2017-08-19

خه‌بات: هاوار مورتكه‌یی - سه‌ردار حوسێن

ئازاد تۆفیق ئەندامی‮ ‬مەكتەبی‮ ‬راگەیاندنی‮ ‬یەكێتی‮ ‬نیشتیمانی‮ ‬كوردستان لە سەرەتای‮ ‬دیدارەكەیدا سەبارەت بە پرسی‮ ‬ریفراندۆم گوتی‮: "‬ریفراندۆم مەسەلەیەكی‮ ‬چارەنووسسازە پەیوەندی‮ ‬بەو میللەت و گەلانەوە هەیە،‮ ‬كە بە ئازادی‮ ‬و مافی‮ ‬چارەنووس و سەربەخۆیی‮ ‬نەگەیشتوون،‮ ‬واتا لە رۆژهەڵاتی‮ ‬ناوەڕاستدا ئەگەر سێ میللەتی‮ ‬زۆر دێرین هەبن و خاوەنی‮ ‬كیان و دەوڵەتی‮ ‬خۆیان بن ئەوانیش عەرەب و فارس و توركن،‮ ‬میللەتی‮ ‬چوارەمیان گەلی‮ ‬چوارەم كە لە رووی‮ ‬ژمارەو پێگەی‮ ‬جوگرافیەوە،‮ ‬بەقەد دوو سێ وڵاتی‮ ‬ئەورووپی،‮ ‬یاخود دوو سێ وڵاتی‮ ‬ئەسكەندەنافی‮ ‬دانیشتووانی‮ ‬هەیە،‮ ‬تاكە گەل و نەتەوەیە لە رۆژهەڵاتی‮ ‬ناوەڕاست بە مافی‮ ‬ئازادی‮ ‬و سەربەخۆیی‮ ‬خۆی‮ ‬نەگەیشتووە،‮ ‬ریفراندۆم معاناتی‮ ‬گەلانی‮ ‬ژێردەستە،‮ ‬معاناتی‮ ‬تاكی‮ ‬گەلێكی‮ ‬زوڵم لێكراوە بەرامبەر كۆلۆنیالیزمی‮ ‬داگیركار،‮ ‬لە كوردستانی‮ ‬عێراق میللەتی‮ ‬كورد ریفراندۆمەكەی‮ ‬بریتییە لە معاناتی‮ ‬تاكی‮ ‬گەلی‮ ‬بندەست بەرامبەر كۆلۆنیالیزمی‮ ‬عێراقی‮ ‬عەرەبی‮ ‬دواكەوتوو،‮ ‬بەهەمان شێوە لە ئێران بەرامبەر دەوڵەتی‮ ‬كۆماری‮ ‬ئیسلامی‮ ‬ئێرانی‮ ‬و لە توركیاش بەرامبەر دەوڵەتی‮ ‬كۆماری‮ ‬توركی‮".‬

ئازاد تۆفیق گوتیشی‮: "‬ریفراندۆم پرسێكە لەناوچەكە پەیوەندی‮ ‬بە كوردەوە هەیە،‮ ‬گەلی‮ ‬فارس و عەرەب و تورك ریفراندۆمیان ناوێ،‮ ‬چونكە ئەوان ئازاد و سەربەخۆن و خاوەن دەوڵەتن،‮ ‬خاوەنی‮ ‬درێژكراوەی‮ ‬دەوڵەتی‮ ‬خۆیانن لەناوچەی‮ ‬رۆژهەڵاتی‮ ‬ناوەڕاست،‮ ‬راستە ریفراندۆم بۆ دەوڵەتی‮ ‬سەربەخۆی‮ ‬كوردە،‮ ‬بەڵام دەبێ لێرەوە قسەیەك بكەین،‮ ‬كوردستانی‮ ‬عێراق بەس تەنها گەلی‮ ‬كوردی‮ ‬تیادا ناژی،‮ ‬كوردستانی‮ ‬عێراق بەس تەنها‮ ‬یەك ئایینی‮ ‬تیادا ناژی،‮ ‬بۆیە