2017-09-10

-ئەوانەی دژی ریفراندۆمن خیانەت لە ئامانج و خوێنی شەهیدان دەكەن
- ریفراندۆم بەرهەمی ماندووبوون و شەونخونی پێشمەرگە قارەمانەكانە
سیروان بارزانی بەرپرسی میحوەری گوێڕ-مەخموور لە دیمانەیەكی تایبەت بۆ رۆژنامەی خەبات لەمەڕ پرسی ریفراندۆم داوا دەڵێت: ئەوانەی دژایەتی ریفراندۆم دەكەن خیانەت دەكەن لە خوێنی شەهیدان، ئەو كاتەی كە دیاری كراوە ریفراندۆم ئەنجامبدرێت، كاتێكی زۆر گونجاوە، ئەگەر ئەو كاتە لە دەستمان بچێت جارێكی تر دەرفەتی وامان بۆ ناڕەخسێتەوە.

دیدار: تریفە ئازاد

ریفراندۆم و دەستكەوتی خوێنی شەهیدانە

ئەوانە دژایەتی كورد و خوێنی شەهیدانیش دەكەن، ئەوانە دەیانەوێت خوێنی شەهیدان بە فیڕۆ بڕوات، ئەوانە خائینن لە ڕاستیدا دژی ئەو هەموو خزمەتەی پێشمەرگەن كە خوێنیانداوە، پێشمەرگە چەندین ساڵە خەبات دەكات بۆ ئەوەی خاكی پیرۆزی كوردستان پارێزراو بێت، ریفراندۆم دەستكەوتی خوێنی شەهیدان و ماندووبوون و شەونخونی پێشمەرگە قارەمانەكانە لە سەردەمی شاخدا تا بە ئەمڕۆ دەگات و بۆ ئەم رۆژە پیرۆزە دانانی رۆژەكە و دیاریكردنی رۆژەكە گرنگبوو دەبێتە رۆژی مێژوویی بۆ گەلی كوردستان.
-ئێستا هەلێكی گونجاوە بۆ ئەنجامدانی ریفراندۆم
سەبارەت بە كاریگەری ریفراندۆم لەسەر كوردستان، سیروان بارزانی گوتی: بۆ ئەنجامدانی ریفراندۆم هەلێك هاتووەتە پێش، بە بۆچوونی من ئەگەر ئێستا نەكرێت و دوابخرێت، ئەوا بە پەنجا ساڵی دیكەش ناكرێت، لەم هەلەش بە گونجاوتر نازانم، بۆیە ئەگەر نەكرێت، دوای هەلێكی ترمان بۆ ناڕەخسێتەوە و هەر دەبێت لەژێر دەسەڵاتی ئەوانە بین كە ئێستا دەیانبینین كە یەك لە یەك خراپترن و هەر لە ژێر رەحمی عێراقدا دەبین و هەر دەبێت چاوەڕێی بودجە بڕین و موچەبڕین بكەین. دەبێت بچین لێیان بپاڕێینەوە هەموو رۆژ بڵێین مافمان بدەنێ و موچەمان بدەنێ، ئەوە خراپتر دەبێت، ئەوجارە دەڵێن فەرموون چیتان پێنەكرا ریفراندۆمیشتان پێنەكرا و دەبێت بێنە بن پێی ئێمە، زیاتر لە جاران بپاڕێینەوە تاكو بڕیار بدەن ئایا شتێكمان دەدەنێ یان نا.

