2017-07-24

سكرتێری‮ ‬حزبی‮ ‬شیوعی‮ ‬كوردستان لە سەرەتای‮ ‬دیدارەكەدا باسی‮ ‬لە پرۆسەی‮ ‬ریفراندۆم كرد و لە روانگەی‮ ‬حزبەكەیەوە،‮ ‬وەها شرۆڤەی‮ ‬خوودی‮ ‬ئەو پرسەو بارودۆخەكە كرد‮: "‬كە باسی‮ ‬ریفراندۆم دەكەین لە سۆنگەی‮ ‬حزبی‮ ‬شیوعی‮ ‬كوردستان،‮ ‬ئەركمان ئەوە نییە بەشێوازێكی‮ ‬گشتی‮ ‬باسی‮ ‬پێناسەی‮ ‬ریفراندۆم بكەین،‮ ‬كە ئەم چەمكە چۆنە و چۆن نییە،‮ ‬بەقەدەر ئەوەی‮ ‬باسی‮ ‬حالەتێكی‮ ‬تایبەتی‮ ‬دەكەین،‮ ‬كە پەیوەندی‮ ‬بەوەوەیە كە بڕیارێك هەیە بۆ ریفراندۆم،‮ ‬وەكو شێوازێكی‮ ‬دیموكراتی‮ ‬مەدەنی ئاشتیانە بۆ دیاریكردنی‮ ‬چارەنووسی‮ ‬گەلی‮ ‬كوردستان،‮ ‬كە ئایا گەلی‮ ‬كوردستان دەیەوێ لەگەڵ عێراق بمێنێتەوە‮ ‬یان جیابێتەوەو قەوارەی‮ ‬سەربەخۆی‮ ‬نیشتمانی‮ ‬هەبێت،‮ ‬لێرەدا ریفراندۆم ئەو ئەركە دەبینێت،‮ ‬واتا گەڕانەوە بۆ ئیرادەی‮ ‬خەڵكی‮ ‬كوردستان،‮ ‬بەم پێیەی‮ ‬كە ریفراندۆم گەڕانەوەیە بۆ ئیرادەی‮ ‬خەڵكی‮ ‬كوردستان،‮ ‬ئەمەش كاردانەوەی‮ ‬كۆمەڵێك سیاسەت نییە كە لەلایەن رژێمی‮ ‬بەغداوە پێشتر كرابێت،‮ ‬هەرچەندە ئەم سیاسەتانەی‮ ‬كە كراوە بێگومان ئەوەی‮ ‬سەلماندووە كە پێكەوەژیان لەچوارچێوەی‮ ‬یەك قەوارەی‮ ‬سیاسی‮ ‬زەحمەتە،‮ ‬ئەگەر بگەڕێینەوە بۆ پاشخانی‮ ‬مەسەلەی‮ ‬مافی‮ ‬چارەنووس،‮ ‬چونكە لەهەموو كاتدا لە تێڕوانینی‮ ‬ئێمەی‮ ‬ماركسییەكان و ئێمەی‮ ‬شیوعییەكان،‮ ‬باسی‮ ‬دوو لایەن دەكەین،‮ ‬باسی‮ ‬پاشخانی‮ ‬مێژوویی‮ ‬و پەرەسەندنی‮ ‬مێژوویی‮ ‬مەسەلەی‮ ‬نەتەوایەتی،‮ ‬لەو جێگایەی‮ ‬كە هەیە لەگەڵ هەلومەرجی‮ ‬ئێستای‮ ‬ئەو مەسەلەیە بە چ حاڵەتێك گەیشتووە؟‮ ‬
قەیرانەكە قەیرانی‮ ‬دەوڵەتە
