2017-09-11

‬ئاری‮ ‬حاجی

هەموو بە‮ ‬یەك دەنگ دەڵێین نەخێر چیتر نامانەوێ لە چوارچێوەی‮ ‬وڵاتێكی‮ ‬بێ خاوەن و بێ شكۆ لەملاو و ئەملا رۆڵەی‮ ‬كوردی‮ ‬تێدا شەهید بكرێت و ئافرەتی‮ ‬كورد دەستدرێژی‮ ‬بكرێتە سەر و مافی‮ ‬هەزارەها مووچەخۆر بەبڕیارێكی‮ ‬نەیارانی‮ ‬كورد لەسەر میللەت ببڕدرێت،‮ ‬جێگای‮ ‬داخە مێژوو چەند بارە دەیەوێت خۆی‮ ‬دووبارە بكاتەوە بەوەی‮ ‬دیسان خاكفرۆشان دەیانەوێ بە دەنگ و رەنگێكی‮ ‬ژەنگاوی‮ ‬هەلی‮ ‬زێڕینی‮ ‬رەخساو لەبارببەن و خۆیان بخزێننەوە ناو لاپەڕە رەشەكانی‮ ‬مێژوو و بە هەوڵە ترسنۆكەكانیان دەیانەوێ خوێنی‮ ‬شەهید و قوڕگی‮ ‬پڕ‮ ‬لە گریانی‮ ‬دایكی‮ ‬شەهید و چاوی‮ ‬فرمێسك تێدا قەتیسماوی‮ ‬منداڵە شەهیدانی‮ ‬ئەم خاك و ئاوە بكەنە قوربانی‮ ‬و بە چەند سەفتە كاغەزە دۆلارێكی‮ ‬بێ نرخ‮. ‬خاك و رەنج و خوێنی‮ ‬رۆڵەكان هەرزانفرۆش بكەن،‮ ‬سەیر لەوە دایە خەڵكی‮ ‬ئەم كوردستانە چۆن دەتوانن گوێ لەو كەسانە بگرن،‮ ‬كە دەبینن بە رۆژی‮ ‬رووناك بەری‮ ‬خۆری‮ ‬ئازادی‮ ‬و سەربەستیان لێدەگرن و هەوڵی‮ ‬چەندین ساڵە دەكەنە قوربانی‮ ‬حەزیان لەبەرژەوەندی‮ ‬بێگانە و دوژمن هوتاف و بانگەشە بۆ ژێردەستەیی‮ ‬دەكەن،‮ ‬مرۆڤ كە خاوەن خاك و وڵات نەبوو سەنگی‮ ‬نابێت خۆزگە بۆ چەند ساتێك تاك بەتاكی‮ ‬ئەم كوردستانە لە وڵات دوور دەكەوتنەوە و خۆیان لە نێوەندی‮ ‬خەڵكی‮ ‬وڵاتان دەبینیەوە كە كاتێك دەڵێن عێراقیم چەند بەچاوێكی‮ ‬سووك و ریسوا و تاوانكارانە سەیر دەكرێن‮. ‬كاتێكیش دەڵێین كوردین‮ ‬یەكسەر پێناسین بەوەی‮ ‬دەڵێن پێشمەرگە و بارزانی‮ ‬چ جای‮ ‬ئەوەی‮ ‬ببینە خاوەن دەوڵەت دەبێت چ رێزێكمان بۆ بنوێنن،‮ ‬ئای‮ ‬چەند خۆشە كە ئێمەش ببینە خاوەن وڵاتی‮ ‬خۆمان و لەچوارچێوەی‮ ‬ئەم عێراقە نەفرەتیە رزگارمان بوایە‮. ‬چ هەستێكی‮ ‬خۆش و شانازییەكی‮ ‬گەورەیە لەسەر پاسپۆرت و پێناسەكانمان بنووسرێت هاووڵاتی‮ ‬كۆماری‮ ‬كوردستان‮. ‬دڵنیابن كوردان لە تاراوگە بەگڕوتینێكی‮ ‬یەكجار زۆرەوە لە چاوەڕوانی‮ ‬ئەم موژدە خۆشەیە و بەرێژەیەكی‮ ‬زۆر