2017-10-07

‬خه‌بات: ساڵح محەمەد تەیرۆ‮- ئاكرێ

وێنەگر لاوەند رەمەزان خاجە كو هەر ل رۆژا دەست پێكرنا هێرشێن تیروریستێن داعش بۆ سەر ئاخا كوردستانێ ب كامیرەیا خوڤە دگەل سەربەست تروانشێ بەرپرسێ لقی9 و بەرپرسێ میحوەرێ ناوەران د بەروكێت بەرەڤانیكرنێ دا بۆیە و ب سەدان وێنەیێن خوراگری‮ ‬و قارەمانیا پێشمەرگەیێ تۆمار كرینە و ل رۆژا‮ ‬11/5/2016 هاتیە بریندار كرن‮ ‬،‮ ‬بۆ پتر ئاگەهدار بون لسەر توماركرنا وان داستانا‮ ‬رۆژنامەیا خەبات بفەر زانی‮ ‬ڤێ دیدارێ دگەل ساز بكەت‮: ‬

لدور پەیوەندیا وی‮ ‬ب سەنگەرێن بەرەڤانی‮ ‬كرنێڤە‮ ‬وێنەگرێ سەنگەری‮ ‬لاوەندی‮ ‬گۆت‮ : ‬هەر ل رۆژا‮ ‬6/8/2014 ‮ ‬كو رۆژا ئێكێ بویە ئەز دگەل سەربەست تروانشی‮ ‬بەرپرسێ لقی9 و پاش بویە بەرپرسێ میحوەری‮ ‬ناوەران چوویمە میحوەرێ شەلالات و من وێنەیێن قارەمانیا پێشمەرگەیی‮ ‬و تەڤایا سەرەدانێن بەرپرسێ میحوەری‮ ‬ناوەران و پالپشتیكرنا خەلكێ ب شەرەفێ كوردستانێ بۆ میحوەری‮ ‬ل ناوەران من تومار كرینە و شانازیێ ژی‮ ‬پێڤە دكەم‮..‬

‮ ‬سەبارەت ب جوانترین وێنە و نەخوشترین و دلتەزین ترین وێنە كو ب كامیرا خۆ گرتی‮ ‬لاوەند رەمەزانی‮ ‬وەها گۆت‮ : ‬ب راستی‮ ‬هەر سەركەفتنەكا پێشمەرگەهێن قەهرەمان ل نك من جوانترین وێنەنە لێ ئەو وێنەیێ كۆ ئەز چ جارا ژ بیر نەكەم‮ ‬ئەوە كو ل رۆژا‮ ‬6/8/2014 ێ پێشمەرگەهێن قەهرەمان سەركەفتن لسەر تیروریستێن داعش ل میحوەرێ شەلالات تومار كری‮ ‬و تیروریست تویشی‮ ‬شكەستنێ بون و بەرەڤ گەرەكا قاهیرە ل میسل رەڤین‮. ‬دلتەزین و نەخوشترین وێنە كو من ل وی‮ ‬میحوەری‮ ‬گرتی‮ ‬هێرشا تیروریستێن داعش بو لسەر میحوەری‮ ‬ل رۆژا‮ ‬25/1/2015 ێ كو ب مخابنیڤە فەرماندە حەربی‮ ‬شەهی‮ ‬وپێشمەرگەهەك هاتنە شەهید كرن وچەند پێشمەرگەهێن دی‮ ‬هاتنە بریندار كرن‮.‬

‮  ‬دڤان‮ ‬دوو ساڵ و هەشت هەیڤان دسەنگەراند بویە شیایە چەند كاتژمێرێن وێنەیی‮ ‬تومار بكەت و كی‮ ‬دەزگەهێن راگەهاندنێ مفایێ ژێ وەربگرن‮ ‬،‮ ‬لاوەندی‮ ‬گۆت‮ : ‬ب راستێ ژمارەیەكا زورا كاتژمێران من ب كامیرەیا خو گرتنیە وهەمی‮ ‬ژی‮ ‬ل نك من هاتینە ئەرشیف كرن و دپاراستینە و دەزگەهێن راگەهاندنێ‮ ‬یێن ناڤخویی‮ ‬مینا‮ (‬ktv‮- ‬زاگروس،‮ ‬رووداو،‮ ‬وار‮ -‬ktv دهوك‮) ‬ویێن بیانی‮ ‬ژی‮ ( ‬كەنالەكێ فرەنسی‮ ‬،‮ ‬چەند وێنەیێن من پشكداری‮ ‬كرنە د فیلمەكێ دیكیومینتاری‮ ‬یێ ئەمریكی‮) ‬

‮ ‬سەبارەت ب هەستا بلندا پێشمەرگەیی‮ ‬ل خوراگری‮ ‬و قارەمانیا وان وەها گۆت‮ : ‬ژبلی‮ ‬كو ئەز وێنەگر و كامیرانڤان بوم لێ هەردەم من خۆ ب پێشمەرگەهەك دزانی‮ ‬و مینا پێشمەرگەهەكێ من ئەركێ خۆ‮ ‬دگرت‮ ‬،‮ ‬رۆژ ب رۆژێ هەستا پێشمەرگەیی‮ ‬بلند دبو و ترسیان ژی‮ ‬لجەم پێشمەرگەیی‮ ‬هەر نەبوو‮. ‬

لدور چەوانیا برینداربوونا وی‮ ‬وەها گۆت‮ : ‬ل ئێڤاریا‮ ‬رۆژا‮ ‬11/5/2016 ێ لدەمێ تیروریستێن داعش ب سەختی‮ ‬میحوەرێ ناوەران توپبارانكرن ئەز ژی‮ ‬هاتمە بریندار كرن‮. ‬

‮  ‬لدور وێ چەندێ كەئەرێ ئەڤ وێنەگرێ سەنگەری‮ ‬ژلایێ چ دەزگەهانڤە رێز لێ هاتیە گرتن‮ ‬یان هاتیە خەلات كرن‮ ‬،‮ ‬لاوەندی‮ ‬گۆت‮ : ‬ب راستی‮ ‬هەتا نوكە لبەراهیكێ ژلایێ سەربەست تروانشی‮ ‬بەرپرسێ میحوەرێ ناوەران و رێڤەبەریا ئەوقافا ئاكرێ و رێڤەبەریا گشتی‮ ‬یا رەوشەنبیری‮ ‬وهونەری‮ ‬ل ئاكرێ و سەندیكا رۆژنامەڤانێن كوردستانێ لقێ میسل‮ .‬

‮ ‬دویماهی‮ ‬پەیڤا وی‮ ‬وەها گۆت‮ : ‬هەلبەت من لبەرە پیشانگەهەكا وێنەیێن سەنگەری‮ ‬ل ئاكرێ ڤە بكەم تاكو نفشی‮ ‬نوی‮ ‬پتر سەرهەلی‮ ‬خوراگریا پێشمەرگەیی‮ ‬ببیت و نوكە ژی‮ ‬ئەز‮ ‬یێ بەهەڤم كو خزمەتا گەل و وەلاتێ خۆ بكەم و گیانێ خو ژی‮ ‬بكەمە قوربانی‮ ‬وشەهید ببم‮.‬

 
چاپکردن   Share گه‌ڕانه‌وه‌