2017-07-31

خەبات‮: ‬سەفەر‮ ‬یوسف میرخان ژاژوكی‮ ‬
بەرەبەیانێكی‮ ‬كە هێشتا نوێژی‮ ‬بەیانی‮ ‬نەببوو،‮ ‬سوپای‮ ‬دڕەندی‮ ‬رژێمی‮ ‬بەعس بە جۆرەها هەلیكۆپترو هێزی‮ ‬عەسكەری‮ ‬و تانك دەورەیان لەم ئۆردوگایە دابوو،‮ ‬پیاوانی‮ ‬ئێمە كە دەچوونە سەر ئیش لە سەر رێگا هەموویان گرتن و ئەنفالیان كردن جوامێرانەو هەستی‮ ‬نەتەوەیی‮ ‬خەڵكی‮ ‬هەولێر و دەوروبەری‮ ‬نابێ ئێمە هیچ كات لە بیری‮ ‬بكەین زۆر هاوكاری‮ ‬ئێمەیان كرد ئەنفال تاوانێكی‮ ‬تری‮ ‬نامرۆڤانەیە كە رژێمی‮ ‬بەعسی‮ ‬گۆڕبەگۆڕ‮ ‬بۆ قڕكردن و لە ناوبردنی‮ ‬نەتەوەی‮ ‬كورد بە دڕندانەترین شێوە بەكاری‮ ‬هێنا تاكو ئەم گەلە لەناو ببات،‮ ‬كە ئەو تاوانانە ئەمڕۆ بوەتە شوناسێكی‮ ‬رەش و نەگریس بە مێژووی‮ ‬پڕ‮ ‬لە ستەمی‮ ‬رژێمی‮ ‬بەعس و هاوكات بووەتە بەڵگەیەكی‮ ‬روون و ئاشكراش بۆ زوڵم لێكراویی‮ ‬كوردو رەوایەتی‮ ‬خەباتی‮ ‬ئەم میللەتەش لە دوێنێ و ئەمڕۆدا نیشان دەدات لە پێناو بە دەستهێنانی‮ ‬مافە نەتەوەییەكانی‮ ‬وەك بەشێك لە پرۆسەی‮ ‬جێنوسایدی‮ ‬نەتەوەی‮ ‬كورد كارەساتی‮ ‬ئەنفالكردنی‮ ‬182 هەزار مرۆڤی‮ ‬بێتاوانی‮ ‬ئەم میللەتە بە دەستی‮ ‬رژێمی‮ ‬بەعس جێبەجێكرا،‮ ‬لە چوارچێوەی‮ ‬ئەو تاوانەدا لە‮ ‬31/7/1983 ‮ ‬رژێمی‮ ‬بەعسی‮ ‬ئابڵۆقەی‮ ‬ئۆردوگای‮ ‬قوشتەپەو بەحركە و شوێنەكانی‮ ‬تری‮ ‬داو سەرئەنجام‮ ‬8 ‮ ‬هەزار پیاوی‮ ‬بارزانیان راپێچ كردو دواتر شوێن بزرو زیندەبەچاڵیان كردن‮. ‬لە‮ ‬یادی‮ ‬34مین ساڵیادی‮ ‬بێسەرو شوێنكردنی‮ ‬8 ‮ ‬هەزار بارزانیدا چەند كەسوكاری‮ ‬ئەنفالكراوەكانی‮ ‬بارزانییەكان بۆ رۆژنامەی‮ ‬خەبات هاتنە ئاخاوتن‮:‬
خاتوو(زولێخا میرخان بانی‮ ) ‬كە هاوسەری‮ ‬ئەنفالكراو(حەسەن چاوشین كورانی‮) ‬یە،‮ ‬لەبارەی‮ ‬چۆنییەتی‮ ‬كارەساتی‮ ‬ئەنفال كە هاوسەر و كوڕەكەی‮ ‬بە دەستی‮ ‬رژێمی‮ ‬بەعس ئەنفال كران،‮ ‬گوتی‮:‬