د‮. ‬كاوە مەحمود لە بەشێكی‮ ‬دیكەی‮ ‬قسەكانیدا باس لە قەیرانی‮ ‬هەیكەلیەتی‮ ‬دەوڵەتی‮ ‬عێراق دەكات و دەڵێت‮: "‬ئەگەر بگەڕێینەوە بۆ پێشخانەكە رەنگدانەوەی‮ ‬ئەوەیە كە دەوڵەتی‮ ‬عێراق بەشێوازێك دروست بووە كە خۆی‮ ‬قەیرانی‮ ‬لەگەڵ خۆیدا هێناوە،‮ ‬ئەم قەیرانەش قەیرانێكە پێی‮ ‬دەگوترێت قەیرانی‮ ‬هەیكەلیەتی‮ ‬دەوڵەت،‮ ‬رەنگدانەوەی‮ ‬ئەوەیە كە ئەم دەوڵەتە وەك هەر دەوڵەتێكی‮ ‬ئەو ناوچەیە كە لەدوای‮ ‬جەنگی‮ ‬جیهانی‮ ‬یەكەم درووست بووە،‮ ‬لە ئاكامی‮ ‬ئەو رێككەوتننامەی‮ ‬كراوە بۆ دابەشكردنی‮ ‬پاشماوەكانی‮ ‬دەوڵەتی‮ ‬عوسمانی‮ ‬لەسەر نموونەیەكی‮ ‬ئەوروپایی‮ ‬رۆژئاوا،‮ ‬كە ئەم نموونەیان هاوردە كردووە بێ رەچاوكردنی‮ ‬ئیرادەی‮ ‬گەلانی‮ ‬ناوچەكە،‮ ‬كە ئەمەش بۆ خۆی‮ ‬قەیرانێكی‮ ‬درووستكردووە كە پێی‮ ‬دەگوترێت قەیرانی‮ ‬دەوڵەت،‮ ‬بۆ نموونە لە عێراق هەیە لە سوریا هەیە،‮ ‬هەتا لە لوبنانیش بە شێوازێك لە شێوازی‮ ‬قەیران هەیە،‮ ‬ئەوەتا دەبینین لەیەمەنیش قەیرانی‮ ‬دەوڵەت هەیە،‮ ‬قەیران لەم ناوچانە قەیرانی‮ ‬سیستەمی‮ ‬سیاسی‮ ‬نییە،‮ ‬سیستەمە سیاسییەكە دیموكراتی‮ ‬بێت دیموكراتی‮ ‬نەبێت،‮ ‬یان شتێكی‮ ‬تر بێت،‮ ‬واتا قەیرانەكە قەیرانی‮ ‬دەوڵەتە،‮ ‬ئەم دەوڵەتەش بەمشێوەیە بەڕێوە نابرێت،‮ ‬دەبێ سیاسەتمەدارانی‮ ‬ئەم دەوڵەتە بۆ ئەوەی‮ ‬ئەم قەیرانە چارەسەر بكەن،‮ ‬بیربكەنەوە لە شێوازێكی‮ ‬نوێ لە پەیوەندییەكان و لە هەلومەرج و چارەسەركردنی‮ ‬نوێ،‮ ‬بۆیە كاتێك گەلی‮ ‬كوردستان داوای‮ ‬مافی‮ ‬بڕیاردانی‮ ‬چارەنووس دەكات،‮ ‬پێیوایە كە ریفراندۆم شێوازێكی‮ ‬دیموكراسی‮ ‬و مەدەنی‮ ‬گونجاوە،‮ ‬میكانیزمێكە بۆ دەستنیشانكردنی‮ ‬مافی‮ ‬چارەنووسی‮ ‬گەلی‮ ‬كوردستان و لەهەمان كاتدا بەشدارییەكە بۆ چارەسەركردنی‮ ‬قەیرانی‮ ‬دەوڵەت لە عێراقدا،‮ ‬قەیرانی‮ ‬دەوڵەتیش لەعێراق تەنها لەگەڵ كوردستان نییە،‮ ‬قەیرانی‮ ‬سووننە و شیعەش هەیە كە چۆن پێكەوە بژین،‮ ‬ئەوەش پەیوەندی‮ ‬بە پاشخانی‮ ‬مێژوویی‮ ‬ئەو وڵاتەوە هەیە‮". ‬
ئایا دەستوور جێبەجێكرا؟‮!‬
