2017-07-17

د‮. ‬محەمەد خدر مەولود

دەبێ بگوترێ ئەركی‮ ‬بارزانی‮ ‬وا ئاسان نییە،‮ ‬وەك لەهزرو خەیاڵی‮ ‬كەسانێكدا وێناكراوە،‮ ‬لە كاتێكدا كوردستان و سەرۆكەكەی‮ ‬بەوپەڕی‮ ‬باوەڕ‮ ‬و متمانە بەخۆبوونەوە لەناو چەقی‮ ‬ناوچەیەكی‮ ‬پڕ‮ ‬لە گرفت و كێشەی‮ ‬ئاڵۆز،‮ ‬هەنگاوی‮ ‬مەزنی‮ ‬وا باوێن تا رێگربێ لەشەڕێكی‮ ‬دیكەی‮ ‬سەختتر و خوێناوی‮ ‬تر لەشەڕی‮ ‬داعش،‮ ‬هەڵبەتە دەبێ بارزانی‮ ‬هەستی‮ ‬بە دەستپێكردنی‮ ‬گۆڕانكاری‮ ‬لە سەر نەخشەی‮ ‬ڕۆژهەڵاتی‮ ‬ناوەڕاست كردبێ و دڵنیاش بێ لەلێكهەڵوەشانەوەی‮ ‬ئەو ناوچەیەی،‮ ‬كەپێی‮ ‬دەگوترێت رۆژهەڵاتی‮ ‬ناوەراستی‮ ‬پڕ‮ ‬لە كێشە و گرفتی‮ ‬بەگرێ و گۆڵ بەتایبەتیش لەدوای‮ ‬شەڕی‮ ‬سەختی‮ ‬مووسڵ كە‮ ‬ئێران و عێراقی‮ ‬حەشدی‮ ‬شەعبی‮ ‬خۆیان بەبراوەی‮ ‬یەكەمی‮ ‬دادەنێن‮. ‬

بارزانی‮ ‬سەرۆكی‮ ‬پێویستی‮ ‬سەردەم‮: ‬ئێستا،‮ ‬پێیان خۆشبێ و هەندێ لە كوردیش پێیان ناخۆش،‮ ‬پێمان خۆشبێ و هەندێ لەوان پێیان ناخۆش،‮ ‬سەردەم،‮ ‬سەردەمی‮ ‬كوردە لە ناوچەكەدا‮. ‬

چونكە لەو ناوە و نێوەندەدا،‮ ‬ئەوەندی‮ ‬توركیاو سوریا و عێراق و ئێران لە سۆنگەی‮ ‬داعشەوە تێیكەوتوون و شان و مل ئارداوین،‮ ‬كە جارێ باری‮ ‬قوڕسی‮ ‬دەرهاویشتە و لێكەوتەكانی‮ ‬دوای‮ ‬داعشیش وا بە ئاسانی‮ ‬ئەستۆ پاكییان ناداتێ‮ . ‬كورد لە چاو ئەوان وێڕای‮ ‬ئەوەی‮ ‬قوربانی‮ ‬مێژوو،‮ ‬و قوربانی‮ ‬لەدەست دانی‮ ‬دەرفەتە،‮ ‬بەڵام لە هاوكێشەكەدا لەچاو ئەوان لە بەرامبەر داعش دا براوەو سەركەوتووە‮. ‬

‮ ‬لەمێژووش دا،‮ ‬بەقەد ئەمڕۆ دەرفەتی‮ ‬زێرین و هەلی‮ ‬لەبار،‮ ‬هەروا بارودۆخی‮ ‬مەترسیدارتر لەدوای‮ ‬داعش بۆ كورد وا نەهاتۆتە پێش،‮ ‬تا ئاستی‮ ‬ئەوەی‮ ‬پرسەكەی‮ ‬بەشێوەیەك‮ ‬یەكلایی‮ ‬بكاتەوە،‮ ‬بەزمانی‮ ‬سەردەم و لۆژیك،‮ ‬بە ئاشتی‮ ‬و دوور لە توندو تیژی‮ ‬بە ماف و بە كۆتا مەرامی‮ ‬خۆی‮ ‬بگات‮. ‬