لە دوای‮ ‬نسكۆی‮ ‬شۆڕشی‮ ‬مەزنی‮ ‬ئەیلوول ساڵی‮ ‬1974 ‮ ‬كوردەكانی‮ ‬زۆربەی‮ ‬ناوچەكانی‮ ‬كوردستان ئاوارەی‮ ‬ئێران بوون لەگەڵ رابەری‮ ‬كوردستان‮ ‬بارزانیی‮ ‬نەمر،‮ ‬نزیكی‮ ‬پاییز بوو كە پیاوەكانی‮ ‬بەعس هاتنە دەڤەری‮ ‬بازان و ئێمە لە گوندی‮ ‬ساكا بووین،‮ ‬كە سەربازەكانی‮ ‬حكومەتی‮ ‬بەعسی‮ ‬عێراق و‮ ‬پیاوەكانی‮ ‬رژێمی‮ ‬سەدام بە سەربازیكی‮ ‬زۆر و تانك و زیلی‮ ‬عەسكەری‮ ‬دەستیان بە سەر گوندی‮ ‬ئێمەو هەموو گوندەكانی‮ ‬دەڤەری‮ ‬بارزان داگرت و هەتا نەیانهێشت كەس لە گوند دەربچێتە دەرەوە و ستەم و زۆرداریان كرد ئەوانەی‮ ‬بۆكاری‮ ‬رۆژانە چووبوونە ئیش لە دەرەوەی‮ ‬گوند هەموویانیان گرت و پاشان ئێمەیان راگواست بۆ باشوری‮ ‬ئێراق‮. ‬سەربازەكانی‮ ‬بەعس چەند زیلێكی‮ ‬سەربازییان هێناو ئێمەیان سواری‮ ‬زیلەكانیان كردو بردەمانیان بۆ هەولێر،‮ ‬كەس نەیدەزانی‮ ‬چ بەسەرمان دێت،‮ ‬بۆ چ شوێنك ئێمە دەبن،‮ ‬زیاتر لە شەو و رۆژێك لە رێگادا بووین و كەس ئاگای‮ ‬لە كەس نەبوو،‮ ‬ئێمە راگواستراین بۆ‮ (‬خوارووی‮ ‬عێراق‮) ‬و ئەو جێگایەی‮ ‬كە ئێمەیان بۆ برد بیابانێكی‮ ‬وشك بوو.بەڕاستی‮ ‬نازانم چۆن باسی‮ ‬ئەو كارەساتانە بۆتان بكەم،‮ ‬زۆر سەخت و دژوار بوو،‮ ‬لە خوارووی‮ ‬عێراق ئەو شوێنەی‮ ‬دەشتێكی‮ ‬وشك بوو،‮ ‬نەشوێنی‮ ‬مانەوە،‮ ‬ئێمەیان لەو دەشتانە دانا هەندێك شوێنی‮ ‬لە حەسیرو دار‮ ‬بوون،‮ ‬نە خانوو نە خواردنی‮ ‬تێیدا نەبوو،‮ ‬ئەو شوێنە وشك و دەشتە‮ ‬مان و نەمان بوو‮.‬
‮ ‬كەش و هەوای‮ ‬ئەو شوێنە زۆر ناخۆش بوو‮ ‬،‮ ‬هەتا لەو بیابانە ئاوێكی‮ ‬پێدا دەهات زۆر پیس بوو كە لەشی‮ ‬سەگی‮ ‬تۆپیو و پیشیلەو شتی‮ ‬زۆر پیس پێدا دەهات،‮ ‬بە هۆی‮ ‬ئەو نەخۆشیانە و نەبوونی‮ ‬پێداویستیەكان و نەبوونی‮ ‬پزیشكی‮ ‬پێویست ئەو‮ ‬نەخۆشی‮ ‬پەیدا بوو و كچم‮ (‬خاتوون‮) ‬كە تەمەنی‮ ‬مێر منداڵی‮ ‬بوو گیانی‮ ‬لە دەست دا،‮ ‬چۆن بۆتان باس بكەم بەراستی‮ ‬تاڵی‮ ‬و دەردەسەری‮ ‬زۆرمان بێت،‮ ‬هەتا پیاوەكانی‮ ‬ئێمە دەچوون ئیش و كاریان دەكرد بۆ بژێوی‮ ‬ژیان،‮ ‬لە‮ ‬ماوەی‮ ‬4 ‮ ‬ساڵ زیاتر زۆر بە رەزالەت