لەبارەی‮ ‬هەلومەرجی‮ ‬ئێستا و هۆكارەكانی‮ ‬ئەنجامدانی‮ ‬ریفراندۆم،‮ ‬سكرتێری‮ ‬حزبی‮ ‬شیوعی‮ ‬كوردستان دەڵێت‮: "‬ئەوەی‮ ‬كە ئێستا هەیە هەلومەرجێك هاتۆتەبار،‮ ‬ئەو ئەزموونەی‮ ‬هاتۆتە پێشەوە ئەوەیە كە باسكردنی‮ ‬ریفراندۆم و دەستنیشانكردنی‮ ‬مافی‮ ‬چارەنووس كاردانەوە نییە لەسەر سیاسەتێك كە دوێنێ مالیكی‮ ‬بووە و ئەمڕۆ عەبادییە و سبەی‮ ‬كەسێكی‮ ‬تر،‮ ‬بەڵكو رەنگدانەوەیە لەسەر باوەڕی‮ ‬دەوڵەتی‮ ‬مەركەزی،‮ ‬دەبینین ئەزموونی‮ ‬فیدرالیەتیش كە هاتە پێشەوە ئەزموونێكی‮ ‬نەزۆك بوو،‮ ‬چونكە ئێمە لە2005 ەوە كە كورد دەنگیدا بەدەستوور و لەدەستووردا هاتووە مانەوەی‮ ‬عێراق بەیەكگرتوویی‮ ‬گەل و خاك و سەروەرییەكەی‮ ‬بەندە بە جێبەجێكردنی‮ ‬ئەم دەستوورەوە،‮ ‬پرسیارەكە ئەوەیە ئایا ئەم دەستوورە جێبەجێكرا؟ كە دەڵێین دەستوور جێبەجێكرا‮ ‬یان جێبەجێ نەكرا خۆ تەنها ماددەی‮ ‬140 نییە،‮ ‬ئەگەر‮ ‬10‮ ‬ساڵی‮ ‬دیكەش بڕوات بەغدا ئامادە نییە ئەو ماددەیە جێبەجێ بكات،‮ ‬بەڵكو پەیوەندی‮ ‬بە كۆمەڵێك بابەتی‮ ‬دیكەوە هەیە،‮ ‬لە دەستووردا باسی‮ ‬مەجلیسی‮ ‬ئیتحادی‮ ‬كراوە،‮ ‬ئایا مەجلیسی‮ ‬ئیتحادی‮ ‬دروست دەبێت؟ ئایا ئەوان بڕوایان بەو مەجلیسە هەیە؟ لە دەستووردا باسی‮ ‬لیژنەیەك كراوە كە ئەو لیژنەیە سەروەت و سامان و بوودجە بەسەر هەرێمەكان و پارێزگاكاندا دابەش بكات،‮ ‬ئەو لیژنەیە سەرپشك بێت نەوەك وەزارەتی‮ ‬دارایی‮ ‬بەكەیفی‮ ‬خۆی‮ ‬بوودجە ببڕێت؟ ئایا ئەمە جێبەجێ دەبێت لەدەستووردا؟ لەلایەكی‮ ‬دیكەوە لەدەستووردا باسی‮ ‬ئەوە كراوە كە شەڕی‮ ‬تایفەگەری‮ ‬و دینی‮ ‬قەدەغەكراوە،‮ ‬ئێ باشە ناپرسن دوو ملیۆن ئاوارە لە هەرێمی‮ ‬كوردستان چی‮ ‬دەكات؟ ئەم ئاوارانە خۆ لە وڵاتانی‮ ‬دراوسێ نەهاتوون،‮ ‬بەڵكو لە باشوور و ناوەڕاستی‮ ‬عێراقەوە هاتوون،‮ ‬باشە ناپرسن بۆ مەسیحییەكان نەیانتوانی‮ ‬لە بەسرە و بەغدا بمێننەوەو پەنایان بۆ هەرێمی‮ ‬كوردستان هێنا؟ دەستوور باسی‮ ‬میلیشیاتی‮ ‬تائیفی‮ ‬دەكات كە نابێ دروست بێت،‮ ‬ئەی‮ ‬درووستبوونی‮ ‬حەشدی‮ ‬شەعبی‮ ‬بۆ!؟‮". ‬
رەوابوونی‮ ‬ریفراندۆم لە پەیماننامەی‮ ‬نیودەوڵەتی‮ ‬هەیە
