2017-10-08

ساڵح محەمەد تەیرۆ

بێگومان ئەنجام دانا پرسەكا وەها‮ ‬نیشتیمانی‮ ‬و نەتەوی‮ ‬كو پرسا ریفراندومێ بۆ سەرخوبوونا كوردستانێ‮ ‬بۆ گەلێ كوردستانێ و نەمازە ئەو گەلێ ب سەر چوار دەولەتێن هەرێمی‮ ‬دا هاتیە دابەشكرن‮ ‬كارەكێ ئاسان و ساناهی‮ ‬نەبوو،‮ ‬ئەم دپشت راست بووین كو دێ گەف وگور ژی‮ ‬هەبن،‮ ‬لێ هەردەمی‮ ‬سەركردایەتیا سیاسی‮ ‬یا مللەتەكێ ومللەت ب خۆ ژی‮ ‬خودان ئیرادەیەكا ب هێز بیت دێ كاریت زاڵ بیت ل سەر پیلان وئاستەنگێن‮ ‬دكەڤنا پێشیا وان‮.‬

لەوما كو هەر ل رۆژا دیاركرنا‮ ‬رۆژا گشتپرسیی‮ ‬ل باشورێ كوردستانێ كو ل رۆژا‮ ‬7/6/2017 ب بریارا زوربەیی‮ ‬لایەنێن سیاسی‮ ‬یێن كوردستانی‮ ‬و ب سەرپەرشتیا سەرۆك بارزانی‮ ‬سەروكێ هەرێما كوردستانێ‮ ‬بریار هاتە دان كو ل رۆژا‮ ‬25/9/2017 ێ دێ‮ ‬رۆژا ریفراندومێ بیت بۆ سەربخۆیا كوردستانێ،‮ ‬هەلبەت هەر ل پشتی‮ ‬راگەهاندنا ئەڤێ رۆژا دیروكی‮ ‬بۆ كوردستانێ‮ ‬دەولەتێن زلهێز و نەتەوێن ئێكگرتی‮ ‬و ئەوروپا و دەولەتێن هەرێمی‮ ‬دەست ب پێنگاڤێن خۆ كرن بۆ ئەنجام نەدان و پاشئێخستنا ئەڤێ پرسێ‮ ‬ڤێجا چ راستەوخۆ‮ ‬بەرپرس ونوێنەرێن ئەڤان لایەنان سەرەدانا سەرۆك بارزانی‮ ‬سەروكێ هەرێما كوردستانێ و سەركردایەتیا سیاسی‮ ‬یا كورد كرن وهندەكان ژی‮ ‬ب رێكا‮ ‬پەیوەندیانڤە هەولا هندی‮ ‬ددا كو نەهێتە كرن‮ ‬یان بهێت پاشئێخستن و بێكۆ بەدیلەكێ ل جهێ پێشنیار و داخوازیێن خو بۆ گەلێ كوردستانێ دیار بكەن‮ . ‬لێ ریفراندوم بۆ سەربخویا كوردستانێ هاتە ئەنجام دان و ب رێژەیەكا هەری‮ ‬بلند‮ ‬دەنگ هاتە دان بۆ سەرخوبوونا كوردستانێ‮ ‬،‮ ‬لێ‮ ‬یا گرنگ ئەوە ل پشتی‮ ‬ریفراندومێ‮ ‬چ بهێتە كرن ؟‮ ‬

یا فەرە‮ ‬بەرییا هەمی‮ ‬تشتەكێ هەبوونا‮ ‬سەروكەك مینا سەرۆك بارزانی‮ ‬كو ب راستی‮ ‬خودان هەلویست و بریارێن ب وێرەك و ب شهادەتا هەمی‮ ‬دوست ودوژمنان‮ ‬كو ب دەگمەن د بریارا سیاسی‮ ‬دا كێم سەرۆك و رێبەر هەنە كو دراستا‮ ‬گەل و وەلاتێ خودا‮ ‬دئێك چەپەر وسەنگەر دا بن و نەمازە ل دەمێ دكەڤنە بەر هێرش و بەرتەنگیاندا،‮ ‬لێ د دیرۆكا پر سەروەریا سەرۆك بارزانی‮ ‬دا سەلماندی‮ ‬یە كو هیچ دەمەكێ مساومەتێ لسەر بهوستەكا ئاخا پیروزا كوردستانێ نەكری‮ ‬یە وناكەت‮.‬

