2017-10-07

یەحیا فایەق جاف

لەوەتەی‮ ‬ئەم وڵاتەی‮ ‬كە ناوی‮ ‬عێراقە،‮ ‬بەشێواویی‮ ‬و ناتەواویی‮ ‬لە دایك بووە،‮ ‬بۆنی‮ ‬خوێن و كوشتن و بەكارهێنانی‮ ‬هێزو سڕینەوەی‮ ‬بەرانبەری‮ ‬لێ نەبڕاوەتەوەو نابڕێتەوە،‮ ‬كوشتن و داگیركردن و زیندەبەچاڵكردن و ئەنفال و گوند كاولكردن و دەستبڕین و گوێبڕین و فەرهوود و هێڕشكردنە سەر وڵاتان و جەنگ و ماڵوێرانی‮ ‬و هەرچی‮ ‬شتی‮ ‬ناشرین هەیە لەم خاكەدا‮ ‬ڕوویداوەو‮ ‬ڕوودەدات،‮ ‬هیچ ناشرینییەك نەماوە ئەم وڵاتە و دەسەڵاتە‮ ‬یەك لە دوای‮ ‬یەكەكانی‮ ‬بۆیان لوابێت نەیانكردبێت،‮ ‬بەغدا هەردەم بۆنی‮ ‬خوێنی‮ ‬لێ هاتووە و دێت‮. ‬

بێگومان هەر كەس و دەسەڵاتێك فەرمانڕەوایی‮ ‬عێراق بكات،‮ ‬ناتوانێت كۆتایی‮ ‬بە كوشت و شەڕ‮ ‬و ئاژاوە لەم خاكەدا بهێنێت،‮ ‬چونكە خاكەكەی‮ ‬خوێناوییەو هەردەم بۆنی‮ ‬خوێنی‮ ‬لێ دێت،‮ ‬نموونەش زۆرن،‮ ‬هەر لە سەردەمی‮ ‬غەدركردنیان لە نەوەی‮ ‬پێغەمبەری‮ ‬خۆشەویستمان‮ (‬دروودی‮ ‬خوای‮ ‬لەسەر بێت‮) ‬ئیمامی‮ ‬حوسێنەوە،‮ ‬ئەم خاكە خاكی‮ ‬نیفاق و پیلانگێڕیی‮ ‬و ئاژاوەگێڕیی‮ ‬بووە،‮ ‬بۆیە نابێت چاوەڕوانی‮ ‬خێروخۆشی‮ ‬لە خاكێك بكەین،‮ ‬كە نەوەی‮ ‬پێغەمبەری‮ ‬خۆشەویستمانی‮ (‬دروودی‮ ‬خوای‮ ‬لەسەر بێت‮) ‬تیادا شەهید كرابێت‮. ‬

ئەم وڵاتە ئێستا لە هەموو كات زیاتر جێگای‮ ‬نیفاق و پیلانگێڕییە،‮ ‬لەم خاكە پیسەدا زۆربەی‮ ‬پیاو خاسەكان بە دڕندانەترین شێوەی‮ ‬نا مرۆڤایەتی‮ ‬شەهیدكراون،‮ ‬بۆیە تا ئێستا چ حكوومەتێك جڵەوی‮ ‬دەسەڵاتی‮ ‬گرتبێتە دەست،‮ ‬بیری‮ ‬زالبوون و كوشت و خوێن‮ ‬ڕشتن لای‮ ‬زاڵبووە،‮ ‬لە ئایندەشدا هەر‮ ‬یەكێك دەسەڵات وەربگرێت هەمان هەڵسوكەوت دەكات،‮ ‬واتا خوێن‮ ‬ڕشتن و كوشتن لە نێو جەستەی‮ ‬بەشی‮ ‬زۆری‮ ‬سەید و مەلاو مامۆستای‮ ‬زانكۆ و سیاسیی‮ ‬و هاووڵاتی‮ ‬و دكتۆر و هونەرمەند و‮ ‬ڕاگەیاندكار و‮ ‬ڕۆژنامەنووس و مێژوونووس و دادوەر و‮ ‬ڕۆشنبیر و كاسبكار‮... ‬هتد هەیە و لە زۆر بووندایە‮. ‬

