2017-08-26

خه‌بات: ‬مەریوان نەقشبەندی

لە بەسەركردنەوەیەكی‮ ‬مەیدانی‮ ‬ڕۆژنامەی‮ ‬خەبات بۆ شوێنەگشتییەكانی‮ ‬شاری‮ ‬سلێمانی‮ ‬دانیشتوانی‮ ‬ئەم شارە پشتیوانی‮ ‬خۆیان بۆ ریفراندۆم و سەربەخۆیی‮ ‬كوردستان دوپات دەكەنەوە‮، ‬حاجی‮ ‬فوئاد عەبدولقادر دانیشتووی‮ ‬گەرەكی‮ ‬بەختیاری‮ ‬و فەرمانبەری‮ ‬خانەنشین كە وەك خۆی‮ ‬دەڵێت زۆر بەناڕێك و پێك خانەنشینیەكەی‮ ‬چەندین مانگ دواكەوتووە و بەزەحمەت سەرەی‮ ‬وەرگرتنی‮ ‬خانەنشینیەكەی‮ ‬دێت بەڵام تەئكید لەسەر زەرورەتی‮ ‬دەربازبوون لەم قەیرانانە دەكاتەوە و بەرۆژنامەی‮ ‬خەبات دەڵێ‮: ‬ئێمەی‮ ‬خەڵكی‮ ‬سلێمانی‮ ‬بۆ رۆژێكی‮ ‬وەها‮ ‬دەگەڕاین كە چارەنووسی‮ ‬خۆمان دیاری‮ ‬بكەین و ببینە خاوەن دەوڵەتی‮ ‬سەربەخۆ‮. ‬

نهایەت عوسمان كەریم كە هاووڵاتیەكی‮ ‬نیشتەجێی‮ ‬گەرەكی‮ ‬مەڵكەنیە و لەناو بازاڕدا كەلوپەلی‮ ‬دەكڕی‮ ‬لەبارەی‮ ‬بەشداریكردنی‮ ‬لەریفراندۆم و سەربەخۆیی‮ ‬كوردستان بەرۆژنامەی‮ ‬خەباتی‮ ‬راگەیاند‮: ‬من دوو برام شەهیدە و هەست بەهەموو قەیرانەكانی‮ ‬ئەمڕۆ دەكەم بەڵام هەموو ئەوە ناكاتە سزادانی‮ ‬كوردستان لەبەرئەوەی‮ ‬لەبەرپرسێك‮ ‬یان وەزیرێك نیگەرانم،‮ ‬ئەمڕۆ‮ ‬یان سبەی‮ ‬ئەم بەرپرس و ئەو وەزیرانە دەڕۆن بەڵام كوردستان بۆ هەتا هەتایە نیشتمانی‮ ‬ئێمەیە و داوا لەهەموو خەڵكی‮ ‬سلێمانی‮ ‬دەكەم رۆژی‮ ‬25‮/‬9‮ ‬ئازایانە برۆنە سەر سندوقەكانی‮ ‬دەنگدان و بە‮ (‬بەڵێ)دەنگ بدەن و ئامانجی‮ ‬شەهیدانی‮ ‬ئەم میللەتە بەدی‮ ‬بهێنن‮.‬

هاووڵاتی‮ ‬سەڵاح حەسەن عەبدوڵا تەمەن‮ ‬82‮ ‬ساڵ كە دانیشتوی‮ ‬گەرەكی‮ ‬چوارباخە و لەناو پاسێكدا چاوەڕێی‮ ‬دەكرد تا نەفەرەكانی‮ ‬تەواو بن و بگەڕێتەوە ماڵەوە،‮ ‬پرسیاری‮ ‬ئەوەمان لێكرد ئاخۆ رای‮ ‬چیە لەسەر ریفراندۆم؟ لەوەڵامدا گوتی‮: ‬بەبیرم دێ لەگەرەكەكەی‮ ‬خۆمان دوو گەنجیان شەهید كرد لەبەرئەوەی‮ ‬پیاوەكانی‮ ‬رژێمی‮ ‬ئەوكاتی‮ ‬بەعس دەیانویست ناچاریان بكەن كە قسەی‮ ‬خراپ لەسەر بارزانیی‮ ‬نەمر بكەن بەڵام ئەوان رازی‮ ‬نەبوون و ئەیانگوت مردنمان پێ قبوڵە بەڵام قبوڵمان نییە‮ ‬یەك وشەی‮ ‬خراپ بەبارزانیی‮ ‬نەمر بگوترێت‮: ‬ئێستا بەداخەوە كۆمەڵە هەرزەكارێكیان هانداوە قسەی‮ ‬نەشیاو بەبارزانی‮ ‬بڵێت‮. ‬كاك سەلاح لەدرێژەی‮ ‬قسەكانیدا بۆ رۆژنامەی‮ ‬خەبات گوتی‮: ‬ریفراندۆم بۆ سەربەخۆییە و ئەگەر ئێمەش لەژیانی‮ ‬خۆمان ئەم دەوڵەتە نەبینین بەڵام دەبێ منداڵەكانمان نەوەكانمان ئەم دەوڵەتە ببینن‮. ‬بۆیە داواكارم لەهەموو خەڵكی‮ ‬كوردستان بەهەموو حەماسەتێكەوە بڕۆنە سەر سندوقەكانی‮ ‬دەنگدان و بەبەڵێ دەنگ بدەن‮.‬

ئاسۆ شەهاب حەمەحەسەن كە‮ ‬یەكێكە لە سەوزەفرۆشەكانی‮ ‬حەوزەوشكەكەی‮ ‬سلێمانی‮ ‬بەرۆژنامەی‮ ‬خەباتی‮ ‬راگەیاند‮: ‬من بەكالۆریۆسم هەیە و هەلی‮ ‬دامەزراندم بۆ نەرەخساوە هیچ سودێكیشم لەحكومەت و هیچ حزبێكی‮ ‬ئەم شارە نەدیوە،‮ ‬بەڵام هەڵەیەكی‮ ‬گەورەیە رووبەڕووی‮ ‬خواستی‮ ‬لەمێژینەی‮ ‬گەلەكەمان ببینەوە و بڕۆینە سەر سندوقی‮ ‬دەنگدان لەریفراندۆمدا و بڵێین‮ (‬نەخێر‮) ‬لەو باوەڕەدا نیم هیچ دڵسۆزێكی‮ ‬ئەم شارە لەگەڵ سەربەخۆیی‮ ‬كوردستان نەبێت،‮ ‬بۆیە ئەگەر لەهەموو شتێكی‮ ‬كاك مەسعود نارازی‮ ‬بم بەڵام بەدڵ و بەگیان لەم‮ ‬ریفراندۆمەدا پشتگیری‮ ‬دەكەم‮.‬

 
چاپکردن   Share گه‌ڕانه‌وه‌