ژیانمان بردەسەر،‮ ‬پاشان ئێمەیان گواستەوە بۆ قوشتەپە‮. ‬لە‮ ‬31/7/1983 ‮ ‬رژێم لە بەرەبانێكی‮ ‬زوودا بە سوپایەكی‮ ‬گەورەی‮ ‬سەربازی‮ ‬و بە هەلیكۆپتەر و تانك هاتن و‮ ‬دەوری‮ ‬ئوردوگای‮ ‬قوشتەپەیان گرت و هێڕشیان كردە ناو ماڵەكان‮ ‬و هەموو ئەو پیاوە بارزانییانەی‮ ‬لە تەمەنی‮ ‬لاوی‮ ‬تا‮ ‬تەمەنی‮ ‬بە سەرەوە بوون بردیان و هەتا هاوسەرم‮ (‬حەسەن چاوشین‮) ‬و كوڕەكەم‮ (‬عارف‮) ‬و برای‮ ‬هاوسەرم‮ (‬جادر‮) ‬كە دەیانویست چێشت بخۆن و بچنە سەركار بۆ بژێوی‮ ‬ژیان‮ ‬لە گەڵ پیاوەكانی‮ ‬تری‮ ‬بارزانییەكان هەموویان پێكەوە گرتن‮ ‬و نەیانهێشت لە ژوورەوە دەربچن و ئەنفال كران‮.‬
دایكە‮ (‬خەجیج فەقۆ ئیسۆمەری‮) ‬كوڕەكەی‮ ‬عەلی‮ ‬لەگەڵ چەندەها خزم و كەسی‮ ‬لە ئەنفالكراوەكانی‮ ‬بارزانییەكانن كە لە قوشتەپە لە‮ ‬31/7/1983 ‮ ‬ئەنفالكرابوون،‮ ‬لەمبارەیەوە گوتی‮:‬
بەرەبەیانێكی‮ ‬كە هێشتا نوێژی‮ ‬بەیانی‮ ‬نەببوو،‮ ‬سوپای‮ ‬دڕندەی‮ ‬رژێمی‮ ‬بەعس بە جۆرەها هەلیكۆپترو هێزی‮ ‬عەسكەری‮ ‬و تانك دەورەیان لەم ئۆردوگایە دابوو،‮ ‬پیاوانی‮ ‬ئێمە كە دەچوونە سەر ئیش لە سەر رێگا هەموویان گرتن و ئەنفالیان كردن،‮ ‬كوڕەكەم‮ (‬عەلی‮) ‬لەگەڵ چەندەها كەسوكاری‮ ‬ترم و هەموو ئەو پیاوە بارزانییەكان لە تەمەنی‮ ‬لاویەتی‮ ‬تا پیر و ئەوانەی‮ ‬كە پەككەوتوو بوون ئەنفال كران،‮ ‬دواتر ئێمە لەم ئۆردوگایەدا نەمانزانی‮ ‬چی‮ ‬بكەین لە لایەك شین و گریان و لە لایەكی‮ ‬تر بێ كەسی‮ ‬و تەنها ئافرەتان و منداڵانی‮ ‬بچوك و ساوا مابووین،‮ ‬كەس نەبوو ئیش و كارمان بۆ بكات و چ ژیانمان نەبوو،‮ ‬كاری‮ ‬ئێمە ببووە گریان و بێكەس و هەژار ماینەوە و چەند ماڵێك لە‮ ‬یەك خانوودا كۆدەبووینەوە تا بەیانی‮ ‬و تەنها بە ئێمەیان دەگوت كە پیاوەكانتان دەبەنە كەركووك كۆبوونەوەیەكیان پێ دەكەن‮.‬
خاتوو‮ (‬فاتیما شا حوسێن‮) ‬كە هاوسەری‮ ‬ئەنفالكراوە‮ ‬یەكێك لە كەسوكاری‮ ‬ئەنفاكراوی‮ ‬بارزانییەكان بووە كە وەك شاهیدحاڵێك‮ ‬لە بەغدا لە هۆلی‮ ‬دادگای‮ ‬سەددام حوسێن و دارو دەستەی‮ ‬وەكو شاهید حاڵێك شاهیدی‮ ‬داوە،‮ ‬لە بارەی‮ ‬كارەساتی‮ ‬ئەنفال گوتی‮:‬
