2017-10-22

خه‌بات: ‬بەرهەم شێخ عزەدین‮
 
یەكێك لەو شانۆكارانەی‮ ‬ساڵانێكی‮ ‬زۆرە لەبواری‮ ‬هونەری‮ ‬شانۆ خزمەت بەهونەری‮ ‬كوردی‮ ‬دەكات و لەزۆربەی‮ ‬چالاكییە هونەرییەكان و فستیڤاڵەكان بەشداریكردووە و خاوەنی 36 شانۆیە و زۆر ئەركی‮ ‬هەبووە لەبواری‮ ‬هونەر و ئێستا بەڕێوەبەری‮ ‬بەڕێوەبەرایەتی‮ ‬رۆشنبیری‮ ‬و هونەری‮ ‬دەربەندیخانە‮. ‬لەدیدارێكی‮ ‬كورتدا،‮ ‬چەند پرسیارێكمان ئاڕاستەی‮ ‬بەڕێز‮ (‬شانۆكارحەسەن محەمەد ساڵح‮) ‬كرد و ئەویش بەسوپاسەوە بەمجۆرە وەڵامی‮ ‬داینەوە‮.

❊ ‬چی‮ ‬دەربارە هونەری‮ ‬كوردی‮ ‬دەڵێیت؟
‮-‬هونەری‮ ‬كوردی‮ ‬بەگشتی‮ ‬بۆمن هەڵسەنگاندنی‮ ‬قورسە چونكە رەنگە حەقی‮ ‬خۆی‮ ‬پێ نەدەم وەك خۆی‮ ‬لق و پۆپی‮ ‬زۆرە و من پسپۆڕنیم لەهەمو بوارێكی‮ ‬هونەردا.بەڵام بەشێوە‮ ‬یەكی‮ ‬سادە ئەڵێم هەنگاوی‮ ‬گەورەی‮ ‬بڕیووە،‮ ‬بەڵام هێشتا نەبووە بەهونەرێكی‮ ‬جیهانی‮ .‬ئەمەش‮ ‬یەكەم جار دەسەڵاتدارانی‮ ‬كورد لێی‮ ‬بەر پرسیارن پاشان هونەرمەندان خۆیانن‮.‬

❊ ‬هۆكارچییە كەبینەر لەدرامای‮ ‬كوردی‮ ‬تۆراوە؟
‮- ‬هۆكاری‮ ‬تۆرانی‮ ‬بینەری‮ ‬كورد لەدرامای‮ ‬كوردی‮ ‬پرسیارێكی‮ ‬جدیە‮. ‬بۆچی‮ ‬كوا ئێمە درامای‮ ‬كوردیمان هەیە بەبەردەوامی؟ئینجا كوالێتی‮ ‬دراماكانمان لە‮ ‬ڕووی‮ ‬ناوە‮ ‬ڕۆك و سیناریۆ و هەمو بوارە كانی‮ ‬تری‮ ‬دراما لاوازن.تەنهاچەند درامایە كی‮ ‬كەم لەزاكیرەی‮ ‬بینەر داماون و ئاستیان باش بووە لەرووی‮ ‬هونەری‮ ‬و بابەتییەوە‮..‬باقی‮ ‬دراماكانی‮ ‬تر تە نها ژمارەیەو ناوی‮ ‬درامایە‮.‬
هەڵبەتە مەبەستم دراما تەلەفزیونیەكانە‮. ‬نابێت ئەوە شمان بیرچێت دەعم كردنی‮ ‬دراما لەكوردستاندا زۆرلاوازە وحكومەت و دە سەڵاتداران گرنگی‮ ‬پێنادەن وە ك پێویست.ئەمەش رە نگە هۆكاری‮ ‬یەكەم بێت.بۆیە بینەری‮ ‬كوردی‮ ‬لە‮ ‬غیابی‮ ‬نە بوونی‮ ‬دراماو درامای‮ ‬ئاست نزم ناچارە‮ ‬ڕوو بكاتە درامای‮ ‬توركی‮ ‬و فارسی‮ ‬و كۆری‮ ‬و دۆبلاژ كراوە كان‮..‬ئێ كە ناڵە تیڤیە كانیشمان هە ندێكیان بەتایبەت بوون بە بازاڕێكی‮ ‬باش بۆساغ‮ ‬كردنە وە‮ ‬ی‮ ‬دراما بیانییەكان بە تایبەتی‮ ‬دراما توركیەكان‮.