‮ ‬سەبارەت بە مەشروعیەتی‮ ‬ئەنجامدانی‮ ‬ریفراندۆم بۆ سەربەخۆیی‮ ‬د‮. ‬كاوە مەحمود گوتی‮: "‬ریفراندۆم رێگاچارەیەكە و مەشرووعییەت و رەوابوونی‮ ‬خۆی‮ ‬هەیە،‮ ‬لێرەدا پرسیارەكە ئەوەیە رەوابوونی‮ ‬ریفراندۆم لە كوێوە هاتووە؟ رەوابوونی‮ ‬ریفراندۆم لە پەیماننامەی‮ ‬نیودەوڵەتی‮ ‬هەیە،‮ ‬كە دان بە مافی‮ ‬چارەنووسی‮ ‬گەلان دەنێت،‮ ‬ئەمە لە نەتەوە‮ ‬یەكگرتووەكان و لەكۆمەڵێك رێكەوتننامەی‮ ‬نێودەوڵەتییەوە هاتووە،‮ ‬بەشێكی‮ ‬دیكەی‮ ‬مەشرووعیەتی‮ ‬ریفراندۆم لە خودی‮ ‬دەستووری‮ ‬عێراقییەوە هاتووە،‮ ‬كە دەڵی‮ ‬مانەوەی‮ ‬عێراق بەم شێوەیە بەندە بەجێبەجێكردنی‮ ‬ئەم دەستوورە،‮ ‬كە جێبەجێ ناكرێت،‮ ‬خاڵێكی‮ ‬تر لە گوتاری‮ ‬ریفراندۆم سەرپشككردنی‮ ‬دەسەڵات نییە،‮ ‬كە بڵێ ئەمە وەكو كارتێكی‮ ‬سیاسی‮ ‬لەگەڵ بەغدا بەكاری‮ ‬بهێنن،‮ ‬بەڵكو ئەوە مافدانێكە بەدەسەڵات بۆ ئەوەی‮ ‬ئیرادەی‮ ‬گەل جێبەجێ بێت و لەسەر بنەمای‮ ‬ئەو ئیرادەیەوە بچێتە ناو گفتوگۆوە،‮ ‬بۆیە ریفراندۆم مانای‮ ‬ئەوە نییە رێگای‮ ‬گفتوگۆنییە لەگەڵ بەغدا،‮ ‬ئەم گفتوگۆیەش لەسەر بنەمای‮ ‬ئیرادەی‮ ‬گەلەوە دەبێت،‮ ‬ئەگەر لەو ریفراندۆمە گەل گوتی‮ ‬داوای‮ ‬سەربەخۆیی‮ ‬دەكەم و دەمەوێ لەعێراق جیاببمەوە،‮ ‬ئەوكات دەسەڵاتی‮ ‬سیاسی‮ ‬ناتوانێت بڵێت لەگەڵ عێراق دەمێنمەوە،‮ ‬جیابوونەوەش پەیوەندی‮ ‬بە سیستمی‮ ‬سیاسی‮ ‬نییە لەعێراقدا،‮ ‬بەڵام بوونی‮ ‬دیموكراتیەت لەعێراقدا هاندەرێكە بۆ ئەوەی‮ ‬بە مافی‮ ‬ئێمە بزانێت و باوەڕ‮ ‬بە مافی‮ ‬ئێمە بكات،‮ ‬بەڵام ئەمەش مانای‮ ‬ئەوە نییە،‮ ‬كە دەبێ گەلی‮ ‬كوردستان چاوەڕێ بكات عێراق ببێت بە دیموكراسی‮ ‬ئەوكات كوردستان پەنا بۆ ریفراندۆم ببات‮". ‬
ئێمە ریفراندۆم لەناو خاكی‮ ‬خۆمان دەكەین
