2017-10-02

ڕاپۆرت‮: ‬فاتیح بەرزنجی

بە گووتەی‮ ‬بەڕێوەبەری‮ ‬ڤێتەرنەری‮ ‬هەولێر د‮. ‬مامەند محەمەد قادر لە بەڕێوەبەرایەتی‮ ‬ڤێتەرنەری‮ ‬هەولێر‮ ‬27 ‮ ‬بنكەی‮ ‬ڤێتەرنەری‮ ‬هەیە و هەر‮ ‬یەكێك لەو بنكانە كاری‮ ‬خۆیان دەكەن،‮ ‬هەر لە كوتانی‮ ‬ئاژەڵ تا دەگاتە سەرپەرشتی‮ ‬ڤێتەرنەری‮ ‬كوشتارگەكانی‮ ‬ئاژەڵ و پەلەوەرو چاودێریكردنی‮ ‬بازاڕو سەرپەرشتیكردنی‮ ‬پێنج بنكەی‮ ‬كەرەنتینی‮ ‬ڤێتەرنەری‮ ‬كە‮ ‬یەكێكیان لە شارەدێی‮ ‬حاجی‮ ‬ئۆمەران و لە فڕۆكەخانەی‮ ‬هەولێری‮ ‬نێودەڵەتی‮ ‬و سێ بازگەی‮ ‬دیكە لە كانی‮ ‬قڕژاڵە و بازگەی‮ ‬شێراوەو قەتەوی‮ ‬بۆ چاودێریكردنی‮ ‬هێنان و بردنە دەرەوەی‮ ‬بەروبوومی‮ ‬ئاژەڵی‮ ‬و ستافێكی‮ ‬پژیشكی‮ ‬ڤێتەرنەری‮ ‬و تایبەتمەند لە بواری‮ ‬پزیشكی‮ ‬ئاژەڵی‮ ‬و‮ ‬ڕۆژانە ئەو ستافە لەشوێنی‮ ‬خۆیان كاری‮ ‬خۆیان ئەنجام دەدەن‮.‬

پشكنینی‮ ‬ڤێتەرنەری‮ ‬بۆ ئاژەڵ زۆر گرنگە

جگە لە‮ ‬ڕاییكردنی‮ ‬مامەڵەی‮ ‬هاووڵاتیان رۆژانە گۆشتفرۆشەكان بۆ دەرهێنانی‮ ‬مۆڵەتی‮ ‬كاركردن دێنەلامان ئێمەش بەپێی‮ ‬رێنماییەكان مۆڵەتیان پێ دەدەین ئەوانیش گۆشتی‮ ‬ئەو ئاژەڵانەی‮ ‬كە دەیفرۆشن پێویستە بە پێی‮ ‬یاسای‮ ‬عێراقی‮ ‬ژمارە‮ ‬22 ‮ ‬ساڵی1972 ‮ ‬دەبێ ئاژەڵەكەی‮ ‬لە سەربڕینخانە حكومییەكان سەربڕێت،‮ ‬ئینجا ئەو گۆشتەی‮ ‬كە دەیفرۆشێت لەلایەن ستافی‮ ‬ڤێتەرنەری‮ ‬مۆری‮ ‬لێ بدرێت كە لە كوشتارگەكان كاردەكەن لەوێدا ئەو ئاژەڵانە دووجار پشكنینیان بۆ دەكرێت جاری‮ ‬یەكەم ئاژەڵەكە بە زیندوویی‮ ‬سەیر دەكرێت،‮ ‬ئەگەر هەندێ نیشانەی‮ ‬نەخۆشی‮ ‬لەسەربێت وەكو نەخۆشی‮ ‬زەردوویی‮ ‬یاخود ژەهراوی‮ ‬بوون‮ ‬یاخوود ئاژەڵەكە لەڕو لاوازی‮ ‬پێوە دیار بوو ئەوا ئەو ئاژەڵە نەخۆشە،‮ ‬لێرەوە بە هاووڵاتیانی‮ ‬ڕادەگەیەنین كە دووربن لەكڕینی‮ ‬گۆشتی‮ ‬ئاژەڵی‮ ‬سەرشەقام و‮ ‬ڕێگاو بانەكان،‮ ‬چونكە ئەو ئاژەڵانە پشكنینیان بۆ ناكرێت و لەوانەیە ئەو ئاژەڵانە نەخۆش بن لە ناو كوشتارگە پشكنینی‮ ‬دووەم زۆر گرنگەو هەموو ئەندامەكانی‮ ‬لەشی‮ ‬پشكنینی‮ ‬وردی‮ ‬بۆدەكرێت وهەر ئەندامێكی‮ ‬جەستەی‮ ‬بەكارنایەت فڕێ دەدرێت و هەندێ جار لاشەكەش فڕێ دەدرێت لەدوای‮ ‬پشكنینی‮ ‬ووردی‮ ‬ڤێتەرنەری‮ ‬ئینجا مۆری‮ ‬ڤێتەرنەری‮ ‬لەسەر گۆشتی‮ ‬ئاژەڵەكە دەدرێت و مانگانە لە كوشتارگەكان‮ ‬ڕاپۆرتمان بۆ دێت دەربارەی‮ ‬ئەنجامی‮ ‬وردی‮ ‬پشكنینەكانی‮ ‬ئاژەڵەكان لێرەوە داوا لە هاووڵاتیان دەكەین ئەو كاتانەی‮ ‬كە ئاژەڵ بۆ سەربڕین دەكڕن پشكنینی‮ ‬بۆبكەن‮.‬

