2017-07-29

رووبار ئەحمەد مارسیدس لەدایكبووی5 / 2 / 1968 ‮ ‬سلێمانیە،‮ ‬كۆلێژی‮ ‬هونەرەجوانەكانی‮ ‬بەغدا‮- ‬بەشی‮ ‬شانۆی‮ ‬تەواو كردووە،‮ ‬بۆ ماوەی3 ‮ ‬ساڵ سەرپەرشتیاری‮ ‬هونەری‮ ‬بووم لە چالاكی‮ ‬قوتابخانەكانی‮ ‬سلێمانی‮ ‬،لە‮ ‬ساڵی‮ ‬2008 ‮ ‬بووم بە دامەزرێنەر و بەڕێوەبەری‮ ‬قوتابخانەی‮ ‬فێرگەی‮ ‬بالێی‮ ‬سلێمانی‮ ‬و لە‮ ‬2014 ـەوە ئەم قوتابخانەیە داخرا،‮ ‬لە‮ ‬2010دا بوومە دامەزرێنەری‮ ‬گرووپی‮ ‬لەیزین بۆ سەمای‮ ‬بالێ و هونەری‮ ‬شانۆ و ئەندامێكی‮ ‬كارام لە دەستەی‮ ‬كارگێڕی‮ ‬ئەم گرووپە‮ ‬،‮ ‬لە ئێستادا فەرمانبەرم لە بەڕێوەبەرایەتی‮ ‬هونەری‮ ‬شانۆی‮ ‬سلێمانی،‮ ‬بۆ ماوەی‮ ‬4 سال وەك راگەیاندن ئیشم لە كەناڵە كوردییەكاندا كردووە وەك‮ ‬پێشكەشكار‮ -‬ ئامادەكار‮. ‬سەرپەرشتی‮ ‬چەندین‮ ‬سمیناری‮ ‬گرووپەكەیانی‮ ‬كردووەو بەردەوامە لە سازدانی‮ ‬سمیناری‮ ‬تریش،‮ ‬ئەندامی‮ ‬لیژنەی‮ ‬باڵای‮ ‬فستیڤاڵی‮ ‬شانۆی‮ ‬سلێمانی‮ ‬بۆ دەقی‮ ‬كوردی‮ ‬بوو‮ ‬27/3/2017 ‮ ‬تا ئێستا‮ ‬27‮‬ خەڵاتی‮ ‬یەكەم و رێزلێنانی‮ ‬پێ بەخشراوە لە بوارە جیاجیاكانی‮ ‬وەك‮ ‬داهێنان و ئەكتەری‮ ‬شانۆیی‮ ‬و درامی‮ ‬و دەرهێنانی‮ ‬شانۆیی‮ ‬و كوریۆگرافی‮ ‬دا‮.‬

ئەمە دەستپێكی‮ ‬وتەكانی‮ ‬خاتوو‮ ‬ڕووبار ئەحمەد مارسیدس بوو كە بۆ‮ ‬خەبات‮‬ی‮ ‬كردن،‮ ‬لەم دیمانەیەدا بۆچوونەكانی‮ ‬ئەو شانۆكارە بەئەزموونە بخوێنەرەوە‮:‬

‮❊ ‬چی‮ ‬دەربارەی‮ ‬هونەری‮ ‬كوردی‮ ‬دەڵێیت؟

‮- ‬هونەری‮ ‬كوردی‮ ‬لەم بارە هەستیارەدا پێشەنگە بەتایبەتی‮ ‬هونەری‮ ‬شانۆ و سینەما‮ ‬ئەو پێشكەوتنەی‮ ‬ئەمڕۆی‮ ‬تەكنۆلۆجیا هونەری‮ ‬كوردی‮ ‬لەرووی‮ ‬تەكنیك و سینۆگرافیا لاوازە،‮ ‬بەڵام لەگەڵ ئەوەشدا هونەری‮ ‬شانۆ لەبرەودایە‮. ‬

❊ ‬هۆكار چییە كە بینەر لەشانۆ و لە درامای‮ ‬كوردی‮ ‬تۆراوە؟

‮- ‬بۆچی‮ ‬بینەر تۆراوە ئێوەی‮ ‬رۆشنبیران ونووسەران و راگەیاندن چەند كاری‮ ‬شانۆیی‮ ‬دەبینن ئەو پرسیارە بۆ ئێوەیە،‮ ‬ئێمەی‮ ‬شانۆكار بەردەوام شانۆ نمایش دەكەین بۆ نایەن لەبەر ئەوەی‮ ‬كارت هەیە و سەرقاڵیت‮ ‬یان ئیشی‮ ‬گاڵتەجاڕو هەزەلیت دەوێت ؟

‮❊ ‬دەبێت چی‮ ‬بكرێت بەبۆچوونی‮ ‬تۆ هەتا بینەرو شانۆو درامای‮ ‬كوردی‮ ‬ئاشت بكرێنەوە؟