سكرتێری‮ ‬حزبی‮ ‬شیوعی‮ ‬كوردستان سەبارەت بە كاریگەری‮ ‬و پەیوەندییە دەرەكییەكان لەسەر پرسی‮ ‬ریفراندۆم گوتی‮: "‬لایەنیكی‮ ‬دیكە كە پەیوەندی‮ ‬بە پەیوەندییەكانی‮ ‬دەرەوە هەیەو‮ ‬یەكەمیان بە دراوسێكانمان،‮ ‬هەموومان سرووشتی‮ ‬حوكمڕان و دەسەڵاتدارەكانی‮ ‬دراوسێكانمان دەزانین،‮ ‬باشە كاتێك كە ئێمە بیر لەمافی‮ ‬چارەنووس و ریفراندۆم دەكەینەوە،‮ ‬ئایا لایەنێكی‮ ‬سیاسی‮ ‬ئەوەی‮ ‬لەبەر چاو بووە،‮ ‬كە سبەی‮ ‬بەغدا و ئێران و توركیا رازی‮ ‬دەبن لەسەر ئەمە؟ من پێموانییە هیچ لایەنێكی‮ ‬سیاسی‮ ‬كە خۆی‮ ‬بەواقیعبین بزانیت،‮ ‬بیری‮ ‬لەوە كردبێتەوە كە چاوەڕیی‮ ‬رەزامەندی‮ ‬بەغدا و تەهران و ئەنقەرە بین،‮ ‬جگە لەمە كێ بڕیارەكە دەدات؟ ئەوەی‮ ‬كە بڕیار دەدات،‮ ‬گەلی‮ ‬كوردستانە بڕیار دەدات،‮ ‬خۆ ئێمە ریفراندۆم لە ئێران و توركیا ناكەین هەتا ئەوان بڵێن دەبێ‮ ‬یان نابێ،‮ ‬ئێمە ریفراندۆم لەناو خاكی‮ ‬خۆمان دەكەین كە خاكی‮ ‬كوردستانی‮ ‬عێراقە‮. ‬لە سنووری‮ ‬مێژوویی‮ ‬كوردستان و ناوچە دابڕینراوەكان دەكەین،‮ ‬كە ناوچە جێناكۆكەكانە و ئەمەش رێگایەكە بۆ جێبەجێكردنی‮ ‬ماددەی‮ ‬140؟ لێرە ئێمە خزمەتی‮ ‬جێبەجێكردنی‮ ‬دەستووری‮ ‬عێراق دەكەین،‮ ‬دەبێ دەوڵەتی‮ ‬عێراق مەمنوونیش بێ كە ئەوان دەستووری‮ ‬عێراق جێبەجێی‮ ‬ناكەن،‮ ‬ئەوە ئێمە جێبەجێی‮ ‬دەكەین‮". ‬
ریفراندۆم لە روانگە نێودەوڵەتییەكان
لە وەڵام بەو پرسیارەی‮ ‬ئایا ئەنجامدانی‮ ‬ریفراندۆم لە روانگە نێودەوڵەتییەكان چۆنە؟ د‮. ‬كاوە مەحمود دەڵێت‮: "‬لە بەڵگەنامەكانی‮ ‬نەتەوە‮ ‬یەكگرتووەكاندا هاتووە كە هەموو گەلێك مافی‮ ‬چارەنووسی‮ ‬خۆی‮ ‬هەیە،‮ ‬مافی‮ ‬ئەوەی‮ ‬هەیە دەستنیشانی‮ ‬چارەنووسی‮ ‬خۆی‮ ‬بكات،‮ ‬شێوازی‮ ‬ئەم دەستنیشانكردنەش ئایا حزبیكی‮ ‬سیاسی‮ ‬بەفەرزی‮ ‬ئەمری‮ ‬واقیع بیكات‮ ‬یان لە رێگای‮ ‬ئیرادەی‮ ‬گەلەوە بیكات،‮ ‬بێگومان لەرێگای‮ ‬گەلەوە باشترین شێوازی‮ ‬دیموكراسییە،‮ ‬لەهەمان كاتدا لەبەڵگەنامەكانی‮ ‬نەتەوە‮ ‬یەكگرتووەكان باسی‮ ‬سەروەری‮ ‬وڵاتان دەكات و باسی‮ ‬ئەوە دەكات هیچ وڵاتیك بۆی‮ ‬نییە دەست بخاتە ناو كاروباری‮ ‬ناوخۆی‮ ‬وڵاتیكی‮ ‬ترەوە،‮ ‬بۆ ئەمەش كە ئێمە لەگەڵ‮ ‬یەكێتی‮ ‬ئەورووپا و ئەمەریكا و روسیا و چین مامەڵە دەكەین نابێ شاندی‮ ‬ئێمە چاوەڕێی‮ ‬ئەوە بكات پێمان بڵێن بڕۆن ئێوە سەربەخۆبن و ئێمە پشتیوانیتان دەكەین،‮ ‬پێموایە سەركردایەتی‮ ‬كوردستانی‮ ‬نابێ ئاوا بیربكاتەوە،‮ ‬بۆ؟ چونكە ئەوانەی‮ ‬ناومان بردن ئەندامن لە نەتەوە‮ ‬یەكگرتووەكان،‮ ‬هەر هەنگاوێكی‮ ‬وابنێن تۆمەتبار دەكرێن لەلایەن وڵاتان و عێراقەوە كە دەست دەخەنە ناو كاروباری‮ ‬ناوخۆی‮ ‬وڵاتەوە،‮ ‬نابێ چاوەڕێی‮ ‬ئەوەیان لێ بكەین،‮ ‬بەڵام ئەمەش ئەوە ناگەیەنێت كە نابێ قسەیان لەگەڵ بكەین،‮ ‬پێویستە ئێمە قسەیان لەگەڵ بكەین بۆ ئەوەی‮ ‬تابلۆكەیان بۆ روونبكەینەوە،‮ ‬نەوەك چاوەڕیی‮ ‬رەزامەندی‮ ‬لەوانەوە بكەین‮. ‬
راپرسی‮ ‬پەیوەندی‮ ‬بەواقیعی‮ ‬كۆمەڵایەتی‮ ‬كۆمەڵگای‮ ‬كوردستان هەیە
كێشە ناوخۆییەكانی‮ ‬هەرێمی‮ ‬كوردستان تەوەرێكی‮ ‬دیكەی‮ ‬دیدارەكەی‮ ‬حزبی‮ ‬شیوعی‮ ‬كوردستان بوو،‮ ‬ئەو دەڵێت‮: "‬كە دێینە سەر كێشە ناوخۆییەكە دەبینین مەلەفی‮ ‬راپرسی‮ ‬مەلەفێكی‮ ‬كۆمەڵگاییە،‮ ‬راپرسی‮ ‬پەیوەندی‮ ‬بەواقیعی‮ ‬كۆمەڵایەتی‮ ‬كۆمەڵگای‮ ‬كوردستان هەیە،‮ ‬كۆمەڵگای‮ ‬كوردستانیش دوورگەیەكی‮ ‬دابڕاو نییە لە ناوخۆ و لە جیهان،‮ ‬ئێمە لە رۆژهەڵاتی‮ ‬ناوەڕاست ئیش دەكەین،‮ ‬كە كۆمەڵیك هەڵوێست و بەرژەوەندی‮ ‬نێودەوڵەتی‮ ‬تێدایە،‮ ‬لە ناوخۆیش كۆمەڵێك كێشەمان هەیە،‮ ‬لێرەدا پەیوەندی‮ ‬ریفراندۆم بەو كێشانەی‮ ‬هەیە پەیوەندییەكە لە چەمكی‮ ‬سیاسی‮ ‬زانستی‮ ‬كۆمەڵگاو لە هزری‮ ‬ماركسی‮ ‬پەیوەندییەكەی‮ ‬جەدەلییەو پێی‮ ‬ناڵێن پەیوەندییەكی‮ ‬میكانیكی‮.‬
كەس نایەت لەسەر سینییەكی‮ ‬زێڕ‮ ‬پێت بڵێ فەرموو دەوڵەتێك بۆ خۆت درووست بكە