سەركەوتنی‮ ‬ئەو پرسە و گەیشتنی‮ ‬بە رۆژی‮ ‬ئەمڕۆی،‮ ‬وەك چۆن لە خۆڕاگری‮ ‬جەماوەری‮ ‬گەلەكەی‮ ‬دایە،‮ ‬زیاتریش لە قارەمانیەتی‮ ‬و لەخۆبوردەیی‮ ‬و بەخشندەیی‮ ‬پێشمەرگە قارەمانەكانی‮ ‬دا بینراو و سەلمێندرا‮. ‬

وەڵێ بەڵگە نەویستە بوونی‮ ‬سەرۆك و‮ ‬ڕابەرێكی‮ ‬وەك بەرێز بارزانیش گرەنتییەكی‮ ‬فریاد رەسی‮ ‬قۆناغەكان بووە،‮ ‬تا گەیاندنی‮ ‬بە‮ ‬ڕۆژگاری‮ ‬ئەمڕۆماندا‮. ‬

گەیاندنی‮ ‬پرسی‮ ‬نیشتمانی‮ ‬نەتەوەیی‮ ‬كوردستانیان بۆ سەرۆكێكی‮ ‬مێژوو كردەی‮ ‬وەك بارزانی‮ ‬هەڵبەتە پەڕینەوە بووە لە رووبارێك خوێن‮. ‬دەربازبوون بووە لە نێو كێڵگەی‮ ‬مینی‮ ‬دوژمنان و داخ و خەم و كەسەرو كارەساتی‮ ‬شەڕی‮ ‬برایان‮. ‬

‮ ‬وێڕای‮ ‬ئەوەی‮ ‬بارزانی‮ ‬ئامانجی‮ ‬سەرەكی‮ ‬دوژمنان بووە بۆ لێدان و لەناو بردنی‮ ‬بەهەر شێوەێك بووبێ،‮ ‬نەیارانیشی‮ ‬درێغییان نەكردووە لە گرتنە بەری‮ ‬سیاسەتی‮ ‬بە رێ لادان و چاو بەستەكردن،‮ ‬هەر وا ناشیرینكردن و زۆرجاریش هەڵبەستن و جنێو و تانە و تەشەڕ،‮ ‬بەڕادەی‮ ‬بێزەوەركردنی‮ ‬خودی‮ ‬پرسەكەو بە ئامانج گرتنی‮ ‬كەسی‮ ‬بارزانیش بۆ ئەجندا دەرەكییەكان و‮ ‬ڕۆڵگێرانی‮ ‬كەس و لایەن و میدیای‮ ‬ناوخۆ بۆ وێنا كردنی‮ ‬خواستی‮ ‬ئەوان بەداخەوە بۆ هەندێ لەكوردان خۆساخكردنەوە لایەنگیری‮ ‬ئاشكرای‮ ‬پێوە دیارە،‮ ‬پێیان خۆشبێ و پێیان ناخۆش دەچنە خانەی‮ ‬دژ بوون‮. ‬

بەواتایەكی‮ ‬دیكە ئەوان لە ئاگاییەوە بێ‮ ‬یا لە بێ ئاگاییی،‮ ‬مەبەست دار بێ‮ ‬یا بێ مەبەست پێمان دەڵێن‮: ‬پرسی‮ ‬سەربەخۆیی‮ ‬كوردستان واتە پرسی‮ ‬بارزانی‮ ‬و ئەو هەڵگری‮ ‬شوناس و ناسنامە نەتەوەییە نیشتیمانییەكەیە تی‮ ‬و ئێمەش دژ و نەیارو ناحەز‮. ‬

لە كاتێكدا ئەوان گەر هەرسوور بن لەسەر ئەو سیاسەتەو بەو هزرو دیدەوە كاربكەن وئامانج لێی‮ ‬قۆرغكاری‮ ‬و پاوانخوازی‮ ‬بۆ دەفەرێك لەدەفەرەكان پەیرەو بكەن وەك ئەوەی‮ ‬خەریكە لەسلێمانی،‮ ‬كارەسات و مەترسیە گەورەكە لێرەدا سەرهەڵدەدا،‮ ‬كەسەربەخۆیی‮ ‬و پرۆسەی‮ ‬ریفڕاندۆمی‮ ‬كوردستان و بارزانی‮ ‬كێشە بن،‮ ‬نەك چارەسەر؟ لێرەوەش دەبێ بگوترێ‮: ‬

ئەوا ئەجندای‮ ‬تاران و قومی‮ ‬ئیمامە،‮ ‬لە باغی‮ ‬دادی‮ ‬مالیكی‮ ‬یەوە،‮ ‬بارزانی‮ ‬بە ئامانجگرتووە و مەبەستیانە دارومولك شكۆی‮ ‬خۆی‮ ‬لەدەست بداو مەحكوم بێ‮. ‬

مەسعود بارزانی‮ ‬سەرۆكی‮ ‬هەرێمی‮ ‬كوردستان،‮ ‬ئەو پیاوەی‮ ‬بزاڤی‮ ‬سیاسی‮ ‬هەر چوار پارچەی‮ ‬كوردستان چاوییان لە هەنگاوەكانیەتی،‮ ‬ئەو سەرۆكەی‮ ‬ڕەوایی‮ ‬پرسی‮ ‬نەتەوەیی‮ ‬كە سەربەخۆ بوونە بە پرۆسەی‮ ‬ریفڕاندۆم گەیاندۆتە ناوەندە بریاربەدەستەكانی‮ ‬دونیا،‮ ‬لە دوا وتاری‮ ‬دا بۆ رۆژنامەی‮ (‬واشنتن پۆست‮ ) ‬ی‮ ‬ئەمریكی‮ ‬دەنگدان بە بەڵێی‮ ‬بۆ سەربەخۆیی‮ ‬بەچارەسەری‮ ‬كێشەكان دەزانێت،‮ ‬نەك دروستكردنی‮ ‬كێشە‮. ‬

مەسعود بارزانی،‮ ‬ئەو پیاوەی‮ ‬خاوەنی‮ ‬پرۆژەی‮ ‬دەوڵەتی‮ ‬كوردستانە،‮ ‬رۆژهەڵات و رۆژئاوا ژ ئۆراسیاو و ئەتلەنتیكی‮ ‬بەخۆیەوە سەرقاڵ كردووە،‮ ‬پێداگیری‮ ‬لەسەر گەیاندنی‮ ‬پەیامەكەی‮ ‬لە هەموو بۆ نە نێو دەوڵەتییەكان دەكاتەوە،‮ ‬هەر لە كۆربەندی‮ ‬داڤۆسی‮ ‬2016وە تا داڤۆسی‮ ‬دەریای‮ ‬مردووی‮ ‬ئوردن و كۆڕبەندی‮ ‬سانپیتەرسبڕۆگ لە رۆژی‮ ‬مێژوویی‮ ‬2017/6/7وەو بەر لە داعش و لە دوای‮ ‬داعشیش دا بارزانی‮ ‬فریادرەسی‮ ‬چارەسەری‮ ‬پرسی‮ ‬كوردستانە بەكێشە وئاستەنگە ئابووری‮ ‬و جیۆسیاسییەكانی‮ ‬ناوچەكەوەش،‮ ‬بە‮ ‬ڕادەی‮ ‬ئەوەی‮ ‬مێژووی‮ ‬سیاسی‮ ‬ناوچەكە لەم چارەگە سەدەیەیی‮ ‬دوایدا سەلماندویەتی‮ ‬بێ ئەو چارەسەری‮ ‬پرسەكان و‮ ‬ڕاگرتنی‮ ‬تەرازوی‮ ‬بەرژەوەندییەكان لاسەنگ دەبێ و لە‮ ‬غەفڵەتگیری‮ ‬گەورەكانیشدا ئەمریكا بە پلە‮ ‬یەك،‮ ‬رووسیا بە پلە دوو،‮ ‬نەك هەر هاوكێشەی‮ ‬ناوچەكە گرێ و گۆڵی‮ ‬تێدەكەوێ وەك ئە وەی‮ ‬بەم دوا دواییە لە سوریا وا گڵۆڵەكان دەكەونتە لێژی‮ ‬و ئەسەدیش رژتر،‮ ‬و بەرژەوەندییەكانیش بەپێچەوانەی‮ ‬خواستی‮ ‬كورد ئاوەژوو دەبنەوە،‮ ‬بەشێوەیێ دژی‮ ‬خواست و قوربانییەكان لە‮ ‬ڕۆژئاوا خەریكە بۆ رژێمی‮ ‬ئەسەد لە ناوچە كوردستانییەكان دەبن بە دیفاكتۆ و كوردیش لە ئاهەنگی‮ ‬مەولوودەكە بەبێ شیرینی‮ ‬لە هاوكێشەكە وەدەردەنرێ‮. ‬

