2017-10-25

راپۆرت‮- ‬ژیلا كەریمی
ئەوەی‮ ‬لە‮ ‬16/10 لە كوردستان روویدا لە ئەنجامی‮ ‬لێكترازانی‮ ‬ماڵی‮ ‬كورد و نەبوونی‮ ‬یەكڕیزی‮ ‬بوو ئەگینا بە وتەی‮ ‬خودی‮ ‬بەرپرسانی‮ ‬بەغدا ئەوان قەت توانایان نەبوو بێنە نێو كەركووك و داگیری‮ ‬بكەن‮. ‬ئەوەی‮ ‬روویدا پەرتەوازەیی‮ ‬و نەبوونی‮ ‬یەكدەنگی‮ ‬بوو و بۆ چارەسەری‮ ‬هەڵەكەش پێویستە دووبارە بگەڕێینەوە بۆ پێكەوە ژیان و‮ ‬یەكدەنگی‮ ‬بە هەموو تاكێكی‮ ‬كورد بە هەر بیروباوەڕێكی‮ ‬سیاسی‮. ‬ئافرەتانی‮ ‬كوردستانیش هەر ئەمە بە چارەسەر دەزانن و لەو بارەوە رای‮ ‬خۆیان دەخەنە روو‮:‬
د.میادە محەمەد نەجار سەرۆكی‮ ‬رێكخراوی‮ ‬ئاریانا بو پێگەیاندنی‮ ‬ئافرەتان ئاشتەوایی‮ ‬لەو بابەتە بە گرنگ دەزانێت و رای‮ ‬خۆی‮ ‬بەمشێوەیە دەخاتەڕوو‮: ‬بێگومان ئەمڕۆ هەرێمی‮ ‬كوردستان بەهۆی‮ ‬هێرشی‮ ‬ناڕەوای‮ ‬هێزەكانی‮ ‬حەشدی‮ ‬شەعبی‮ ‬و سوپای‮ ‬عێراق رووبەڕووی‮ ‬قەیرانێكی‮ ‬تایبەتی‮ ‬بۆتەوە كە پێویستی‮ ‬بەدان بەخۆداگرتن و كۆششكردن هەیە،‮ ‬ئەوەی‮ ‬گرنگە ئێمەی‮ ‬ئافرەت دەبێت زۆر بەووردی‮ ‬مامەڵە بكەین بەتایبەتی‮ ‬پێویستە رێكخراوەكانی‮ ‬ئافرەتان لە هەموو لایەنەكان پێكەوە كار بۆ سەرخستنی‮ ‬پرۆسەی‮ ‬ئاشتەوایی‮ ‬بكەن،‮ ‬چونكە ئەمڕۆ لەهەموو كاتێك زیاتر پێویستمان بەئاشتەواییە‮. ‬ئەوەی‮ ‬گرنگە‮ ‬یەكڕیزی‮ ‬هەنگاوی‮ ‬سەركەوتنمانە،‮ ‬بۆیە دەبێت هەموومان بەیەك دەنگ داوای‮ ‬یەكڕیزی‮ ‬بۆ هەریمەكەمان بكەین نابێت ئێمە هانی‮ ‬تووندوتیژی‮ ‬بدەین،‮ ‬بەڵكوو دەبێت ئافرەتان لەهەمووان زیاتر كار بۆ‮ ‬یەكڕیزی‮ ‬بكەن كە لە ئەنجامی‮ ‬یەكدەنگی‮ ‬و‮ ‬یەكهەڵوێستی‮ ‬دەتوانین چۆك بە دوژمن دابدەین و بگەینە ئامانجە سیاسییەكانمان‮.‬
بە سروشت ئافرەت حەز بە پاراستنی‮ ‬ئاشتی‮ ‬دەكات و دەیەوێت ئاشتی‮ ‬لەگشت جیهاندا بچەسپیت و دژی‮ ‬جەنگ وتووندوتیژییە‮. ‬ئەگەر تەماشا بكەین لەهەموو جیهاندا ئافرەت خۆی‮ ‬لەخۆیدا مرۆڤێكی‮ ‬ئاشتیخوازە كەمتر حەز بە توندوتیژی‮ ‬دەكات،‮ ‬تەنانەت لەگشت وڵاتانی‮ ‬جیهاندا ئافرەتان هەڵگری‮ ‬مەشخەلی‮ ‬ئاشتین،‮ ‬چونكە ئافرەت خۆی‮ ‬كەسێكی‮ ‬سۆزدارە هەمیشە