هاوسەری‮ ‬من‮ (‬خۆشەوی‮ ‬حەمۆ مەحمود‮) ‬كە لە سەررێگا ئەنفال كرا لە گەڵ بارزانیەكان و من هاوسەرم و باوكم و‮ ‬2 ‮ ‬برایەكانم و برایەكانی‮ ‬هاوسەرم و‮ ‬4 ‮ ‬هاوسەری‮ ‬خوشكەكانم،‮ ‬نزیكی‮ ‬40 ‮ ‬كەس لە بنەماڵەكەم لە گەڵ بارزانییەكان ئەنفال كران،‮ ‬پاشان هەموویان گرتن لە ناو زیلی‮ ‬عەسكەری‮ ‬و مەنشەئیان كرد و دواتر ئێمەیان بە ئافرەت و منداڵ لە ژوورەوە گرتن و چەندین جار تەقەیان كرد تەنها چەندین ئافرەت بریندار بوون دواتر ئێمە لەم ئوردوگایەدا نەمانزانی‮ ‬چی‮ ‬بكەین و لە لایەك شین و گریان و لە لایەكی‮ ‬تر بێ كەسی‮ ‬و تەنها ئافرەتان و منداڵانی‮ ‬بچووك و ساوا مابووین،‮ ‬كەس نەبوو ئیش و كارمان بۆ بكات و چ ژیانمان نەبوو،‮ ‬دەچووینە سەر ئیش و بۆ بژێوی‮ ‬ژیان هەر جورە ئیشێكیان دەست بكەوتایە دەیانكرد،‮ ‬وەكو تەماتەو پیاز وچاندن و‮.. ‬هتد و نەمان دەهێشت بە رەزیلی‮ ‬بژین،‮ ‬بەراستی‮ ‬زۆر ناخۆشیمان دێت‮. ‬من بەخۆم‮ ‬یەكێك لەو كەسوكارانەی‮ ‬ئەنفالكراوەكانی‮ ‬بارزانییەكان بووم كەلە بەغدا لە هۆڵی‮ ‬دادگای‮ ‬سەددام حوسێن و دارودەستەی‮ ‬وەكو شاهید حاڵێك شاهیدیم دا كە ئەوان چەند زاڵم و بێ وێژدان و زۆردار بوون‮. ‬بۆیە سەربەرزم كە ئەو تاوانكارانە بە سزای‮ ‬خۆیان گەیشتن‮.‬
لە دوایی‮ ‬ئەنفالكردنی‮ ‬پیاوەكانی‮ ‬بارزانییەكان لە‮ ‬قوشتەپە‮ ‬لێمان پرسی‮ ‬هەڵسوكەوتی‮ ‬بەعسیەكان چی‮ ‬بوو بەرامبەر ئێوە ژن و منداڵەكان و چێـتان دەكرد لە وەڵامی‮ ‬دا‮ ‬دایكە‮ (‬خەجیج ئیسۆمەری‮) ‬بە‮ ‬غەمباری‮ ‬گوتی‮:‬
