2017-11-19

خه‌بات: ره‌مزی میره‌كانی

یاریزانی‮ ‬بەرازیلی‮ ‬كاسیمیرۆ،‮ ‬یاریزانی‮ ‬هێڵی‮ ‬ناوەڕست ریال مەدریدی‮ ‬ئیسپانی‮ ‬وتی،‮ ‬دەرگاكانی‮ ‬یانەكەی‮ ‬لەبەردەم هاونیشتمانەی‮ ‬نایمار داسیلڤا،‮ ‬یاریزانی‮ ‬پاریس سان جێرمانی‮ ‬فەرەنسی‮ ‬كراوەیە‮. ‬كاسیمیرۆ لەكاتی‮ ‬لێدوانی‮ ‬بۆ رادیۆی‮ (‬كادینا كۆپ‮) ‬ئیسپانی‮ ‬وتی‮:"‬نایمار ئەستێرەیەكی‮ ‬مەزنە،‮ ‬خاوەن بەهرەیەكی‮ ‬گەورەیە،‮ ‬ئەو‮ ‬یەكێ لە سێ باشترین‮ ‬یاریزانە لە جیهاندا‮". ‬روونیشی‮ ‬كردەوە‮:"‬بەیەكەوە گاڵتە دەكەین،‮ ‬لە بارەی‮ ‬ئەو هەواڵانەی‮ ‬باس لە هاتنی‮ ‬بۆ ریال مەدرید دەكەن،‮ ‬وابزانم ئەو لە‮ ‬یانەی‮ ‬ئێستای‮ ‬دڵخۆشە‮".

‬وتیشی‮:"‬نایمار باش دەزانێت چی‮ ‬دەكات،‮ ‬ئەو‮ ‬یاریزانێكی‮ ‬لێهاتووە،‮ ‬ریال مەدریدیش پێشوازی‮ ‬لە هاتنی‮ ‬دەكات،‮ ‬بەدڵنیاییەوە هیوا دەخوازم بێتە لامان،‮ ‬هەرچەندە دووپاتی‮ ‬دەكەمەوە،‮ ‬ئەو لە تیپەكەی‮ ‬ئێستای‮ ‬دڵخۆشە‮". ‬كاسیمیرۆ دڵخۆشی‮ ‬خۆشی‮ ‬بە گەڕانەوەی‮ ‬هاوتیپەكەی‮ ‬،‮ ‬دانی‮ ‬كارفاخال بۆ نێو‮ ‬یاریگەكان دووپات كردەوە،‮ ‬دوای‮ ‬چاكبوونەوەی‮ ‬لە نەخۆشی‮ ‬ماسولكەكانی‮ ‬دڵی،‮ ‬لەهەمان كاتیشدا پیرۆزبایی‮ ‬لە كریستیانۆ رۆناڵدۆ كرد،‮ ‬بە لەدایكبوونی‮ ‬منداڵە تازەكەی‮، ‬شیاوی‮ ‬باسكردنە،‮ ‬كاسیمیرۆ و نایمار لەگەڵ هەڵبژاردەی‮ ‬بەرازیل،‮ ‬بەشدارییان لە‮ ‬یاری‮ ‬دۆستانە بەرامبەر هەڵبژاردەی‮ ‬ئینگلتەرا كرد،‮ ‬كە شەوی‮ ‬سێ شەمەی‮ ‬رابردوو لەسەر‮ ‬یاریگەی‮ ‬ویمبڵی‮ ‬بەڕێوە چوو و بە ئەنجامی‮ ‬یەكسانبوون بەبێ گۆڵ كۆتایی‮ ‬هات‮.‬

 
چاپکردن   Share گه‌ڕانه‌وه‌