2017-08-09

فارس قادر فەقێ عەبدوڵڵا‮❊‬ 

لەم رۆژانە وەك مەسەلەكە گوتەنی‮ ‬خەریكە‮ (.. ) ‬رەش و سپی‮ ‬بە دیار بكەوێت لە گۆڕەپانەكە و وای‮ ‬لێ هاتووە،‮ ‬بڵێین قوربان ئەوە مانگە بە ئاسمانەوە و مانگ لە چواردەیە و حەوجە بە پەنچە نییە،‮ ‬زۆر سەیرە خەریكە بڵێین چارەگە سەدەیەك زیاتر دەبێت لافی‮ ‬ئەوە لەسەر میللەت لێدەدەن دەڵێن سەربەخۆییمان دەوێت و ئازادییمان دەوێت،‮ ‬مافی‮ ‬چارەی‮ ‬خۆنووسینمان دەوێت،‮ ‬دەیان دەوێ و دەبێی‮ ‬تر‮. ‬هەروەها ناوی‮ ‬گەورە و ئارمی‮ ‬بریقەدار و هەندێجار بە وشەی‮ ‬ئاڵۆز و بێ مانا ئەم میللەتەیان پێ فریو دەدا،‮ ‬لە كاتێكدا لە نەزانی‮ ‬و كۆلەواری‮ ‬و بێ ئاگایی‮ ‬و بە ئاگایی‮ ‬هەندێك كەس و هەندێك بازرگانی‮ ‬سیاسی‮ ‬و خۆفرۆشان كە دەیانزانی‮ ‬ئەم كارەی‮ ‬ئەوان تەنها گاڵتەجاڕییە و بەرەو هەڵدێربردنی‮ ‬فیكری‮ ‬تاكی‮ ‬كوردە و هیچی‮ ‬تر،‮ ‬كە ئەویشیان بە بۆچوونی‮ ‬من لە دوو میحوەردا بەرجەستە دەكرێت،‮ ‬یەكەمیان بە ئاگا و خۆفرۆشەكان دەیانزانی‮ ‬درۆ دەكەن و تەنها دروشمێكە بۆ گەمەكردن،‮ ‬وەك فیكری‮ (‬میكیاڤیلی‮) ‬و بۆ بەتاڵكردن و پووچكردنی‮ ‬هێزی‮ ‬جەماوەر و گاڵتەكردن بە شعووریان،‮ ‬خاڵی‮ ‬دووەمیان،‮ ‬بۆ كۆكردنەوەی‮ ‬ئەفكاری‮ ‬توندڕەوی‮ ‬و بە تایبەتی‮ ‬شۆڕشگیریی‮ ‬بەرەو نەتەوەپەرستی‮ ‬و لە رێ لادانیان لە رێرەوی‮ ‬خۆی‮ ‬و گۆڕینی‮ ‬ئاراستەیان كە ئەویش بە دڵنیاییەوە بە بێ بیركردنەوە بۆ دواڕۆژ و بە بێ حساب بۆ بارودۆخ و توانا لە ئەرزی‮ ‬واقیع و نە پرسین و نەزانینی‮ ‬چی‮ ‬دەكرێت و چەند دەكرێت و بێ رەچاوكردنی‮ ‬بۆ دواڕۆژ و چۆنیەتی‮ ‬دەرئەنجامەكەی‮ ‬و گوێدان بە چارەنووسی‮ ‬چین و توێژی‮ ‬كۆمەڵگە و لێقەوماوەكانی‮ ‬كۆمەڵگە كە چیان بەسەر دێت‮ ‬یان وەك گوتەنی‮ ‬بێ باكەكان كە هەردەم لە لوتكەوە تەماشای‮ ‬پرسە نەتەوەییەكە و خوارەوەی‮ ‬خۆیان دەكەن،‮ ‬هەروەك گوتمان چ وەك دڵسۆزی‮ ‬و بێ بیركردنەوەی‮ ‬ناتەندروست‮ ‬یان وەك بەرژەوەندی‮ ‬تایبەت و شەڕفرۆشی‮ ‬و مونافەسەی‮ ‬ناشەرعی‮ ‬بە هەرحاڵ هەردوو جۆرمان بینی‮. ‬ لێرەدا ئەوەی‮ ‬گرنگە هزر و بیروبۆچوونی‮ ‬پارتی‮ ‬و بارزانی‮ ‬هیچ كاتێك دژی‮ ‬ئەم بۆچوونە نەبووە،‮ ‬بەڵام هەموو كات كاری‮ ‬لەگەڵ واقیعدا كردووە،‮ ‬چونكە لە واقیعدا هەروایە و دەگوترێت‮ (‬السیاسە فن الممكنیات‮). ‬بۆیە دەبینین پارتی‮ ‬نە بەردی‮ ‬گەورەی‮ ‬هەڵگرتووە كە نەتوانێت هەڵی‮ ‬بگرێت و لە دژی‮ ‬تەیار و تەوژم گەمە و مەلەی‮ ‬نەكردووە،‮ ‬بەڵكو لەوپەڕی‮ ‬واقیعبینی‮ ‬لەگەڵ بارودۆخەكە كاری‮ ‬كردووە و خۆی‮ ‬سازاندووە و لەسەر هەڵپازی‮ ‬نەداوە،‮ ‬كارێكیشی‮ ‬نەكردووە،‮ ‬دواڕۆژی‮ ‬میللەتەكەی‮ ‬بەرەو چارەنووسێكی‮ ‬نادیار و ترسناك ببات و بە هیچ شێوەیەكیش مساوەمە‮ (‬سازش‮)‬ی‮ ‬لەسەر بچووكترین خاڵ لە مافی‮ ‬نەتەوایەتی‮ ‬نەكردووە،‮ ‬كە بە مافی‮ ‬خۆی‮ ‬و گەلەكەی‮ ‬زانی‮ ‬بێت لە كاتی‮ ‬شەڕ‮ ‬شەڕی‮ ‬كردووە،‮ ‬لە كاتی‮ ‬ئاشتی‮ ‬ئاشتی،‮ ‬لە هەمووشی‮ ‬گرنگتر هیچ كاتێك گۆڕەپانی‮ ‬خەباتی‮ ‬بۆ مەرامی‮ ‬خۆی‮ ‬قۆرخ نەكردووە،‮ ‬بەڵكو هاوكار و‮ ‬یارمەتی‮ ‬دەری‮ ‬هەموو بیر و بۆچوونێك بووە كە لە خزمەت بەرژەوەندی‮ ‬گشتی‮ ‬و كوردستان و كوردایەتی‮ ‬بووبێت و دەستی‮ ‬هاوكاری‮ ‬و‮ ‬یارمەتی‮ ‬بۆ هەر چوار پارچەی‮ ‬كوردستان درێژ كردووە،‮ ‬هیچ كاتێكیش خۆی‮ ‬بە بچووك نەزانیوە،‮ ‬بەرامبەر بە دروشمە بریقەدار و ناواقیعییەكانی‮ ‬بەرامبەر و ركابەرەكانی‮ ‬لەبەر ئەوە باشترین خوێندنەوەی‮ ‬هەبووە،‮ ‬بۆ قۆناغ‮ ‬بە قۆناغی‮ ‬خەباتی‮ ‬گۆڕەپانی‮ ‬كوردستان و لە هیچ موزایەدانێكیش نەترساوە،‮ ‬بەڵام رێگەی‮ ‬لە كەس نەگرتووە،‮ ‬كە بۆچوونی‮ ‬خۆی‮ ‬هەبێت بۆ نموونە لە سەرەتای‮ ‬ساڵانی‮ ‬شەستەكان،‮ ‬كۆمەڵێك گەنجی‮ ‬خوێنگەرمی‮ ‬شاری‮ ‬سلێمانی‮ ‬چوون بۆ خزمەت بارزانیی‮ ‬نەمر كە هەروەك خوالێخۆش بێت‮ (‬ئەحمەد هەردی‮) ‬شاعیر گێڕایتییەوە و لە لای‮ ‬یەكێكی‮ ‬نزیكی‮ ‬خۆم لە دەرەوەی‮ ‬وڵات،‮ ‬لە ساڵانی‮ ‬نەوەدەكان دەڵێت ئەحمەد هەردی‮ ‬گوتی‮: ‬ئێمە چەند كەسانێك بووین كە ژمارەمان لە پەنجەی‮ ‬دەست تێ نەدەپەڕی،‮ ‬چووین بۆ خزمەت مەلا مستەفای‮ ‬بارزانی،‮ ‬كە چاومان