2017-10-01

خه‌بات‮: ‬هاوار مورتكەیی

لە ساڵی‮ ‬2014 كاتێك بۆ پاڵەوانێتییەكی‮ ‬شەترەنجی‮ ‬نێودەوڵەتی‮ ‬لەو وڵاتە ئامادەبووم،‮ ‬شەترەنجزانێكی‮ ‬بەتەمەنم بینی‮ ‬كە نابینا بەشداری‮ ‬ئەو پاڵەوانێتییەی‮ ‬كردبوو،‮ ‬زۆرم لا سەیر بوو كە نابینایانیش شەترەنج دەكەن و بەشداری‮ ‬لە پاڵەوانێتییەكی‮ ‬نێودەوڵەتیدا دەكەن،‮ ‬بەڵام كاتێك لە رێكخەرانی‮ ‬پاڵەوانێتییەكەم پرسی‮ ‬پێیان گووتم ئەمە‮ ‬یەكەم و دوا‮ ‬یاریزانی‮ ‬نابینای‮ ‬شەترەنج نییە،‮ ‬بەڵكو ئەمانە ئۆڵۆمپیادی‮ ‬تایبەتیشیان هەیە،‮ ‬بەڵام هەندێكیان ئامادەییان تێدایە كە بەرامبەر شەترەنجزانە بیناكان‮ ‬یاری‮ ‬بكەن،‮ ‬دوای‮ ‬ئەمە زۆر بەدوای‮ ‬شەترەنجزانێكی‮ ‬نابینا گەڕام،‮ ‬دەمویست لەخوودی‮ ‬خۆیانەوە چەند زانیارییەك ببیستم،‮ ‬ئەوەبوو كچە شەترەنجزانێكی‮ ‬نابینای‮ ‬سلۆڤاكیم بینییەوە و بەسوپاسەوە زانیاری‮ ‬زۆری‮ ‬پێ بەخشیم،‮ ‬ئەو كچەش‮ ‬ئیڤانا هۆربالۆڤا‮ ‬Ivana Horbalova كچە شەترەنجزانێكی‮ ‬نابینای‮ ‬وڵاتی‮ ‬سلۆڤاكیایە‮.‬

ئیڤانا هۆربالۆڤا لە‮ ‬29ی‮ ‬ئۆكتۆبەری‮ ‬1984 لە شاری‮ ‬كرۆمپاچی‮ ‬سلۆڤاكی‮ ‬لەدایك بوو،‮ ‬ئەو بەمشێوەیە باسی‮ ‬خۆی‮ ‬دەكات‮: ‬من لە خێزانێكی‮ ‬شەترەنجزان لەدایك بووم،‮ ‬بەردەوام لەماڵەوەمان‮ ‬یاری‮ ‬شەترەنج دەكرا،‮ ‬ئەگەرچی‮ ‬من نابینابووم هێندە ئاسان نەبوو كە ئەو‮ ‬یارییە فێرببم،‮ ‬بەڵام لەبەر ئەوەی‮ ‬رۆژانە باوكم لەگەڵ دایكم و براكانم‮ ‬یارییان دەكرد،‮ ‬هەستم لێرادەگرتن،‮ ‬لەتەمەنی‮ ‬4 ساڵان هەندێ تەكتیك و پلانی‮ ‬شەترەنج فێربووم،‮ ‬تا وایلێهات حەزم چووە ئەوەی‮ ‬فێربم،‮ ‬بۆیە راهێنرێكی‮ ‬تایبەت بە نابیناكانیان بۆ هینام و ماوەیەك بەردەوام بووم،‮ ‬كاتێكیش ئەو‮ ‬یارییە فێربووم تەمەنم‮ ‬15 ساڵان بوو‮.‬

ئیڤانا كە ریتینگی‮ ‬لە‮ ‬یەكێتی‮ ‬نێودەوڵەتی‮ ‬شەترەنج‮ ‬1337ه دەڵێت‮: ‬لەسەرەتادا كە حەزم چووە شەترەنج وەك نابینایەك بۆ ئەوە نەبوو كە‮ ‬یاری‮ ‬بكەم و بەس،‮ ‬بەڵكو بەو ئومێدەوە خۆم فێركرد تا بتوانم‮ ‬یارمەتی‮ ‬منداڵانی‮ ‬نابینا بدەم كە شەترەنج فێربن،‮ ‬شوێنێكی‮ ‬كۆمەڵایەتی‮ ‬درووست بكەم بۆ ئەوەی‮ ‬پەیوەندییەكان فراوانتر بكەم و هاوڕێی‮ ‬زۆر كۆبكەمەوە،‮ ‬لەپاڵ ئەمەش ئەو شوێنە ببێتە سەرچاوەی‮ ‬دەسكەوتنی‮ ‬زانیارییەكان،‮ ‬هەروەها‮ ‬یاریزانی‮ ‬كچ و راهینەری‮ ‬تیا درووست ببێت،‮ ‬خۆشبەختانەش تا ئاستێك بەم ئومێدەم گەیشتووم،‮ ‬ئێستا ژمارەیەك منداڵی‮ ‬نابینا لای‮ ‬من شەتەرنج دەكەن و خۆمان ئامادە دەكەین تا بتوانین بەشداری‮ ‬لە ئۆڵۆمپیادی‮ ‬شەترەنجی‮ ‬نابیناكان بكەین،‮ ‬كە بڕیارە لە مانگی‮ ‬ئۆگەستی‮ ‬2018 لە وڵاتی‮ ‬پۆڵەندا بەڕێوەبچێت‮.‬

‮ ‬ئیڤانا ئاواتی‮ ‬مناڵی‮ ‬هاتۆتە دی‮ ‬و ئێستا خەون بەچەند شتیكی‮ ‬دیكەوە دەبینێت و دەڵێت‮: ‬ئێستا هەوڵ دەدەم ریتینگی‮ ‬نێودەوڵەتیم بگەیەنمە‮ ‬1500? دوای‮ ‬ئەوەش خەونە گەورەكە كە بەدەستهێنانی‮ ‬بڕوانامەی‮ ‬WFM? ئینجا كاركردن لەسەر پلانی‮ ‬هەمیشەییم وەك راهێنەرێكی‮ ‬منداڵانی‮ ‬نابینا‮.‬

دواجار ئیڤان هۆربالۆڤا ئەوەی‮ ‬راگەیاند كە بەپێی‮ ‬توانا هەوڵ دەدەم بەشداری‮ ‬لە پاڵەوانێتییەكانی‮ ‬ناو سلۆڤاكیا و ئەمورووپا بكەم،‮ ‬بەڵام ئەمەش بۆ منێكی‮ ‬نابینا هێندە ئاسان نابێت،‮ ‬بەتایبەتیش دوای‮ ‬ئەوەی‮ ‬باوكم لە‮ ‬2014 كۆچی‮ ‬دوایی‮ ‬كرد،‮ ‬پشتیوانییەكم نەما‮ ‬،‮ ‬چونكە ناتوانم راهینەرێك بهێنم كە ئۆڵۆمپیادی‮ ‬شەترەنجم لەپێشدایە‮.‬

 
چاپکردن   Share گه‌ڕانه‌وه‌