2017-07-30

خەبات‮: بڕیار كۆیی

چەند‮ ‬ڕۆژێكە دەنگۆی‮ ‬گرانبوونی‮ ‬نرخی‮ ‬خۆراك و كەلوپەل و پێویستی‮ ‬ڕۆژانە هاووڵاتیان بڵاوبووەتەوە و قایمقامی‮ ‬ناوەندی‮ ‬هەولێریش بە وەكالەت،‮ ‬دەڵێ ئەوەی‮ ‬هەیە تەنیا دەنگۆیە و بەهیچ شێوەیەك و لەهیچ شوێنێكیش نرخی‮ ‬خۆراك و كەلوپەل زیادی‮ ‬نەكردووە و هەر كەسێك سەرپێچی‮ ‬بكات توندرین سزا دەدرێت،‮ ‬هەروەها‮ ‬یەكێتی‮ ‬ژوورە بازرگانی‮ ‬و پیشەسازییەكانی‮ ‬هەرێمی‮ ‬كوردستان لە‮ ‬ڕوونكردنەوەیەكدا هاووڵاتیانی‮ ‬هەرێمی‮ ‬كوردستان دڵنیا دەكاتەوە كە هیچ كێشەیەكی‮ ‬كەمی‮ ‬خۆراك و گرانبوونی‮ ‬كاڵا و كەلوپەلی‮ ‬پێویست لەبازاڕەكانی‮ ‬سەرتاسەری‮ ‬هەرێمی‮ ‬كوردستان نییە‮.‬

نەبەز عەبدولحەمید،‮ ‬قایمقامی‮ ‬قەزای‮ ‬ناوەندی‮ ‬هەولێر بە وەكالەت لە لێدوانێكیدا بۆ (خەبات‮) ‬ڕەتیكردەوە،‮ ‬كە لەچەند‮ ‬ڕۆژی‮ ‬ڕابردوودا نرخی‮ ‬هیچ كەلوپەل و خۆراكێك لەسنووری‮ ‬شاری‮ ‬هەولێر بەرزبووبێتەوە و گوتی‮: ‬ئەوەی‮ ‬دەگوترێت تەنیا دەنگۆیە و هەموو نرخەكان وەكو خۆیانن و هیچ گۆڕانكارییەكی‮ ‬بەسەردا نەهاتووە‮. ‬دەشڵێ لیژنەیەكی‮ ‬تایبەت لە قایمامییەتی‮ ‬ناوەندی‮ ‬هەولێر پێكهاتووە و سەردانی‮ ‬سەرجەم ماركێت و مۆڵ و بازاڕەكان دەكات و بە وردی‮ ‬چاودێری‮ ‬نرخەكان دەكات و لە چەند‮ ‬ڕۆژی‮ ‬ڕابردوودا هیچ سەرپێچییەك تۆمارنەكراوە

نەبەز ئەحمەد دەشڵێ كەلوپەل و خۆراك و هەموو پێداویستییەكانی‮ ‬هاووڵاتیان هەروەكو‮ ‬ڕۆژانی‮ ‬ڕابردوو بەبەردەوامی‮ ‬هاوردەی‮ ‬هەرێمی‮ ‬كوردستان و شاری‮ ‬هەولێر دەكرێت و هیچ‮ ‬ڕێگرییەك لەوبارەیەوە نییە و بەڵكو بڕێكی‮ ‬زۆر زیاتر لە جاران هاوردە دەكرێت ئەمەش بەهۆی‮ ‬زۆری‮ ‬خواست لەسەر كڕینیان‮. ‬گوتیشی‮: ‬لە چەند‮ ‬ڕۆژی‮ ‬ڕابردوودا لەگەڵ زۆرینەی‮ ‬بازرگانەكان كۆبوونەوەمان كردووە و بە‮ ‬ڕوونی‮ ‬پێمان گوتوون كە بەهیچ شێوەیەك لێیان قبوڵ ناكرێت دەستكاری‮ ‬نرخ بكەن‮ ‬یاخود بڕێكی‮ ‬زۆر خۆراك و پێداویستی‮ ‬لە كۆگاكانیان هەڵبگرن و چەند رۆژێك پێش ئێستا سەردانی‮ ‬كۆگاكانی‮ ‬خۆراكمان كردووە و بۆمان دەركەوت هەموو شتێك باشە و وەكو خۆیەتی‮ ‬و سەرجەم كۆگاكان كراوەن و هیچ كەسێك بۆی‮ ‬نییە دەرگا لەسەر كۆگاكەی‮ ‬دابخات‮.‬