ئەو،‮ ‬بارزانی‮ ‬پیاوە مەترسییدارەكە،‮ ‬بۆ ئەوانەی‮ ‬لە خوڵقەوە هەڵگری‮ ‬پرۆژی‮ ‬دژە نەتەوەیی‮ ‬كوردن‮ ‬،‮ ‬نەتەوە بەمانا و زاراوە سیاسیی‮ ‬و‮ ‬یاساییەكەیەوە،‮ ‬لەو ناوچەی‮ ‬تەژییە لەجۆرە تۆتالیتاریزمێك كە هیچ پێكهاتەیەكی‮ ‬نەتەوەیی‮ ‬و تایفی‮ ‬لە ناوچەكەدا‮ ‬یەكتریان قبوڵ نییە،‮ ‬كوردیش وەك نەتەوەی‮ ‬ژێر دەستە‮ ‬ی‮ ‬خۆیان سەیر دەكەن‮ ‬یا بە هاووڵاتی‮ ‬پلە دوو‮. ‬یا بە پێكهاتەی‮ ‬خێل و پەرتەوازەی‮ ‬ناو تایفە و ئاینزاكانی‮ ‬نێۆكۆمەڵگای‮ ‬ئیسلامی‮ ‬و بە ژێر بەرداشی‮ ‬عەرەب و فارس و توركی‮ ‬دادەنێن،‮ ‬بەشێوەیێك خوێندنەوەیان بۆ تاكی‮ ‬كورد بەم شێوەیە‮: ‬

لای‮ ‬تورك‮: ‬كورد توركی‮ ‬چیایی‮ ‬و‮ ‬یە و لە ماشە،‮ ‬هەڵناكەوێت پاشا‮. ‬

لای‮ ‬عەرەبی‮ ‬عێراق‮: ‬‬كورد برای‮ ‬دینیی‮ ‬ژێردەستەكەی‮ ‬شیمالی‮ ‬حەبییبە‮ ‬،‮ ‬لامل و‮ ‬یاخی‮ ‬یە،‮ ‬فورسانە چ هی‮ ‬سەلاحەدین بێ‮ ‬یا حەشد‮ !!‬

لای‮ ‬فارس‮: ‬كورد،‮ ‬زمان و كەلتوری‮ ‬بەشێكە لە زمانی‮ ‬فارسی‮ ‬و وەك نەتەوە جاشە،‮ ‬نەباشە‮ !!. ‬

ئەوەیان كە خوێندنەوەی‮ ‬نەتەوەكانی‮ ‬دراوسێی‮ ‬كورد بن بۆ كورد،‮ ‬كاتێ بارزانی‮ ‬جاری‮ ‬ریفڕاندۆم و سەربەخۆیی‮ ‬دەدا،‮ ‬پەیامی‮ ‬نیشتیمانی‮ ‬نەتەوەیی‮ ‬لە دوا قۆناغەكانی‮ ‬گەشە سەندنی‮ ‬مێژوویی‮ ‬و پێگەیشتنی‮ ‬خۆی‮ ‬دا‮ ‬ڕادەگەیێنێ،‮ ‬بە جاڕدانیشی‮ ‬هەمووان سەرسام دەكا و‮ ‬ڕەوایی‮ ‬بوون و ئایندە‮ ‬یی‮ ‬دەبەخشێتە نەتەوەیەكی‮ ‬غەدر‮ ‬لێكراوی‮ ‬مێژوو‮. ‬

