2017-11-26

خەبات‮: ‬سلێمانی‮ ‬

ئاوارەكانی‮ ‬قەزای‮ ‬خورماتوو لە كەمپێكی‮ ‬سنووری‮ ‬پارێزگای‮ ‬سلێمانی‮ ‬سەرقاڵی‮ ‬ئامادەكاری‮ ‬و چاككردن و داپۆشینی‮ ‬كابینەكانیان و خۆیان بۆ سەرماوسۆڵەی‮ ‬وەرزی‮ ‬زستان ئامادە دەكەن،‮ ‬ئەوان هەرچەندە چاویان لە ساتێك زووتری‮ ‬گەڕانەوەیانە بۆ سەر ماڵ و حاڵی‮ ‬خۆیان،‮ ‬بەڵام گەڕانەوەش لە ئێستادا بە ئەستەم دەزانن و داواكارن لایەنی‮ ‬بەرپرس و رێكخراوە مرۆییەكان هاوكارییان بكەن بەتایبەت لەم وەرزەدا كە وەرزی‮ ‬سەرما و بەفر و بارانە‮. ‬

لە كەمپی‮ ‬سورداش‮ (‬دەكەوێتە نزیك قەزای‮ ‬دوكان بە دووری‮ ‬50 كلم باكووری‮ ‬رۆژئاوای‮ ‬سلێمانی‮) ‬زیاتر لە‮ ‬400 خێزانی‮ ‬ئاوارەی‮ ‬خورماتوو لەناو كابینەكانی‮ ‬كەمپەكە ژیان دەكەن،‮ ‬ئەوان لە رۆژی‮ ‬16ی‮ ‬مانگی‮ ‬رابردوو دوای‮ ‬هێرشی‮ ‬هێزەكانی‮ ‬عێراق و حەشدی‮ ‬شەعبی‮ ‬و كۆنترۆڵكردنی‮ ‬ناوچەكانیان،‮ ‬وەك خۆیان دەڵێن تەنها خەمی‮ ‬رزگاركردنی‮ ‬گیانی‮ ‬خۆیان بووە و هەرچیان هەبووە لە ماڵەوە بەجێیان هێشتووە‮.‬

خورماتوو ناوچەیەكی‮ ‬گەرمەسێرە و دانیشتووانەكەشی‮ ‬زیاتر لەگەڵ گەرمای‮ ‬ناوچەكەی‮ ‬خۆیان راهاتوون،‮ ‬ئێستا جگە لەوەی‮ ‬دۆخێكی‮ ‬جیاوازتریان هەیە و لە دووری‮ ‬ماڵ و حاڵی‮ ‬خۆیان دەژین و ژیانی‮ ‬ئاوارەیی‮ ‬لەناو كەمپدا بەسەر دەبەن،‮ ‬ژینگە و كەشوهەوای‮ ‬ناوچەكەش بۆ ئەوان جیاوازترە كە ناوچەیەكی‮ ‬كوێستانە و ساڵانە بڕێكی‮ ‬زۆر بەفرو بارانی‮ ‬لێدەبارێت‮.‬

لە ئێستاشدا بە هۆی‮ ‬ئەو شەپۆلی‮ ‬باران بارینەی‮ ‬كە ماوەی‮ ‬چەند رۆژێكە ناوچەكەی‮ ‬گرتووەتەوە و پلەكانی‮ ‬گەرماش دابەزیون،‮ ‬زۆربەی‮ ‬پیاوانی‮ ‬ناو كەمپەكە كەوتونەتە خۆیان و لەبەر باراندا و لەسەر ئەو كابینانەی‮ ‬كە تیایدا دەژین سەرقاڵی‮ ‬داپۆشینی‮ ‬سەرەوەی‮ ‬كابینەكانیان بوون بە چادر و ئامادەكارییان دەكرد بۆ وەرزی‮ ‬سەرمای‮ ‬ئەمساڵ،‮ ‬بەشێكیشیان روویان لە ئیدارەی‮ ‬كەمپەكە كردبوو بۆ داواكردنی‮ ‬پێداویستی‮ ‬زیاتر و ئامادەكارییان بۆ پاراستنی‮ ‬كابینەكانیان لە تەڕبوون و هاتنە ناوەوەی‮ ‬باران بۆ ناوەوەی‮ ‬كابینەكان‮.‬