دوایی‮ ‬بەعسیەكان هەموو كۆمەڵگایان كونترۆڵ كردو هەتا نەیاننهێشت كەس لە كۆمەڵگا بچێتە دەرەوەو حكوومەتی‮ ‬بەعسی‮ ‬ئێراق ئاو كارەبای‮ ‬لە ئێمە بڕی‮ ‬كە پلەی‮ ‬گەرمی‮ ‬زۆر بەرز بوو و هەتا ئەرزاقیشیان ئێمە بڕی،‮ ‬قوتابخانەی‮ ‬وێران كردونەیانهێشت منداڵەكانمان بخوێنن و هەتا بنكەی‮ ‬نەخۆشخانەكانیان وێران كرد،‮ ‬زۆر كارەساتمان بەسەرداهات،‮ ‬هاوسەری‮ ‬كوڕەكەم‮ (‬عەیشە‮) ‬كە چەند منداڵی‮ ‬هەبوو لەگەڵ ئافرەتانی‮ ‬تر دەچووەو منداڵیش لە ناو سكی‮ ‬دا بوو و دەبووایە كاریان كردە بووایە و شەوانەش دەبوایە پاسەوانی‮ ‬منداڵەكانیان بكەن،‮ ‬بەخۆم دەچوم بۆ سەر ئیش،‮ ‬بەراستی‮ ‬زۆر ناخوشیمان دیت‮. ‬جوامێرانەو هەستی‮ ‬نەتەوەیی‮ ‬خەڵكی‮ ‬هەولێر نابێ ئێمە هیچ كات لە بیری‮ ‬بكەین‮. ‬لای‮ ‬خەڵكی‮ ‬هەولێرو دەوروبەری‮ ‬زۆر هاوكاری‮ ‬ئێمەیان كرد و زۆربەیان بە نهێنی‮ ‬خۆیان توشی‮ ‬مەترسی‮ ‬كرد بوو،‮ ‬بە راستی‮ ‬رۆڵی‮ ‬مەردانەو‮ ‬ئێمە هەموو كاتێك جێگەی‮ ‬رێزن‮.‬
لە بارەی‮ ‬ژیانی‮ ‬ئافرەتەكان كە لە دوایی‮ ‬پیاوە بارزانیەكان كەئەنفال دەكرین‮ ‬ئافرەتی‮ ‬روسی‮ ‬دایكە‮ (‬گوڵ خانم‮) ‬هاوسەری‮ (‬مستەفا سەعید داوێدیكی‮) ‬یەكێك لە هەڤاڵانی‮ ‬بارزانیی‮ ‬نەمر‮ ‬بۆ سۆڤیەتی‮ ‬جاران لە ساڵی‮ ‬1983 ‮ ‬كە لەگەڵ كوڕو‮ ‬و خزم و كەسی‮ ‬ئەنفال دەكرین بەر لە كۆچی‮ ‬دوایی‮ ‬بۆخەباتی‮ ‬دوا‮:‬
بە‮ ‬ڕاستی‮ ‬زۆر ناخۆش بوو،‮ ‬من كە هاوسەر و منداڵەكانم ئەنفالكرا بوون و دەبووایە منداڵەكانی‮ ‬تر و نەوەكانم بە خێو بكەم وهەتا ئافرەتانی‮ ‬تریش بە هەمان شێوە،‮ ‬جا كەس نەبوو ئیش و كارمان بۆ ئێمە بكات و هیچ ژیانمان نەبوو بۆ ئەوەی‮ ‬بژین‮ ‬،‮ ‬هەتاحكومەتی‮ ‬رژێمی‮ ‬بەعسی‮ ‬و ئەرزاق و ئاو و كارەبایان لە ئێمە بری،‮ ‬هەتا‮ ‬منداڵەكانی‮ ‬ئێمە كە ئاویان دەهینا لە سەر كانیەكان‮ ‬رژێمی‮ ‬داگیر كەر ئاویان لی‮ ‬دەڕژاند،‮ ‬قوتابخانە و نەخۆشخانەیان وێران كرد،‮ ‬بۆ بژیوی‮ ‬ژیان كارمان دەكرد و شەو و رۆژ دەگریاین و ئێمەی‮ ‬ئافرەتان بۆ بژیوی‮ ‬پیداویستیەكانی‮ ‬ژیان دەچووینە ئیش هەرچی‮ ‬هەبووایە دەمان كرد وەكو ئیشی‮ ‬تەماتە و پیازچاندن و‮ ‬و هەموو جۆر ئیشی‮ ‬و هەتا زۆربەی‮ ‬ئافرەتاتان زۆر ئیشی‮ ‬زەحمەت وەكو ئیشی‮ ‬پیاوانیان‮ ‬وەكو چیمەنتۆ كیشانەوە و كرێكاری‮ ‬دەكرد بە حەقیقەت زۆر ناخۆشیمان دیت‮ ‬و جێگای‮ ‬خۆیە كە ئێمە قەد نابی‮ ‬چاكەی‮ ‬خەڵكی‮ ‬هەولێر و دەوروبەری‮ ‬كە زۆر هاوكاری‮ ‬ئێمەیان دەكرد و لە هەموو روویەكەوە كە مرۆڤ دۆست و دڵسۆز بوون زۆربەیان بە نهێنی‮ ‬خۆیان توشی‮ ‬مەترسی‮ ‬كرد بوو كە رۆڵی‮ ‬مەردایەتی‮ ‬و ئەو‮ ‬هەستە نەتەوەییان كە بە ئێمە هەبوو بۆ ئێمە‮ ‬یان سەلماند سوپاسیان دەكەم،‮ ‬جا بۆیە من‮ ‬ناتوانم هەموو شت باس بكەم وچونكە دوایی‮ ‬ئەنفالكردن‮ ‬پیاوەكانمان ئێمە ئافرەتان زۆر رەزالەت و زەحمەتی‮ ‬و ناخۆشی‮ ‬و دوژواریمان و هەژاریمان‮ ‬كێشا‮ .‬جا بۆیە هەموو دایكە ئەنفالەكانی‮ ‬كوردستانیش بە هەمان شێوە وەك ئێمە بوونە و ژیانیان بە سەختی‮ ‬گوزەراندووە‮.‬
ئافرەتی‮ ‬روسی‮ ‬دایكە‮ (‬سڤیتا ئەلكسەندەر‮) ‬هاوسەری‮ ‬هەڤاڵی‮ ‬بارزانیی‮ ‬نەمر(خواجە عەلی‮ ‬ئاوەدورێ‮) ‬،‮ ‬یەكێك لەو ئافرەتانە بوو كە هاوسەرو كوڕێكی‮ ‬بەر شاڵاوی‮ ‬ئەنفالكردنی‮ ‬بارزانییەكان كەوتوە لە ئوردوگای‮ ‬قوشتەپە لە‮ ‬31/7/1983، كە دوای‮ ‬ئەنفالكردنی،‮ ‬ئەمەش وەك كارەساتێك ئاسەواری‮ ‬خراپی‮ ‬بەسەر ژیانیەوە جێهێشتووە،‮ ‬لەمبارەیەوە بە هەستێكی‮ ‬غەمبارەوە گوتی‮:‬
لە‮ ‬31/7/1983 ‮ ‬هەموو پیاوە بارزانییەكان و هاوسەرم كە دەچوونە سەر ئیش هەموویان‮ ‬بە شێوەیەكی‮ ‬نامرۆڤانە رەشبگیر كرد،‮ ‬دەوری‮ ‬ئۆردوگای‮ ‬قوشتەپەیان دا و هەموو ئەو پیاوانەی‮ ‬لە تەمەنی‮ ‬لاویەتی‮ ‬تا پەككەوتەو پیر هەموویان بردن و هاوسەرم و كوڕەكەم و كەس و كارم لە گەڵ ئەو پیاوانە هەموویان ئەنفالكران،‮ ‬دوای‮ ‬ئەوان‮ ‬كەس نەبوو نەمادەزانی‮ ‬چ بكەین لە لایەك شین و گریان و لە لایەك بژێوی‮ ‬ژیانی‮ ‬منداڵەكانمان ببونە بارێكی‮ ‬گران بەسەرمانەوە،‮ ‬ئافرەتان هەموو جۆرە رەزالەتیەكیان بینیووە،‮ ‬دوای‮ ‬ساڵێك حكومەتی‮ ‬بەعس منیان بۆ ماوەی‮ ‬2 ‮ ‬ساڵ لە بەغداد حەبس كرد،‮ ‬چونكە دەیانگوت تۆ ئافرەتێكی‮ ‬بیانی‮. ‬ئیدی‮ ‬سەرەڕای‮ ‬ئەوەی‮ ‬كە هاوسەرەكەم ئەنفال كرابوو