2017-08-08

سەلام عەبدوڵڵا

بڕوا نەدەكرا گەلێك ئەو هەموو ماڵوێرانی‮ ‬و تراژیدیا و كارەساتە جەرگبڕانەی‮ ‬بەسەردا هاتبێ،‮ ‬تەنها لە مێژووی‮ ‬ئەم سەد ساڵەی‮ ‬دواییدا كە هەندێكیان بە هەموو پێوەرێك جینۆساید و قڕكردنی‮ ‬نەتەوەیەك بوو،‮ ‬ئاوا كەسانێك هەبن ئەمڕۆ بەو جۆرە رووهەڵماڵراوانە و بێشەرمانە دژایەتی‮ ‬خۆیان بە ئاشكرا بۆ رێفراندۆم و سەربەخۆیی‮ ‬رابگەیەنن و دژ بە خواستی‮ ‬دێرینی‮ ‬گەلەكەیان رابوەستن‮.‬
ئایا ئەمانە ئەم هەموو كارەساتانەیان نەبیستووە و ئاگاداری‮ ‬مێژووی‮ ‬خۆیان نین،‮ ‬یان ئەو هەموو كۆمەڵكوژییەی‮ ‬دەرهەقمان كراوە هەستی‮ ‬سڕبووی‮ ‬ئەوان ناجوڵێنێ،‮ ‬كە ئاوا لە عەرەبە شۆڤینییەكان زیاتر دژایەتی‮ ‬دەنوێنن‮.‬
ئێمە لە فەتلاوی‮ ‬و فەتلاوییەكان دەگەین كە بۆچی‮ ‬دژی‮ ‬مافەكانمانن و ئەوان لە دیدی‮ ‬شۆڤینیزمی‮ ‬عەرەبییەوە كە هیچ مافێك بە كورد‮ ‬ڕەوا نابینێت هەڵوێست وەردەگرن،‮ ‬بۆیە بۆ ئێمە جێگەی‮ ‬سەرسوڕمان نییە،‮ ‬بەڵام كەسێك بە خۆی‮ ‬بڵێ كورد و ئەو هەموو تاوانە دەرهەق گەلەكەی‮ ‬نەبینێت،‮ ‬مایەی‮ ‬رامانە و مرۆڤ دەبێت بپرسێت ئەمانە كێ پەروەردەی‮ ‬كردوون و چ بیرێكی‮ ‬چەوت ئاوا بەلاڕێیدا بردوون‮.
‬ئایا‮ (‬182‮) ‬هەزار ئەنفالكراو و بێسەروشوێنكراو،‮ ‬هەشت هەزار بارزانی،‮ ‬هەزاران كوردی‮ ‬فەیلی‮ ‬كەسەدان ساڵە لە بەغدا دەژین و كیمیابارانی‮ ‬هەڵەبجە،‮ ‬ئەمە جگە لە هەزاران شەهید و بریندار،‮ ‬نەبووە مایەی‮ ‬تێگەیشتنی‮ ‬ئەم كەسانەی‮ ‬خۆیان بۆ دەنگی‮ ‬نەخێر ئامادە دەكەن كە هەموو هۆكارەكانی‮ ‬ئەو قوربانیدانە دەگەڕێتەوە بۆ نەبوونی‮ ‬قەوارەیەكی‮ ‬سیاسی‮ ‬دانپێدانراو كە پێی‮ ‬دەڵێن دەوڵەت،‮ ‬بۆیە ئەو كارەساتانە لە مێژووماندا سەدبارە دەبێتەوە‮.‬
ئایا ئەم ویژدانسزانەی‮ ‬سیمینار و سایتی‮ ‬گوماناوی‮ ‬و كەناڵی‮ ‬نەخێری‮ ‬ئاسمانی‮ ‬بەڕێوەدەبەن،‮ ‬دەتوانن تەنها‮ ‬یەك سوودی‮ ‬ژێردەستەیی‮ ‬رابگەیەنن،‮ ‬كە ئاوا بێ پەردە داكۆكی‮ ‬لێدەكەن؟
ئایا جوینەوەی‮ ‬پاساوەكانی‮ ‬دوژمنان هێندە دەهێنن كە سەربەخۆیی‮ ‬بگۆڕینەوە بە ژێردەستەیی‮ ‬وەك ئەم زاتانە دەیانەوێت؟‮.‬
نەخێر و سەد نەخێر‮, ‬گەلەكەمان زۆر لەوە هۆشیارتر و بە ئاگاترە كە پڕۆپاگەندەی‮ ‬ئەم ناحەزانە كە دروست دەچێتە خانەی‮ ‬ناپاكییەوە قەبووڵ بكات و دەنگی‮ ‬دژی‮ ‬خواستی‮ ‬دێرینی‮ ‬گەلەكەی‮ ‬بدات‮.‬
فەرموو بزانن رۆژی‮ ‬25/9‮ ‬چۆن گەلەكەمان بە دەنگی‮ ‬بەڵێ ئابڕووی‮ ‬هەموو ئەودەنگە نەشازانە دەبات‮.‬

 
چاپکردن   Share گه‌ڕانه‌وه‌