2017-08-12

غیاس خالد زێباری

نفشێ نهو‮ ‬یێ كوردستانێ زۆر جاران ل گازندە و نفرینا ل میر و سەركردەێن كوردی‮ ‬یێن بەرێ دكەن ژبەر دووبەرەكی‮ ‬و خیانەتێ و چوونە ناڤ بەرەیێن دژی‮ ‬بەرژەوەندێن نیشتیمانی‮ ‬و ماف و ئارمانجێن نەتەویی،‮ ‬هەر لسەردەمێ میرگەهێن كوردی‮ ‬و هەتا سەرهەلدانا پیرۆزا گەلێ كورد ل سالا‮ ‬1991ێ،‮ ‬ژبەركۆ زۆر جاران كور دژی‮ ‬بابی‮ ‬یان برا دژی‮ ‬برای،‮ ‬فلان سەرۆك عەشیرەت دژی‮ ‬فلان عشەشیرەتێ،‮ ‬فلان سەركردە دژی‮ ‬فلان سەركردەی،‮ ‬فلان حزب دژی‮ ‬فلان حزبێ راوەستایە و ب پشتەڤانیا دوژمنان بووینە ئەگەرێن لناڤ چوون و‮ ‬پێشڤەچوونا دەسهەلاتا كوردی‮ ‬و دۆزا سیاسی‮ ‬یا كوردی‮ ‬چەندین سالا پاش ئێخستیە‮.‬

ئەگەر وێ چەندێ بۆ لاوازیا ئاستێ رەوشەنبیری‮ ‬و هەستا نەتەوی‮ ‬و نشتیمانی‮ ‬یا خەلكی‮ ‬بزڤرینین،‮ ‬ئەرێ خێرە ئەڤرۆ ل سەردەمێ تەكنەلۆژیایێ و رەوشەنبیریا خەلكی‮ ‬و بلند بوونا ئاستێ رەوشەنبیری‮ ‬و هەبوونا چەندین كەنال و سازیێن راگەهاندنێ د ناڤ هەرێما كوردستانێ پشتی‮ ‬سەرۆك بارزانی‮ ‬ب پشتەڤانیا جەماوەر و زۆر پارتیێن كوردستانی‮ ‬بریارا ئەنجامدانا راپرسیا سەرخۆبوونا كوردستانێ دای،‮ ‬سەرەرای‮ ‬دەسهەلاتا نیمچە سەربخوو و هەبوونا پشتەڤانیا زۆر وەلاتا و پارچەبوونا عیراقێ ژلایێ پراكتیكی‮ ‬و سەركەفتنێن بێ وێنە‮ ‬یێن پێشمەرگەهێن كوردستانی‮ ‬بسەر مەزنترین رێكخستنا تیرۆرستیا جیهانی‮ ‬و دامەزراندنا بنەمایێن دەولەتبوونێ ژلایێ سیاسی‮ ‬و ئابووری‮ ‬و جوگرافی‮.

‬هندەك ئالیێن سیاسی‮ ‬و كەسایەتی‮ ‬و سازیێن راگەهاندنێ هەول ددەن وان هەلەیێن دیرۆكی‮ ‬دووبارە بكەنەڤە و دۆزا سیاسی‮ ‬یا كوردی‮ ‬بۆ قۆناغێن كەڤن بزڤرینن، ‬دڤێرەدا دیار دبیت ئەو‮ ‬ڕكەبەری‮ ‬و دووبەرەكییا كو دناڤبەرا كوردادا هەبوو،‮ ‬نە ژ ئەنجامێ لاوازیا ئاستێ رەوشەنبیری‮ ‬و نەتەوی‮ ‬و نشتیمانی‮ ‬بوویە،‮ ‬بەلكی‮ ‬پلانێن دارشتی‮ ‬یێن دوژمن و داگیركەرا بووینە و هندەك لایەن و كەسایەتیێن لاواز و نەفامێن كوردستانێ لسەر ڤی‮ ‬بنەمایە پەروەردە بوونە و د بەرهەڤن بەرژەوەندێن گشتی‮ ‬بكەنە قوربانی‮ ‬بەرژەوەندێن خۆ‮ ‬یێن تایبەت و پیلان و ئەجندایێن دۆژمنا بجە بئینن‮، ‬ئەگەر نە،‮ ‬چما دناڤ هەرێمەكا ئازاددا سەرمایەدارەكێ‮!! ‬وەكی‮ (‬شاسوار عبد الواحد‮) ‬كو خودانێ چەندین سازیێن راگەهاندنێ‮ ‬یە و مفادارترین كەسێ كوردستانێ ل ئەزموونا دەسهەلاتداریا كوردستانی‮ ‬لڤێ هەرێمێ،‮ ‬ب كەمپینێن نەخێر بۆ راپرسیا سەرخۆبوونا لنهو رادبیت،‮ ‬ئەگەر ب پیلانێن دۆژمنا نەبیت سەرخۆبوونا كوردستانێ دێ چ زیانێ گەهینتە وی‮.

