2017-11-18

خه‌بات‮: ساڵح محەمەد تەیرۆ

بۆ پتر ئاگەهداربوون لسەر قویناغا ئەڤرۆ هەرێما كوردستانێ تێدا دەرباز دبیت و نەمازە ل پشتی‮ ‬روویدانێن‮ ‬16 ‮ ‬ئوكتوبەرێ‮ ‬و چەوانیا دەربازبوونا هەرێما كوردستانێ ل ڤێ قویناغا هەستیار و دژوار وزال بون لسەر وان پیلانا ئەوێن كو ژلایێ داگیركەر و نەحەزێن كوردستانێ هاتبوونە دارێشتن ل دژی‮ ‬هەرێما كوردستانێ‮ ‬و ئەو گورانكاریێن لسەر هەلویستێ ئەمریكا و هێزێن هەڤپەیمانان هاتینە كرن بەرامبەر ب گەلێ كوردستانێ و دەستكەفتیێن كوردستانیان،‮ ‬رۆژنامەیا خەبات بفەر زانی‮ ‬كو دیدارەكێ دگەل سەباح بەیتوللا بەرپرسێ لقێ9 یێ پارتی‮ ‬دیموكراتی‮ ‬كوردستان ساز بكەتن‮.‬

‮❊ ‬دەستپێشخەریێن حكومەتا هەرێما كوردستان كو لدویڤ دەستووری‮ ‬كیشەیێن دنێڤبەرا هەرێمی‮ ‬و حكومەتا ناوەندی‮ ‬بهێنە چارەسەركرن و پێشوازی‮ ‬نەكرن ژلایێ حكومەتا ناوەندیڤە لسەر ڤان دەست پێشخەریان،‮ ‬جەنابێ تە وەكو بەرپرسێ لقێ دیتناتە چی‮ ‬یە لسەر ڤێ چەندێ؟

ــ بەری‮ ‬بێمە سەر بەرسڤا پرسیاراتە،‮ ‬ئەگەر حكومەتا عیراقێ خالێت دەستوری‮ ‬جێ بەجێ كربانا،‮ ‬بارودوخێ‮ ‬نەدگەهشتە ڤێ گاڤێ و‮ ‬55‮ ‬خالێت دەستوری‮ ‬ژلایێ حكومەتا عیراقێ ڤە هاتینە پێشیل كرن و ل دیباجا دەستوری‮ ‬دا دبێژیت مانەڤا ئێك پارچەیا عیراقێ‮ ‬یا گرێدایە ب جێ بەجێ كرنا خالێت دەستوری،‮ ‬لێ مخابن عەقلیەتا بەرامبەر خەلكێ كوردستانێ نەهاتیە گوهرین هەر هەمان عەقلیەتە شوفینی‮ ‬و ب تنێ دەم و چاڤ هاتینە گوهرین‮.‬

حكومەتا هەرێما كوردستانێ باوەری‮ ‬ب دیالوك و دان وستاندنێ هەیە بۆ چارەسەركرنا كێشا و پێشوازی‮ ‬نەكرنا حكومەتا عیراقێ نیەتا خرابا وانە باشتر خویا دكەتن و مەبەست نەبەس چارەسەر نەكرنا كێشایە دناڤبەر هەردوو لایادا،‮ ‬لێ مەبەستا وان وەكو رۆژێ‮ ‬یا خویایە كۆ نەهێلانا هەرێما كوردستانێ‮ ‬یە و مەبەستا وان روونتر بوو‮ ‬نەخاسم ل‮ ‬ 16/10/2017 كو ئەڤ پیلانە ژمێژە بەرنامە بۆ هاتبوو دارێشتن و عەقلیەتا شوڤینیا عەرەبی‮ ‬قەبول نەكرنا ئەوێ بەرامبەر و ب تنێ دەستهەلات بۆ خۆ دڤێت و ئەوان دڤێت بەرامبەرێ وان ملكەچێ ئەمر و فەرمانێت وان بن‮ ‬ئەڤە ژی‮ ‬ب نیسیبەت مە وەكو خەلكێ كوردستانێ ناهێتە قەبول كرن و تەسلیمێ ئیرادا وان نابیت‮.‬