قایمقامی‮ ‬ناوەندی‮ ‬هەولێر بە وەكالەت ئاماژەی‮ ‬بۆ ئەوەشكرد كە ئەوان بەردەوامن لە چاودێریكردنی‮ ‬بازاڕ‮ ‬و هەر دوكاندار و خاوەن ماركێت و بازرگانێك سەرپێچی‮ ‬بكات بە توندی‮ ‬سزا دەدرێت و شوێنەكەشی‮ ‬دادەخرێت.داوای‮ ‬لە دانیشتووانی‮ ‬شاری‮ ‬هەولێریش كرد كە هەركاتێك زانییان لە هەر شوێنێك نرخ گۆڕانكاری‮ ‬تێدا كراوە و گران بووە ئەوە بە زووترین كات پەیوەندی‮ ‬بە لیژنەكانی‮ ‬قایمامییەتی‮ ‬هەولێرەوە‮ ‬بكەن بۆ گرتنەبەری‮ ‬ڕێوشوێنی‮ ‬پێویست‮.‬

لەلایەكی‮ ‬دیكەوە،یەكێتی‮ ‬ژوورە بازرگانی‮ ‬و پیشەسازییەكانی‮ ‬هەرێمی‮ ‬كوردستان،لەڕوونكردنەوەیەكدا هاووڵاتیانی‮ ‬هەرێمی‮ ‬كوردستان دڵنیادەكاتەوەكە هیچ كێشەیەكی‮ ‬كەمی‮ ‬خۆراك و گرانبوونی‮ ‬كاڵاو كەلوپەلی‮ ‬پێویست لەبازاڕەكانی‮ ‬سەرتاسەری‮ ‬هەرێمی‮ ‬كوردستان نییە‮.‬

لەڕوونكردنەوەكەدا كە وێنەیەكی‮ ‬بۆ (خەبات)نێردراوە هاتووە"ئێمە لێرەدا هاووڵاتیانی‮ ‬هەرێمی‮ ‬كوردستان دڵنیادەكەینەوە،‮ ‬كەهیچ كێشەیەكی‮ ‬كەمی‮ ‬خۆراك و گرانبوونی‮ ‬كاڵا و كەلوپەلی‮ ‬پێویست لە بازارەكانی‮ ‬كوردستاندا نیە و پەیوەندی‮ ‬بەردەواممان لەگەل‮ ‬َژوورەكانی‮ ‬بازرگانی‮ ‬و پیشەسازی‮ ‬هەولێر و دهۆك و سلێمانی‮ ‬و كەركووك و خاڵەسنووریەكان و بازار هەیە،كە هاوردەكردنی‮ ‬كاڵا و كەولوپەل وەكو خۆیەتی‮ ‬و هیچ كەمبوونەوەیەك‮ ‬یان تەگەرەیەك بەدیناكرێ‮".‬

ئاماژە بەئەوەش دراوە كە بازرگانان بەردەوامن لە هێنانی‮ ‬كەلوپەلی‮ ‬خۆراك و پێداویستی‮ ‬رۆژانەی‮ ‬هاووڵاتیان،‮ ‬لایەنە پەیوەندارەكانیش هیچ رێنمایەكیان سەبارەت بە شێوازی‮ ‬هێنانی‮ ‬كەلوپەلی‮ ‬خۆراك،دەرنەكردووە‮.‬

لەبەشێكی‮ ‬دیكەی‮ ‬ڕوونكردنەوەكەی‮ ‬یەكێتی‮ ‬ژوورە بازرگانی‮ ‬و پیشەسازییەكانی‮ ‬هەرێمی‮ ‬كوردستاندا هاتووە"جگە لە خزمەتكردن بە ناحەزانی‮ ‬كوردستان و زیانگەیاندن بە هاووڵاتیانی‮ ‬هەرێمی‮ ‬كوردستان،هیچ شتێكی‮ ‬دیكەی‮ ‬لێ بەدیناكرێ‮. ‬هیوادارین بازرگانانیش بەردەوامبن لە هێنانی‮ ‬كاڵا و كەلوپەلی‮ ‬پێویست و ئێمەش وەكو‮ ‬یەكێتی‮ ‬ژوورەكان ئامادەیی‮ ‬هەموو جۆرە هاوكاری‮ ‬و هەماهەنگییەكین‮".‬

 
چاپکردن   Share گه‌ڕانه‌وه‌