‬هەروەسا هندەك ئالیێن سیاسی‮ ‬ژی‮ ‬دیسان هەول ددەن وان شاشی‮ ‬و خەلەتیان دووبارە بكەن و بەهانەیان بۆ پرسا راپرسی‮ ‬و سەرخۆبوونا كوردستانێ دئینن و ژبیرا خۆ و خەلكی‮ ‬دبەن كۆ گەلێ كورد سەرێ سەد سالایە خەبات كریە و قوربانی‮ ‬بۆ سەرخۆبوونێ داینە‮، ‬ئەگەر دووینێ ب كۆدەتایەكا نافخۆیی‮ ‬یان چوونا لایەنەكی‮ ‬بۆ ناڤ بەرەیێ دۆژمنی‮ ‬شۆرەش و بزاڤا كوردی‮ ‬لاواز ببیت‮ ‬یان ژناڤ چۆ بیت و دەسهەلاتا داگیركەرا بۆ سەر كوردستانێ زڤری‮ ‬بیت،‮ ‬ئەڤرۆ رەوشا كوردستانێ و دەڤەرێ دقوناغەكا زۆر جودا دایە و مەحالە پیلان و كەمپینێن وان بشێن لسەر ئیرادا گەلێ كوردستانێ زاڵ ببن،‮ ‬ژبەركۆ هەرێما كوردستانێ ب سیاسەتا سەركەرفتیانە سەركردایەتییەكا لێهاتی‮ ‬و حەكیمانەیا سەروك بارزانی،‮ ‬بەرژەوەنیدیێن خەڵكی‮ ‬كوردستانێ و هێمنایەتیا نیشتیمانی‮ ‬ببپارێزیت،‮ ‬هەروەسا سەركردایەتیا كوردستانێ شیایە ئاستەنگان لهەمبەر پرسا سەرخۆبوونا كوردستانێ راكەن و بنەمایێن دەولەتبوونا كوردستانێ ب شێویەكێ پۆلایینی‮ ‬مۆكۆم بكەن و لسەر ئاستێ جیهانی‮ ‬ژی‮ ‬پەیوەندییێن كوردستانێ دگەل جیهانێ گەهاندینە وی‮ ‬ئاستی‮ ‬كو هەردەمێ كورد سەرخۆبوونێ رابگەهینیت،‮ ‬جیهان دێ ئامادەبیت دان پێدانێ پێ بكەت‮.

‬چونكی‮ ‬دامەزراندنا دەولەتەكا كوردستانی‮ ‬لڤی‮ ‬دەمی‮ ‬و لڤێ دەڤەرێ فاكتەرێ ئێمناهیا دەڤەرا رۆژهەلاتا ناڤینە و كو ئالۆزیێن وێ جیهان پێڤە حیبەتی‮ ‬بوویە‮، ‬لەوما دبێژینە وان كەس و لایەنێن بۆ بەرژەوەندێن خۆ‮ ‬یان ل دویڤ ئەجندا دوژمننان كو دژی‮ ‬راپرسیێ رادوەستن‮ ‬یا ئەوێن‮ ‬هێشتا بریارا داویێ لسەر نەدای،‮ ‬راپرسی‮ ‬و سەرخۆبوون بریارا تەڤایا خەلكێ كوردستانێ و وەلات پارێز و نشتیمان پەروەرێن كوردستانێ و پێشمەرگە و مالباتێن شەهیدایە،‮ ‬وە بڤێت‮ ‬یان نەڤێت ئەڤ بریارە دێ بجە هێت و ئەو سەردەم بووری‮ ‬یە بۆ پاراستنا بەرژەوەندێن دۆژمن و داگیركەرا كورد دژی‮ ‬كوردا بهێتە بكارئینان،‮ ‬ژبلی‮ ‬كوردێن جاش و خۆ فرۆشێن وەك وە‮ ‬نەبن‮.‬

 
چاپکردن   Share گه‌ڕانه‌وه‌