بەرچاو خۆیان ئامادەكردووە بگەڕێنەوە باوەشی‮ ‬نیشتیمان بەمەرجێك ببینە خاوەن دەوڵەتی‮ ‬سەربەخۆ،‮ ‬چونكە زیاتر لە خەڵكی‮ ‬دی‮ ‬ئەوانەی‮ ‬لە خاكی‮ ‬كوردستان دوورن دەزانن و چێشتوویانە تامی‮ ‬دووری‮ ‬خاك و پیرۆزییەكەی،‮ ‬ئەوەی‮ ‬جێگای‮ ‬دڵخۆشی‮ ‬و هیوایە هەر چەند جارەی‮ ‬كە جەنابی‮ ‬سەرۆك وتاری‮ ‬تایبەت بە سەربەخۆیی‮ ‬پێشكەش دەكات لەگەڵ هەرجارێك بە هەزاران دڵخۆشی‮ ‬و متمانە بەدوای‮ ‬خۆیدا دەهێنێت‮. ‬جگە لەهەموو ئەمانەش وڵاتانی‮ ‬جیهان بەهیچ شێوەیەك بەراستەوخۆ دژی‮ ‬ئەم بڕیارەی‮ ‬جەنابی‮ ‬سەرۆك نین و بگرە زۆربەی‮ ‬هەرە زۆری‮ ‬بەرپرسە گەورەكان و دبلۆماتكاران وە شارەزایانی‮ ‬رۆژهەڵاتی‮ ‬ناوەڕاست لە چاوەڕوانی‮ ‬لە دایكبوونی‮ ‬دەوڵەتی‮ ‬كوردستانن و زۆربەیان ئاماژەیان بە درووست بوونی‮ ‬ئەم دەوڵەتە كردووە كە دەبێتە هۆی‮ ‬ئارامی‮ ‬بۆ ناوچەكە و بە تەندرووستیەكی‮ ‬زۆرباش لە دایك دەبێت،‮ ‬ئەمەی‮ ‬لەسەر هەموو كوردێك ئەركە ئەوەیە كە ئەم هەلە زێڕینەی‮ ‬كە بە خوێنی‮ ‬شەهیدان و بڕیارە حەكیم و وورد ئاراستەكانی‮ ‬سەرۆك بارزانی‮ ‬رەخساوە ئێمە تاكی‮ ‬كورد تەواوكاری‮ ‬ئەم هەنگاوانە بین و پرۆسەكە بگەیەنینە ئەنجامی‮ ‬كۆتایی‮. ‬كە بەدرێژایی‮ ‬ساڵانێكی‮ ‬زۆرە هەوڵی‮ ‬بۆ دراوە بە تەنها دەنگێكی‮ ‬بەڵێ خۆمان لە ئاژاوە و كێشەی‮ ‬گەورە و چاوەروانكراو دوور دەكەینەوە و دەگەینە كەناری‮ ‬ئارامی،‮ ‬چونكە بەمانەوە لە چوارچێوەی‮ ‬بەناو دەوڵەتی‮ ‬عێراق رۆژی‮ ‬رەش و خوێناوی‮ ‬چاوەڕوانمان دەكەن و بەرۆكمان دەگرن‮. ‬ئەوەی‮ ‬لە شاری‮ ‬هەولێر كرا بۆ ریفراندۆم بێگومان چاوەڕوانی‮ ‬گڕوتینی‮ ‬زیاتر دەكرێت لە شارەكانی‮ ‬دیكەی‮ ‬كوردستانە خۆشەویستەكەمان،‮ ‬چونكە عەقڵ قبوڵی‮ ‬ئەمە ناكات كورد هەبێت دژی‮ ‬ئەم هەنگاوە بێت بە هەموو دەنگ و رەنگە جیاوازەكان‮. ‬ئەوانەی‮ ‬دژی‮ ‬ئەم پێشهاتە قەشەنگە هەنگاو دەنێن قاچەكانیان ئیفلیج دەبێت بەرامبەر مێژوو و رووڕەش دەمێننەوە لە ناوەندەكانی‮ ‬بڕیار لە كۆماری‮ ‬كوردستان‮. ‬

 
چاپکردن   Share گه‌ڕانه‌وه‌