2017-09-16

خه‌بات: رەنجبەر بەرزنجی‮-‬ سۆران

لەگەڵ نزیكبوونەوە لە وادەی‮ ‬دیاریكراوی‮ ‬ریفراندۆمی‮ ‬هەرێمی‮ ‬كوردستان‮ ‬، پاڵپشتی‮ ‬و پشتگیریی‮ ‬چین و توێژە جیاكانی‮ ‬كۆمەڵگاش بۆ ئەو پرۆسە گرنگ و چارەنووسسازە روو لە زیادبوون دەكات و لە سنووری‮ ‬دەڤەری‮ ‬سۆران و دەورووبەریشی‮ ‬مامۆستایان بە گڕوتینێكی‮ ‬بەهێزەوە پشتگیری‮ ‬خۆیان بۆ ریفراندۆم و هەنگاونان بەرەو سەربەخۆیی‮ ‬رادەگەیەنن و ئەمەش بە ئەركێكی‮ ‬نیشتمانی‮ ‬هەموو كوردێك دەزانن كە باوەری‮ ‬بە كوردستانیبوونی‮ ‬خۆیەوە هەیە‮.‬

سەرەتا‮ (‬ئەمیر ئەنوەر حسن‮) ‬وەك مامۆستا لە سنووری‮ ‬دەڤەری‮ ‬سۆران بەمشێوەیە پشتگیریی‮ ‬و پاڵپشتی‮ ‬خۆی‮ ‬بۆ ریفراندۆم دەردەبری‮ :‬‮ ‬من وەك مامۆستایەك هەر بەم پێنووسەی‮ ‬كە كەسوكاری‮ ‬شەهیدان و ئەنفالكراوانی‮ ‬وڵاتەكەم فێری‮ ‬زانست و زانیاری‮ ‬دەكەم دەنگ بە بەڵی‮ ‬دەدەم لە رۆژی‮ ‬ئەنجامدانی‮ ‬ریفراندۆم و هەر بەم پێنووسەش هاوار دەكەین بەڵێ بۆ سەربەخۆیی‮ ‬و درووستبوونی‮ ‬دەوڵەتی‮ ‬كوردی‮ ‬كە زیاتر لە سەد ساڵە خەبات و تێكۆشان و گیانفیدایی‮ ‬بۆ دەكەین‮ ‬، بۆیە لای‮ ‬خۆمەوە داوا لە هەموو كوردستانییەك دەكەم كە لە رۆژی‮ ‬ئەنجامدانی‮ ‬رفراندۆم بچنە سەرسندووقەكانی‮ ‬دەنگدان و بە بەڵێ مێژوویەكی‮ ‬پڕ‮ ‬لە شانازی‮ ‬بۆ داهاتووی‮ ‬نیشتمانەكەمان تۆمار بكەن‮.‬

ئاشكرایە سەربەخۆیی‮ ‬و دامەزراندنی‮ ‬دەوڵەتێكی‮ ‬كوردی‮ ‬ئاواتی‮ ‬لەمێژینەی‮ ‬هەموو كوردێكە بۆیە لای‮ ‬خۆیەوە‮ (‬عەزیز سەعید مەلا‮) ‬وەك بەرێوەبەری‮ ‬پەروەردەی‮ ‬سۆران سەبارەت بە ئەنجامدانی‮ ‬ریفراندۆم و هەنگاونان بەرەو سەربەخۆیی‮ ‬وتی‮ :‬‮ ‬نەتەوەی‮ ‬كورد بە درێژایی‮ ‬مێژوو هەمیشە تینووی‮ ‬ئازادی‮ ‬و سەربەستی‮ ‬بووە و لە پێناو رزگاركردنی‮ ‬خاك و نیشتمانەكەی‮ ‬دلێرانە بەرامبەر بە دوژمنانی‮ ‬گەلەكەی‮ ‬وەستاوە و بەرگری‮ ‬لە كوردبوون و كوردستانیبوونی‮ ‬خۆی‮ ‬كردووە،‮ ‬بۆیە ئێمەی‮ ‬توێژی‮ ‬مامۆستایانیش دەنگی‮ ‬بەڵێی‮ ‬خۆمان بۆ رفیراندۆم و سەربەخۆیی‮ ‬كوردستان بەرز دەكەینەوە و كە ئاواتی‮ ‬لەمێژینەی‮ ‬هەموو كوردستانییەك بووە‮.    ‬

