2017-09-11

بێستون مسعود ساڵەیی

زەماوەندی‮ ‬سەركەوتنی‮ ‬كوردستان سات لە دوای‮ ‬سات نزیك دەبێتەوە،‮ ‬لەو‮ ‬ڕۆژەدا مێژوویێكی‮ ‬نوێ تۆمار دەكرێت،‮ ‬ڕۆژێكی‮ ‬نوێیە بۆ هەمووان كە پێكەوە مێژوو دەنووسینەوە‮. ‬دڵی‮ ‬هەموومان بۆ هاتنی‮ ‬ڕۆژی‮ ‬ریفراندۆم بە تین لێ دەدات و تەماشای‮ ‬ڕۆژژمێرەكانمان دەكەین تا دەگەین بە‮ ‬ڕۆژی‮ ‬ئەنجامدانی‮ ‬ئەو ئەركە نیشتمانیە‮. ‬بیرم لای‮ ‬ئەوانەیە كە تازە پێیان ناوەتە تەمەنی‮ ‬هەژدە ساڵییەوە،‮ ‬ئەو گەنجانەی‮ ‬كە مێژوو بە دەستەكانی‮ ‬خۆیان دەنووسنەوە،‮ ‬ئەوانەی‮ ‬بۆ‮ ‬یەكەم جار دێنە دەنگدانەوە و ئەو مافەیان بەجێ دەگەیێنن‮. ‬

ئەگەر تا دوێنێ شۆڕش و خەبات لە پێناو ئازدیدا مایەی‮ ‬شانازی‮ ‬بۆ بە تەمەن و گەنجەكانی‮ ‬دوێنێ بووبێت ئەوا ئەمڕۆ ئەو شەرەفە بۆ چینی‮ ‬گەنجەكانی‮ ‬ئەمڕۆی‮ ‬كوردستانە،‮ ‬ئەو گەنجانەی‮ ‬كە تازە پێ دەگەن و بەدوای‮ ‬سەربەخۆییەوەن‮. ‬

ئای‮ ‬چ هەستێكی‮ ‬خۆشە،‮ ‬چ سەروەریێكی‮ ‬بەهادارە،‮ ‬چ شانازیێكە بۆ ئەوان كە لەڕۆژی‮ ‬25ی‮ ‬ئەیلوول‮ ‬ڕۆژی‮ ‬دەنگدان دەنگی‮ ‬خۆیان بۆ سەربەخۆیی‮ ‬كوردستان دەدەن‮... ‬ئای‮ ‬چ شانازیێكی‮ ‬مەزنە لە‮ ‬یەكەم دەنگداندا داوای‮ ‬جیابوونەوە بكەیت و بتەوێ سەربەخۆ بیت و ئیتر ژێردەستەیی‮ ‬باب و باپیرانت بە دەستەكانی‮ ‬خۆت كۆتایی‮ ‬پێ بێنیت و نەفرەت لەو وڵاتە بكەیت كە لەوەتەی‮ ‬هەیە هەر داگیری‮ ‬كردوویت‮. ‬

شانازییە بۆ تەمەن هەژدە ساڵییەكان لەو‮ ‬ڕۆژەدا كە دەڵێن نا بۆ ژێر دەستەیی‮ ‬و بەڵێ بۆ سەربەخۆیی،‮ ‬سەروەریێكی‮ ‬هێندە گەورەیە هەرگیز لەبیر ناكرێت و تا تەمەن باقی‮ ‬دەبێ لە لات مایەی‮ ‬شانازی‮ ‬دەبێت‮. ‬

هەرگیز هیچ شتێك لەوە خۆشتر نابێت لە درووستكردنی‮ ‬دەوڵەتێكی‮ ‬نوێ بۆ خۆت و خانەوادەت و خزم و دۆست و ئاشناكانت و هاوشاریان و هاونیشتیمانیەكانت لە بڕیاردانی‮ ‬ئایندەت بەشدار بیت،‮ ‬ئەمە ئیفتخارێكی‮ ‬یەكجار مەزنە كە جێ پەنجەت لە بوونیادنانی‮ ‬دەوڵەتی‮ ‬كوردستاندا هەبێت‮. ‬

لەو‮ ‬ڕۆژەدا،‮ ‬ڕۆژ‮ ‬ڕۆژی‮ ‬گەنجەكانە‮. ‬ڕۆژی‮ ‬گەنجی‮ ‬خوێنگەرم و تازە پێگەیشتووەكانی‮ ‬نیشتیمانە،‮ ‬پێوستە بە ئاپۆراوە بە گوڕوتینێكی‮ ‬یەكجار زۆرەوە بە ورەیێكی‮ ‬پۆڵایینەوە بەشدار بن لە دەنگدان بە بەڵــــێ بۆ سەربەخۆیی‮ ‬كوردستان تاكو خەونی‮ ‬باب و باپیران بە دی‮ ‬بێنن و چیدیكە نەهێڵن زوڵمی‮ ‬هیچ زاڵم و داگیركەرێك بە سەرماندا بسەپێت،‮ ‬بۆ هەتاهەتایی‮ ‬لە ژێر دەستەیی‮ ‬ڕزگارمان بێت و ئێمەش وەكو میللەتان ئیتر ئازاد و سەربەخۆبین و خاوەنی‮ ‬دەوڵەتی‮ ‬خۆمان بین‮. ‬