دەوڵەت بۆ كوردستان دروست دەكەین،‮ ‬بۆ كورد بەتەنها دروستی‮ ‬ناكەین،‮ ‬كە دەوڵەتمان بۆ كوردستان درووست كرد،‮ ‬نەتەوەی‮ ‬دووەم ئەگەر عەرەبە‮ ‬یان توركمانە‮ ‬یان مەسیحی‮ ‬و كلد و ئاشوورە،‮ ‬دەبێ هەموو مافیكی‮ ‬پێ بدرێت،‮ ‬لە رووی‮ ‬ئایینیشەوە ئایینی‮ ‬یەكەم ئیسلامی‮ ‬سوننیە،‮ ‬بەڵام ئایینی‮ ‬مەسیحی‮ ‬هەیە،‮ ‬ئایینی‮ ‬ئێزیدی‮ ‬و كاكەیی‮ ‬هەیە،‮ ‬هاوكات لە ئیسلامەكەشدا مەزهەبی‮ ‬سوونی‮ ‬و شیعە هەیە،‮ ‬كە ئێمە دەوڵەتێكی‮ ‬نیشتمانی‮ ‬دیموكراسی‮ ‬ئازاد بۆ گەلی‮ ‬كوردستان درووست دەكەین،‮ ‬دەبێ كورد تیایدا سەرفراز دەبێت،‮ ‬عەرەب تیایدا ئازاد دەبێت توركمان بەمافی‮ ‬رەوای‮ ‬خۆی‮ ‬بگات،‮ ‬هەموو ئایین و ئایینزاكان ئازاد و سەربەست بن‮.‬

سەبارەت بەو گلەیی‮ ‬و رەخنانەی‮ ‬لە دەسەڵاتی‮ ‬حكوومەتی‮ ‬هەرێمی‮ ‬كوردستان دەگیرێت،‮ ‬ئەو ئەندامەی‮ ‬مەكتەبی‮ ‬راگەیاندنی‮ ‬یەكێتی‮ ‬نیشتیمانی‮ ‬كوردستان دەڵێت‮: "‬مەسەلەی‮ ‬رەخنەگرتن لە دەسەڵاتی‮ ‬26‮ ‬ساڵی‮ ‬هەرێمی‮ ‬كوردستان شتێكە و مەسەلەی‮ ‬دروستبوونی‮ ‬دەوڵەت شتێكی‮ ‬ترە،‮ ‬هەمووجار ئەوە دەڵێمەوە كە ئەوانەی‮ ‬رەخنەو گلەیی‮ ‬و گازاندەیان لە پارتی‮ ‬و‮ ‬یەكێتی‮ ‬هەیە،‮ ‬زۆر ئاساییە با لە رۆژی‮ ‬دەنگدان سزای‮ ‬ئەم دوو هێزە بدەن لەبەر ئەوەی‮ ‬مووچەی‮ ‬بڕیون،‮ ‬لەبەر ئەوەی‮ ‬بوودجەی‮ ‬بڕیون،‮ ‬بەڵام لە رۆژی‮ ‬ریفراندۆمدا كە لەدەرەوەی‮ ‬پارتی‮ ‬و‮ ‬یەكێتییە،‮ ‬پێویستە دەنگ بدەن،‮ ‬سەربەخۆیی‮ ‬كوردستان لە پارتی‮ ‬و‮ ‬یەكێتی‮ ‬و گۆڕان و‮ ‬یەكگرتوو و شیوعی‮ ‬و كۆمەڵ و سۆسیالیست گەورەترە،‮ ‬دەبێ دەنگ بە ریفراندۆم بدەین،‮ ‬كە دەڵێم دەوڵەتیكی‮ ‬دیموكراسی‮ ‬خۆ ئێمە دەتوانین بڵێین لەبەر ئەوەی‮ ‬ئابوورییەكی‮ ‬زۆر بەهێزمان نییە،‮ ‬لەبەر ئەوەی‮ ‬حكوومەتەكەمان قەرزارە،‮ ‬لەبەر ئەوەی‮ ‬وەزعی‮ ‬ئابووریمان پێرفێكت نییە،‮ ‬ناتوانین