پێ كەوت،‮ ‬هاتینە ئاخاوتن،‮ ‬بارزانی‮ ‬گوتی‮: ‬فەرموون بڵێن ئەحمەد هەردی‮ ‬دەڵێت‮: ‬گوتمان جەنابی‮ ‬بارزانی‮ ‬ئێمە حزبێكین لە سنووری‮ ‬سلیمانی‮ ‬خەبات دەكەین،‮ ‬لقی‮ ‬چواری‮ ‬پارتی‮ ‬رێگرییمان لێدەكات و رێگامان نادا چالاكییەكانمان ئەنجامبدەین‮. ‬دەڵیت بارزانی‮ ‬گوتی‮: ‬دەكرێت خۆتان زیاتر بناسێنن،‮ ‬ناوتان و ناونیشانتان نەهجی‮ ‬حزبەكەتان بزانم،‮ ‬لە وەڵامدا ئەحمەد هەردی‮ ‬گوتویەتی‮ ‬گوتمان ناوی‮ ‬حزبەكەمان‮ (‬پژاك‮) ‬و دروشمان سەربەخۆییە بۆ كوردستان لە وەڵامدا بارزانی‮ ‬دەڵێت‮: ‬دڵنیان ئێوە بۆ سەربەخۆیی‮ ‬خەبات دەكەن،‮ ‬دیارە تەئكید دەكەنەوە و دەڵێن بەڵێ لە ئەنجامدا بارزانی‮ ‬دەڵێ دەتوانم بزانم ئێوە چەند كەسن،‮ ‬زیاتر بتانناسم،‮ ‬گەر دەكرێت بۆم بنووسن دیارە ئەحمەد هەردی‮ ‬دەڵێ بەڵێ هەر ئێستا كەناوەكان دەنووسێت و نامەكە دەدات بە بارزانی،‮ ‬بارزانی‮ ‬دەبینێت ژمارەیان زۆر كەمە و لە پەنجەكانی‮ ‬دەست تێ ناپەرێت و بارزانی‮ ‬دێتە وەڵام و دەڵێت،‮ ‬ئێوە هەر هێندەن،‮ ‬دەڵێن بەڵێ قوربان هەر ئەو هێندەین،‮ ‬دەڵێ ئێوە بەو چەند كەسە داوای‮ ‬سەربەخۆیی‮ ‬دەكەن و لقی‮ ‬چواری‮ ‬پارتی‮ ‬رێگریتان لێ دەكات،‮ ‬دەڵێن بەڵێ قوربان‮. ‬بارزانی‮ ‬حەق بە خۆی‮ ‬نادا نامە بدات بۆ رێگادان بۆ خەباتكردن بۆ سەربەخۆیی،‮ ‬بەڵكو نامەكەیان پێ دەداتەوە و دەڵێت‮: ‬فەرموون ناوی‮ ‬منیش بنووسن،‮ ‬دەبم بە ئەندام لەگەڵتان،‮ ‬كاتێك دەیانەوێت ناوی‮ ‬بنووسن،‮ ‬دیارە دەیانەوێت وەك رابەر و سەركردە بینووسن،‮ ‬بارزانی‮ ‬دەفەرمووێت وا مەنووسن،‮ ‬بنووسن‮ (‬مستەفا‮) ‬دەڵێن،‮ ‬قوربان ناكرێت،‮ ‬چۆن وا بنووسین‮! ‬بارزانی‮ ‬دەڵێ‮: ‬نەخێر من بۆ كوردستان و سەربەخۆیی‮ ‬هەر ئەو هێندەم فەرموو بنووسن و بگەڕێنەوە بۆ سلێمانی‮ ‬و بڕۆن بۆ لای‮ ‬لقی‮ ‬چواری‮ ‬پارتی‮ ‬پێیان بڵێن بارزانییشمان كرد بە ئەندامی‮ ‬خۆمان وە فەرمووی‮ ‬بۆ كوردستان و بۆ سەربەخۆیی‮ ‬حساب بۆ كەس مەكەن،‮ ‬منیش ئەندامتانم و لە گەڵتانم‮. ‬ جا لێرەدا دەمەوێت دوو پرسیار بكەم،‮ ‬یەكەم بۆچی‮ ‬نەوەی‮ ‬ئەم شۆڕشگێرانە كە لە ساڵانی‮ ‬شەستەكان سەربەخۆییان دەویست،‮ ‬ئێستا بە خەتەری‮ ‬دەزانن و ریفراندۆم بە باش نازانن؟