‮❊ ‬سەرۆك بارزانی‮ ‬دپەیڤەكێ دا گوت‮: ‬ئەم دێ پێداچوونەكێ لسەر پەیوەندیین خودا دگەل ئەمریكا كەینەڤە بوچی‮ ‬هەلویستی‮ ‬ئەمریكا‮ ‬یێ نەرینی‮ ‬بۆ؟ بوچی‮ ‬هەلویستێ روسیا‮ ‬یێ‮ ‬بەرچاڤ و ئەرینی‮ ‬بوو بەرامبەر ب هەرێما كوردستانێ ومافێن كورستانێ دڤان روویدانین لڤێ دویماهیێ هاتینە پێش؟

ــ‮ ‬ڕاستە بەرێز جەنابێ سەرۆك بارزانی‮ ‬دپەیڤەكێ دا ئیشارەت ب وێ چەندێ دا كو ئەوێت ئەمریكا ب تیروریست ل قەلەم ددان ب چەكێ ئەمریكی‮ ‬و دەبابێت ئەمریكی‮ ‬هێرش سەر كوردستانێ كر و ب چەكێ ئەمریكی‮ ‬پێشمەرگە هاتنە شەهید كرن كو ئەڤە جهێ هەلوەستە كرنێ‮ ‬یە و جەنابێ سەرۆك بارزانی‮ ‬ئیشارەت ب وێ چەندێ ژی‮ ‬دا كو بەلێ ب تنێ چیا دوستێت مەنە و پێویستە مللەتێت بن دەست ئیعتیمادێ لسەرخۆ بكەت‮. ‬هەلویستێ روسیاو فەرەنسا و ئەلمانیا هەتا رادەیەكێ باش بوو‮.‬

‮❊ ‬ئەو چ فاكتەر بوون كو هەتا بەری‮ ‬ڤان روویدانێن ڤێ دویماهیێ هێزێن هەفپەیمانان پالپشتێت مەبون ل سەنگەرێن پێشمەرگەهێن قەهرەمان د بەرەڤانیكرنێ دا ل دژی‮ ‬رێكخراوا تیروریستیا داعش و لڤان كاودانێن16 ‮ ‬ئوكتوبەرێ بێ هەلویست و بێ دەنگ بون لسەر گەلێ كوردستانێ؟

ــ دونیا هەمێ وێ چەندێ دزانیت و شاهدی‮ ‬بۆ دایەو ددەتن كو پێشمەرگە تاكە هێزە لسەر عەردی‮ ‬شیایە ئەفسانەیا تیروریستێت داعش بشكێنیت و ببیتە سومبولێ ئازادیێ بۆ تەڤایا جیهانێ و هەمیا ئەو چەند خویا كر كو پێشمەرگە ل جیاتی‮ ‬هەمی‮ ‬مروڤایەتیێ شەر دكر و بەرەڤانی‮ ‬كر و حەتا كەنالێت‮ ‬ڕاگەهاندنا جیهانێ و بەرپەرێت رۆژنامە و گۆڤارێت وان د تژی‮ ‬بوون ل پەسنا پێشمەرگەی‮ ‬و قەهرەمانی‮ ‬و خوراگری‮ ‬و فیداكاریا پێشمەرگەی‮.. ‬لێ ئەوا جەنابێ تە د پرسیارا خودا ئاماژە پێدایی‮ ‬دیارە بەرژەوەندی‮ ‬تەحەكومێ ب سیاسەتێ دا دكەن‮ ‬یا چاڤەرێ كری‮ ‬نەبوو كو هەلویستێ وان بڤی‮ ‬رەنگی‮ ‬بیت‮.‬

‮❊ ‬پشتی‮ ‬داگیركرنا دەڤەرێن كوردستانی‮ ‬یێن دەرڤەیی‮ ‬هەرێمێ ب گشتی‮ ‬و نەمازە دەشتا نەینەوا ژ لایێ حەشدا شەعبیڤە،‮ ‬دێ چارەنڤیسێ كوردان و كێم نەتەوەیێن دیڤە چ بن؟ چونكە ل پرسا ریفراندومێ دەنگ دایە بو سەربخویا كوردستانێ؟