بە ئاسانی‮ ‬هەموو وڵات بكەین بە دووساید و باڵەخانە،‮ ‬بەڵام خۆ دەتوانین مافی‮ ‬رەوای‮ ‬توركمانەكان بدەین،‮ ‬بەهەمان شێوە لەگەڵ عەرەبەكان،‮ ‬خۆ دەتوانین هەموو ئایینەكان ئازاد بكەین،‮ ‬ئەمە نە پارەی‮ ‬تێدەچێ و نە ئابوورییەكی‮ ‬بەهێزی‮ ‬دەوێ،‮ ‬ئەمە پاڵپشتی‮ ‬هزریی‮ ‬جوانی‮ ‬دەوێ،‮ ‬پاڵپشتی‮ ‬دیموكراسیانەی‮ ‬دەوێ،‮ ‬من ئەمە رای‮ ‬خۆمە ئەگەر لەدەوڵەتی‮ ‬ئایندەی‮ ‬كوردستاندا،‮ ‬سەرۆكی‮ ‬كۆماری‮ ‬كورد بێت زۆر ئاساییە جێگرەكەی‮ ‬توركمان بێت،‮ ‬كە میللەتی‮ ‬دووەمی‮ ‬رەسەنی‮ ‬كوردستانن،‮ ‬زۆر ئاساییە ئەگەر لە كوردستان نزیكەی‮ ‬700 ‮ ‬تا800 ‮ ‬هەزار عەرەب هەبێت هەموو مافێكی‮ ‬بدەیتێ،‮ ‬بەهەمان شێوە بۆ ئاشوور و كلدان و نەتەوەكانی‮ ‬دیكە كە لە كوردستان دەژین،‮ ‬زۆر ئاساییە حوسەینییە بۆ شیعەكان هەبێت و مزگەوتیش بۆ سوونەكان،‮ ‬بەهەمان شێوەش لە لالش پەرستگای‮ ‬ئێزدییەكان هەبێت‮.‬

لەبارەی‮ ‬رەهەندەكانی‮ ‬دوای‮ ‬9/25‮ ‬و چۆنیەتی‮ ‬راگەیاندنی‮ ‬دەوڵەتی‮ ‬سەربەخۆی‮ ‬كوردستان ئازاد تۆفیق دەڵێت‮: "‬كاتژمێر‮ ‬8ی‮ ‬ئێوارەی‮ ‬9/25‮ ‬دەكرێ كۆمسیۆنی‮ ‬باڵا ئەنجامی‮ ‬دەنگدانی‮ ‬راپرسی‮ ‬كۆمەڵانی‮ ‬خەڵكی‮ ‬كوردستان بخوێنێتەوە،‮ ‬هیوادارم زۆینەی‮ ‬دەنگەكان بەڵێ بێت،‮ ‬بێگومان هەمان رۆژ سەربەخۆیی‮ ‬راناگەیەندرێت،‮ ‬بۆ؟ نموونەیەك دەهێنمەوە،‮ ‬سكۆتلەندا لە‮ ‬18‮/‬9‮/‬2014‮ ‬بڕیار دەدات گشتپرسی‮ ‬بكات،‮ ‬سكۆتلەندییەكان دەڵێن ئێوارەی‮ ‬9/18‮ ‬كاتێك كۆمسیۆن هەستا بە جیاكردنەوەی‮ ‬دەنگەكان و زۆرینەی‮ ‬دەنگمان هێنا،‮ ‬تا رۆژی‮ ‬23‮/‬4‮/‬2016‮ ‬ئێمە سەربەخۆیی‮ ‬راناگەینین،‮ ‬بۆ؟ واتا ساڵێك و شەش مانگ،‮ ‬لەو ساڵ و شەش مانگە لەسەر سوپا لەسەر پەساپۆرت،‮ ‬لەسەر پەیوەندییەكان،‮ ‬لەسەر دراو،‮ ‬لەسەر دراوسێیەتیان لەگەڵ بەریتانیا رێكدەكەوین،‮ ‬سكۆتلەندییەك بێ كیمیاباران و بێ تەعریب و بێ ئەنفال ساڵ و نیوێكی‮ ‬بوێت دوای‮ ‬راگەیاندنی‮ ‬ئەنجامی‮ ‬راپرسییەكە،‮ ‬تا خۆی‮ ‬لەگەڵ كۆمەڵگای‮ ‬نێودەوڵەتیدا رێك دەخا،‮ ‬بۆ ئێمە زۆر ئاساییە كە كۆمسیۆن ئێوارەی‮ ‬9/25‮ ‬كە زۆرینەی‮ ‬دەنگەكانی‮ ‬بە بەڵی‮ ‬راگەیاند،‮ ‬تا ساڵ و نیویك دوای‮ ‬ئەوە لە دیالۆگ دابین،‮ ‬یەكەم وتووێژمان لەگەڵ دەوڵەتی‮ ‬ناوەندی‮ ‬بێت،‮ ‬لەگەڵ كۆماری‮ ‬توركیا بێت،‮ ‬لەگەڵ كۆماری‮ ‬ئیسلامی‮ ‬ئێران بێت،‮ ‬چونكە ئەوانە سنووریان لەگەڵ ئێمەیە،‮ ‬ئەمنی‮ ‬قەومیان هەیە،‮ ‬دەبێ ئەمنی‮ ‬قەومی‮ ‬ئەمانە پارێزراو بێت،‮ ‬چۆن ئێمە ئێستا لەماوەی‮ ‬حوكمڕانی‮ ‬حكوومەتی‮ ‬هەرێمدا كە دەوڵەتی‮ ‬سەربەخۆی‮ ‬تەواویش نین،‮ ‬حورمەتمان لە دراوسێیەتیمان بەپێی‮ ‬هەموو عورفێكی‮ ‬نێودەوڵەتی‮ ‬گرتووە،‮ ‬كە دەستمان وەرنەداوەتە كاروباریان،‮ ‬دەبێ لە وتووێژ بین لەگەڵ توركیا و ئێران لەگەڵ بازاڕی‮ ‬هاوبەشی‮ ‬ئەورووپا،‮ ‬لەگەڵ فەرەنسا لەگەڵ بەریتانیا،‮ ‬لەگەڵ دەوڵەتی‮ ‬ناوەند،‮ ‬لەگەڵ كۆمكاری‮ ‬عەرەبی،‮ ‬بۆ ئەوەی‮ ‬ئێمە بڵێین بەرەو دەوڵەتێك دەچین،‮ ‬كە نابینە مایەی‮ ‬سەرئێشە بۆ ناوچەكە،‮ ‬بۆیە لە دوای‮ ‬9/25‮ ‬زۆر ئاساییە ساڵێك و ساڵ و نیوێك و زیاتریش‮ ‬تۆ خەریكی‮ ‬ئەم كارانە بیت و ئینجا دەوڵەت رابگەیەنی‮".‬

پەیوەست بەو دەنگەی‮ ‬بەناوی‮ ‬نەخێر بۆ ریفراندۆم لێرەولەوێ دەبیسترێت،‮ ‬ئازاد تۆفیق دەڵێت‮: "‬ئەو نەخێرەی‮ ‬ئێستا لێرەو لەوێ دەیبیستین،‮ ‬ئەوە دەنگی‮ ‬نەخێر نییە،‮ ‬ئەوە ژاوەژاوە،‮ ‬دەنگ ئەوەیە كە روویەكی‮ ‬ئیجابی‮ ‬و فۆرمێكی‮ ‬ئەرێنی‮ ‬هەبێت،‮ ‬جا چ لەناوەوە‮ ‬یان لەدەرەوە بێت،‮ ‬من تا رادەیەك هێندە بەژاوەژاوی‮ ‬دەرەوە نیگەران نیم هێندە بەژاوەژاوەی‮ ‬ناوخۆ نیگەرانم،‮ ‬بۆ؟ چونكە دەرەوە كە ئێران و توركیا و سوریایە و هاوسنورە لەگەڵ ئێمە،‮ ‬لەم سێ وڵاتەش كورد هەیە،‮ ‬لەم سێ وڵاتەش پرسی‮ ‬كورد هەیە،‮ ‬لەم سێ وڵاتە كورد شۆڕشی‮ ‬هەیە،‮ ‬حزبیان هەیەو لەگەڵ حكوومەتە ناوەندییەكانیان بەرهەڵستكارن،‮ ‬ئەگەر دەوڵەتانی‮ ‬دراوسێ لەبەر ئەوەی‮ ‬كوردی‮ ‬وڵاتەكانیان هان نەدرێن،‮ ‬ترسیان لە ریفراندۆمی‮ ‬ئێمە هەبێت،‮ ‬دەكرێ بۆیان روون بكرێتەوە،‮ ‬بەڵام كوردی‮ ‬ناو كوردستانی‮ ‬عێراق نا،‮ ‬ئەوەی‮ ‬كە هەیە هەندێك ژاوەژاوی‮ ‬بەناوی‮ ‬رووناكبیری‮ ‬و ئەو كەناڵ ئەو كەناڵەوەیە دڵگرانم دەكات،‮ ‬من پێموایە هەردوو قیڕەكە كە لەقیڕەیەكی‮ ‬قەڵەڕەشانە دەچێت،‮ ‬قیڕەیەكی‮ ‬شوومە كە بەژاوەژاوی‮ ‬دەزانم لە خزمەت و لەبەرژەوەندی‮ ‬داگیركاراندایە لە خزمەتی‮ ‬كۆلۆنیالیزمی‮ ‬توركیا و عێراق و ئێراندایە‮".‬

ئەندامەكەی‮ ‬مەكتەبی‮ ‬راگەیاندنی‮ ‬یەكێتی‮ ‬روونكردنەوەی‮ ‬زیاتریش دەدات و دەڵێت‮: "‬بوونی‮ ‬ئەو ژاوەژاوە پاساو نییە بۆ خراپبوونی‮ ‬بژێوی‮ ‬خەڵك،‮ ‬چونكە دوو پرسی‮ ‬جیایە،‮ ‬پرسێك هەیە پیی‮ ‬دەڵێن پرسی‮ ‬تاكی‮ ‬كورد لەگەڵ دەسەڵاتی‮ ‬سیاسی،‮ ‬كە دەسەڵاتی‮ ‬سیاسی‮ ‬دەبێ خۆشگوزەرانی‮ ‬و خزمەتگوزاری‮ ‬و مووچەو ئاو و كارەبای‮ ‬بۆ دابین بكات،‮ ‬ئەمە ئەركی‮ ‬دەسەڵاتی‮ ‬سیاسییە،‮ ‬ئەگەر دەسەڵات لەمە كەمتەرخەمە تۆ دەبێ بەرامبەر ئەمە قسەیەكت هەبێ،‮ ‬مەسەلەی‮ ‬ریفراندۆم لەم پرسە جیایە،‮ ‬ریفراندۆم پرسی‮ ‬تاكی‮ ‬كوردە پرسی‮ ‬معاناتی‮ ‬كوردە بەرامبەر كۆلۆنیالیزمی‮ ‬دەسەڵاتێكی‮ ‬داگیركار،‮ ‬بۆیە دەبێ ئەم دوو پرسە لەیەكتری‮ ‬جیابكرێتەوە،‮ ‬كە مووچە نییە‮ ‬یان ئاوو كارەبا نییە‮ ‬یان پلەی‮ ‬گەرما50 ‮ ‬بەسەرەوەیەو خزمەتگوزارییەكانیش وەك پێویست نین،‮ ‬یەكێتی‮ ‬و پارتی‮ ‬لێی‮ ‬بەرپرسن،‮ ‬لە رۆژی‮ ‬هەڵبژاردن تۆ دەتوانی‮ ‬سزایان بدەیت و دەنگیان نەدەیتێ،‮ ‬بۆ ئەوەی‮ ‬یەكێتی‮ ‬و پارتی‮ ‬لەدەسەڵات دووربخەیتەوەو كۆمەڵ و گۆڕان‮ ‬بێنە سەر حوكم،‮ ‬ئەگەر پێتوابێ ئەدایەكی‮ ‬باشتر پێشكەش دەكەن،‮ ‬بەڵام