‮- ‬بەراستی‮ ‬پێم سەیرە ئەم پرسیارە بۆ بینەر لە شانۆ تۆراوە‮ ‬یەكێ نەزانێ وا تێئەگات كە بینەری‮ ‬موزیك و پێشانگاكان و داهێنانی‮ ‬تەكنەلۆجیا لە بواری‮ ‬كشتوكاڵ و هەندەسەو تەندروستی‮ ‬و تەنانەت نووسیندا زۆرە هەر دراماو شانۆ پەكی‮ ‬كەوتووە كە پێچەوانەكەی‮ ‬راستە لەم نەهامەتی‮ ‬و نەبونیەدا خۆم هەر ئەمساڵ بەشداری‮ ‬دوو فستیڤاڵی‮ ‬شانۆم كردووە‮ ‬یەكیان وەك لیژنەی‮ ‬باڵای‮ ‬فستیڤاڵی‮ ‬سلێمانی‮ ‬بۆ دەقی‮ ‬كوردی‮ ‬ئەوی‮ ‬تریشیان هەفتەی‮ ‬پێشوو لەهەولێر بوو باشترین گەواهیدەر خەڵاتەكەمە كە پرسیارت لەسەر كردووە‮. ‬

❊ ‬دووەم فستیڤاڵی‮ ‬شانۆی‮ ‬هەولێر بەلاتەوە چۆن بوو؟ تاچەند ئەم ڤیستیڤاڵانە كاریگەری‮ ‬باشیان هەیە؟

‮- ‬بەرای‮ ‬من دەبێت لەساڵێكدا بەدەیەها فستیڤاڵ ساز بكرێت نەك‮ ‬یەك و دوان بەدڵنیایی‮ ‬فستیڤاڵی‮ ‬هەولێرم پێ باش دەبێت هەتا ئەگەر كارەكانیش زۆر باش نەبن چونكە بەردەوامی‮ ‬سەركەوتن بەدەست دەهێنێت‮ . ‬هیوادارم بۆ ساڵی‮ ‬داهاتوو بتوانن كەم وكورتیەكان چارەسەر بكەن‮ . ‬دەرگایەكی‮ ‬زۆر دەكرێتەوە لەبەردەم گەنجەكان كەتواناكانیان دەرخەن و بواریان بۆ بڕەخسێت كە بێنە ناوەندە هونەریەكەوە و كێبڕكێ لەسەركاری‮ ‬جوان بكرێت كەواتە هەوڵ دەدرێت كە هەموو توانایان بخەنەگەڕ‮ ‬بۆ بەدەستهێنانی‮ ‬هەلی‮ ‬بەشداری‮ ‬لە فستیڤاڵەكان وتێكەڵبوونی‮ ‬زۆری‮ ‬هونەرمەندانی‮ ‬شارو شارۆچكەكان و بەستنی‮ ‬پەیوەندی‮ ‬لە نێوانیان و ئاڵوگۆڕی‮ ‬بیرۆكەی‮ ‬جوان لەیەكتری‮. ‬

‮❊ ‬وەكوهونەرمەندێك دەربارەی‮ ‬سەربەخۆیی‮ ‬ودەوڵەتی‮ ‬كوردستان دەڵێیت چی؟

‮- ‬كەمێك مێژوی‮ ‬كوردم خوێندۆتەوە‮ ‬بەگریانەوە‮ ‬بەدرێژایی‮ ‬مێژووی‮ ‬كورد هەر نەمانتوانیوە دان بەیەكدا بنێین‮ ‬،واتە‮ ‬یەكتریمان پێ قبوڵ نەبووە بۆیە هەتا ئەمڕۆ نەگەیشتوین بە ئامانج‮ . ‬بۆیە ئێستا بەباشترین هەل دەزانم بۆ سەربەخۆیی‮ ‬چونكە دڵنیام ئەگەر ئەمڕۆ بەدەستی‮ ‬نەهێنین هەتا كورد مابێت بەدەستی‮ ‬ناهێنێت‮. ‬

❊ ‬رووبار ئەحمەد چی‮ ‬نەكردووە بەشانۆ و ئاواتیەتی‮ ‬لەداهاتوودا‮ ‬بیكات بەشانۆ؟

خوازیارم لەتوانامدا مابێت دەرهێنانێك بكەم،‮ ‬دكتۆر نیاز لەتیفی‮ ‬هاوسەرم نواندنم بۆ بكات تاكە شتە كە ئەگەر تەمەن وتەندروستی‮ ‬بوارم بدات بیكەم و مەحاڵ نییە‮ . ‬ئەوەی‮ ‬گرنگە لێرە كەبیڵێم ئەوەیە دەبوایە من كارم لە شانۆ نەكردایە،‮ ‬زۆر زۆر پەشیمانم كە هونەرمەندم و ناتوانم بوەستم‮ . ‬خۆزگە كەسێكی‮ ‬ئاسایی‮ ‬بوومایە ئەوكات‮ ‬یەكجار خەمم دەخوارد كەبۆ بوونم لەم كۆمەڵگایەدا نییە و تەواو،‮ ‬نەوەك وەك ئێستا رۆژانە سەدجار بكوژرێین وبریندار بكرێین و هەركۆڵ نەدەین نازانم بۆكێی‮ ‬ئەكەم‮ ‬31‮ ‬ساڵ خزمەت بە هەموو داهێنانێكەوە و خاوەنی‮ ‬27‮ ‬خەڵاتی‮ ‬جۆراوجۆرم بەڵام لەكۆكردنەوەی‮ ‬تۆز زیاتر هیچم لێ دەستنەكەوتووە‮ ‬،‮ ‬زۆر بەداخەوە‮!!‬

