2017-09-17

خه‌بات: ‬سەرهەنگ نەجمەدین

چەند رۆژێكی‮ ‬كەم ماوە لەهەرێمی‮ ‬كوردستان بەسەرجەم پێكهاتەكانیەوە بەرەو‮ ‬رۆژێكی‮ ‬مێژوویی‮ ‬دەروات و بەمەبەستی‮ ‬دەنگدان بۆ سەربەخۆیی‮ ‬كوردستان‮ ‬،‮ ‬بۆ ئەم مەبەستە لاپەرەی‮ ‬وەرزشی‮ ‬خەبات هەرجارێك چەند وەرزشوانێك بۆ ئەم پرسە بەسەر دەكاتەوە و سەرەتا لەبارەی‮ ‬ئەنجامدانی‮ ‬ڕیفراندۆم مەحمود عەزیز سكرتێری‮ ‬یانەی‮ ‬وەرزشی‮ ‬هەولێربۆ ئەم مەبەستە گوتی‮: ‬بێگومان بەشداریكردن لەڕیفراندۆم ودەنگدان بە(بەڵێ‮) ‬لەرۆژی‮ ‬25/9 ئەركێكی‮ ‬نیشتمانی‮ ‬و نەتەوەییە لەسەر‮ ‬هەموو تاكێكی‮ ‬كوردی‮ ‬كوردستان،دەنگدان بەبەڵێ واتە رێزلێنانە لەخۆڕاگری‮ ‬و بەرگریكردنی‮ ‬پێشمەرگە لەسەرجەم ناوەچەكانی‮ ‬كوردستان‮.‬

لەلایەكی‮ ‬دیكەوە نیهاد عادل جێگری‮ ‬سەرۆكی‮ ‬یانەی‮ ‬پێشمەركەی‮ ‬هەولێر بۆ ئەم مەبەستە ئەویش قسەی‮ ‬خۆی‮ ‬هەبوو ناوبراو بەوشێوەیە گوتی‮:‬‮ ‬ئەنجامدانی‮ ‬ڕیفراندۆم و دەنگدان بەوشەی‮ (‬بەڵێ‮) ‬خەونێكی‮ ‬لەمێژیینەی‮ ‬هەر تاكێكی‮ ‬كوردی‮ ‬كوردستان بووە كەهەمیشە بەشانازییەوە چاوەرێی‮ ‬ئەو رۆژە دەكات،‮ ‬بۆیە لەم سۆنگەیەوە داواكارم لەسەرجەم هاوڵاتیان و وەرزشوانانی‮ ‬كوردستان لەرۆژی‮ ‬25/9 دەنگ بدەن بەبەڵێ و بۆ سەربەخۆی‮ ‬كوردستان،‮ ‬بێگومان دەنگدان لەم كات وساتەدا وەفایەكە بۆ خوێنی‮ ‬پاكی‮ ‬شەهیدان،‮ ‬خوازیارم هەر تاكێكی‮ ‬كوردی‮ ‬ئەم وەڵاتە وێژدانی‮ ‬خۆی‮ ‬ئاسوودە بكات و بە‮ (‬بەڵێ‮) ‬بەشداری‮ ‬لەڕیفراندۆم بكەن‮.‬

شەخەوان عارف مامۆستای‮ ‬پەیمانگای‮ ‬پەروەردەی‮ ‬وەرزشی‮ ‬هەولێر وشارەزا و پسپوور لەبواری‮ ‬وەرزشی‮ ‬تۆپی‮ ‬پێ ئەو بۆ هەمان مەبەست گوتی‮:‬‮ ‬دەگدان بەبەڵێ لەرۆژی‮ ‬ئەنجامدانی‮ ‬ڕیفراندۆم و دروست بوونی‮ ‬دەوڵەتی‮ ‬كوردی‮ ‬خەونی‮ ‬هەموو تاكە كوردێكی‮ ‬كوردستانە كەزۆر لەمێژەوە چاوەرێی‮ ‬ئەو رۆژە پێرۆزە بووین،‮ ‬بۆیە ئەنجامدانی‮ ‬ڕیفراندۆم‮ ‬خەونی‮ ‬وەرزشوانە پێش ئەوەی‮ ‬خەونی‮ ‬سیایەكان و خەونی‮ ‬سەرۆك بارزانی‮ ‬بێت،‮ ‬چونكە لەبواری‮ ‬وەرزش هەموو مافەكانمان لەلایەن عێراقەوە خوراوە و هەموو كاتیش لەسەرجەم بوارەكانی‮ ‬وەرزش ستەم لەلایەن عێراقەوە ستەم و‮ ‬غەدر لەكوردستان دەكرێت،‮ ‬بۆیە ئەم‮ ‬ڕیفراندۆمە كاتێكی‮ ‬گونجاوە بۆ ئێمەی‮ ‬كورد كەرۆژی‮ ‬دەنگدان بەیەكەوە بەرەو سندوقی‮ ‬دەنگدان بچین و بە(بەڵێ‮) ‬بەشداری‮ ‬لەراپرسییەكە بكەین‮.‬

گوتیشی‮: ‬ئەگەر كوردستان سەربەخۆ بوو،‮ ‬بێگومان وەرزشی‮ ‬كوردستانیش لەهەموولایەكەوە ئازاد دەبێت و هەموو وڵاتانی‮ ‬دونیا ئەو كات ئێمە دەناسن،‮ ‬بەتایبەتی‮ ‬ئەوكات‮ ‬یانە و راهێنەرو‮ ‬یاریزانەكانمانیش دەتوانن لەدەرەوەی‮ ‬وڵات‮ ‬بوونی‮ ‬خۆیان بسەڵمێنن كەبەهۆی‮ ‬ناعەدەلەتی‮ ‬بەغداوە هەموو مافە وەرزشییەكانمان لێ وەڕگیراوە و لەزۆربەی‮ ‬زۆری‮ ‬خول وپاڵەوانیەتیەكان بێبەش كراوین‮.‬

 
چاپکردن   Share گه‌ڕانه‌وه‌