2017-08-01

خەبات‮ / ‬بڕیار كۆیی
لەمیانەی‮ ‬پانێلەكانی‮ ‬نەخشە‮ ‬ڕێگای‮ ‬دەوڵەتی‮ ‬كوردستان لە‮ ‬ڕوانگەی‮ ‬ئەكادیمییانە و پێكەوەژیانی‮ ‬ئاشتییانەی‮ ‬زانكۆی‮ ‬جیهان‮ -‬ هەولێر پانێلێكی‮ ‬بۆ‮ (‬د‮. ‬كەمال كەركووكی‮) ‬سەرۆكی‮ ‬پێشووی‮ ‬پەرلەمانی‮ ‬كوردستان و ئەندامی‮ ‬مەكتەبی‮ ‬سیاسی‮ ‬پارتی‮ ‬دیموكراتی‮ ‬كوردستان لەژێر ناونیشانی‮ (‬ڕیفراندۆم پێوستییەكی‮ ‬نیشتمانییە‮) ‬لە هەولێر سازكرد‮. ‬
لەسەرەتای‮ ‬پانێلەكەدا د‮. ‬كەمال كەركووكی‮ ‬تیشكی‮ ‬خستە سەر ئامانجی‮ ‬ڕیفراندۆم كە سەربەخۆیی‮ ‬كوردستانە و گوتی‮: ‬بێ ژمار مرۆڤی‮ ‬كورد لە پێناو سەربەرزی‮ ‬و ژیانێكی‮ ‬ئازاد و سەربەخۆبوونی‮ ‬كوردستان شەهید و بێسەروشوێن كراوە و پشت بەخوا و پێشمەرگە دەگەینە ئەو رۆژەی‮ ‬كە سەربەخۆیی‮ ‬خۆمان‮ ‬ڕابگەیەنین‮. ‬
كەسانێك هەن
خەڵكیان ترساندووە
كەركوكی‮ ‬سەبارەت بەو دەنگۆیانە كە گوترێت بەشێك لە وڵاتانی‮ ‬دونیا لە دژی‮ ‬ڕیفراندۆمی‮ ‬سەربەخۆیی‮ ‬كوردستان گوتی‮: ‬ئەو دەنگۆیانە ناڕاستن و مەرامی‮ ‬دیكەیان لە پشتەوەیە‮. ‬گوتیشی‮: ‬زۆر گرنگە بزانین‮ ‬ڕیفراندۆم چیە كە بە واتای‮ ‬گشتپرسی‮ ‬و پرسین لە هەمووان دێت كە مەبەست لێی‮ ‬پرسین و وەرگرتنی‮ ‬ڕای‮ ‬تاك بە تاكی‮ ‬سەر پارچە زەوییەكە كە ئاخۆ چ بڕیارێك لەبارەی‮ ‬چارەنووسی‮ ‬خۆی‮ ‬دەدات و بەداخەوە كەسانێك هەن خەڵكیان ترساندووە و بە هەڵە تێیان گەیاندوون،‮ ‬چونكە هەموو مرۆڤێك مافی‮ ‬ئەوەی‮ ‬هەیە كە بڕیار بدات چی‮ ‬دەوێ؟ چ شتێك لەوە تاوانتر هەیە كە تاكەكانی‮ ‬هەرێمی‮ ‬كوردستان زمانیان بگیردرێ و نەهێڵرێ‮ ‬ڕای‮ ‬خۆیان بڵێن لەو بارەیەوە؟‮. ‬
هەڵوێستی‮ ‬نەتەوە‮ ‬یەكگرتووەكان
ئەو ئەندامەی‮ ‬مەكتەبی‮ ‬سیاسی‮ ‬پارتی‮ ‬دیموكراتی‮ ‬كوردستان لە بەشێكی‮ ‬دیكەی‮ ‬پانێلەكەدا تیشكی‮ ‬خستە سەر‮ ‬ڕۆڵ و هەڵوێستی‮ ‬نەتەوە‮ ‬یەكگرتووەكان لەبارەی‮ ‬مافی‮ ‬چارەنووسی‮ ‬گەلان و‮ ‬ڕاگەیاندنی‮ ‬سەربەخۆییەوە و ئاماژەی‮ ‬بۆ ئەوە كرد كە لە بڕی‮ ‬دووەمی‮ ‬مادەی‮ ‬یەكەم كە لەیەكەم كۆنگرەی‮ ‬نەتەوە‮ ‬یەكگرتووەكان لە ساڵی1945 ‮ ‬دەركراوە و بەڕوونی‮ ‬ئاماژە دراوە بە ئەوەی‮ ‬كە بەبێ هیچ جیاوازییەك هەموو گەل و نەتەوەیەك بۆی‮ ‬هەیە بڕیار لەبارەی‮ ‬چارەنووسی‮ ‬خۆی‮ ‬بدات و دەبێت‮. ‬هەروەها لەماددەی‮ ‬1514 ی‮ ‬ساڵی‮ ‬1960ی‮ ‬نەتەوەیە‮ ‬یەكگرتووەكاندا كە تایبەتە بە بەخشینی‮ ‬سەربەخۆیی‮ ‬بە ولات و گەلانی‮ ‬داگیركراو و ئەو بڕیارە كرایە پاڵپشت بۆ سەرجەم بڕیارەكانی‮ ‬دیكەش و لە ناوەڕۆكەكەیدا ئاماژە دراوە بە ئەوەی‮ ‬كە‮ ‬“مافی‮ ‬گەلانە بەبێ جیاوازی‮ ‬چارەنووسی‮ ‬سیاسی‮ ‬و ئابووری‮ ‬و كۆمەڵایەتی‮ ‬و كلتووری‮ ‬خۆیان دیاری‮ ‬بكەن لەكاتێكی‮ ‬زوودا ئەو گەلانە سەربەخۆیی‮ ‬خۆیان پێبدرێت و هیچ بەهانەیەك بۆ دواخستنی‮ ‬نییە و بەپێچەوانە دەبێتە پشتگوێخستنی‮ ‬مافەكانی‮ ‬مرۆڤ و دژ بە نەتەوە‮ ‬یەكگرتووەكان‮.‬ گوتیشی‮: ‬چۆن دوای‮ ‬دەركردنی‮ ‬ئەو بڕیارە نەتەوە‮ ‬یەكگرتووەكان دەڵێ دژی‮ ‬سەربەخۆیین،‮ ‬بۆیە ئەوەی‮ ‬دەگوترێت هەموو دەنگۆیە و دوورن لە‮ ‬ڕاستییەوە‮. ‬
ڕیفراندۆم تەنیا بۆ سەربەخۆیی‮ ‬كوردستانە
د‮. ‬كەمال كەركوكی‮ ‬لە بەشێكی‮ ‬دیكەی‮ ‬پانێلەكەدا ئاماژەی‮ ‬بۆ ئەوەكرد كە ئەو قسانەی‮ ‬لەبارەی‮ ‬داخستنی‮ ‬سنوورەكان بەڕووی‮ ‬هەرێمی‮ ‬كوردستانەوە دەكرێت سەرجەمیان دەنگۆی‮ ‬ناڕاستن و هیچ مەترسییەكی‮ ‬لەو شێوەیە لەسەر هەرێمی‮ ‬كوردستان نییە و گوتیشی‮: ‬مەبەست لە بڵاوكردنەوەی‮ ‬ئەو دەنگۆیانە مەبەستێكی‮ ‬خراپە و هەمووان دڵنیا دەكەینەوە كە دەچینە‮ ‬ڕیفراندۆم بۆ سەربەخۆیی‮ ‬كوردستان و جەختیش دەكەمەوە كە‮ ‬ڕیفراندۆم تەنیا بۆ سەربەخۆیی‮ ‬كوردستانە و بۆ هیچ مەبەستێكی‮ ‬دیكە نییە هەروەك باسی‮ ‬لێوەدەكرێت‮. ‬دواتر تیشكی‮ ‬خستە سەر چەند بڕگە و مادەیەكی‮ ‬دەستووری‮ ‬عێراقی‮ ‬كە بەڕوونی‮ ‬ئاماژە بە ئەوە دراوە كە كوردستان ئەو مافی‮ ‬ریفراندۆم و سەربەخۆبوونی‮ ‬خۆی‮ ‬هەیە و گوتیشی‮: ‬لەهیچ بەشێكی‮ ‬دەستووردا ئاماژە بە ئەوە نەدراوە كە ئاخۆ دەبێت كێ‮ ‬ڕیفراندۆمەكە بەڕێوە ببات كوردستان‮ ‬یاخود عێراق و هەروەها نووسراوە دەبێت بە زۆرینەی‮ ‬دەنگ‮ ‬ڕیفراندۆمەكە قبووڵ بكرێت و هیچ ئاماژەیەك بەئەوە نەدراوە ئاخۆ دەبێت چەند كەس بەشداری‮ ‬بكات و‮ ‬ڕیژەكە چەند بێت‮. ‬

 
چاپکردن   Share گه‌ڕانه‌وه‌