❊ ‬تاچەند نەوەی‮ ‬نوێ لەبواری‮ ‬شانۆ سوودیان لەئەزموونی‮ ‬ئێوەی‮ ‬پێشەنگ بینیووە؟

‮- ‬من نازانم نەوەی‮ ‬نوێ سوودی‮ ‬بینیوە‮ ‬یان نا؟‮ ‬ئەبێت ئەو پرسیارە لەوان بكرێت‮ ‬

‮❊ ‬ئایا بوونی‮ ‬رووبار مارسیدس كاریگەری‮ ‬هەبووە بۆیان‮ ‬یان نا ؟

‮- ‬خوازیارم هەبووبێت‮ .‬

❊ ‬روبار مارسیدس مانای‮ ‬چی‮ ‬لەچیەوە هاتووە؟

‮- ‬روبار ئەحمەد مارسیدس باوكی‮ ‬یەكەم كەس بوو لەسلیمانی‮ ‬سەیارەی‮ ‬مارسیدسی‮ ‬پی‮ ‬بوو هاوریكانی‮ ‬هەروا بانگیان ئەكرد واتا هی‮ ‬باوكمە‮. ‬

‮❊ ‬هیچ كات بووە لەماڵەوە لەگەڵ خێزانەكەت پرۆڤەبكەیت؟‮

هەمووكات پرۆڤەمان كردووە‮ ‬،‮ ‬بێ‮ ‬یەكتر كار ناكەین هەتا ئەوكاتانەی‮ ‬كە بیروڕاكانمان وەك‮ ‬یەكیش نەبووبێت‮ . ‬بەردەوام گۆڕینەوەی‮ ‬بیروڕا هەیە لەنێوانماندا و گوێ لەیەكیش دەگرین وجێبەجێشی‮ ‬دەكەین بەردەوام وەك دوو هاوڕێ كارمان كردوە و پێویستیمان بەیەكتر هەبووە‮. ‬

‮❊ ‬گرنگترین شت لای‮ ‬رووبار چییە لەكاتی‮ ‬نمایشدا؟

‮- ‬گرنگترین شت لەكاتی‮ ‬نمایشدا ئەوەیە كە شتی‮ ‬دووبارە پێشكەش بەبینەر نەكەم وبەدڵیان بێت،‮ ‬چونكە دواجار من كار بۆ بینەر دەكەم رازی‮ ‬بوونی‮ ‬ئەوان سەركەوتنی‮ ‬كارەكەی‮ ‬منە‮. ‬

‮❊ ‬تاچەند حەسادەت لەناو شانۆ كاران بەدی‮ ‬دەكرێت؟

‮- ‬حەسادەت لەهەموو شتێكدا هەیە بۆ ئەگەر لەناو حزب وسیاسەتدا نەبوایە ئێمە دەمێك بوو ببووینە دەوڵەت‮ ‬،‮ ‬حەسادەت لەناو خوێنی‮ ‬كوردا هەیە ئیتر بۆ لای‮ ‬شانۆكاراندا نەبێت لەهەموو چەمكەكانی‮ ‬هونەر،‮ ‬پەروەردە‮ ‬،‮ ‬زانست‮ ‬،‮ ‬ئەدەب‮ ‬،‮ ‬دیانەت‮ - ‬چەندینی‮ ‬تریش‮.‬

❊ ‬رووبار حەسوودی‮ ‬بەكێ دەبات؟

‮- ‬ناتوانم حەسوودی‮ ‬بەكەس بەرم‮ ‬،‮ ‬خۆم لەكەس بە بچووكتر نازانم تەنها‮ ‬نیاز لەتیف‮ ‬نەبێت‮ . ‬كەس لەخۆم شتی‮ ‬باشتری‮ ‬پێ نییە ئیتر چۆن ناوی‮ ‬دەبەن كێشەی‮ ‬من نییە‮.‬

‮❊ ‬دواپڕۆژەی‮ ‬هونەریت چییە؟

‮- ‬لە خۆئامادە كردندام بۆ رۆژی‮ ‬جیهانی‮ ‬بالێ‮ ‬10‭/‬2‮ ‬دەبێت،‮ ‬ئەگەر توانیمان‮.

 
چاپکردن   Share گه‌ڕانه‌وه‌