سۆزی‮ ‬بۆ مرۆڤەكان دەجوڵێت بۆیە كەمتر پەنا بۆ تووندوتیژی‮ ‬دەبات‮. ‬هەروەها لە زۆر وڵاتانی‮ ‬جیهان لەكاتی‮ ‬ئاشتەواییدا سوودیان لە توانا و هێزو بازووی‮ ‬ئافرەت وەرگرتووە،‮ ‬قسەیەك هەیە دەوترێت ئافرەتان هەڵگری‮ ‬مەشخەلی‮ ‬ئاشتین‮ ‬یان دەوترێت ئەگەر ئافرەتان جیهان بەڕێوەبەرن ئەوكات ئاشتی‮ ‬لە هەموو جیهاندا سەقامگیر دەبێت‮ ‬،‮ ‬لەبەر ئەوە هەمیشە ئافرەت حەز بەپاراستنی‮ ‬ئاشتی‮ ‬دەدات و دەیەوێت ئاشتی‮ ‬لەگشت جیهاندا بچەسپیت و دژی‮ ‬جەنگ وتووندوتیژییە‮. ‬پێویستە لەو دۆخەش بە ئاشتی‮ ‬و‮ ‬یەكڕیزی‮ ‬ئافرەتان رۆڵی‮ ‬خۆیان هەبێت‮. ‬
هاوژین رەسوڵ چالاكوان لە بواری‮ ‬ئافرەتان سەرەڕای‮ ‬دڵگرانی‮ ‬بەو بارودۆخە بەڵام بە هیواوە دەڕوانێتە داهاتوو و دەڵێت‮: ‬ئاشكرایە رووداوەكانی‮ ‬16-10 و رۆژانی‮ ‬دوایی‮ ‬كاریگەری‮ ‬نەرێنی‮ ‬لەسەر تێكڕای‮ ‬تاكی‮ ‬كورد كردووە،‮ ‬بە تایبەت دانیشتوانی‮ ‬ئەو ناوچانەی‮ ‬جارێكیتر داگیر كرایەوە و گەر بڵێم ئاسۆی‮ ‬خەون و هیواكانی‮ ‬لای‮ ‬هەندێك لێڵ كردووە دڵنیا بە هەڵە نیم،‮ ‬چونكە جگە لە دەرئەنجامەكان هۆكارەكان چاوەڕوان نەكراو بوو كە بە هۆی‮ ‬ناكۆكی‮ ‬سیاسی‮ ‬كوردستان دووبارە تووشی‮ ‬شەڕ‮ ‬بوویەوە و هێرشیان هێنا بۆ سەر خاكێك كە بەخوێن بەدەست هاتووە و بەخوێن پارێزراوە،‮ ‬بۆیە دەكرێت وابیربكەینەوە ئەوەی‮ ‬روویدا تازە روویداوە هەرگیزیش ناشاردرێتەوە و چووە مێژووەوە،‮ ‬بەڵام زۆر گرنگە لە ئێستادا پەردەیەك بەسەر رابردوودا بدرێت و هەر ئیجرائاتێكی‮ ‬سیاسی‮ ‬و‮ ‬یاسایی‮ ‬هەڵبگیرێت بۆ پاش تێپەڕاندنی‮ ‬ئەم رەوشە و ئاسایی‮ ‬بوونەوەی‮ ‬ئەو كەشە گرژە سیاسی‮ ‬و سەربازییە،‮ ‬ئەمەش لە پێناو هەستانەوە و سەركەوتن و رەواندنەوەی‮ ‬مەترسییەكان و‮ ‬پێشگرتن لەو مەرامە داگیركارییە سیستەماتیكە و بەگژداچونەوەی‮ ‬پیلانی‮ ‬وڵاتانی‮ ‬ناوچەكە،‮ ‬هەروەها‮ ‬بۆ هەڵوەشاندنەوەی‮ ‬خواستی‮ ‬دوژمن‮ ‬لە تێكچونی‮ ‬زیاتری‮ ‬ماڵی‮ ‬كورد‮ .‬
‮ ‬لەو چوار چێوەێەشدا ئافرەت و بەتایبەت لە نێویاندا داواكاری‮ ‬و پێداگیری‮ ‬كەسوكاری‮ ‬شەهیدان رۆڵی‮ ‬گرنگیان دەبێت‮ ‬و ئیلتیزامێكی‮ ‬ئەخلاقی‮ ‬دەخاتە ئەستۆی‮ ‬هەمووان بۆ رێكخستنەوەی‮ ‬ماڵی‮ ‬كورد‮. ‬
