2017-07-22

خه‌بات: رەمزی‮ ‬میرەكانی

مارتن ئۆدیگارد،‮ ‬یاریزانی‮ ‬هێڵی‮ ‬ناوەڕاستی‮ ‬یانەی‮ ‬ئێس سی‮ ‬هێرینڤینی‮ ‬هۆڵەندی،‮ ‬كە وەرزی‮ ‬رابردوو بە خواستن لە‮ ‬یانەی‮ ‬ریال مەدریدەوە‮ ‬یاری‮ ‬بۆ ئەو‮ ‬یانە هۆڵەندییە دەكرد،‮ ‬لێدوانی‮ ‬بۆ دەگاكانی‮ ‬راگەیاندن دا‮. ‬رۆژنامەی‮ ‬ئاسی‮ ‬ئیسپانی،‮ ‬لێدوانی‮ ‬ئەو‮ ‬یاریزانە تەمەن‮ ‬18 ساڵییەی‮ ‬بڵاو كردەوە،‮ ‬كە دیمانەیەكی‮ ‬لەگەڵ كەناڵی‮ ‬دووی‮ ‬نەریج ئەنجامداوە،‮ ‬لەو دیمانەیەدا باسی‮ ‬ئایندەی‮ ‬خۆی‮ ‬لەگەڵ ریال مەدرید كرد و وتی‮:"‬رۆیشتنم بۆ هێرینڤین بە بڕیاری‮ ‬خۆم بوو،‮ ‬ریال مەدریدیش هەموو شتێكی‮ ‬بۆ رێكخستم،‮ ‬بە ویستی‮ ‬خۆم بوو،‮ ‬چونكە دەمویست بەشداریی‮ ‬لە خولەكی‮ ‬زیاتردا بكەم‮". ‬وتیشی‮:"‬بۆ من زۆر پێویست بوو لەسەر ئاستێكی‮ ‬بەرزدا‮ ‬یاری‮ ‬بكەم،‮ ‬رێكەوتن كراوە ساڵێكی‮ ‬دیكەش لێرە بمێنمەوە،‮ ‬وا هەست دەكەم بڕیارێكی‮ ‬دروستم داوە،‮ ‬چوومەتە ریزی‮ ‬ئەو‮ ‬یانەیەی‮ ‬كە بۆمن گونجاوە،‮ ‬چونكە مێژوویەكی‮ ‬گەورەی‮ ‬هەیە و پەرەش بە‮ ‬یاریزانە لاوەكان دەدات‮". ‬دوا جار وتی‮:"‬ریال مەدرید دەرفەتی‮ ‬بۆ رەخساندم،‮ ‬لەگەڵ باشترین‮ ‬یاریزانەكانی‮ ‬جیهاندا راهێنان بكەم،‮ ‬ریال هێشتا متمانەی‮ ‬پێمە،‮ ‬وتیان چاودێریم دەكەن،‮ ‬لەگەڵ زێدان زۆر قسەم نەكردووە،‮ ‬بەڵام بە بەردەوام قسە لەگەڵ سەرۆكی‮ ‬دۆزەرەوەی‮ ‬یاریزانان دەكەم،‮ ‬ئەوانیش دێن لە‮ ‬یارییەكان سەیرم دەكەن و لە نزیكەوە چاودێریم دەكەن‮".‬

 
چاپکردن   Share گه‌ڕانه‌وه‌