ئەم‮ ‬ڕووداو و هاشووهووشەی‮ ‬ئێستای‮ ‬حكوومەتەكەی‮ ‬عەبادی،‮ ‬هیچ جێگای‮ ‬سەرسووڕمان و تێڕامانێك نییە،‮ ‬وەكو هەندێك وای‮ ‬بۆ دەچن،‮ ‬چونكە ئەوان واتا عێراق وان و هەرواش دەبن و هەرواش دەمێننەوە،‮ ‬بیری‮ ‬خۆسەپاندن و كوشتن و بەكارهێنانی‮ ‬سووپا لەم خاكەدا قەد نایەتە كۆتا،‮ ‬ئەو دەنگانەی‮ ‬ئێستا گوێبیستی‮ ‬دەبین لە بەغدا و ناوچە عەرەبییەكان چاوەڕوانكراو بووەو دەنگی‮ ‬نوێ نین،‮ ‬ئەوەی‮ ‬تازەبێت تەنها گۆڕینی‮ ‬دەم و چاوەكانە لە بەكرەوە بۆ سەددام لە سەددامەوە بۆ عەلاوی،‮ ‬لە عەلاوییەو بۆ جەعفەری،‮ ‬لە جەعفەرییەوە بۆ مالیكی‮ ‬لە مالیكییەوە بۆ عەبادی‮ ‬و‮.. ‬هتد‮. ‬

ئێمە دەبێت زۆر بوێرانە‮ ‬ڕەخنە لە خۆشمان بگرین،‮ ‬زۆربەی‮ ‬كاتەكان زیاد لە پێویست بەرانبەرەكانمان بە زوڵم لێكراو زانیووەو،‮ ‬پاشان كە گەیشتوونەتە دەسەڵات بەبرای‮ ‬خۆمان تەماشامان كردوون،‮ ‬هەر كە پێیان گرتووە بوونەتە دوژمنمان،‮ ‬یاخود بەشێكمان بۆ هەندێ دەسكەوتی‮ ‬تایبەتی،‮ ‬گەلەكەیان لەبیركردووەو خۆیان كردووەتە دەمڕاستی‮ ‬ئەوان،‮ ‬واتا دەبێت بۆ لەمەوپاش لە خۆمانەوە دەست پێ بكەین،‮ ‬بە دڵنیاییەوە هەر حزبێك‮ ‬یان كەسێك لەم وڵاتە بێتە سەر دەسەڵات،‮ ‬هیچ لە دۆخەكە ناگۆڕێت و عێراق هەروا دەمێنێتەوەو هیچ كات نابێتە وڵاتێكی‮ ‬مرۆڤ دۆست‮. ‬

ئەگەر بێت و كەمێك بە وردی‮ ‬خوێندەوەیەكی‮ ‬دروست بۆ عێراق و كێشە و دۆخە ئابووری‮ ‬و سیاسیی‮ ‬و مرۆڤایەتییەكەی‮ ‬بكەین،‮ ‬ئەو‮ ‬ڕاستیانەمان بۆ‮ ‬ڕوون دەبێتەوە،‮ ‬كە لەوەتەی‮ ‬ئەم وڵاتە بوونی‮ ‬هەیە بەشی‮ ‬شێری‮ ‬لە كاری‮ ‬قێزەوەند و نادادپەروەریی‮ ‬دژ بەمرۆڤایەتی‮ ‬ئەنجامداوە،‮ ‬هەردەم دەستپێشخەربووە بۆ نانەوەی‮ ‬ئاژاوە دوای‮ ‬ئاژاوە،‮ ‬هیچ كاتێكیش وەكو وڵاتێك كە تیادا‮ ‬ڕێز لە مافەكانی‮ ‬مرۆڤ و تاك گیرابێت هەڵسوكەوتی‮ ‬نەكردووە،‮ ‬بۆیە ئەو دەنگە ناشازانەی‮ ‬ئێستا گوێبیستی‮ ‬دەبین لە نێو شیعەكان و حەشدی‮ ‬شیعی‮ ‬دژ بە گەلەكەمان و سەركردایەتییەكەی،‮ ‬لە ئەنجامی‮ ‬ئەو دەسەڵاتە تایفییە میلیشیاوییەی‮ ‬ئێستای‮ ‬عێراقە‮. ‬

