2017-07-29

پیاوێكی‮ ‬هەورامیی‮ ‬سەروسیما سپی،‮ ‬سنووری‮ ‬ئێران و عێراق دەبڕێت بۆ فرۆشتنی‮ ‬تەسبیحە ناوازە دەستكردەكانی،‮ ‬ئەو دەڵێت‮: "‬خۆم تەسبیحی‮ ‬قەزوان دروست دەكەم و دەیهێنمە هەرێمی‮ ‬كوردستان بۆ فرۆشتن،‮ ‬لەبەر باشی‮ ‬تەزبیحەكانم بە هەرزان نایانفرۆشم،‮ ‬بۆیە لە ئێران كڕیارم كەمە و لێرە پارەی‮ ‬باشترم دەست دەكەوێت‮".‬

مەحموود حەمە جەمین پیاوێكی‮ ‬سیما سپی‮ ‬تەمەنی‮ ‬62‮ ‬ساڵە و خەڵكی‮ ‬گوندی‮ ‬سەری‮ ‬پیرە و ئێستا نیشتەجێی‮ ‬شاری‮ ‬هەورامانی‮ ‬تەختە لە ئێران،‮ ‬ئەو خێزاندارە و سێ كوڕ‮ ‬و كچێكی‮ ‬هەیە و بژێوی‮ ‬ژیانی‮ ‬لە رێگەی‮ ‬فرۆشگای‮ ‬سەوقاتی‮ ‬و دیاری‮ ‬ناوچەی‮ ‬هەورامانەوە دابین دەكات،‮ ‬خۆشی‮ ‬وەستای‮ ‬دروستكردنی‮ ‬تەزبیحە لە هاوینەهەواری‮ ‬ئەحمەدئاوا سەرقاڵی‮ ‬فرۆشتنی‮ ‬تەزبیح بوو،‮ ‬بۆ ئاژانسی‮ ‬ئانادۆڵو قسەی‮ ‬كرد.ئەو كە پێشتر وەستا بووە بەڵام بە هۆی‮ ‬كەوتنەخوارەوەی‮ ‬و شكانی‮ ‬قاچیەوە وازی‮ ‬لە پیشەی‮ ‬وەستایی‮ ‬هێناوە،‮ ‬ماوەی‮ ‬چەند ساڵێكە كاری‮ ‬ئێستای‮ ‬دەكات،‮ ‬بۆ ئاژانسی‮ ‬ئانادۆڵو گوتی‮: "‬ئێستا لە ئێران پشووە و منیش بۆ فرۆشتنی‮ ‬تەزبیح هاتوومەتە هەرێمی‮ ‬كوردستان،‮ ‬ئەوەش وەك نەریتێكی‮ ‬لێهاتووە بۆ من و ماوەی‮ ‬چەند ساڵێكە پەیڕەوی‮ ‬لێدەكەم،‮ ‬كە بۆ فرۆشتنی‮ ‬تەزبیح و چەقۆ و سمڵی‮ ‬و مێخەك دێم،‮ ‬زۆرتریش خۆم دروستیان دەكەم،‮ ‬نرخی‮ ‬تەزبیحەكانم لە پێنج هەزار دیناری‮ ‬عێراقییەوە دەست پێدەكات تا دەگاتە‮ ‬50‮ ‬هەزار دینار‮".‬

پاییزان و لە كاتی‮ ‬پێگەیشتنی‮ ‬قەزواندا،‮ ‬وەستا مەحمود دەچێت قەزوان دەكات و لەپاڵ سوود وەرگرتن لەو قەزوانانەی‮ ‬بۆ تەزبیح دەشێن قەزوانەكەی‮ ‬تری‮ ‬دەفرۆشێت بە كڕیارە تایبەتییەكانی‮ ‬كە لە مەریوانەوە دەچن بۆی،‮ ‬خۆی‮ ‬گوتەنی‮ "‬شارەزایی‮ ‬تەواوم لە قەزوانەكان پەیدا كردووە،‮ ‬دەزانم كامە قەزوان بۆ تەزبیح گونجاوە و رەونەقی‮ ‬جوانتری‮ ‬هەیە‮".‬