بۆ پرسی‮ ‬ریفراندۆم جیایە،‮ ‬ریفراندۆم پرس و معاناتی‮ ‬تاكی‮ ‬گەلی‮ ‬بندەستە لەگەڵ كۆلۆنیالیزمی‮ ‬دەوڵەتی‮ ‬سەرەوە،‮ ‬واتا لەگەڵ كۆلۆنیالیزمی‮ ‬نەتەوەی‮ ‬سەردەست،‮ ‬ئەم پرسە‮ ‬یەكلاكردنەوەی‮ ‬ئێمەیە لەگەڵ عەبادی‮ ‬لەگەڵ جەعفەری‮ ‬لەگەڵ مالیكی،‮ ‬ئێمە دەمانەوێ خۆمان بۆ خۆمان بین‮ ‬یان بەشێك بین لە حەشدی‮ ‬شەعبی،‮ ‬خۆمان بۆ خۆمان بین‮ ‬یان بەشێك بین لە عێراقی‮ ‬عەرەبی،‮ ‬خۆمان بۆ خۆمان بین‮ ‬یان لەگەڵ عێراقێك،‮ ‬كە بەشێكە لە ئوممەی‮ ‬عەرەبی،‮ ‬بۆیە دەبێ ئەم دوو پرسە نەوەك رۆشنبیری‮ ‬كورد،‮ ‬بەڵكو دەبێ تاكی‮ ‬كوردیش ئەمە لەیەك جیابكاتەوە،‮ ‬دایكی‮ ‬من پووری‮ ‬من خاڵی‮ ‬من برازای‮ ‬من ئەمە لەیەك جیابكاتەوە،‮ ‬ریفراندۆم نابێ بیبەستینەوە بە ئاو و كارەباوە،‮ ‬ریفراندۆم پەیوەندی‮ ‬بە نەبوونی‮ ‬ئاوەوە نییە لەگەڕەكێك،‮ ‬ریفراندۆم پرسی‮ ‬مەینەتیی‮ ‬تاكی‮ ‬گەلی‮ ‬بندەستە بەرامبەر كۆلۆنیالیزمی‮ ‬دەوڵەتی‮ ‬عێراق لە عێراقدا،‮ ‬پرسەكەی‮ ‬تر پرسی‮ ‬ئەدای‮ ‬سیاسییە دەبێ ئەمە لەیەكتری‮ ‬جیابكەینەوە‮".‬

ئازاد تۆفیق دەشڵێت‮: "‬هەموو نەخێرێك بەڵێیەكە بۆ عێراق،‮ ‬بەڵێیەكە بۆ مانەوە لەگەڵ عێراق،‮ ‬لە رووی‮ ‬مێژووییەوە هەموو كورد لێی‮ ‬بەرپرس دەبێ،‮ ‬دەبێ نەهێڵین ئەو تەشهیرەمان پێ بكرێت و ئەو نەهامەتییە بەسەر گەلی‮ ‬كورددا بێت،‮ ‬بەدڵنیاییەوە رۆژی‮ ‬9/25‮ ‬ئەگەر دەنگی‮ ‬بەڵێ%90 ‮ ‬بوو مووچە كەم نابێت،‮ ‬یاخوود دەنگی‮ ‬نەخێر%90 ‮ ‬بوو‮ ‬یەك دینار مووچە زیاد ناكات،‮ ‬واتە ئەمە پەیوەندی‮ ‬بە مووچەوە نییە،‮ ‬مووچە پەیوەندی‮ ‬بەم بارودۆخە و شەڕی‮ ‬داعش و باری‮ ‬ئابوورییەوە هەیە‮".‬