دیسان‮ ‬پێتڤی‮ ‬یە ئاشتەوایا سەرانسەری‮ ‬بهێتە كرن كو ئەڤرۆ بارودوخ دگونجیاینە كو ئێككرێزیا‮ ‬مالا كوردی‮ ‬دروست ببیت و ئامادەكاریێن‮ ‬بەروەخت بۆ كونگرا نەتەوەیی‮ ‬هاتیە كرن و ببنە زەمینە خوشكەرەك‮ ‬كو ب زویترین دەم كونگرە بهێتەڤ بەستن و تەڤایا لایەنین سیاسی‮ ‬یێن كوردی‮ ‬هەڤدەنگ و هەڤ هەلویست بن‮ ‬و پشتەڤانیا ریفراندومێ و ئەنجامێن وێ سەركەفتنا دیروكی‮ ‬و پێنگاڤێن پەرلەمانێ كوردستانێ‮ ‬بكەن،‮ ‬پەرلەمان ببیتە جهێ‮ ‬بەرسڤدانا هەر بریارەكا ژلایێ حكومەتا ناوەندیا عیراقێ‮ ‬و سەرۆك وەزیرێ عیراقێ و پەرلەمانێ عیراقێ ل دژی‮ ‬گەلێ كوردستانێ دەردكەڤن‮.‬

هەروەتوڤ خالەكا دی‮ ‬یا هەری‮ ‬گرنگ‮ ‬ئەڤرۆ پتر ل هەر رۆژەكا دیتر بلندكرنا ئاستێ بەرپرسیارەتیا دیبلوماسیەتا‮ ‬سەركردایەتیا سیاسی‮ ‬ل كوردستانێ‮ ‬یە كو بویە جهێ باوەری‮ ‬و متمانەیا‮ ‬گەلێ كوردستانێ،‮ ‬ژبوی‮ ‬پتر خورتكرن و موكمكرنا ئەڤان پەیوەندیێن دیبلوماسی‮ ‬پێتڤی‮ ‬یە سەركردایەتیا سیاسی‮ ‬و كەسانێن بسپور ل بوارێن جودا جودا ب زمانێ هەری‮ ‬باش و تێگەهەكا مەنتقی‮ ‬و دایەلوكێ ئەوان دەولەت و كەسانێن دگومانێ دا لسەر ئەنجام و ئەنجام دانا پرسا ریفراندومێ بۆ سەربخویا كوردستانێ‮ ‬كو ب زمانێ دایەلوكێ تێكگەهشتنەك دروست ببیت و بو وان خویا بكەن كو ئەڤە نە سەردەمێ گەف و گورانە‮ ‬و وێ گومانا لجەم وان دروست بوین بڤەرەڤینن و لابدەن،‮ ‬هەروەتوف پرسا‮ ‬ریفراندومێ ب شەرعیەت و مافەكێ رەوا‮ ‬و ئیرادا گەلێ كوردستانێ‮ ‬بزانن‮ ‬و وەها تێبگەهینن كو ئەڤ پرسە نابیتە جهێ گەف و مەترسییێ لسەر ئەمن و ئاسایشا هیچ دەولەت و نەتەوەیەكێ بەلكو بەروڤاژی‮ ‬دێ بیتە جهێ سەقامگیری‮ ‬و تەناهیا دەڤەرێ و بەلگەه لسەر گوتنا مە ئەڤە سەرێ زێدەتر ل‮ ‬25 ساڵانە حوكمرانیا كوردستانێ‮ ‬لڤێ دەڤەرێ،‮ ‬ئەڤ دەولەتا ئاییندەیا كوردستانێ ب مافەكێ رەوایێ گەلێ كوردستانێ ب بینن و ب زانن،‮ ‬دیسان بەلگەهەكێ دی‮ ‬لسەر وێ چەندێ كو هیچ دەمەكێ مللەتێ كورد مەترسی‮ ‬نەبویە لسەر هیچ نەتەوە و لایەنەكێ ل دەڤەرێ كو هەر ل رۆژا دروست بوونا دەولەتا عیراقێ د سالێن بیستاندا و هەتا ئەڤرۆ ژی‮ ‬دژی‮ ‬هیچ نەتەوەیەك و مللەتەكێ نەبویە‮ ‬شەر ژی‮ ‬كربیت بۆ نەمانا شەری‮ ‬بویە و ب تنێ بەرگری‮ ‬ل خۆ كری‮ ‬یە‮ ‬و بۆ گەهشتن ب مافێن خو‮ ‬یێن رەوا بویە كو ئەڤە زێدەتر ل سەد سالانە تێتە چەوساندن‮.

 
چاپکردن   Share گه‌ڕانه‌وه‌