‮! ‬دەبێ بە حەق رۆڵەی‮ ‬ئەم خەباتگێڕانە بن؟ دەبێ ئێمە بە هەڵەدا نەچووبین،‮ ‬گەر وایە چۆن دەتوانن مێژووی‮ ‬باوك و باپیرانیان بشێوێنن‮! ‬چ وەڵامێكی‮ ‬باوكیان دەدەنەوە؟‮. ‬دەكرێ بە باوكیان بڵێن بەر لە نزیكەی‮ ‬شەست ساڵ پێش ئێستا ئێوە هەڵە بوون سەربەخۆیییتان دەویست‮!! ‬دڵنیام بارزانی‮ ‬دەیزانی‮ ‬لە شەستەكان مەحاڵە سەربەخۆیی‮ ‬بە دەستبێت بۆ كوردستان،‮ ‬بەڵام رێزی‮ ‬گرت لە باب و باپیرانتان كە ئەمشیان بە رای‮ ‬من،‮ ‬لەم خاڵانەدا بەرجەستە دەبێت،‮ ‬بڕوا بوونی‮ ‬بێ ئەندازە و رەهای‮ ‬بارزانی‮ ‬بە سەربەخۆیی‮ ‬كوردستان و سەلامەتی‮ ‬هزری‮ ‬بارزانی‮ ‬بۆ ئەم ئارمانجە و خاڵێكی‮ ‬تر هەبوونی‮ ‬دیموكراسیەت و بڕوا بوون بە گوێگرتن لە رای‮ ‬جیاوازی‮ ‬گشت تاكێكی‮ ‬نیشتمان‮. ‬ خالی‮ ‬دووەم،‮ ‬بۆچی‮ ‬ئەم رێبازە،‮ ‬رێبازی‮ ‬پیرۆزی‮ ‬بارزانی،‮ ‬قۆناغ‮ ‬بە قۆناغی‮ ‬مێژوو لەگەڵ رووداوەكاندا،‮ ‬پەیتا بە پەیتا دروشمەكان دەگۆرێت،‮ ‬ئەمەیان كۆمەڵێك وەڵام هەن لە سیاسەت دەگوترێت‮ (‬السیاسە فن الممكنات‮) ‬و مەسەلەیەكی‮ ‬تری‮ ‬عەرەبی‮ ‬هەیە،‮ ‬دەڵێت‮ (‬لكل الحادپ حدیپ‮) ‬و كورد دەڵێت‮ (‬دەبێت لەسەر فرسەت پاز نەدەین‮) ‬و بۆ ئەو زەمانیش كە نەدەكرا سەربەخۆیی‮ ‬بە دەست بێت،‮ ‬دەڵێت‮ (‬بەردی‮ ‬گەورە نیشانەی‮ ‬لێ نەدانە‮) ‬و بۆ ئێستا كورد دەڵێ‮ (‬شەر گەر بەرۆكی‮ ‬گرتی‮ ‬نەی‮ ‬كەی‮ ‬خوا دەتگرێت‮) ‬بەڵێ پارتی‮ ‬و بارزانی‮ ‬و شارعی‮ ‬كوردیش دەیزانن ئەمڕۆ رۆژی‮ ‬سەربەخۆییە،‮ ‬گەر نەی‮ ‬كەین خوا دەمانگرێت،‮ ‬جا رەنگە سەربەخۆیی‮ ‬باجیشی‮ ‬بوێت‮. ‬ لە لایەكی‮ ‬تر گەر سەیر بكەین،‮ ‬كەس پێش ئەم رێبازە و پێش ئەم مەدرەسەیە،‮ ‬پێشمەرگەی‮ ‬سەربەخۆیی‮ ‬كوردستان نەبووە،‮ ‬بۆ نموونە لە ساڵانی‮ ‬سییەكان بە هانای‮ ‬شۆڕشەكەی‮ (‬شێخ مەحموودی‮ ‬حەفید‮) ‬چوون كە خودی‮ ‬بارزانیی‮ ‬نەمر رابەرایەتی‮ ‬ئەم بەهانا چوونەی‮ ‬كرد و لەگەڵ بیرۆكەی‮ ‬دامەزراندنی‮ (‬كۆماری‮ ‬كوردستان‮) ‬لە مهاباد بارزانی‮ ‬وەك پێشمەرگەیەك چووە ئەم كۆمارە،‮ ‬خۆشی‮ ‬بە پێشمەرگەیەكی‮ ‬كۆمار زانی،‮ ‬كەواتە ئەم رێبازە خەریكە ببێت بە‮ ‬یەك سەدە لە هەموو پارچەكانی‮ ‬كوردستان،‮ ‬پێشمەرگە و پارێزەرن و هەموو كاتێكیش بۆ سەربەخۆیی‮ ‬خەباتیان كردووە و منەتیشیان لەسەر كەس نەكردووە و هیچ كاتێكیش دژی‮ ‬خەباتی‮ ‬پارچەكانی‮ ‬تر نەبوونە،‮ ‬لە ناوخۆشماندا لە باشوور منداڵێك باسی‮ ‬سەربەخۆیی‮ ‬كردبێت رێزیان لێ گرتووە،‮ ‬گەر بە گاڵتەش بێت رووشكێنیان نەكردووە‮. ‬بەڵام لەگەڵ ئەو ئازادییە رەهایە بۆ ئەو پرسە گرنگ و چارەنووسسازە دەبێت‮ ‬یاسا و رێسایەكمان هەبێت،‮ ‬چونكە ئەو بابەتە زۆر گرنگ و هەستیارە دەبێت مەركەزیەتی‮ ‬تێدا بێت بۆ نموونە وەك‮ (‬لە‮ ‬یاسای‮ ‬سەربازی‮ ‬بۆ بانگەوازكردن بۆ سەربازەكان لە كاتی‮ ‬بە كارهێنانی‮ ‬چەكی‮ ‬كیمیاوی‮ ‬لە لایەن دووژمن كە هاتووە بۆ هەموو سەربازێك هەیە بڕیاربدات كە‮ (‬قناع‮) ‬لەسەر بكەن لە كاتی‮ ‬هەستكردن بە ترسناكی‮ ‬لە بارۆخەكە،‮ ‬بەڵام تەنها‮ (‬ئامر)ەكە بەرپرسی‮ ‬یەكەمە،‮ ‬بۆی‮ ‬هەیە بڵێت تەواو قیناع فڕێبدەن و كیمیاوی‮ ‬نەما‮) ‬لەبەر ئەوەی‮ ‬كەسی‮ ‬یەكەم ئاگاداری‮ ‬كارە گرنگ و گەورەكانە،‮ ‬گەر بەراورد بكەین،‮ ‬پارتی‮ ‬و بارزانی‮ ‬وەك سەمامی‮ ‬ئەمانە لە هەموو كەسێك زیاتر ئاگاداری‮ ‬بارودۆخەكە بوونە،‮ ‬بۆیە لە كاتی‮ ‬خۆی‮ ‬بڕیاریاندا،‮ ‬ئەم‮ (‬قیناعە‮) ‬لەسەر بكەنەوە،‮ ‬چونكە ئەم قیناعە كە پێشتر دەگوترا با لەسەر بكرێتەوە،‮ ‬یان لە نەزانی‮ ‬بووە،‮ ‬یان موزایەدات بووە،‮ ‬یان ئەوانەی‮ ‬دەیانگوت خۆیان دوو قیناعیان هەبووە،‮ ‬بۆ مەرامی‮ ‬خۆیان ویستویانە میللەتێك بخنكێت‮. ‬ئەوەی‮ ‬ئێستا لێی‮ ‬دەترسن و خەڵكی‮ ‬پێ دەترسێنن راست ناكەن،‮ ‬خۆشیان دەزانن راست نییە،‮ ‬ئێستا كاتی‮ ‬فڕێدان و لەبەركردنەوەی‮ ‬قیناعە،‮ ‬كاتی‮ ‬خۆ ناساندنە،‮ ‬كاتی‮ ‬ئەوەیە بڵێین ئێمە كوردین،‮ ‬ئێمە كوردستانین،‮ ‬ئێمە هەین،‮ ‬رۆژی‮ ‬سەربەخۆییە،‮ ‬رۆژی‮ ‬ترساندنی‮ ‬خەلك نییە،‮ ‬رۆژی‮ ‬جاشایەتی‮ ‬نییە،‮ ‬سەربەخۆیی‮ ‬بۆ هەمووانە،‮ ‬لەگەڵمان بن،‮ ‬یان لەگەڵ نەبن،‮ ‬هەر دەكرێت،‮ ‬زووتر لە خانەی‮ ‬خیانەت دەرچێت و زووتر پێدەگەیت،‮ ‬تازە تەواو سوود،‮ ‬لە هەڵەی‮ ‬مێژوو وەرگرن،‮ ‬جاشایەتی‮ ‬لە ناو جلی‮ ‬دڕاو،‮ ‬لەناو جلی‮ ‬كوردی،‮ ‬یان لە جیشداشەی‮ ‬عەرەبی‮ ‬لەناو شاخ و لە پشت بەرد و لە دەشت و دۆڵ،‮ ‬یان سەتەلایەت و لە كۆڕ‮ ‬و كۆبوونەوە بە شێوازی‮ ‬كۆن و كۆنەپەرستی،‮ ‬یان بە شێوازی‮ ‬مۆدێرن و سەردەمی‮ ‬لە مزگەوت و لە كەنیسە،‮ ‬یان لە زانكۆ و هۆڵە رۆشنبیرییەكان لە ژووری‮ ‬تاریك لە شاشەی‮ ‬تەلەفزیۆن،‮ ‬یان لە رێگەی‮ ‬فڕۆكەخانەی‮ ‬وڵاتەكان هەر جاشایەتییە كۆن و نوێ نییە چ85 ‮ ‬دیناری‮ ‬هەشتاكان چ ملیۆن و ملیاری‮ ‬تاجرە نوێكان،‮ ‬هیچ لە مەسەلەكە ناگۆرێت‮. ‬ سەربەخۆیی‮ ‬هەردەبێت ریفراندۆمیش رێگای‮ ‬لێ ناگیرێ،‮ ‬لەم نووسینەم كە‮ (‬هاوكاتە لەگەڵ وەستانی‮ ‬شەڕی‮ ‬عێراق و ئێران لە رێككەوتی‮ ‬8‮/‬8‮/‬1988‮ ‬كە ئیمام خومەینی‮ ‬گوتی‮: ‬كاتێك واژووی‮ ‬شەڕ‮ ‬راگرتن و ئاشتی‮ ‬دەكەم لەگەڵ سەددام حوسێن وەك ئەوەیە كە كاسێك ژەهر بخۆم،‮ ‬جا خەڵك بەمشێوەیە بۆ بەرژەوەندی‮ ‬خۆی‮ ‬كاسی‮ ‬ژەهر بخوا،‮ ‬لە خوێنی‮ ‬سەدان هەزار شەهید خۆشبێت،‮ ‬دەبێت ئێمە كەی‮ ‬دەرس لە مێژوو وەرگرین،‮ ‬خۆ ئێمە دوژمنی‮ ‬یەكتر نین،‮ ‬تەنها ئەوە نەبێ كەسانێك شەڕی‮ ‬بەوەكالەت دەكەن بۆ دەوراو پشت،‮ ‬خۆ ئەو شەڕەی‮ ‬عێراق و ئێرانیش لە ئەساسەوە،‮ ‬هەر لەسەر كێشەی‮ ‬كورد بووە،‮ ‬هیوادارم دەرس لە مێژوو وەرگرین،‮ ‬كورد بای‮ ‬ئەو هێندەی‮ ‬تێدا نەماوە،‮ ‬تووشی‮ ‬نسكۆیەكی‮ ‬تر بێت،‮ ‬ئەم مانگ و نیوەی‮ ‬ماوە،‮ ‬بۆ ریفراندۆم،‮ ‬با ناو بنێین بە رۆژانی‮ ‬برایەتی،‮ ‬رۆژانی‮ ‬زێڕینی‮ ‬مێژووی‮ ‬كوردستان،‮ ‬رۆژانی‮ ‬شادكردنی‮ ‬گیانی‮ ‬شەهیدان بكەین بە خۆ ئامادەكردن،‮ ‬بۆ جەژنی‮ ‬سەربەخۆیی‮ ‬كوردستان،‮ ‬لەوێوە بۆ هەرچوار پارچەی‮ ‬كوردستان‮.‬ ‮

❊ ‬ئەندامی‮ ‬ئەنجوومەنی‮ ‬سەركردایەتی‮ ‬پارێزگای‮ ‬هەولێری‮ ‬پ‮. ‬د‮. ‬ك‮. ‬ 

 
چاپکردن   Share گه‌ڕانه‌وه‌