2017-10-08

فەرحان جەوهەر

رێوڕەسمی‮ ‬پرۆتۆكۆڵی‮ ‬سەربازی‮ ‬لە فڕۆكەخانەی‮ ‬نێودەوڵەتی‮ ‬سلێمانی‮ ‬بۆ ناشتنی‮ ‬مام جەلال،‮ ‬هەموو نەیارەكانی‮ ‬گەلی‮ ‬كوردستانی‮ ‬تاساندو بێهیوای‮ ‬كردن،‮ ‬لەوەی‮ ‬گومان‮ ‬یان گرەو لەسەر ویستی‮ ‬كورد بكەن،‮ ‬بە رەتكردنەوەی‮ ‬دوڵەت،‮ ‬لانی‮ ‬كەم لە سلێمانی،‮ ‬پێچانی‮ ‬جەنازەی‮ ‬مام بە ئاڵای‮ ‬كوردستان لە كاتێكدا مام سەرۆكی‮ ‬عێراق بووە،‮ ‬لەم كاتەدا كە گەلی‮ ‬كوردستان تازە راپرسی‮ ‬سەربەخۆیی‮ ‬ئەنجامداوە مانا و مەغزای‮ ‬گرنگی‮ ‬هەیە‮. ‬

بەشێكی‮ ‬زۆر لە بەرپرسانی‮ ‬عێراقی‮ ‬هیوایان لەسەر ناكۆكی‮ ‬هەولێرو سلێمانی‮ ‬هەڵچنیبوو لە بارەی‮ ‬راپرسی‮ ‬و ئەنجامەكانی‮ ‬و دواجاریش دەوڵەت پێیانوابوو لانی‮ ‬كەم مام جەلال و خانەوادەكەی‮ ‬لەگەڵ ئەم بژاردەیەدا نین و دەوڵەت رەتدەكەنەوە،‮ ‬بەڵام ئەوەی‮ ‬لە مەڕاسیمی‮ ‬ناشتنی‮ ‬مام جەلالیان بینی‮ ‬زۆر جیاواز بوو لە خەونەكانی‮ ‬ئەوان،‮ ‬ئەم مەڕاسیمە نیشانی‮ ‬هەموو ئەوانەی‮ ‬دا كە پێیانوابوو پۆستی‮ ‬سەرۆكی‮ ‬عێراق كار لە ویستی‮ ‬سەربەخۆیی‮ ‬خەڵكی‮ ‬كوردستان دەكات‮. ‬

ئەوەی‮ ‬زیاتر دووچاری‮ ‬شۆكی‮ ‬كردوونە شێوازی‮ ‬سەركەوتووی‮ ‬بەڕێوەچوونی‮ ‬ئەو رێوڕەسمە پڕۆتۆكۆڵییە سەربازیە بوو،‮ ‬كە بۆ مام جەلال ئەنجامدرا بە ئامادەبوونی‮ ‬كۆمەڵێك لە گەورە دیپلۆماتەكانی‮ ‬وڵاتانی‮ ‬جیهان،‮ ‬چونكە زۆرێك لە شۆڤینییەكان باسیان كردووە و كە ئەمە تەنها كاری‮ ‬دەوڵەتێكی‮ ‬پێشكەوتووە نەك هەرێمێكی‮ ‬وەك ئێمە،‮ ‬دوای‮ ‬بینینی‮ ‬ئەم شێوازە زۆر لە كەناڵەكانی‮ ‬عێراقی‮ ‬بە بیانووی‮ ‬نەبوونی‮ ‬ئاڵای‮ ‬عێراق لە مەڕاسیمەكەدا گوازتنەوەی‮ ‬راستەوخۆی‮ ‬مەڕاسیمەكەیان راگرتووە‮. ‬هەرچەندە شۆڤینیەكان ئەم هەلەشیان قۆزتەوە بۆ هێرش كردنە سەر سەرۆك بارزانی‮ ‬و بە پلانی‮ ‬ئەویان زانی‮ ‬بۆ ئەوەی‮ ‬بتوانن كەمێك دەروونی‮ ‬هەڵچووی‮ ‬خۆیان پێ فێنك بكەنەوە بەڵام بێ هوودە بوو،‮ ‬چونكە ساتەكانی‮ ‬ئەو مەڕاسیمە وێڕای‮ ‬خەمباری‮ ‬بۆ سەركردەیەكی‮ ‬مێژوویی‮ ‬وەك جەنابی‮ ‬مام جەلال،‮ ‬بەڵام لە جاڕی‮ ‬بەدەوڵەت بوونی‮ ‬كوردستان دەچوو‮. ‬

ئامادەبوونی‮ ‬زەریف و دانانی‮ ‬تاجەگوڵینە لەسەر جەنازەی‮ ‬مام جەلال بەپێچراوی‮ ‬ئاڵای‮ ‬كوردستان لەم ئان و ساتەدا هەم شایانی‮ ‬سوپاس و هەم جێگای‮ ‬هەڵوەستەیە،‮ ‬چونكە ئێران لە نەیارە سەر سەختەكانی‮ ‬ریفراندۆم و دەوڵەتی‮ ‬كوردستانە،‮ ‬بەڵام ئەم كارەی‮ ‬وەزیری‮ ‬دەرەوی‮ ‬ئێران پێمان دەڵێت كە ئێران رەنگە لە دواڕۆژێكی‮ ‬نزیكدا مامەڵەیەكی‮ ‬پڕاگماتیانە لەگەڵ مەسەلەی‮ ‬بە دەوڵەت بوونی‮ ‬كوردستاندا بكات،‮ ‬هەرچەند زەریف خۆیشی‮ ‬كەسێكی‮ ‬رۆشنبیرو بەتوانایەو پاڵێوراوە بۆ وەرگرتنی‮ ‬جائیزەی‮ ‬نۆبڵ‮. ‬ئەوەی‮ ‬دەمێنێتەوە ئەوەیە گەلی‮ ‬كوردستان بە هەموو پێكهاتەو لایەنە سیاسیەكانییەوە‮ ‬یەكگرتووبن،‮ ‬لانی‮ ‬كەم لە مەسەلەی‮ ‬بەدەوڵەت بوونی‮ ‬كوردستان،‮ ‬چونكە بە‮ ‬یەكگرتووییمان لە بەدیهێنانی‮ ‬ئەوخەونەمان نزیك دەبینەوە و دوژمنانیش ناتوانن بیر لە بژاردەی‮ ‬خراب بكەنەوە،‮ ‬دواجار هەر مل ئەدەن بۆ داخوازیە رەوایەكانمان‮.‬

لە كۆتاییدا سڵاو لە رۆحی‮ ‬بێگەردی‮ ‬جەنابی‮ ‬مام جەلال و تەواوی‮ ‬شەهیدانی‮ ‬گەلی‮ ‬كوردستان‮.‬

 
چاپکردن   Share گه‌ڕانه‌وه‌