لەبارەی‮ ‬رێژەی‮ ‬دەنگی‮ ‬بەڵێ و نەخێر لە ریفراندۆمی‮ ‬2017/9/25دا،‮ ‬ئازاد تۆفیق گوتی‮: "‬من پێم وایە ریفراندۆم دەنگی‮ ‬ئۆكەی‮ ‬بەدەست دەهێنێت،‮ ‬بەڵام دەنگی%51 دەرچووە و%89 ـیش هەر دەرچووە،‮ ‬پرسیارەكە ئەوەیە ئایا51 ‮ ‬وەك‮ ‬89یە؟‮! ‬هەرگیز نەخێر،‮ ‬بۆیە پێویستە حكوومەتی‮ ‬هەرێم دڵنیایی‮ ‬بە كۆمەڵانی‮ ‬خەڵك بدات،‮ ‬كە قسە لەسەر سنوور و بەستنی‮ ‬سنوور دەكرێت،‮ ‬كە پێموایە ئەمە زۆر زەحمەتە،‮ ‬حكوومەت دەتوانێ رێنمایی‮ ‬بڵاوبكاتەوە،‮ ‬كە نەهێڵێت هەندێ بازرگانی‮ ‬چاوچنۆك شتومەك گران بكات و پێویستە چاودێری‮ ‬ئەمە بكرێت،‮ ‬ئێوارەی‮ ‬9/25‮ ‬كاتێك كۆمسیۆن ئەنجامی‮ ‬زۆرینەی‮ ‬دەنگەكان رادەگەیەنێت،‮ ‬ئەو ئێوارەیە دەوڵەت راناگەیەندرێت،‮ ‬سنوور ئەو ئێوارەیە داناخرێت،‮ ‬سنوور لەو رۆژە دادەخرێت‮ (‬ئەویش ئەگەر بە رێژەی%1 ‮ ‬دابخرێت‮) ‬كە ئێمە دەوڵەت رادەگەیەنین،‮ ‬ئەویش دوای‮ ‬ئەو راپرسییە ئێمە ساڵێكمان دەوێت‮".‬

ئەو ئەندامەی‮ ‬مەكتەبی‮ ‬راگەیاندنی‮ ‬یەكێتی‮ ‬گوتیشی‮: "‬ئێستا وڵاتێك دەناسین ناوی‮ ‬عێراقە و ئەندامە لە نەتەوە‮ ‬یەكگرتووەكان،‮ ‬هەر وڵاتێك بڵێت عێراق دابەش دەبێت،‮ ‬ئەوە لە رووی‮ ‬یاساییەوە مەحكومە،‮ ‬ئێستا سعودیە قسەیەكی‮ ‬خێری‮ ‬لەسەر كوردستان كردووە،‮ ‬عەبادی‮ ‬بەرامبەر ئەمە دەتوانێ سكاڵای‮ ‬لەسەر تۆماربكات و بڵێت سعودیە دەست لەكاروباری‮ ‬ناوخۆی‮ ‬عێراق وەردەدات،‮ ‬بەڵام ئەگەر دوای‮ ‬9/25‮ ‬ئەنجامی‮ ‬راپرسی‮ ‬راگەیەندرا و%67 یان%87 ‮ ‬دەنگی‮ ‬بەڵێ بوو،‮ ‬ئەوكات تۆ پێگەیەكی‮ ‬دیكەت لە عێراق دەبێت،‮ ‬پێگەیەكی‮ ‬دیكەت لە ئاستی‮ ‬نێودەوڵەتی‮ ‬و لە ناوچەكە دەبێت،‮ ‬ئەویش بە ئیجابی‮ ‬و بەسەركەوتوویی،‮ ‬ئیتر مامەڵەیەكی‮ ‬دیكە لەگەڵ كوردستان دەكرێت،‮ ‬چونكە لە دادگای‮ ‬نێودەوڵەتی‮ ‬و پەیوەندییە نێودەوڵەتیییەكان مامەڵە لەگەڵ دەوڵەتێك كە دانی‮ ‬پێدانرابێت‮ ‬یان دانی‮ ‬پێدا نەنرابێت وەكو‮ ‬یەكە،‮ ‬بەس مامەڵە لەگەڵ گەلانی‮ ‬بێ دەوڵەت و گەلانی‮ ‬خاوەن دەوڵەت وەكو‮ ‬یەك نییە‮".‬