بەڵام پرسیارەكە لە ئێستادا ئەوەیە بۆ لەم كاتەدا ئەم دەنگانە زۆر زیادیان كردووە؟‮! ‬بێگومان زیادبوونی‮ ‬ئەم دەنگە ناشازانە دەگەڕێتەوە بۆ سەردەمی‮ ‬دەسەڵاتە شكستخواردووە نادادپەروەر و تەواو تایفییە بێ كەڵكەكەی،‮ ‬نوری‮ ‬مالیكی‮ ‬كۆلكە دیكتاتۆر و دەركراو و دووخراوە لە دەسەڵات،‮ ‬بەڵام هۆكاری‮ ‬ڕاستەقینەی‮ ‬ئەوەی‮ ‬بۆ لە ئێستا ئەو دەنگانە زۆر لە پێشان زیاترن،‮ ‬چونكە ئەو هێزە میلیشیاییەی‮ ‬حەشدی‮ ‬شیعی‮ ‬كە لەو دیوی‮ ‬سنوورەكانەوە دروست كراوەو بەڕێوە دەبرێت،‮ ‬خۆیان بە هێزێكی‮ ‬كاریگەرو براوەو سەركەوتووی‮ ‬شەڕەكان دەزانن،‮ ‬لەم‮ ‬ڕێگایەشەوە دەیانەوێت هێزو بازووی‮ ‬خۆیان بەسەر گەلەكەمان و بگرە بەسەر هەموو عێراقدا بسەپێنن و هەروەها مەسجێكی‮ ‬ئاشكرا بۆ ئەمریكاو هەندێك لایەن بنێرن‮. ‬دیارە لە ئێستادا و دوای‮ ‬ئەنجامە دڵخۆشكەرەكەی‮ ‬ڕیفراندۆم،‮ ‬عەرەبی‮ ‬عێراق گەڕاونەتەوە بۆ سەردەمی‮ ‬دەسەڵاتە شۆڤێنییەكانی‮ ‬پێشووتری‮ ‬خۆیان،‮ ‬كە هەردەم عێراقی‮ ‬پێ ناسراو بووە،‮ ‬ئەویش دەسەڵاتی‮ ‬سەركووتكردن و داپڵۆساندن و سڕینەوەی‮ ‬بەرانبەرو‮ ‬ڕێزنەگرتن لە‮ ‬یاساو‮ ‬ڕێساكان و بەكارهێنانی‮ ‬هێز،‮ ‬ئەمەش ئێستا لە ئاست باڵاترین دەسەڵاتی‮ ‬ئەم وڵاتە دواكەوتووە تایفییە بەتەواوەتی‮ ‬ڕەنگی‮ ‬داوەتەوە‮.‬