د‮. ‬كاوە گوتیشی‮: "‬كەواتە كە گوتمان ئەمە دۆسییەیەكی‮ ‬كۆمەڵگاییە واتا دۆسییەیەكی‮ ‬تێكۆشانە،‮ ‬ریفراندۆم كارێكی‮ ‬تێكۆشەرانەیە،‮ ‬لێرەدا كەس نایەت لەسەر سینییەكی‮ ‬زێڕ‮ ‬پێت بڵێ فەرموو دەوڵەتێك بۆ خۆت درووست بكە،‮ ‬ئەو قوربانیانەی‮ ‬لەسەرەتاوە دراوە تا ئێستا قوربانی‮ ‬بووە لە پێناو جێبەجێكردنی‮ ‬ئامانجەكانی‮ ‬بزووتنەوەی‮ ‬رزگاریخوازی‮ ‬گەلەكەمان،‮ ‬لەهەموو جیهان و لە روانگەی‮ ‬ماركسییەكانەوە ئەركی‮ ‬بزووتنەوەی‮ ‬رزگاریخوازی‮ ‬گەلان،‮ ‬سەربەخۆیی‮ ‬و دانانی‮ ‬قەوارەی‮ ‬سیاسی‮ ‬خۆیەتی،‮ ‬بۆیە كە هەنگاو دەنێین بۆ ریفراندۆم و دەوڵەت‮ ‬یەكێكە لە بەئەنجامگەیاندنی‮ ‬ئەركەكانی‮ ‬بزووتنەوەی‮ ‬رزگاریخوازی‮ ‬گەلەكەمان،‮ ‬دەبینین هەوڵی‮ ‬زۆر دەدرێت بۆ ئەوەی‮ ‬ئەو راپرسییە نەكرێت،‮ ‬كە دەڵێین هەوڵ دەدرێت راپرسی‮ ‬نەكرێ،‮ ‬پەیوەندی‮ ‬بەوەوە نییە كە ئایا كاتەكەی‮ ‬لەبارە‮ ‬یان لەبار نییە،‮ ‬بەڵكو پەیوەندی‮ ‬بەوەوە هەیە كە باوەڕنەبوونە بە مافی‮ ‬چارەنووس،‮ ‬بەتایبەتی‮ ‬لەلایەن وڵاتانی‮ ‬دراوسێوە،‮ ‬ئێران كە دەڵی‮ ‬راپرسی‮ ‬نەكرێت بۆ ئەوەی‮ ‬نییە،‮ ‬كە بڵێت شەش مانگی‮ ‬دیكە با بكرێت،‮ ‬بۆ ئێران‮ ‬یەكپارچەیی‮ ‬خاكی‮ ‬عێراق گرنگە،‮ ‬چونكە شیعە لەم وڵاتە باڵادەستە‮". ‬
سەبارەت بە راگەیاندن و ئەركی‮ ‬میدیا لەو روانگەیەی‮ ‬كە پەیوەستە بە ریفراندۆمەوە،‮ ‬د‮. ‬كاوە مەحمود دەڵێت‮: "‬ئەوەی‮ ‬گرنگە لە راگەیاندن روونیبكەینەوە ئەوەیە كە ریفراندۆم بۆ كێ دەكەین،‮ ‬ئایا ریفراندۆم بۆ گەلی‮ ‬كوردە‮ ‬یان بۆ گەلی‮ ‬كوردستانە؟ بێگومان بۆ گەلی‮ ‬كوردستانە،‮ ‬گەلی‮ ‬كوردستان ئەگەر زۆربەشی‮ ‬كوردبێت،‮ ‬بەڵام ریفراندۆم بۆ كورد نییە بەتەنها،‮ ‬بۆ هەموو نەتەوە جیاجیا و فرەئایینەكانە لەو سنوورەی‮ ‬كە پێی‮ ‬دەگوترێت باشووری‮ ‬كوردستان،‮ ‬كە قەوارەی‮ ‬خۆی‮ ‬هەیە،‮ ‬ئەم قەوارەیە ئەمڕۆ دەوڵەتێكی‮ ‬نیشتمانی‮ ‬دروست دەكات نەوەك دەوڵەتێكی‮ ‬نەتەوەیی‮ ‬كوردی،‮ ‬دەوڵەتی‮ ‬نیشتمانیی‮ ‬گەلی‮ ‬كوردستان لەسەر بنەمای‮ ‬هاوڵاتیبوونی‮ ‬كوردستانی،‮ ‬كە لە داهاتوودا ئەو دەوڵەتە بۆ منێك كە بە ناسنامە موسڵمان و