مامۆستا‮ (‬حكمت سەلمان ئەحمەد‮) ‬ئاماژە بەوە دەكات كە مامۆستایان لە پرسی‮ ‬ریفراندۆم پێشەنگن و دەڵێت‮:‬‮ ‬لە پرسی‮ ‬ریفراندۆم توێژی‮ ‬مامۆستایان پێشەنگ دەبن و هەست بە بەرپرسیارێتی‮ ‬نیشتمانی‮ ‬خۆیان دەكەن،‮ ‬بە درێژایی‮ ‬مێژووش مامۆستایان شان بە شانی‮ ‬پێشمەرگەكان خەباتیان كردووە بۆ ئەوەی‮ ‬نەوەیەكی‮ ‬زانستخواز بێننە كایەوە،‮ ‬لای‮ ‬خۆشمەوە پێموایە كە شانازییەكی‮ ‬گەورەیە كە مامۆستایان خۆبەخشانە ئەركی‮ ‬بەرێوەبردنی‮ ‬سندووقەكانی‮ ‬دەنگدان لە رۆژی‮ ‬ریفراندۆم لە ئەستۆ بگرن و پێشبركێ دەكەین بۆ ئەوەی‮ ‬یەكەم كەس بین كە دەنگ بە سەربەخۆیی‮ ‬كوردستان بدەین‮.   ‬

لە لایەكی‮ ‬دیكەوە مامۆستا‮ (‬ئەرشەد حەسەن نەبی‮) ‬دەڵێت‮:‬‮ ‬داگیركەرانی‮ ‬كوردستان هەمیشە هەوڵی‮ ‬سرینەوەی‮ ‬نەتەوەی‮ ‬كوردیان داوە و لەو پێناوەشدا سەدان تاوانی‮ ‬گەورە گەورەیان هەر لە كیمیاباران و ئەنفالكردن و تەعریبی‮ ‬خاكی‮ ‬كوردستان ئەنجام داوە بەڵام گەلی‮ ‬كوردستان هیچ كاتێك كۆلی‮ ‬نەداوە و قارەمانانە بەرامبەر هەموو زولم و ستەمی‮ ‬داگیركەران وەستاوەتەوە بۆیە وەك مامۆستایانی‮ ‬دەڤەری‮ ‬سۆران لە رۆژی‮ ‬25/9 دەچینە سەر سندووقەكانی‮ ‬دەنگدان و بە بەڵێ رۆحی‮ ‬شەهیدان و دڵی‮ ‬كەسوكاری‮ ‬شەهیدان و ئەنفالكراوان شاد دەكەین‮.‬

كچە شەهیدێك باس لەوە دەكات كە كە دەنگدان بە بەڵێ دووپاتكردنەوەی‮ ‬سۆز و وەفایە بۆ خوێنی‮ ‬پاكی‮ ‬شەهیدان،‮ ‬مامۆستا‮ (‬ئاواز عومەر نبی‮) ‬وتی‮ :‬‮ ‬من وەك مامۆستایەك و كچە شەهیدێك لە رۆژی ‮ ‬25ی‮ ‬مانگ بە بەڵێ بەشداری‮ ‬لە ریفراندۆم دەكەم و لەو رێگایە سۆز و وەفاداری‮ ‬بۆ شەهیدەكانمان دووپات دەكەمەوە‮ ‬، چونكە ئەوە خوێنی‮ ‬شەهیدانە كە بۆتە هەوێنی‮ ‬ئازادی‮ ‬و گەیشتن بە سەربەخۆیی‮ ‬و دامەزراندنی‮ ‬دەوڵەتێكی‮ ‬كوردی‮.‬

 
چاپکردن   Share گه‌ڕانه‌وه‌