ــ بەلێ پشتی‮ ‬داگیركرنا دەڤەرێت كوردستانێ‮ ‬یێت دەرڤەی‮ ‬هەرێما كوردستانێ و نەمازە دەشتا نەینەوا ژ لایێ میلیشیاتێت حەشدا شەعبی‮ ‬ڤە،‮ ‬یارە چارەنڤیسێ وان‮ ‬ئاوارەیی‮ ‬و دەر ب دەریە و بەری‮ ‬نها ژی‮ ‬و ل دەمێ هاتنا تیروریستێت داعش ب تنێ جهێ پاراستنا وان كوردستان بوویە و ئەگەر هەرێما كوردستانێ ژی‮ ‬نەبا‮ ‬چارەنڤیسێ وان‮ ‬دا لناڤ چوون بیت و ل چەندین كونگرەو كونفرانس و كومبینێت جیهانی‮ ‬ژی‮ ‬ئەڤ چەندە هاتیە بەحس كرن و شانازی‮ ‬پێ هاتیە كرن‮ ‬كو ئەگەر هەرێما كوردستانێ و هەلویستێ جەنابێ سەرۆك بارزانی‮ ‬نەبا گۆمان تێدا نینە دا چارەنڤیسێ وان گەلەكێ خراب بیت و نەبەس ئەڤە بەلكی‮ ‬ملیونەك و800 ‮ ‬هزار ئاوارێت دیتر ژی‮ ‬پەناهگەو پاراستنا وان كوردستان بوویە و هەمی‮ ‬هاریكاری‮ ‬ژی‮ ‬ژێرا هاتینە پێشكێش كرن،‮ ‬چونكی‮ ‬ئەڤە هەلویستێ هەرێما كوردستانێ و جەنابێ سەرۆك بارزانی‮ ‬بوویە و ئەو قییەم و بەهاو ئەخلاقێت بەرزێت كوردەواری‮ ‬بووینە كو دونیا شانازیێ پێ دكەتن‮. ‬مە هەمیا دیت چەوا كنیسەو پەرستگەه و جهێت وانێت ئایینی‮ ‬هاتنە كاڤل و وێرانكرن‮ ‬و چەوا فەتوا دژی‮ ‬وان دەرئێخستن و ب تنێ هەوارا وان كوردستان و بارزانی‮ ‬بوو‮. ‬وان باش دزانی‮ ‬ئەگەر دگەل هەرێما كوردستانێ بن و دەنگی‮ ‬بۆ سەرخوبونا كوردستانێ بدەن ئەو مافێت وان دێ د پاراستی‮ ‬بن لەوا دەنگێ خۆ ب بەلێ دا و ئەڤە ژی‮ ‬پەیامەكا رووهنە بۆ رەئیا جیهانێ كو دیموكراسیەت و مافێ مرۆڤی‮ ‬و ئازادی‮ ‬و رێزگرتن ل نەتەوە و ئایینا ب تنێ ل كوردستانێ هەیە و ب تنێ ل كوردستانێ دا ژیانا وان‮ ‬یا پاراستی‮ ‬یە‮.‬

‮❊ ‬ب دیتنا جەنابێ تە سەركردایەتیا لایەنێن سیاسی‮ ‬یێن كوردستانی‮ ‬چ هەلویست هەبن تاكو لڤی‮ ‬قویناغا هەستیار و دژواردا دەرباز بن؟‮ ‬یان چ بكەن؟