لە لایەكیتر من پێشنیار دەكەم دان بەو راستیەدا بنرێت كە ئەو رووداوانە ئەنجامی‮ ‬هەبوونی‮ ‬كەلێنە لە ماڵی‮ ‬كوردیدا،‮ ‬بۆیە دەكرێت ئەزمونی‮ ‬لێوەربگیرێت تا هەنگاوەكانی‮ ‬داهاتوو بەهێزتر و خێراتر بێت و قەرەبووی‮ ‬پاشكەوتنەكان بكاتەوە‮.‬
بوشرا شۆرش مامۆستا و خاوەن هەویركاری‮ ‬دایەخان كە لە زۆربەی‮ ‬ئەركە نەتەوەییەكان بەشداربووە دەڵێت‮: ‬وام پێباشە لەم بارودۆخە ناسكەی‮ ‬كە ئێستا هەریمی‮ ‬كوردستان پێیدا تیپەڕ‮ ‬دەبیت هەموو گرفتە سیاسییەكانی‮ ‬نێوان هەموو لایەنەكان بەلاوە بنرێن،‮ ‬بگەڕێینەوە بۆ‮ ‬یەكخستن و‮ ‬یەكڕیزی‮ ‬و تەبایی‮ ‬لە پێناو لەدەست نەدانی‮ ‬رەنجی‮ ‬چەند ساڵەی‮ ‬میللەتی‮ ‬كورد و بە فیڕۆنەدانی‮ ‬خوێنی‮ ‬شەهیدان و هەموو ئەو دەستكەوتانەی‮ ‬بە دەستمان هاتووە‮. ‬تكام وایە لە هەموو كوردێكی‮ ‬دڵسوز بە پەتی‮ ‬ناحەزان هەل نەپەڕن تاكو ئێستاش كار بو پێكەوە ژیان بكەین لە نێو كوردستان بە هەموو ئایین و نەتەوەكانەوە خەڵك با هۆشیار بێت هەر وەك شاعیر دەڵێت دەسا كوردینە بەسیە ئەم حاڵە بۆ بەرزیەتی‮ ‬قەومی‮ ‬كورد ئەمڕۆ رۆژی‮ ‬هیممەتە‮. ‬دەبا ئێمەش ناحەز بە خۆمان خۆشحال نەكەین‮. ‬ئەووی‮ ‬روویدا لە ئەنجامی‮ ‬كەوتنی‮ ‬درزی‮ ‬نێو ماڵی‮ ‬كورد بوو،‮ ‬هەر بۆیە دڵسۆزان نابێت ئەو ئیزنە بدەنە دوژمن و ئەوانەی‮ ‬كە رەنگە بە ویست‮ ‬یان نەخوازراو و بێ ویست و تەنیا بە هۆی‮ ‬سەرلێشێواوی‮ ‬سیاسی‮ ‬كە بەداخەوە هەندێ كەناڵ هەوڵی‮ ‬بۆ دەدەن،‮ ‬كە پەرتەوازەیی‮ ‬دروست بكەن‮. ‬گەر كورد‮ ‬یەك بێت پاڵپشتی‮ ‬هیچ وڵات و لایەنێكی‮ ‬ناوێت،‮ ‬چونكە ئیرادەی‮ ‬گەل بەهێزترین چەكە و دەتوانێـت بمانگەیەنێتە ئامانج‮. ‬پاراستنی‮ ‬ئاشتەوایی‮ ‬و هێوركردنەوەی‮ ‬دۆخەكەش‮ ‬یارمەتیدەرێكی‮ ‬باشە و ئێمە وەك ئافرەت دەتوانین لەو بارەوە رۆڵی‮ ‬كاریگەرمان هەبێت بە هۆی‮ ‬ئەو سروشتەی‮ ‬كە ئافرەت هەیەتی‮ ‬لە هێوركردنەوە و پاراستنی‮ ‬ئاشتی‮.‬