ئەحمەد فەتاحی‮ ‬تەمەن‮ ‬39 ساڵان كە سەرقاڵی‮ ‬داپۆشینی‮ ‬سەرەوەی‮ ‬كابینەكەی‮ ‬بوو بە چادر و ترسی‮ ‬لە سەرماوسۆڵەی‮ ‬زستانی‮ ‬ناوچەكە هەبوو،‮ ‬گوتی‮: "‬ئێستا سەرقاڵی‮ ‬داپۆشینی‮ ‬كابینەكانمانین،‮ ‬ئێمە خەڵكی‮ ‬گەرمیانین و نێوانمان لەگەڵ سەرما و سۆڵە باش نییە،‮ ‬بۆیە داوا لە لایەنە بەرپرسەكان و رێكخراوەكان دەكەین خزمەتگوزاریمان بۆ دابین بكەن و هاوكاریمان بكەن‮".‬

ئەحمەد كە خاوەنی‮ ‬حەوت سەر خێزانە لە رۆژی‮ ‬16ی‮ ‬مانگی‮ ‬رابردوو لە خوورماتوو هەڵاتووە و تا ئێستا ترسی‮ ‬هەیە لە گەڕانەوە بۆ‮ ‬سەر ماڵ و حاڵی‮ ‬خۆی،‮ ‬بەڵام خوازیارە لایەنە بەرپرسەكان هاوكارییان بكەن بۆ‮ ‬گەڕانەوە و بەسەربردنی‮ ‬ژیان لەناو ماڵ و حاڵی‮ ‬خۆیاندا‮.‬

محەمەد فاروق لە كەمپەكەدا دراوسێی‮ ‬ئەحمەدە و خەڵكی‮ ‬خوورماتووە،‮ ‬ئەم تا ئێستاش نیگەرانی‮ ‬و تووڕەیی‮ ‬بە رووخسار و قسەكردنیدا دیارە لەو دۆخەی‮ ‬بەسەریان هاتووە و لایەنە كوردییەكان بە بەرپرسی‮ ‬دۆخەكە دەزانێت،‮ ‬ئەحمەد گوتی‮: "‬ئەوەی‮ ‬بەسەر ئێمە هات،‮ ‬شنگالی‮ ‬دووەم بوو،‮ ‬ئەگەر كۆمەڵێك پێشمەرگەی‮ ‬خۆبەخش نەبوونایە هەموومان رووبەڕووی‮ ‬كوشتن و بڕین دەبوینەوە‮".‬

ئەو گوتی‮: "‬لەو رۆژەدا ئێمە تەنها فریای‮ ‬رزگاركردنی‮ ‬گیانی‮ ‬خۆمان كەوتین و هیچ شتێكمان لەگەڵ خۆمان نەهێنا،‮ ‬ماڵەكانیشمان لەوێ تاڵان كراون،‮ ‬بۆیە ئێستا لێرە هیچ شتێكمان نییە و پێداویستی‮ ‬زۆرمان هەیە،‮ ‬ئەم ناوچەیەش زۆر ساردە و پێویستیمان بە گەرمكەرەوە هەیە بۆ‮ ‬پاراستنی‮ ‬تەندروستی‮ ‬خۆمان و منداڵەكانمان‮".‬

سەرەڕای‮ ‬تێپەڕبوونی‮ ‬زیاتر لە‮ ‬یەك مانگ بەسەر داگیركردنی‮ ‬كەركووك و خوورماتوو لە لایەن هێزە عێراقییەكان و حەشدی‮ ‬شەعبییەوە،‮ ‬بەڵام تائێستاش لەناو ئەو كەمپەدا باس و خواسی‮ ‬گەورە و بچووك،‮ ‬تەنانەت منداڵانی‮ ‬خوار تەمەن شەش ساڵیش چیرۆكی‮ ‬ئەو رۆژە و چۆنیەتی‮ ‬چۆڵكردنی‮ ‬شارەكەیان دەكەن،‮ ‬ناوەكانی‮ ‬پێشمەرگە و حەشدی‮ ‬شەعبیش بەردەوام لە قسە و باسەكانی‮ ‬ئەواندا دووبارە دەبنەوە‮.‬

 
چاپکردن   Share گه‌ڕانه‌وه‌