❊ ‬تاچەند درامای‮ ‬تیجاری‮ ‬یان باشتر بڵێین ئەوفیلمانەی‮ ‬كە لەهەندێك كەناڵ‮ ‬یان لەسینەماكاندا دەكرێت،‮ ‬خزمەتی‮ ‬هونەری‮ ‬كوردی‮ ‬دەكەن؟
‮- ‬درامای‮ ‬تیجاری‮ ‬نازانم مەبەستت چ جۆرە درامایەكە؟‮ ‬یان فیلم لە سینەما‮. ‬راستی‮ ‬گرفتی‮ ‬گەورەش ئەوە هەوڵی‮ ‬سینەماكان كە لەرابردوو هەبوو ئێستا لە زۆربەی‮ ‬شارە گەورە كان بوون بە مۆڵ و بازاڕی‮ ‬گەورە‮..‬بۆیە من پێم وایە هەر بابە تێكی‮ ‬هونەری‮ ‬بۆ خزمەتی‮ ‬مرۆڤایەتی‮ ‬بێت و‮ ‬ڕووە هونەرییەكەی‮ ‬ون نە كات لەرووی‮ ‬ئیستاتیكیەوە و لەگەڵ ئە وە شدا زیانی‮ ‬بۆ ئاسایشی‮ ‬نەتەوەیی‮ ‬و شوناس و كلتوری‮ ‬ئێمە نە بێت لای‮ ‬من تیجاری‮ ‬نییە‮. ‬پێچەوانەكەشی‮ ‬بەدڵنیایی‮ ‬زۆر مەترسیدارە‮.‬

❊ ‬وەكو ئەكتەرێك چی‮ ‬دەربارەی‮ ‬فلیمی‮ ‬دۆبلاژكراو دەڵێی‮ ‬كەلەكەناڵە كان‮ ‬پیشان دەدرێت؟
‮- ‬پیشاندانی‮ ‬فیلمی‮ ‬دۆبلاژكراو گرنگەبۆ هەموو میللەتێك بەمەرجێك فیلمە نادرەكان بێت ولەتەنیشتی‮ ‬ئەوە شەوە هەوڵ بدرێت فیلمی‮ ‬كوردی‮ ‬بەرهەم بهێنرێت،دیسان حكومەت بەرپرسە لەم بوارەشەوە فیلمسازیش نەبووە بەپیشە لەكوردستاندا،‮ ‬ئەوەش هەوڵی‮ ‬دەوێت‮.‬

❊ ‬چۆنە پێنجەم فستیڤاڵی‮ ‬شانۆ لەدەربەندیخاندا دەكرێت؟
‮- ‬دەربەندیخان مێژووییەكی‮ ‬پڕشنگداری‮ ‬هەیەلەبواری‮ ‬شانۆ،ئەم فستیڤاڵە هەرلەدەربەندیخان بەڕێوە چووە و دەربەندیخان خاوە نیەتی‮ ‬نەك تەنها لە كوردستان بەڵكو لەئ ێراقیش شانۆی‮ ‬شەقام مێژووەكەی‮ ‬دەربەندیخانە،لێرە شانۆی‮ ‬شەقام بەهونەرمەندانی‮ ‬كوردستان ناسراوە،سەرباری‮ ‬ئەوەش ئەوهەموو گرووپە شانۆیانە لەدەرەوە هاتونەتەئێرە،‮ ‬دەربارەی‮ ‬پرسیارەكەت وەك ئەوە وایە بڵێیت بۆچی‮ ‬فستیڤاڵی‮ ‬سینەمای‮( ‬كان‮)‬ی‮ ‬جیهانی‮ ‬لەشاری‮ ‬كان دەكرێت؟ لای‮ ‬خۆمان كێشەكان ئەوانەن‮ ‬كە هەموو بۆنەو فستیڤاڵ و تە نانەت بڕیارە سیاسیەكانیش براونەتە مەركەزی‮ ‬شارەكان و قەزاكان فەرامۆشكراون‮. ‬ئەمەش هەڵەیە كێ زۆر گەورەیە،‮ ‬چونكە هونەرلەگوندەكانیش پێویستە‮.‬