گەنجی‮ ‬ئێمەش دەبێت شان بە شانی‮ ‬گەنجانی‮ ‬پێشكەووتووی‮ ‬وڵاتان هەنگاو بەرەو پێشەوە بنێت و لە دونیای‮ ‬پشكەوتن و خۆشگوزەرانیدا بێ بەش نەبێت‮. ‬ئەمەش بەوە دێتە دی‮ ‬كە خۆت دەوڵەتی‮ ‬خۆت درووست كردبێت،‮ ‬گەنجی‮ ‬ئێمەش پێویستە هەست بە بوونی‮ ‬خۆی‮ ‬بكات وەكو هەر گەنجێكی‮ ‬ئەم جیهانە تواناو بەهرەكانی‮ ‬پەرە پێ بدات تا بتوانێت كێ بڕكێ لە گەڵ جیهاندا بكات‮. ‬وەرزشكارانمان لە دونیای‮ ‬وەرزشدا‮ ‬ڕۆڵیان هەبێت و لە‮ ‬یارییە جیهانیەكان بە ناوی‮ ‬دەوڵەتی‮ ‬كوردستان بەشدار بن،‮ ‬هونەرمەندان بەشدار بن لە هونەری‮ ‬جیهانی‮ ‬و فێستفاڵە جیهانیەكان،‮ ‬نووسەر و خاوەن بەهرەكانمان لە سەر ئاستی‮ ‬جیهاندا‮ ‬ڕۆڵیان هەبێت و ناسراو بن،‮ ‬ئەمانە هەمووی‮ ‬دەوڵەتبوونی‮ ‬گەرەكە تا بتوانیت سەركەوتنەكانت بۆ خۆت و وڵاتەكەت تۆمار بكەیت،‮ ‬گەر خاوەن دەوڵەت بین ئەمانە هەمووی‮ ‬دێنە دی،‮ ‬هەزاران خەونی‮ ‬دیكەی‮ ‬گەنجان دێنە دی‮. ‬گەنجی‮ ‬كورد لە ناوكۆمەڵگادا‮ ‬ڕۆڵی‮ ‬بەرچاویان هەبووە لە پاراستن و بەرگری‮ ‬كردن لە نیشتیمان،‮ ‬گەنجەكان بە هێزو بازوویان توانیویانە بەرپەرچی‮ ‬دوژمنان و تیرۆریستان بدەنەوە،‮ ‬هەمیشە بە خوێن و قوربانیدان ئارامی‮ ‬و سەقامگیریان بۆ كۆمەڵگا فەراهەم كردووە،‮ ‬لە ریفراندۆمی‮ ‬سەربەخۆیی‮ ‬كوردستانیش گەنجەكان‮ ‬ڕۆڵێكی‮ ‬سەرەكی‮ ‬دەگێڕن و لە ژێر ناوی‮ ‬جیاجیا و بە شێوەی‮ ‬گروپ كار بۆ سەرخستنی‮ ‬ریفراندۆم دەكەن‮. ‬

كوردستان خاوەنی‮ ‬هێزێكی‮ ‬گەنجە،‮ ‬خاوەنی‮ ‬گەنجێكی‮ ‬هەگبە پڕ‮ ‬لە داهێنان،‮ ‬گەنجانێك كە بیرۆكەی‮ ‬زۆر جوانیان لایە بۆ داهێنان،‮ ‬تواناكانی‮ ‬گەنجانی‮ ‬كورد لە‮ ‬ڕادەبەدەرە و هیچی‮ ‬كەمتر نییە لە گەنجانی‮ ‬میللەتانی‮ ‬تر،‮ ‬كاتێ دەوڵەتێكی‮ ‬سەربەخۆت هەبێت توانا شاراوەكان زیاتر بە دەردەكەون و ئاسانتر بیرۆكە و داهێنانەكانیان لە جیهاندا بڵاو دەبێتەوەو دەناسرێن‮. ‬بۆیە دەنگدان بۆ سەربەخۆیی‮ ‬ڕێگای‮ ‬گەیشتن بە خولیاو و ئاواتەكانی‮ ‬گەنجان مسۆگەر دەكات و هەموو توانا و بەهرەكانیش دەتوانرێ نیشانی‮ ‬هەموو جیهانی‮ ‬بدەیت‮. ‬

 
چاپکردن   Share گه‌ڕانه‌وه‌