دووری‮ ‬لە منداڵەكانیشم بۆمن زۆر ناخۆش بوو دوای‮ ‬2 ‮ ‬ساڵ منیان ئازاد كرد،‮ ‬پاشان لە ساڵی‮ ‬1986 رەوانەی‮ ‬روسیا كرامەوەو چوومە تاشكەند،‮ ‬بەڵام دڵم لای‮ ‬منداڵەكانم بوو،‮ ‬دەمویست بگەڕێمەوە لایان،‮ ‬2 ‮ ‬ساڵ ئیشم كرد بۆ ئەوەی‮ ‬توانم هەبێت بۆ گەڕانەوە،‮ ‬بە حكومەتی‮ ‬روسیام گوت‮: ‬كە دەمەوێت سەفەر بكەم بۆ كوردستان،‮ ‬ڤیزایان بۆ من لێ دا و لە ساڵی‮ ‬1988 ‮ ‬لە رێگەی‮ ‬بەغداوە گەڕامەوە كوردستان و چوومە كۆمەڵگای‮ ‬قوشتەپە لە ناو كەسوكارم و خۆشحاڵم بووم كە دیسان‮ ‬گەڕامەوە كوردستان‮ .‬من‮ ‬یەكێك لەو كەسوكارانەی‮ ‬ئەنفالكراوەكانی‮ ‬بارزانییەكان بووم كە لە بەغدا لە هۆڵی‮ ‬دادگای‮ ‬سەددام حوسێن و دارو دەستەی‮ ‬وەكو شاهیدحاڵێك شاهیدیم دا كە ئەوان چەند زاڵم و بی‮ ‬ویژدان و زۆردار بوون‮. ‬بۆیە سەربەرزم كە ئەو تاوانكارانە بە سزای‮ ‬خۆیان گەیشتن‮. ‬زۆر سوپاسی‮ ‬بەرێز جەنابی‮ ‬سەرۆك مەسعود بارزانی‮ ‬و سەرۆكی‮ ‬حكوومەتی‮ ‬كوردستان نێچیرڤان بارزانی‮ ‬دەكەم بۆ هێنانەوەی‮ ‬تەرمی‮ ‬ئەنفالكراوەكان‮. ‬لە كۆتاییدا سەرەخۆشی‮ ‬خۆشم لە بنەماڵەی‮ ‬ئەنفالكراوەكانی‮ ‬هەموو كوردستان و بنەماڵەی‮ ‬سەربەرزی‮ ‬شەهیدان دەكەم و پێیان دەڵێم،‮ ‬خوێنی‮ ‬ئەوان بە فیڕۆ نەچووەو لە ژێر سایەی‮ ‬ئەوان و پێشمەرگە قارەمانەكاندا خاوەن پەرلمان و حكوومەتی‮ ‬هەرێمی‮ ‬كوردستانین لە سایەی‮ ‬سەرۆكایەتی‮ ‬كوڕی‮ ‬بارزانیی‮ ‬نەمر بەرێز جەنابی‮ ‬مسعود بارزانی‮ ‬بە ئازادی‮ ‬و تەناهی‮ ‬دەژین‮. ‬داوا لە حكومەتی‮ ‬هەرێمی‮ ‬كوردستان دەكەم زیاتر هاوكاری‮ ‬تەواوی‮ ‬خانەوادەی‮ ‬ئەنفالكراوەكان بكەن‮. ‬ئەوەی‮ ‬ئەمڕۆش ئێمە دەیبینین لە سایەی‮ ‬خەبات و ماندووبوونی‮ ‬رابەری‮ ‬كورد بارزانیی‮ ‬نەمرو گشت پێشمەرگەی‮ ‬كوردستان و خوێنی‮ ‬شەهیدان و هەموو ئەنفالكراوەكانی‮ ‬كوردستان بە دەست هاتوەو،‮ ‬داوام ئەوەیە كە هەموو كاتێك‮ ‬یەك بین بۆ پاراستن و پێشكەوتنی‮ ‬كوردستان‮.‬

 
چاپکردن   Share گه‌ڕانه‌وه‌