2017-08-27

دیدار: عـەلی‮ ‬بانیشاری ‮- ‬كەلار

بـەوتەی‮ ‬بەڕێوەبـەری‮ ‬گشتی‮ ‬پەروەردەی‮ ‬گەرمیان لەكـۆی‮ ‬380 قوتابخانەی‮ ‬سنورەكە هیچ بینـایەك‮ ‬یەك دەوامـی‮ ‬تێدا ناكرێت و سەرجەمی‮ ‬قوتابخانەكان دوو دەوامی‮ ‬و سێ دەوامین‮. ‬م.دارا ئەحـمەد لەگفتوگۆیەكـیدا لەگەڵخەبات‮ ‬دەڵێ‮" ‬گەورەتـرین گـرفتمان كەمی‮ ‬بینای‮ ‬قوتابخانەیە و كێشەی‮ ‬كەمی‮ ‬مامۆستـای‮ ‬پسپۆڕیشمان هەیە‮"، ‬دەشڵێـت‮" ‬11 قـوتابخانەمان بەخـشیووەتە قوتابیە ئاوارەكان‮"، ‬لەبارەی‮ ‬كەمی‮ ‬ژمارەی‮ ‬مامۆستاشەوە دەڵێت‮" ‬پـێویستمان بە‮ ‬400 مامۆستایە كە بۆیان دابمەزرێنن‮"، ‬بەڕێوەبـەری‮ ‬گشتی‮ ‬پەروەردەی‮ ‬گەرمیان ئـاماژە بۆ ئەوەش دەكات بەهۆی‮ ‬قەیرانی‮ ‬داراییەوە تـاك تاكە قوتابی‮ ‬وازی‮ ‬لە خوێندن هێناوە‮. ‬بەوتـەی‮ ‬م.دارا بەشێك زۆر لە بیناكانی‮ ‬سنورەی‮ ‬پەروەردەكـەیـان بەهۆی‮ ‬كۆنییەوە پێویستیان بە نۆژەنكردنـەوەیە‮.‬

لە سنوری‮ ‬پەرورەدەی‮ ‬گشتی‮ ‬گەرمیان نزیكەی‮ ‬10 هەزار مامۆستا و‮ ‬84 هەزار قوتابی‮ ‬هەن‮. ‬دارا ئەحمەد دەڵێ‮" ‬بۆ ئەوەی‮ ‬كێشەی‮ ‬كەمـی‮ ‬مامۆستا لە سنورەكەدا چارەسەر بێت،‮ ‬پێویستمان بە‮ ‬400 مامۆستایە بۆ دامەزراندن‮"، ‬دەشڵێت‮" ‬یەكێك لە كێشەكانمان كەمی‮ ‬مامۆستایی‮ ‬بیركاری‮ ‬و فیزیا و كیمایە و زیندەوەرزانییە‮"، ‬وا بڕیارە‮ ‬یەكی‮ ‬تشرینی‮ ‬یەكەم لەسەرەتاسەری‮ ‬هەرێمی‮ ‬كوردستان دەوامی‮ ‬ساڵی‮ ‬خوێندنی2017-2018 دەست پێ بكـات‮، ‬بەڕێوەبەری‮ ‬پەروەردەی‮ ‬گشتی‮ ‬گەرمیان لەبارەی‮ ‬بایكۆتكردنی‮ ‬دەوام لەلایەن مامۆستایانەوە دەڵێت‮" ‬دەنگۆی‮ ‬ئەوەیە هەیە دەستكاری‮ ‬سیستمی‮ ‬پاشەكەوتی‮ ‬مووچە لە مانگی‮ ‬9دا بكرێـت،‮ ‬ئەگەر وابێت بایكۆت نابێت‮".‬

دارا ئەحمەد باسی‮ ‬لەوەشكرد ماوەی‮ ‬2 ساڵە بەشێك لە مامۆستایانی‮ ‬سنوری‮ ‬بەڕێوەبەرایەتییەكەیان كۆچیان كردووە بۆ سلێمـانی‮ ‬و هەولێر،‮ ‬ئەمەش كێشەی‮ ‬كەمی‮ ‬مامۆستا لە سنورەكەدا دروستكردووە،‮ ‬بەتایبەت مامۆستای‮ ‬پسپۆڕ‮ ‬دەڵێ‮" ‬بۆ پڕكردنەوەی‮ ‬شوێـنی‮ ‬ئەو مامۆستایانە پێویستمان بە‮ ‬200 مامۆستایە‮". ‬سەبارەت بە رێژەی‮ ‬دەرچوونی‮ ‬قوتابیان،‮ ‬بەڕێوەبەری‮ ‬گشتی‮ ‬پەروەردەی‮ ‬گەرمیان گوتی‮" ‬لەچـاو ئەوەی‮ ‬خوێندنی‮ ‬ساڵی‮ ‬رابردوو‮ ‬3 مانگ بایكۆت بوو بەراورد بە سالانی‮ ‬پێشتر رێژەی‮ ‬دەرچوو كەمی‮ ‬نە كردبوو،‮ ‬تەنها ئەوە نەبێت سـالانی‮ ‬رابردوو رێژەی‮ ‬دەرچوون لە نێوان‮ ‬90-100 بوو زۆر بـوو،‮ ‬بەلام ساڵی‮ ‬رابردوو ئەمە كەمی‮ ‬كردبوو‮".‬