گوتیشی‮: ‬هەركاتێك هاووڵاتیان بینیان ئاژەڵ لەسەر شەقام سەر دەبڕیت دەتوانن ئاگادارمان بكەنەوەو نابێت پاشماوەی‮ ‬ئاژەڵ فڕی‮ ‬بدرێتە بەر دەرگاو گۆڕەپانی‮ ‬ناو گەڕەكەكان بۆ ئەوەی‮ ‬نەخۆشی‮ ‬بڵاونەبێتەوەو لیژنەی‮ ‬تایبەتمان هەیە بۆ چاودێریكردنی‮ ‬شوێنەكان و بە هاوكاری‮ ‬قایمقامیەتی‮ ‬ناوەندی‮ ‬هەولێر لیژنەكان كاری‮ ‬خۆیان ئەنجام دەدەن و نوێنەری‮ ‬ڤێتەرنەری‮ ‬لەگەڵ قایمقامیەت كار دەكات بۆ بەدواداچوون و رۆژانە تیمەكان كاری‮ ‬خۆیان ئەنجام دەدەن لەگەڵ ئەوەش شاری‮ ‬هەولێر گەورەو فراوانەو سەرپێچیەكان زەحمەت بوون،‮ ‬لەو حاڵەتەشدا پێویستە هاووڵاتیان هاوكاریمان بكەن و گوێ بە‮ ‬ڕێنماییەكانی‮ ‬ڤێتەرنەری‮ ‬بدەن ئەگەرچی‮ ‬لەناو گەڕەكەكان و لە‮ ‬ڕێگاو بانەكانی‮ ‬دەرەوەش ئاژەڵ سەردەبڕێت بۆ فرۆشتنی‮ ‬گۆشتەكەی‮ ‬و ئەو‮ ‬كارەی‮ ‬ئەوانەی‮ ‬لەڕێگاو بانەكانی‮ ‬دەرەوە دەفرۆشێت سەرپێچیەكی‮ ‬گەورەی‮ ‬یاساییە و زۆر نا زانستییە پێویستە بنەبڕبكرێت،‮ ‬بەڵام تیمی‮ ‬ئێمە سەربە بەڕێوەبەرایەتی‮ ‬ڤێتەرنەری‮ ‬ئەو دەسەڵاتەی‮ ‬نییە،‮ ‬دەبێ قایمقامیەت هاوكاریمان بكات تا لەو شوێنانە قەدەغەی‮ ‬سەربڕینی‮ ‬ئاژەڵ بكرێت،‮ ‬چونكە ئەو كارانە نایاسایین پێویستە قەدەغە بكرێت بۆ ئەوەی‮ ‬هاووڵاتیان تووشی‮ ‬نەخۆشی‮ ‬نەبن لە‮ ‬ڕێگەی‮ ‬گۆشتەوە چەندین نەخۆشی‮ ‬دەگوازرێتەوە،‮ ‬وەكو نەخۆشی‮ ‬ڤایرۆسی‮ ‬و میكرۆبی‮ ‬و مشەخۆری‮ ‬بۆ مرۆڤ دەگوازرێتەوەو زۆرجار تووشی‮ ‬ژەهراوی‮ ‬بوونی‮ ‬دەكات دەبێ هاووڵاتیان ئەوە بزانن ئەو گۆشتەی‮ ‬لە سەر شەقام و‮ ‬ڕێگاو بانەكانی‮ ‬دەرەوە دەفرۆشرێن نرخەكانیان زۆر هەرزانە لەبەر ئەوەی‮ ‬گۆشتەكە نا تەندروستە،‮ ‬بۆیە هەرزانەو تۆزو خۆڵی‮ ‬ڕێگاو بانەكان دەكەوێتەسەر گۆشتی‮ ‬ئەو ئاژەڵەو داواش لەگۆشت فرۆشەكان دەكەین كەپابەندی‮ ‬ڕێنماییەكان بن و پشكنین بۆ گۆشتەكان و ئەو ئاژەڵانە بكەن كە دەیفرۆشن و داواش لە هاووڵاتیان دەكەین كەئەو جۆرە گۆشتانە نەكڕن،‮ ‬كە بە نایلۆن داپۆشراوە،‮ ‬چونكە ئەو گۆشتە لەناو ئەو نایلۆنە بۆگەن دەبێت و گەرما لەناوی‮ ‬قەتیس دەبێت و نایلۆن جۆری‮ ‬هەیە و لەكیسكردنی‮ ‬گۆشت لە كارگەكان جۆرێكەو ئەوانەی‮ ‬لە‮ ‬ڕێگاو بانەكان لەنایلۆن دایدەنێن زۆر خراپەو زانستی‮ ‬نییەو‮ ‬ڕێگا بەزۆربوونی‮ ‬میكرۆب و ڤایرۆسیش دەدات بەداخەوە چەندین جار گۆشت فرۆشی‮ ‬ڕێگاكان قەدەغە كراوە،‮ ‬بەڵام بێ هوودەیە و زۆر جار لیژنەكان سەردانی‮ ‬ئەو شوێنانەیان كردووەو دەستیان بەسەر قەنارەكاندا گرتووە و تا ئێستا نەتوانراوە ئەو دیاردەیە قەدەغە بكرێت،‮ ‬كارەكان بە هاوكاری‮ ‬قایمقامیەت ئەنجام دەدرێت و لیژنەكانمان سەردانی‮ ‬بازاڕەكانیش دەكەن و بەدوای‮ ‬گۆشتی‮ ‬خراپدا دەگەڕین و دەستی‮ ‬بەسەردا دەگرن بەتایبەتی‮ ‬گۆشتی‮ ‬هیندی‮ ‬و لە بازگەكانیش پشكنینی‮ ‬ورد ئەنجام دەدەن و گۆشتی‮ ‬خراپ‮ ‬دەستی‮ ‬بەسەردادەگیرێت و دەسوتێنرێت و ئەوانەی‮ ‬سەرپیچی‮ ‬ڕێنماییەكان‮ ‬بكەن‮ ‬غەرامە دەكرێن لەلایەن قایمقامیەتەوە‮ ‬بەداخەوە قەیرانی‮ ‬دارایی‮ ‬كاریگەری‮ ‬بۆ سەر كارە كانمان هەیەو ماوەیەكە هەڵمەتی‮ ‬كوتانی‮ ‬ئاژەڵ ئەنجام نەدراوە لەبەر ئەوەی‮ ‬ڤاكسینەكان دابین نەكران و خەڵكی‮ ‬بەخۆی‮ ‬ئاژەڵی‮ ‬خۆی‮ ‬دە كوتێت ڤاكسین پەیدادەكات لەگەل ئەوەش نەخۆشی‮ ‬ئاژەڵ بڵاو نەبۆتەوە پێوستە حكومەتی‮ ‬هەرێم بودجە بۆ ڤاكسین‮ ‬دابین بكات تانەخۆشی‮ ‬ئاژەڵ بڵاو نەبێتەوە

