2017-08-26

خه‌بات‮: ‬سەنگەر حوسێن

لە ماڵی‮ ‬وەفایی‮ ‬رێز لە هەردوو راگەیاندكاری‮ ‬فولكلۆرپەروەر جەمال گردەسۆری‮ ‬و دێدەوان‮ ‬یەعقوب نرا،‮ ‬بەرامبەر ئەو ئەرك و ماندووبوونەی‮ ‬لە تەمەنی‮ ‬ئەزموونیان پێشكەشی‮ ‬كەلەپووری‮ ‬كوردیان كردووە‮.‬

ئێوارەی‮ ‬رۆژی‮ ‬سێ شەممە‮ ‬22.8.2017 لە ماڵی‮ ‬وەفایی‮ ‬لە شاری‮ ‬هەولێر،‮ ‬كۆمپانیای‮ ‬شادی‮ ‬بۆ چاپەمەنییەكان بە هاوكاری‮ ‬كەناڵی‮ ‬رەسەن،‮ ‬مەراسیمێكی‮ ‬رێزلێنانیان بۆ هەردوو راگەیاندكاری‮ ‬فۆلكلۆرپەروەر جەمال گردەسۆری‮ ‬و دێدەوان‮ ‬یەعقوب سازكرد وەك دوو رۆژنامەنووس و فولكلۆر دۆست كە تەمەنێكە لەو بوارەدا جێگەو خزمەتیان دیاربووە بە بابەت نووسین لە گۆڤارو رۆژنامەكاندا،‮ ‬هەر لەو مەراسیمەدا هونەرمەندان و فولكلۆرناسان باسیان لە ئەزموونی‮ ‬هەردوو هونەرمەند كردو ئەم رێزلێنانەیان بە شایستە زانی،‮ ‬هیواداریش بوون لە داهاتوودا مەراسیمی‮ ‬لەو شێوەیە زیاتر بێ و باشتروایە بۆ ئەو كەسانە بێت كە تا ئێستا لە ژیاندا ماون،‮ ‬تاكو بەرامبەر كارە پیرۆزەكانیان لە نێو بنەماڵەو‮ ‬كەسوكاریان هەست بە شانازی‮ ‬و بەختەوەری‮ ‬بكەن‮.‬

لەم مەراسیمەدا،‮ ‬كە فولكلۆرناس قەهار شێخانی‮ ‬بەرێوەی‮ ‬دەبرد،‮ ‬چەندین هونەرمەند و فولكلۆرپەروەر وتەیان دەربارەی هەردوو رۆژنامەوان پێشكەش كردو سوپاسی‮ ‬ماندووبوونیان كرد،‮ ‬كە هەردووكیان لە پێناو خزمەتی‮ ‬زیاتر بە كەلەپووری‮ ‬كوردەواری‮ ‬پێشكەشی‮ ‬بینەرو خوێنەرانی‮ ‬كوردیان كردووە،‮ ‬تاكو نەوەی‮ ‬نوێ بە كلتور و فولكلۆری‮ ‬كوردی‮ ‬ئاشنا بكەن‮.‬

لە كۆتایی‮ ‬مەراسیمەكەدا،‮ ‬بڕوانامەی‮ ‬رێزلێنان بەخشرایە هەردوو راگەیاندكار جەمال گردەسۆری‮ ‬و دێدەوان‮ ‬یەعقوب و دواتریش ئاڵای‮ ‬پیرۆزی‮ ‬كوردستانیان لەمل كرا‮.‬

جێی‮ ‬باسە،‮ ‬هاوكارمان جەمال گردەسۆری‮ ‬لە ساڵی‮ ‬1966 لە گوندی‮ ‬گردەسۆر لەدایكبووە،‮ ‬دەرچووی‮ ‬ئامادەیی‮ ‬پیشەسازی‮ ‬بەشی‮ ‬كارەبایە،‮ ‬لە ساڵی‮ ‬1982 هاتۆتە نێو بواری‮ ‬نووسین،‮ ‬دواتر خولیای‮ ‬شیعرو فولكلۆر بووە،‮ ‬ماوەی‮ ‬7 ساڵ لە رادیۆی‮ ‬هەرێم ئامادەو پێشكەشكاری‮ ‬بەرنامەی‮ ‬رەوسەی‮ ‬فولكلۆر بووەو چەند ئەلقەیەكشی‮ ‬لە تەلەفزیۆنی‮ ‬هەرێمی‮ ‬ئەوكات پێشكەش كردووە،‮ ‬لە‮ ‬22.4.1994 تا ئێستا لە رۆژنامەی‮ ‬برایەتی‮ ‬ئەوساو خەباتی‮ ‬ئێستا كار دەكات،‮ ‬ماوەیەكە بەهۆی‮ ‬نەخۆشییەوە لە ماڵ كەوتووەو بەهیوای‮ ‬چاكبوونەوە و گەڕانەوەی‮ ‬بۆ نێو هەڤاڵانی‮.‬

 
چاپکردن   Share گه‌ڕانه‌وه‌