردستان هاوكاریمان بكات،‮ ‬سەرەڕای‮ ‬هاوكاری‮ ‬بەڕێوەبەرایەتی‮ ‬ئاوی‮ ‬دەوروبەر‮ -‬ هەولێر،‮ ‬بەڵام لەبەر سەختی‮ ‬سەرچاوەی‮ ‬ئاو كە لەكاتی‮ ‬بەفردا ناتوانین حەفارە بگەیەنینە شوێنی‮ ‬سەرچاوە،‮ ‬پێویستە ئەوەش بڵێم ناوچەیەكی‮ ‬وەك قەزای‮ ‬چۆمان پێویستی‮ ‬بەوەیە كە ئیمكانیات بۆ ئەو جۆرە حاڵەتانە فەراهەم بكرێت،‮ ‬ئێمەش هەر كاتێك پێویستی‮ ‬كرد تەنانەت لە رۆژانی‮ ‬پشوو ئامادەین هێڵی‮ ‬سەرەكی‮ ‬و تۆڕی‮ ‬ئاو چاك بكەینەوە هەروەك لە رۆژی‮ ‬25 ـی‮ ‬ئەم مانگە كە پشوو بوو،‮ ‬بەڵام سەرچاوەی‮ ‬ئاومان چاككردەوە و ئاو گەڕایەوە هێڵی‮ ‬سەرەكی‮ ‬پڕژێ‮-‬ چۆمان‮.‬

 
چاپکردن   Share گه‌ڕانه‌وه‌