ــ بۆ لێدانا كوردستانێ و نەهێلانا ئەزمونا گەلێ مە دیت چەوا دەولەتێت دەوروبەر بوونە‮ ‬یەك هەلویست بەرامبەر لێدانا مە سەرەرای‮ ‬هندێ چ قاسمێت مشترك‮ ‬دناڤبەرا وان نینە‮ ‬ژبلی‮ ‬لێدانا كورد دا‮. ‬بۆ ڤێ چەندێ ژی‮ ‬باشترین بەرسڤا مە بۆ دوژمن و داگیركەرێت كوردستانێ و نەحەزێت ئەڤی‮ ‬مللەتی‮ ‬یەككرێزی‮ ‬و تەبایی‮ ‬و‮ ‬یەكهەلویستی‮ ‬یە كو ئەڤە كلیلا سەركەفتنا مەیە بسەر هەمی‮ ‬پیلانادا‮.‬

ئەڤا ل16/10/2017 ێ روی‮ ‬دایی‮ ‬پیلانەكا گەلەكا مەزن بوو چ لسەر ئاستێ دەرڤە و نافخو،‮ ‬لێ دوژمن هەمی‮ ‬جارا ل معادلاتێت خۆ‮ ‬یێت سیاسی‮ ‬دا بەرەنگاری‮ ‬و فیداكاری‮ ‬و قەهرەمانیا پێشمەرگەهێت پارتی‮ ‬و بارزانی‮ ‬ژبیر كریە كو پێشمەرگەهێت رێبازەكێنە كو تەسلیمی‮ ‬ئیرادا دوژمن و داگیركەرا نابیت،‮ ‬دەستا ل مافێت گەلێ كوردستانێ هەلناگریت و دەستا ل بهوستەكا ئاخا پیرۆزا كوردستانێ بەرنادەت و بۆ پاراستنا كوردستانێ قوربانی‮ ‬چەندا مەزن بیت و كاودان چەندێ دژوار بیت دێ پێشكێش كەتن چونكە ئارمانجا پارتی‮ ‬ل رۆژا دامەزراندنێ ل‮ ‬16/8/1946 قوربانیێت وێ بۆ ئاڤاكرنا دەولەتا كوردستانێ بوویە‮.‬

❊ ‬ئەرێ‮ ‬عەقلیەتا نهۆ‮ ‬یا عیراقا فیدرال بەرامبەر كورد دا هاتیە گوهرین بەرامبەر دەمێ چوویی‮ ‬یا نە؟

ــ هەر ل دەستپێكی‮ ‬حكومەتا عیراقا فیدرال باوەری‮ ‬ب شەراكەتێ نەبوویە و هەمی‮ ‬بزاڤێت وێ ئەو بووینە دێ چەوا كوردا لاواز كەت بۆ نمونە‮: ‬ئەگەر ئەم ب شەریك وەكو خۆ تەماشە كرباینا دا چەوا ل گەرما شەرێ مە دگەل تیروریستێن داعش دێ بودجەیا هەرێما كوردستانێ بڕیت‮. ‬ئەگەر نیەتا وان بەرامبەر كوردا‮ ‬یا خراب نەبا دا چەوا چەك و تەقەمەنیێ بۆ پێشمەرگەیی‮ ‬دهات ژ لایێ هاوپەیماناڤە دا رێكێ لێ گریت كو نەگەهیتە پێشمەرگەی‮.. ‬بوچی‮ ‬مادێ‮ ‬ 140گیروكر و جێ بەجێ نەكر،‮ ‬بوچی‮ ‬هەر ل سالا‮ ‬ 2007میزانیا پێشمەرگەی‮ ‬فرێ نەكر‮ ‬،‮ ‬ل سالا‮ ‬ 2008 ئنیەتا حكومەتا عیراقا فیدرال باش خویا و ئاشكرابوو بەرامبەری‮ ‬كورددا دەمێ دەست ب هێرشا كری‮ ‬و عەقلیەت هەمان عەقلیەتە ب تنێ سەروچاڤ هاتینە گوهرین‮ ‬و بۆ لێدانا كورددا و نەهێلانا كورددا هەمان هەلویست و بوچوونێت شوفینیێت كەڤنن و ئەم ژی‮ ‬تڤیا باش حساباتێت خۆ بكەین،‮ ‬لدویماهیێ سوپاسیا رۆژنامەیا خەبات دكەین بۆ ڤێ دیدارێ‮.‬

 
چاپکردن   Share گه‌ڕانه‌وه‌