سەبارەت بەرێژەی‮ ‬وازهێنانی‮ ‬قوتابیان لە قوتابخانەكـانی‮ ‬كـەلار و كفری‮ ‬و خانەقـین،‮ ‬دارا ئەحمەد دەڵێت‮" ‬بەهۆی‮ ‬قەیرانی‮ ‬داراییەوە تاك تاكە قوتابی‮ ‬وازی‮ ‬لە خوێندن هێناوە،‮ ‬بەلام نـەبووەتە دیاردە و خێزان هەیە ناتوانێت منداڵەكەی‮ ‬بنێرێتە بەردەم خوێندن،‮ ‬لەبری‮ ‬ئەوە كارێكی‮ ‬بۆ دەدۆزێـتەوە‮". ‬لەوەلامی‮ ‬ئەو پرسیارەی‮ ‬كە هیچ قوتابخانەیەكدا لە سنـورەكەدا بە قوتـابیانی‮ ‬ئـاوارە دراوە تا تێیدا بخوێنن،‮ ‬بەڕێوەبەری‮ ‬گشتی‮ ‬پەروەردەی‮ ‬گەرمیان گوتی‮" ‬هاوكاری‮ ‬تەواوی‮ ‬قـوتابیە ئاوارەكانمان كردووە،‮ ‬11 قوتابخانەكان بێ بەرامبەر بەخشیوەتە ئەو قوتابیانە تا پاش دەوامـی‮ ‬قوتابیانی‮ ‬خۆمان تێدا بخوێنن و خۆیشیان‮ ‬2 قوتابخانەیان بەكـرێ گرتووە‮".‬

هەریەك لە پەروەردەكانی‮ ‬كەلار-كفری‮-‬خانەقین‮ ‬سەر بە پەروەردەی‮ ‬گشتی‮ ‬گەرمیانن،‮ ‬بە سنوری‮ ‬هەرسێ پەروەردەكە‮ ‬380 قوتابخانە هەن‮، ‬دارا ئەحمەد لەبـارەی‮ ‬گرفتی‮ ‬دوو دەوامی‮ ‬و سێ دەوامییەوە گوتی‮" ‬لەكۆی‮ ‬ئەو‮ ‬380 قوتابخانە هیچ قوتابخانەیەك‮ ‬یەك دەوامی‮ ‬تێدا ناكرێت،‮ ‬3 قوتابخانەیان لە كەلار‮ ‬3 دەوامیان تێدا دەكرێت و سەرجەمی‮ ‬قوتـابخانەكانی‮ ‬دیكە دوو دەوامین‮"، ‬دەشڵێت‮" ‬هەوڵمانداوە ساڵ لە دوای‮ ‬ساڵ ئەم كێشەیـە چارەسەر بكەین و دوو دەوامی‮ ‬و سێ دەوامی‮ ‬كەم بكەینەوە‮"، ‬بەوتەی‮ ‬ناوبراو لە سنـوری‮ ‬پەروەردەی‮ ‬رزگای‮ ‬ئەمساڵ كێشەی‮ ‬3 دەوامی‮ ‬دروست دەبێت كە سالانی‮ ‬رابردوو نەبـووە‮. ‬

لەبارەی‮ ‬پێویستی‮ ‬نۆژەنكردنەوەی‮ ‬قوتابخانەكان،‮ ‬دارا ئەحمەد گوتی‮" ‬لە هەموو شوێنێك كێشەی‮ ‬كۆنی‮ ‬بینای‮ ‬قوتابخانەمان هەیە،‮ ‬سەرجەمی‮ ‬قوتابخانەكانی‮ ‬ناحیەی‮ ‬رزگاری‮ ‬پێویستیان بە نۆژەنكرنەوەیە،‮ ‬بەشێكی‮ ‬زۆری‮ ‬قوتابخانەكانی‮ ‬كفریش پێویستی‮ ‬بەنۆژەنكردنەوەیە‮". ‬ئەو گوتیشی‮" ‬وەزارەتی‮ ‬پەروەردەی‮ ‬حكومەتی‮ ‬هەرێم و حكومەتی‮ ‬عێراق و رێكخراوی‮ ‬یونیسێف بڕە پارەیەك دەنێرن بۆ نۆژەنكردنەوەی‮ ‬بیناكان،‮ ‬بەلام بڕەكە كەمە و بەشی‮ ‬نۆژەنكردنەوەی‮ ‬هەموو بینا كۆنەكان ناكات‮". ‬

دارا ئەحمەد دەشڵێت‮" ‬كەسانی‮ ‬دۆڵەمەند و كۆمپانیاكان لەنۆژەنكردنەوەی‮ ‬بینای‮ ‬قوتابخانەكاندا هاوكاریمان دەكەن،‮ ‬بەهاوكاری‮ ‬كەسانی‮ ‬دۆڵەمەند لە خانەقین قوتابخانەیەك دروستكراوە‮"، ‬باسی‮ ‬لەوەشكرد كێشەی‮ ‬گەورەیان كەمی‮ ‬بینایە و تموحی‮ ‬ئەوەیان هەیە هەر قوتابخانەیەك‮ ‬یەك دەوامی‮ ‬تێ بكرێت و دەوامەكە درێژ بكرێتەوە تا قوتابی‮ ‬6-7 كاتژمێر لای‮ ‬مامۆستا بمێنێتەوە،‮ ‬نەك كەمتر لە‮ ‬4 كاتژمێر بمێنێتەوە و زانستێكی‮ ‬ئەوتۆ فێر نەبێت‮.‬

 
چاپکردن   Share گه‌ڕانه‌وه‌