ئەوانەی كەمپین بۆ نەخێر دەكەن بۆچی ناچن پارەكە بدەنە خانەوادەی شەهیدان

لە بارەی درووستكردنی كەمپین لە دژی ریفراندۆم، سیروان بارزانی دەڵێت: كێشەی ناوخۆ هەبووە ئەو كێشانەی كە هەش بوونە لەگەڵ هاتنی تیرۆریستانی داعش هەموو لە بیرمانە كە لە تیڤی و پەیجە كۆمەڵایەتییەكاندا، داعش دەستخۆشیان لە گۆڕان كرد و پێشمەرگە لە شەڕ بوو، ئەوان چوون بارەگاكانی پارتیان سوتاند، هەروەك بڵێی پشتگیری داعش بكەن، بەڵام پارتی لە سلێمانی ناتۆانێ كەسێك دابمەزرێنیت، چونكە هەموو لەبندەستی ئەواندایە و ئەوان خۆشیان لە حكوومەتن و وەزیری دارایی هی خۆشیان بوو تا ئەو كاتەش قسە دەكەین، لێیان بپرسین بڵێن چ گلەییتان هەیە كە لە حكوومەت بوون، دەڵێن نەخێر، ئەوان بیری ئەوەیان دەكرد كە ئەمەریكا بەریتانیا و یەكێتیی ئەوروپا، هەمووی دژمان هەڵدەستن، كاتێكیش زانیان خیانەتەكە چۆنە، بێدەنگ بوون، كە گەیشتە مەوزوعی ئەمنی قەومی، هەموو خەڵك دەزانێ كابرایەك بە تەوافوقی سیاسی بووبێت بە سەرۆكی پەرلەمان، بڵێت من وڵات بەرێوە دەبەم با بڕوات دوو رەبایە بەڕێوەبەرێت، جا با بێت وڵات بەڕێوەبەرێت و باسی كوردستان بكە، من تێناگەم تا ئێستا كۆمەڵی ئیسلامی لە حكوومەتە و داواش دەكات ریفراندۆم نەكرێت، ئایا بۆچی نەكرێت لەگەڵ داعش بمێنینەوە، ئەگەر بەدیلێكی باشتر هەیە با پێمان بڵێن، ئێستاش دەچین بەرەو ریفراندۆم لە چی دەترسن، لە شەڕ دەترسن، ئەوە سەد ساڵە دەمانكوژن، سەركردەكانی عێراق وەك یەكن لە بیركردنەوەدا، عەبادی سێ جار سەردانی هەولێری كردووە، چونكە ئیشی بە سەرۆك بارزانی بووە، ئیشی بە وەزارەتی پێشمەرگە بووە، ئەوە سێ ساڵە لەسەر حكوومە، تا ئێستا بودجەی پێشمەرگەی نەناردووە، چەندین چەكمان كڕیوە لە وڵاتان، ناهڵێن بێتە كوردستان بۆ بەرگری لە خۆمان 25 پارچە چەكم كڕیوە، بە پارەی خۆشم عەبادی رێگە نادات بێتە هەرێمی كوردستان و ئەوانی دیكەش ئەگەر بەدیلیان هەیە لە ریفراندۆم باشتر، یان كەمپین دەكەن، ئەو پارەی سەرفی دەكات، بۆ ناچێت بیداتە خانەوادەی شەهیدان، بۆ ناچێ قەرزی ئەو كەسانە بداتەوە كە پارەكانیانی خواردووە، لە پڕۆژەكانی، با بێن مەردبن و پارەكە بدەنە خانەوادەی شەهیدان لە جیاتی ئەوەی بچن خیانەت بكەن و دژی كورد بن.

-ئەوانەی خیانەت دەكەن دژی ریفراندۆمن

لەبارەی ئەو كەسانەی دژی ریفراندۆمن، سیروان بارزانی گوتی: ئەوانە خیانەت دەكەن لە خوێنی شەهیدان و دژی ئەو ئامانجەن كە شەهیدان خوێنیان بۆ داوە، دژی نەتەوەی كورد و پارتین، من سەیرم پێدێت كە دەڵێن ئێمە لەگەڵ ئەوە نین ریفراندۆم بكرێت، چونكە مووچە نەهاتووە و سیستەمی پاشەكەوت هەیە، لەگەڵ ریفراندۆم نین، چونكە وەزع باش نییە، دەبێ ئەوە بزانن ئێمەش بۆیە ریفراندۆم دەكەین، چونكە موچە نییە و پاڕانەوەیە لە دەستی بەغدا، ئەوان سەد ساڵە دمانكوژن، ئەوان ئەگەر چارەكەیان هەیە با پێشكەشی بكەن، ئەگەر پارتیش جێ بەجێی نەكردبا، با گلەیی بكەن و پارتیش خۆی كردۆتە واجیهە و بەڵێ راستە كام حزب زیاتر خوێنی داوە و قوربانی داوە، ئەو زیاتر كار بۆ سەربەخۆیی دەكات، ئەمڕۆ پارتی زیاتر خوێنی داوە، ئەوان دەڵێن لەسەر دەستی جەنابی سەرۆكە و ئەو پێشنیاری كردووە كە ریفراندۆم بكرێت، بۆیە ئێمە قبووڵی ناكەین، جەنابی سەرۆكیش كە داوای كرد زۆرێك لە حزبەكان هاتن و پشتگیریان كرد.

كاتی ئەنجامدانی ریفراندۆم

ئێمە ئەگەر بگەڕێینەوە پێشوو، مێژووی كورد تا ئەم كاتە بە دەستی دوژمنان نووسراوە و خەڵكانێك بەچاوێكی سووك سەیری كوردیان دەكرد، ئەم شەڕەی كە كرا و پێشمەرگە كردی كورد، ئیسپاتی كرد لە جیاتی جیهان شەڕ دەكات، خوێن دەڕێژێ و لە هەموو جیهاندا ناوی كورد بێنە پێشمەرگە دەناسێ و دەزانێ كێیە هەقیقەتەكە دەركەوت ئەو زەمینە بە دەست و بازووی پێشمەرگە دانراوە و دوای ئەوە ناوچەكە شڵەژاوە و ئەو هاوپەیمانییەی لێرە هەیە راستییەكە دەبینێت و دوژمنیش خەریكی خۆیەتی، بۆیە لەم كاتە گونجاوتر نییە، ئەوە شەڕی داعش نەما، كەس ئاگای نامێنێت لە كەس. بۆچوونی وڵاتانیش باشە تا ئێستا لە لایەكی تریشەوە شەڕی داعشمان كرد و دەستمان كراوە نەبوو، ئەگەر بێت و دەستمانكراوە بێت، باشتر بەرگری دەكەین، ئەگەر وڵاتی خۆمان هەبێت دە قاتی خۆمان شەڕ دەكەین.

 
چاپکردن   Share گه‌ڕانه‌وه‌