د‮. ‬سارا تەڵایی‮ ‬هونەرمەند لە بوراەكانی‮ ‬شێوەكاری،‮ ‬شیعر و مۆسیقا بە هەستیارییەوە باس لەو دۆخە دەكا كە‮: ‬با بابەتی‮ ‬حزبایەتی‮ ‬و لێكدانەوەكان وەلابنێن،‮ ‬تادرەنگ نەبووە با شكۆی‮ ‬كورد بگەڕێنینەوە و‮ ‬یەكدەنگ نێو ماڵی‮ ‬كورد‮ ‬یەك بخەین‮. ‬ئەو ناكۆكیانە لە مێژە پیلانی‮ ‬بۆ دانراوە بۆ ئاژاوەنان و سازدانی‮ ‬دوبەرەكی‮ ‬لە نێو ماڵی‮ ‬كوردا و ئامانجی‮ ‬تایبەتی‮ ‬لە پشتە،‮ ‬هیچ پەیوەندی‮ ‬بە‮ ‬ڕیفراندۆم و ئەم و ئەو نییە‮. ‬پێویستە نەتەوەی‮ ‬كورد‮ ‬یەكدەنگ بن بۆ چۆك داهێنان بە دوژمن كە دەبینن دوژمنمان بە بیر و رای‮ ‬جیاواز لە پێناو بەرپەرچدانەوەی‮ ‬ئازادی‮ ‬گەلی‮ ‬كورد چۆن‮ ‬یەكیان گرتووە ئەگینا لە نێو خۆیان هیچ بیرێكی‮ ‬سیاسی‮ ‬كۆیان ناكاتەوە تەنیا دوژمنایەتی‮ ‬كورد نەبێت‮. ‬با هەستینە سەرپێ و كوردایەتی‮ ‬خۆمان بە جیهان پیشان بدەین و بە دەنگی‮ ‬ورە بەخشی‮ ‬سرودی‮ ‬ئەی‮ ‬ڕەقیب پەنجەكان‮ ‬بكەین بە تۆپ،‮ ‬سینگمان بكەینە قەڵغان بۆ گوللەی‮ ‬دوژمن و پەیمانی‮ ‬خۆمان بۆ ئەو نیشتمانە نوێ بكەنەوە تا رۆحی‮ ‬شەهیدانی‮ ‬كوردستانیش ئارام بگرێ و خوێنیان بە فیڕۆ نەڕوا‮.‬
نەیارانی‮ ‬كورد هەوڵ دەدەن بە هەموو رێگەیەك دڵەڕاوكێ و ناسەقامگیری‮ ‬بخەنە نێو ماڵی‮ ‬كورد بۆ ئەوەی‮ ‬ئاڵۆزی‮ ‬بخەنە كوردستان و بگەنە ئامانجە گڵاوەكانیان،‮ ‬با باش بزانن كورد خاك دەخوات،‮ ‬خاك نافرۆشێت‮. ‬پێویستە لەم كاتە هەستیارەدا‮ ‬یەكدەنگی،‮ ‬یەكڕەنگی‮ ‬و كوردایەتی‮ ‬بپارێزن واز لە لایەنگری‮ ‬حزبایەتی‮ ‬بێنن،‮ ‬هەر هەنگاوێكی‮ ‬باشی‮ ‬كورد ورەیەكە بۆ سەركەوتن‮. ‬لە رۆژهەڵات و رۆژئاوا و باكوور،‮ ‬چاوەڕوانی‮ ‬سەركەوتنی‮ ‬باشووری‮ ‬كوردستانن‮. ‬چەند میدیای‮ ‬چەواشەكار و كەسانی‮ ‬نەیار لە رێگەی‮ ‬جۆرەها تۆری‮ ‬كۆمەڵایەتی‮ ‬هەوڵی‮ ‬شێواندنی‮ ‬ئەو‮ ‬یەكدەنگییە دەدەن،‮ ‬دوژمن ئامانجی‮ ‬هەموو كوردە نەك تاقمێك‮..! ‬با ورەو هێزمان بخەینەگەڕ،‮ ‬پاڵپشتی‮ ‬پێشمەرگە قارەمانەكانی‮ ‬خۆمان بین‮ ‬،‮ ‬ئیمان و توانامان بەهێز بێ،‮ ‬یەكتر نەشكێنین‮. ‬لە كۆتاییدا‮ .. ‬پاڕێزگاری‮ ‬لە وڵات پارێزگاری‮ ‬لە كەرامەتی‮ ‬خۆتە،‮ ‬بەدەستەوەدانی‮ ‬وڵات فڕۆشتنی‮ ‬ویژدانی‮ ‬خۆت،‮ ‬ئینجا خۆت هەڵیبژێرە‮.‬

 
چاپکردن   Share گه‌ڕانه‌وه‌