بێگومان گەلی‮ ‬كوردستان و سەركردایەتییە حەكیمەكەی‮ ‬خوازیاری‮ ‬ئەوەنین دۆخەكە بگاتە ئاستی‮ ‬بەكارهێنانی‮ ‬هێز،‮ ‬بەڵام بە دڵنیاییەوە گەلی‮ ‬كوردستان زمانی‮ ‬هەڕەشە و گوڕەشە نە لە عێراق و نە لە هیچ كەس و لایەنێك قەبووڵ ناكات،‮ ‬ئەگەر ئەوان وای‮ ‬بۆ بچن بەم زووبانە ناشرینە دواكەوتووە دەتوانن گەلەكەمان لە مافەكانی‮ ‬پاشەكشە پێ دەكەن،‮ ‬یاخود بەم شێوەیە تووشی‮ ‬دڵەڕاوكێی‮ ‬دەكەن،‮ ‬با كەمێك بگەڕێنەوە بۆ مێژووی‮ ‬بۆگەنی‮ ‬عێراق،‮ ‬ئەوجا بۆیان دەردەكەوێت چ هەڵەیەكی‮ ‬كوشندە دەكەن و چۆن سەری‮ ‬خۆیان لە چیای‮ ‬سەفین دەدەن،‮ ‬خۆ ئەگەر پێیان وابێت كە بە زەبری‮ ‬هێز دەتوانن مەرجەكانی‮ ‬خۆیان بەسەر گەلەكەماندا بسەپێنن،‮ ‬ئەوە تا ئێستا نە گەلی‮ ‬كوردستان و نە هێزی‮ ‬پێشمەرگەی‮ ‬كوردستانیان نەناسیووە‮. ‬بەداخەوە ئەوان نەیانتوانیووە لە مێژووی‮ ‬كۆن و تازەی‮ ‬خۆیان كەمێك لە هەڵەكانیان فێرببن،‮ ‬بۆیە پێیان دەڵێین پێش ئەوەی‮ ‬بە خەیاڵتاندا بێت بیر لە هێزو كاری‮ ‬نابەجێ و تێكدەرانە دژی‮ ‬گەلەكەمان بكەنەوە،‮ ‬خاستر وایە تەنها كەمێك ئەزیەتی‮ ‬خۆتان بدەن و بەشێكی‮ ‬كەمی‮ ‬مێژووە خوێناوییەكەی‮ ‬دەسەڵاتدارانی‮ ‬پێش خۆتان بخوێننەوە،‮ ‬بێشك ئەوكات بۆتان‮ ‬ڕوون دەبێتەوەو دەزانن گەلی‮ ‬كوردستان كێیە و چۆن لە پێناو ژیان و مافەكانی‮ ‬خۆی‮ ‬چۆكی‮ ‬بە ناحەزانیی‮ ‬داداوە‮. ‬

