2017-10-22

خه‌بات‮:‬ سەرهەنگ نەجمەدین

رەنا عەبدولئەحەد ئەو‮ ‬یاریزانە ئاست بەرزە‮ ‬بوو كە تائێستا شوێنی‮ ‬ئەو لەیانەكەی‮ ‬خۆیدا بەهیچ‮ ‬یاریزانێك پڕنابێتەوە،‮ ‬رەنا لەكاتی‮ ‬یارییەكاندا هەمیشە هەوێنی‮ ‬سەركەوتن و پێشخستنی‮ ‬ئاستێكی‮ ‬تیپەكەی‮ ‬بوو‮‬،‮ ‬بۆیە‮ ‬یانەكەیان لەیاری‮ ‬تۆپی‮ ‬باسكەدا بۆ چەندین جار لەسەر ئاستی‮ ‬عێراق وكوردستاندا پلەی‮ ‬یەكەم و دووەمیان بەدەستهێناوە و بۆ چەندین جاریش ئەو‮ ‬یانەیە بەشداری‮ ‬لەپاڵەوانیەتی‮ ‬عەرەبی‮ ‬كردووە،‮ ‬جا بۆئەم مەبەستە بەباشمانزانی‮ ‬لەنزیكەوە دیمانەیەكی‮ ‬لەگەڵ ساز بدەین لەبارەی‮ ‬ڕەوشی‮ ‬ئەمڕۆی‮ ‬یاری‮ ‬تۆپی‮ ‬باسكە وهەروەها چەند تەوەرێكی‮ ‬دیكەی‮ ‬وەرزشی‮.

‬سەرەتا ناوبراو لەبارەی‮ ‬وازهێنای‮ ‬خۆی‮ ‬لەیاری‮ ‬تۆپی‮ ‬باسكە ئەو بۆ خەبات بەوشێوەیە گوتی‮: ‬بێگومان ئەو ژیانە بۆكەس تا كۆتایی‮ ‬بەردەوام نابێت و هەمیشە هەموو‮ ‬یاریزانێك بەپێی‮ ‬توانای‮ ‬خۆی‮ ‬خزمەت بەوەرزش و‮ ‬یانەكەی‮ ‬خۆی‮ ‬دەكات‮ ‬،‮ ‬ئەگەرچی‮ ‬دەمتوانی‮ ‬درێژە بەیاری‮ ‬كردن بدەم لەیانەكە،‮ ‬بەڵام هاوسەرگیری‮ ‬بووە رێگر كەماوەی‮ ‬3 ساڵ لەوەرزش دووربكەومەوە،‮ ‬ئێستایش خۆشبەختانە لەگەڵ ئەندامانی‮ ‬یانەی‮ ‬ئەكاد قسەم كردووە كە بەنیازم تیپێكی‮ ‬باسكەی‮ ‬كچانی‮ ‬تازەپێگەیشتوو لەیانەكە دابمەزرێنم وەك قوتابخانە و‮ ‬بنكەیەكی‮ ‬فێربوون‮ ‬،‮ ‬پاشان هەوڵ دەدەم لەم رێگەیەوە بنكەیەكی‮ ‬بتەو لەیاریزانە تازەپێگەیشتووانان بۆ‮ ‬یانەكە دروست بكەم و دواجاریش‮ ‬یانەكە سوود لەتواناكانیان ببینێت بەمەبەستی‮ ‬پەڵكێش كردنیان بۆ رێزی‮ ‬تیپەكەیان‮.

رەناعەبدولئەحەد لەبارەی‮ ‬ئاستی‮ ‬یانەكەی‮ ‬خۆی‮ ‬كەلەرابڕدوودا‮ ‬یاری‮ ‬بۆ دەكرد ئەو دەڵێت‮ : ‬لەرێگەی‮ ‬یانەی‮ ‬ئەكاد توانیم بەشداری‮ ‬زۆرترین پاڵەوانیەتی‮ ‬باسكەی‮ ‬كوردستان وعێراق و دەرەوەی‮ ‬وڵات بكەم،‮ ‬بەهۆی‮ ‬ئەم‮ ‬یارییەوە تائێستا نزیكەی‮ ‬15 وڵاتم بینیوە،‮ ‬بۆیە ئەگەر لەوەرزشیش دووربكەومەوە بەهیچ شێوەیەك دەستبەرداری‮ ‬یانەی‮ ‬ئەكاد نابم،‮ ‬چونكە دەستپێكی‮ ‬وەرزشیم لەو‮ ‬یانەیە بووە،‮ ‬هەمیشە شانازی‮ ‬پێی‮ ‬دەكەم‮.‬

ئەو‮ ‬یاریزانە لەرێگەی‮ ‬رۆژنامەی‮ ‬خەبات گڵەیی‮ ‬و گازاندەی‮ ‬خۆی‮ ‬لەبەرپرسانی‮ ‬وەرزشی‮ ‬عێراق دەكات و دەڵێت‮: ‬ماوەیەكی‮ ‬زۆرە بەبێ پچڕان خزمەتی‮ ‬یاری‮ ‬تۆپی‮ ‬باسكەم كردووە لەسەر ئاستی‮ ‬هەڵبژاردەی‮ ‬عێراق،‮ ‬بەڵام پاش ئەو هەموو‮ ‬یاری‮ ‬كردنە كەچی‮ ‬تائێستا كەس پێی‮ ‬نەوتووم ئافەرین‮ ‬،‮ ‬هەروەها هیچ بەرپرسێكی‮ ‬وەرزشی‮ ‬عێراق وبگڕە بەرپرسە وەرزشییەكانی‮ ‬خۆمانیش رێز لەخزمەتكردنی‮ ‬دوورو درێژی‮ ‬وەرزشییەكەمی‮ ‬نەگڕت كەماوەیەكی‮ ‬زۆر من لەخزمەتی‮ ‬ئەوان بووم كەچۆن نازناوەكانمان بەدەست دەهێناو ئەوان تەپڵی‮ ‬سەركەوتنیان لێدەدا‮.‬

 
چاپکردن   Share گه‌ڕانه‌وه‌