سەبارەت بە هەڵوێستی‮ ‬عێراق و وڵاتانی‮ ‬دەوروبەریش ئەو دەڵێت‮: "‬عەبادی‮ ‬و ئێران و فەتلاوی‮ ‬و كۆمكاری‮ ‬عەرەبی‮ ‬لەگەڵ جیابوونەوەی‮ ‬كورد نین،‮ ‬لە ناوخۆشمان خەڵكانێك هەیە لەگەڵ ئەم جیابوونەوەیە نییە،‮ ‬كەواتە ئەم دوو جۆگەلەیە هەردووكیان دەچنەوە ناو گیرفان و دەریای‮ ‬داگیركارانەوە،‮ ‬پێویستە پرسی‮ ‬ریفراندۆم تێكەڵ بە پرسە ناوخۆییەكان نەكەینەوە،‮ ‬لێرەدا جاریكی‮ ‬تریش دەیڵێمەوە ریفراندۆم پرسی‮ ‬معاناتی‮ ‬تاكی‮ ‬گەلی‮ ‬كوردە بەرامبەر دەسەڵاتی‮ ‬كۆلۆنیالیزمی‮ ‬عەرەبی‮ ‬عێراقی،‮ ‬ئەمەش بە‮ (‬بەڵێ‮) ‬بۆ ریفراندۆم راست دەكرێتەوە،‮ ‬كێشەی‮ ‬ئاوو كارەبا و مووچە پرسی‮ ‬معاناتی‮ ‬تاكی‮ ‬كوردە بەرامبەر دەسەڵاتی‮ ‬سیاسی‮". ‬

لە دووایین تەوەری‮ ‬دیدارەكەیدا،‮ ‬لەبارەی‮ ‬كاتی‮ ‬ریفراندۆم ئەزاد تۆفیق ئەندامی‮ ‬مەكتەبی‮ ‬راگەیاندنی‮ ‬یەكێتی‮ ‬نیشتیمانی‮ ‬كوردستان گوتی‮:"‬ %100 كاتی‮ ‬ئەنجامدانی‮ ‬ریفراندۆم لەجێی‮ ‬خۆیەتی‮ ‬و منیش لەگەڵیدام،‮ ‬ئەمەش هەر بەحەزی‮ ‬من نییە،‮ ‬بۆ؟ ئەگەر هاتوو ساڵی‮ ‬پار بمانكردبایە مووسڵ ئازاد نەكرابوو تۆ لە نیگەرانی‮ ‬دەبووی،‮ ‬چونكە هەندێك شوێن كێشەی‮ ‬هەبوو،‮ ‬كەچی‮ ‬ئێستا لە مووسڵ قەڵای‮ ‬داعش تێكشكا،‮ ‬ئەگەر ساڵێكی‮ ‬تر بیكەی‮ ‬ئەوا حەویجەش نامێنێ،‮ ‬ئەمە ئەگەر لە رووی‮ ‬نێودەوڵەتییەوە،‮ ‬ئەگەر سەیری‮ ‬بكەین لەوانەیە كاریان بە تۆ نەمێنێ،‮ ‬ئێستا حەویجە وەكو بوئرەیەك ماوە،‮ ‬سەبارەت بە پێراریش زۆر ناوچە كێشە لەسەرەكان نەگەڕابوونەوە سەر هەرێمی‮ ‬كوردستان،‮ ‬كەواتە ئێمە ریفراندۆممان بۆ چییە،‮ ‬ئەگەر كەركووك و شنگال و خانەقین و جەلەولای‮ ‬تیا نەبێت؟ پێش شەڕی‮ ‬داعش بەغدا چەند جارێك هەڕەشەی‮ ‬دەكرد بۆ سەر كەركووك،‮ ‬بەڵام ئێستا عێراق‮ ‬لاوازە و ئەو عێراقەی‮ ‬جاران نەماوە،‮ ‬لەناوخۆ لاوازەو لە ئاستی‮ ‬نێودەوڵەتیش ئەو عێراقەی‮ ‬جاران نەماوە‮".

 
چاپکردن   Share گه‌ڕانه‌وه‌