وەكو گەلی‮ ‬كوردستان نابێت چاوەڕوانی‮ ‬ئەوە بكەین ئەم جۆرە عەقڵیەتە دواكەوتووە تەواو شۆڤێنییە كە عێراقی‮ ‬گەیاندوەتە ئەمڕۆ،‮ ‬وا بە ئاسانی‮ ‬بەكۆتا دێت‮!! ‬بەڵكو بەپێچەوانەوە ئەوەتانێ ئەمڕۆ بەرهەمی‮ ‬ئەو عەقڵەیەتە بەچاوی‮ ‬خۆمان دەبینین،‮ ‬ئەویش زۆربوونی‮ ‬كاولكاریی‮ ‬و ماڵوێرانی‮ ‬و دزی‮ ‬و كوشتن و هەڕەشەو گوڕەشەی‮ ‬زیاترە،‮ ‬ئەمەش ئەو هۆكارەیە كە لە ئێستادا عێراقی‮ ‬خستووەتە سەرووی‮ ‬قێزەوەندترین و ترسناكترین وڵات لە جیهاندا،‮ ‬بەداخەوە ئەم جۆرە عەقڵانە لە پای‮ ‬سنوورداركردنیان‮ ‬ڕۆژانە‮ ‬ڕوو لە زیادبوونن،‮ ‬هیچ كات لە هەڵەكانی‮ ‬پێشووتری‮ ‬خۆیان و گەورەكانیان فێر نەبوونە و پێشناچێت بو داهاتووش فێرببن،‮ ‬ئەوەتانی‮ ‬ئێستا هەڵەكانی‮ ‬ئەوان چەندەها بارە دەكەنەوە.ئەوان هەموو مافە‮ ‬ڕەواكانی‮ ‬گەلەكەمانیان گرێداوە بە جەنابی‮ ‬سەرۆك مەسعود بارزانییەوە وایان لە خەڵكە‮ ‬ڕەشوڕووتەكەی‮ ‬خۆیان گەیاندووە،‮ ‬ئەگەر بێت و جەنابی‮ ‬سەرۆك بارزانی‮ ‬واز لە دەسەڵات بێنێت،‮ ‬هەموو كێشەكان چارەسەر دەبن و ئیدی‮ ‬گەلی‮ ‬كوردستان واز لە مافەكانی‮ ‬خۆی‮ ‬دێنێت،‮ ‬كە لەمەشیاندا زۆر بە هەڵەدا چوون‮. ‬بێگومان جەنابی‮ ‬سەرۆكی‮ ‬هەرێم كاك مەسعود بارزانی،‮ ‬وەكو بەرپرسی‮ ‬یەكەمی‮ ‬هەرێم و سەرۆكی‮ ‬گەورەترین پارتی‮ ‬كوردیش ئەوەی‮ ‬داوای‮ ‬دەكات مافی‮ ‬گەلی‮ ‬كوردستانە لەلایەن دەسەڵاتدارانی‮ ‬عێراقەوە ساڵانێكی‮ ‬زۆرە بەزەبری‮ ‬هێز زەوت كراوەو هەردەم نكۆڵیان لێ كردووە بە ئێستاشەوە‮. ‬بۆیە دەبێت دەسەڵاتدارانی‮ ‬عێراق ئەو‮ ‬ڕاستییە بزانن هەر تاكێكی‮ ‬دڵسۆز بە كوردستان و خوێنی‮ ‬شەهیدان و خەبات و ماندووبوون و قارەمانێتی‮ ‬هێزەكانی‮ ‬پێشمەرگەی‮ ‬كوردستان لە ئێستادا كاك مەسعودێكە بەرانبەر هەر شۆڤێنییەك،‮ ‬بەڵێ كاك مەسعود بارزانی‮ ‬وەكو سەرۆكی‮ ‬هەرێمی‮ ‬كوردستان و مرۆڤێكی‮ ‬شۆڕشگێڕی‮ ‬گەلەكەمان،‮ ‬ئەركی‮ ‬سەرشانی‮ ‬خۆی‮ ‬لە بەرگریكردن لە مافی‮ ‬گەلەكەمان بەجێهێناوەو جەنابیان پێشەنگ بووەو كەمتەرخەم نەبووەو ناشبێت،‮ ‬هەر ئەمەش وایكردووە ئەو دەنگە ناشازانە لە عێراقی‮ ‬شۆڤێنیدا دژی‮ ‬بارزانی‮ ‬سەركردەو‮ ‬ڕابەر‮ ‬ڕوو لە زیادبوون ببێت،‮ ‬چونكە ئەوان دژی‮ ‬هەموو‮ ‬یەكێكن بەرگری‮ ‬لە گەلی‮ ‬كوردستان بكات‮. ‬شۆڤێنییەكانی‮ ‬بەغدا بە هاوكاری‮ ‬هەندێ وڵات واز لە دژایەتیكردنی‮ ‬گەلی‮ ‬كوردستان ناهێنن و ئازادی‮ ‬و خۆشگوزەرانی‮ ‬و ئاشتی‮ ‬پێ‮ ‬ڕەوا نابینن و بەردەوام دەیانەوێت كێشەو گرفت بۆ هاووڵاتیانمان و هەرێمی‮ ‬كوردستان و دروست بكەن،‮ ‬هەر ئەوانن هۆكاری‮ ‬زۆر نەهامەتی‮ ‬كە بەسەر میللەتەكەماندا هاتوون،‮ ‬بەتایبەتیش زۆر ئیشیان لەسەر تێكدانی‮ ‬نێو ماڵی‮ ‬كورد و‮ ‬یەكڕیزی‮ ‬نێوخۆییمان كردووە،‮ ‬لەمەشیاندا پشت بە خودا بەشیان تەنها پەشیمان‮ ‬بوونەوەو سەر شۆڕی‮ ‬دەبێت‮.

 
چاپکردن   Share گه‌ڕانه‌وه‌