حەمە جەمین كە لە مانگێكدا چل بۆ چل و پێنج تەزبیحی‮ ‬چاك دروست دەكات و زیاتر لە هەرێمی‮ ‬كوردستان ساغیان دەكاتەوە و دەیانفرۆشێت،‮ ‬دەڵێت‮ "‬دەچمە شار و ناوچەكانی‮ ‬تری‮ ‬لای‮ ‬خۆمان وەك پاوە و جوانڕۆ و وەیس،‮ ‬بەڵام لەوێ كڕیاری‮ ‬باشم نییە،‮ ‬چونكە تەزبیحەكانی‮ ‬من باشن و بە هەرزان نایانفرۆشم،‮ ‬بە تایبەتی‮ ‬تەزبیحە دەرەجە‮ ‬یەكەكانم گرانن،‮ ‬چونكە جوانن و نزیكەی‮ ‬250‮ ‬بۆ‮ ‬270‮ ‬دانە دەبن،‮ ‬تەزبیحی‮ ‬تریشمان هەیە كە بۆ زیكر و خوێندنی‮ ‬ویردەكان بەكاردەهێنرێت كە‮ ‬100‮ ‬دانەیە،‮ ‬ئەوان بە نرخی‮ ‬كەمتر دەفرۆشم كە ئەوانەیان لە هەندێ شوێنی‮ ‬ئێران رەغبەتی‮ ‬زیاتریان لەسەرە‮".‬

ئەو لەپاڵ تەزبیح فرۆشتنەكەیدا چەقۆی‮ ‬دەستكردی‮ ‬ناوچەی‮ ‬خۆیان و سمڵی‮ ‬و مێخەكیش دەفرۆشێت كە بەشێكی‮ ‬چەقۆكان خۆیان دروستی‮ ‬دەكەن و بەشێكیشی‮ ‬لە ناوچەكانی‮ ‬سەقز و بانەوە دەهێنێت،‮ ‬سمڵیش كە خۆیان چاكی‮ ‬دەكەن لە گیایەكی‮ ‬تایبەتی‮ ‬كە لە ناوچەی‮ ‬خۆیان و لە دەشتی‮ ‬سەوڵاوا زۆری‮ ‬لێیە،‮ ‬دروست دەكرێت كە رەگەكەی‮ ‬رەشە و لەژێر خاكدا دەردەهێنرێت دوای‮ ‬پاككردنی‮ ‬سپی‮ ‬دەبێت و دەیخەنە ناو ئاردەوە تا وشك دەبێتەوە و بۆنێكی‮ ‬خۆشی‮ ‬هەیە كە لەگەڵ مێخەك بۆ جوانكاریی‮ ‬و بۆ بۆنخۆشی‮ ‬لە لایەن خانمانەوە بەكاردەهێنرێت،‮ ‬بەڵام میخەك لای‮ ‬خۆیان نییە و لە دەرەوەی‮ ‬ئێرانەوە هاوردەی‮ ‬دەكەن و دواتر بە شێوەی‮ ‬ملوانكە دەیهۆنێتەوە و لەگەڵ سمڵیەكە دەیفرۆشێت‮. ‬

وەستا مەحمود دەڵێت‮: "‬خەڵكی‮ ‬هەرێمی‮ ‬كوردستان بە گشتی‮ ‬لەگەڵ بەكارهێنانی‮ ‬تەزبیح راهاتوون و دەیكڕن و هەمیشە پێیانە،‮ ‬كوردانی‮ ‬ئێرە لە سەردەمی‮ ‬ئاوارەییدا،‮ ‬خەڵكانی‮ ‬پاوە و مەریوان و بانەشیان فێری‮ ‬بەكارهێنانی‮ ‬تەزبیح كرد،‮ ‬چونكە پێشتر كوردی‮ ‬ئێران ئاشنایەتیان لەگەڵ تەزبیحدا نەبوو،‮ ‬بەڵام ئێستا لە بانە زیاتر تەزبیح بەكاردەهێنن تا لە سلێمانی،‮ ‬من خۆم لە كۆنەوە تەزبیح بەكاردەهێنم بە تایبەتی‮ ‬تەزبیحی‮ ‬قەزوان،‮ ‬ساڵی‮ ‬1993‮ ‬بوو،‮ ‬كەس تەزبیحی‮ ‬بەكار نەدەهێنا بەستەیەك تەزبیحم بردە دوكانێكی‮ ‬بەردەم بانكی‮ ‬كشتوكاڵی‮ ‬لە مەریوان،‮ ‬دوای‮ ‬ماوەیەك رۆشتمەوە دەبینم وەك خۆیەتی‮ ‬و نەفرۆشراوە،‮ ‬بەڵام دوای‮ ‬شەش مانگ سەردانم كردەوە دەبینم هەموو فرۆشگاكانی‮ ‬تر تەزبیحیان داناوە بۆفرۆشتن‮".‬سەبارەت بەوانەش تەزبیح بەكاردەهێنن،‮ ‬دەڵێت‮ "‬ئێستا بە تەمەنەكان تەزبیح بۆ زیكر و تەسبیحات بەكاردەهێنن،‮ ‬بەڵام گەنجەكان بۆ جوانی‮ ‬و بۆكات بەسەربردن هەڵی‮ ‬دەگرن‮".‬

 
چاپکردن   Share گه‌ڕانه‌وه‌