هاووڵاتیان‮: ‬پێویستە چاودیری‮ ‬زیاتری‮ ‬بازاڕەكان بكرێت

ساڵح عەزیز گوتی‮: ‬هەقوایە لیژنەكانی‮ ‬ڤێتەرنەری‮ ‬زیاتر چاودێری‮ ‬بازاڕەكان بكەن تا چیتر گۆشتی‮ ‬خراپ لە بازاڕەكاندا نەمێنێ بە تایبەتی‮ ‬گۆشتی‮ ‬هیندی‮ ‬و سزای‮ ‬ئەو كەسانەش بدرێت كەسەرپێچی‮ ‬دەكەن‮.‬

سابیر كەریم گوتی‮: ‬بۆچی‮ ‬لیژنەكان زۆر بە كەمی‮ ‬سەردانی‮ ‬گەڕەكە میللیەكان دەكەن لەو شوێنانە ئاژەڵ لەبەر دەرگای‮ ‬دوكانەكان سەر دەڕبڕیت و پشكنین بۆ ئاژەڵ ناكرێت‮.‬

كاروان خدر گوتی‮: ‬لیژنەكانی‮ ‬قایمقامیەتی‮ ‬هەولێر بۆچی‮ ‬سەردانی‮ ‬گەڕەكە دوورەكان ناكەن و ئاژەڵ لەناو گەڕەكەكان سەردەبڕدرێت و نرخی‮ ‬گۆشتیش لەو شوێنانە گرانە‮.‬

سەمەد نوری‮ ‬گوتی‮: ‬ئەگەر سەیرێكی‮ ‬پشت مەیدانی‮ ‬ئاژەڵان بكەیت چەندین ئاژەڵی‮ ‬مردار بوو هەیە و هۆكارە بۆ بڵاوبوونەوەی‮ ‬نەخۆشی‮ ‬و پێویستە ئەو كەسانە سزا بدرێن كە ئاژەڵی‮ ‬مردار فڕی‮ ‬دەدەن‮.‬

 
چاپکردن   Share گه‌ڕانه‌وه‌