ئێزیدییەك بە ناسنامە ئاینیكی‮ ‬ترە،‮ ‬دەبێ بەهەمان شێوە سەیر بكرێت،‮ ‬من و كەسێكی‮ ‬توركمان و كەسێكی‮ ‬مەسیحی‮ ‬بەهەمان چاو سەیر بكرێت،‮ ‬ئەمە بنەمای‮ ‬دەوڵەتی‮ ‬ئێمەیە،‮ ‬ئێمە مامەڵە لەگەڵ كوردستان دەكەین وەكو نیشتمان،‮ ‬ئەو نیشتمانەش بەتەنها موڵكی‮ ‬كورد‮ ‬یا توركمان‮ ‬یا كەسێكی‮ ‬تر نییە،‮ ‬بەڵكو ئێمە دەوڵەتی‮ ‬هاووڵاتیبوون دروست دەكەین،‮ ‬كە دەستوورەكەشی‮ ‬لەسەر بنەمای‮ ‬هاووڵاتیبوون دابڕێژرێت‮". ‬
دژایەتیكردنی‮ ‬مافی‮ ‬چارەنووس
لە دوایین تەوەری‮ ‬دیدارەكەدا د‮. ‬كاوە مەحمود سكرتێری‮ ‬حزبی‮ ‬شیوعی‮ ‬كوردستان گوتی‮: "‬پێویستە دوو شت هەیە لەیەكتریان جیابكەینەوە،‮ ‬دژایەتیكردنی‮ ‬مافی‮ ‬چارەنووس جیابكەینەوە لەگەڵ ئەوەی‮ ‬ناكۆكی‮ ‬هەبێ لەسەر كاتی‮ ‬ریفراندۆم،‮ ‬بۆ نموونە جیاوازی‮ ‬هەیە لەوەی‮ ‬سەدر و حەكیم و حكومەتی‮ ‬ئێران باسی‮ ‬ئەنجام نەدانی‮ ‬ریفراندۆم دەكەن،‮ ‬یان دواخستن و‮ ‬یان ئەنجام نەدانی‮ ‬دەكەن،‮ ‬هەروەها هەندێ مەلەفی‮ ‬دیكەش وەك مەلەفی‮ ‬ئابووریش ئەمیش كاریگەری‮ ‬خۆی‮ ‬جێهێشتووە لە سەر هەڵوێست وەرگرتن لەسەر ریفراندۆم،‮ ‬كە كار لەهەڵوێستی‮ ‬تاك دەكات،‮ ‬دەبێ ئێمە هەوڵ بدەین ئەو كارتێكردنەی‮ ‬سەری‮ ‬كەم بكەینەوە،‮ ‬نمونەیەكی‮ ‬سادە لەوانەیە لەو ماوەیە تا ریفراندۆم مووچە بە ئاسایی‮ ‬بدرێت،‮ ‬لەوانەیە كارتێكردنێكی‮ ‬ئیجابی‮ ‬بكاتە سەر تاك،‮ ‬هەروەها بۆ چارەسەركردنی‮ ‬كێشەی‮ ‬پەرلەمان كە پێموایە هەر لایەنێك دەستپێشخەری‮ ‬بكات و بێتە پێشەوە تەنازول نییە،‮ ‬بەڵكو دیارە پرسی‮ ‬مافی‮ ‬چارەنووسی‮ ‬لەلا گرنگترە،‮ ‬دەبێ چاوەڕوانی‮ ‬ئەوەش بكەین كە لایەنە دەرەكییەكان لەرێگای‮ ‬دۆستەكانیان لەناوە كار بۆ ئەوە بكەن كە راپرسی‮ ‬نەكرێت،‮ ‬لێرەدا نابێ من پێی‮ ‬بڵێم تۆ خائینی‮ ‬و‮.. ‬هتد،‮ ‬بەڵكو پێویستە زەمینەیەكی‮ ‬بۆ برەخسێنم كە دەرفەتی‮ ‬نەبێت رێگری‮ ‬لە پرۆسەكە بكات‮". ‬

 
چاپکردن   Share گه‌ڕانه‌وه‌