❊ ‬دەبێت چی‮ ‬بكرێت بەبۆچوونی‮ ‬تۆ هەتا‮ ‬بینەرو شانۆو درامای‮ ‬كوردی‮ ‬ئاشت بكرێنەوە؟
‮- ‬ئەم فستیڤاڵە شانۆیە پەیوەندی‮ ‬بەدرامای‮ ‬تەلەفیزێۆنییەوە نییە،‮ ‬بۆمەسەلەی‮ ‬ئاشتكردنەوەی‮ ‬بینەری‮ ‬شانۆ‮. ‬من لەئەسڵدا پێم وانییە بینەر تۆرابێت،‮ ‬ئەوەش بابەتێكی‮ ‬درێژە و قسە زۆر هەڵدەگرێت،‮ ‬ئەگەر شانۆی‮ ‬جدی‮ ‬هەبێت بینەریش هەیە.بەڵام ئەوەی‮ ‬ناوی‮ ‬لێ دەنێن تۆران كاریگەری‮ ‬تەكنەلۆژیا و ئامرازەكانی‮ ‬دیكەیە كەخەڵكی‮ ‬سەرقاڵكردووە،‮ ‬شانۆی‮ ‬شەقام تەرزێكی‮ ‬دیكەی‮ ‬شانۆیە ولە بری‮ ‬ئەوەی‮ ‬بینەر بچێتە بینینی‮ ‬شانۆ لەنێو هۆڵێك‮.‬
شانۆكاران ئەچنە ناوخەڵك و ستایلە كەشی‮ ‬جیاوازە و بەزمان و بیرێكی‮ ‬سادە لەگەڵ بینەرانی‮ ‬دایە،‮ ‬بەدڵنیایی‮ ‬كاریگەری‮ ‬لەسەر بینەر و شانۆ ئەبێت بە ئاڕاستەیەكی‮ ‬باش،‮ ‬تاچەند تەنز كاریگەری‮ ‬هەیە لە هۆشیاركردنەوەی‮ ‬خەڵك و دەسەڵات،‮ ‬تەنز لەشانۆدا هەر ئەبێ پێی‮ ‬بڵێین كۆمیدیا كەبەشێكی‮ ‬گەورەی‮ ‬هونەری‮ ‬شانۆیە،‮ ‬بەڵام كوا كۆمیدیا بە ماناجوانەكەی‮ ‬لای‮ ‬خۆمان هەیە،‮ ‬ئەوەی‮ ‬هەیە لەگەڵ‮ ‬ڕێزم زۆری‮ ‬مەهزەلەیەو گاڵتەئامێزە و لەنوكتەیەكی‮ ‬ڕاگوزەری‮ ‬ئەچێت بۆ ختوكەدانی‮ ‬خەڵك،‮ ‬كۆمیدیا زۆر گەورەیە،‮ ‬بەدڵنیایی‮ ‬گەر ئەو كۆمیدیایە ئامانجدارانە بكرێن كاریگەری‮ ‬لەسەرخەڵك و دەسەڵاتیش دەبێت‮.‬

 
چاپکردن   Share گه‌ڕانه‌وه‌