ئێستا ئەوان هەموو سەرسام و دۆشداماون و دەپرسن‮: ‬چۆن دەبێ لە كوردی‮ ‬ماشا هەڵكەوێ پاشا،‮ ‬كوڕانی‮ ‬پێلاو بۆیاغ‮ ‬كەرو شاگرد ئوتێل و بۆی‮ ‬ڕێستورانتان‮ ‬،‮ ‬كچانی‮ ‬كەنیزەو ژنانی‮ ‬تەیان و خزمەتكارو جلشۆری‮ ‬ماڵان،‮ ‬پیاوانی‮ ‬ڕێگرو جەردە و جاش و ماش‮. ‬كوردستانی‮ ‬بەپیت و بەرەكەت،‮ ‬ئاوی‮ ‬كەوسەرو خاكی‮ ‬گەوهەر،‮ ‬پێخوستی‮ ‬ئەم و ئەو،‮ ‬گۆڕەپانی‮ ‬تەڕاتێنی‮ ‬غەیرە،‮ ‬خەڵكەكەی‮ ‬سەربەخۆبێ و خاكەكەشی‮ ‬خودان سنوور و ببێ بە دەوڵەت ؟ سەیرو سەیران و سەرسووڕمانە لای‮ ‬ئەوان‮ !! ‬كوردو دەوڵەت ؟‮. ‬كوجا مەرحەبا‮ !!‬

بارزانی‮ ‬بەووردی‮ ‬و لۆژیكانە بیر دەكاتەوە و خوێندنەوەی‮ ‬واقیع بینانەی‮ ‬بۆ دەوڵەتی‮ ‬عێراق و ناوچەكەش هەیە،‮ ‬لە ماوەی‮ ‬100‮ ‬ساڵی‮ ‬سایكس پیكۆوە و بەكردەوەش لە حەفتا ساڵەی‮ ‬تەمەنی‮ ‬سایكس پیكۆ دا وا لە گۆرەپانی‮ ‬سیاسی‮ ‬و تێكۆشانی‮ ‬چەكداری‮ ‬شۆرشگێری‮ ‬دایە،‮ ‬میراتگری‮ ‬شۆرشی‮ ‬یەكەمی‮ ‬بارزان‮ ‬1932-1931‮ ‬و شەڕی‮ ‬قاراوەی‮ ‬مەهاباد لە ساڵی‮ ‬1946‮ ‬و لەدایكبووی‮ ‬ژێر ئالای‮ ‬كوردستان و كۆماری‮ ‬سەربەخۆ و ئەندازیاری‮ ‬سەركەوتنی‮ ‬داستانی‮ ‬خواكوڕك و ساتەكانی‮ ‬كۆتایی‮ ‬قۆناغەكانی‮ ‬ئەنفال لە هاوینی‮ ‬ساڵی‮ ‬1988دا پێشبینیكردنی‮ ‬بۆ‮ ‬ڕوودانی‮ ‬كارەساتێك بەسەر ناوچەكەی‮ ‬شەڕی‮ ‬كەنداو دا وەك ئەوەی‮ ‬لەعێراقی‮ ‬سەدام حوسێن و دەوڵەتانی‮ ‬عەرەبی‮ ‬قەوما‮ . ‬بارزانی‮ ‬فریادرەسی‮ ‬كۆبانێ و رۆژئاوا‮. ‬تەلیسم شكێنی‮ ‬داعش‮. ‬بەزمانی‮ ‬سەردەمی‮ ‬تەكنەلۆژیاو مۆدرێن،‮ ‬بە ئاشتییانەو دیبلۆماسییانە،‮ ‬بە گفتوگۆی‮ ‬پڕ‮ ‬لە لۆژیك بۆ ئایندە،‮ ‬ڕاشكاوانە دەڵێ‮: ‬‮‬دەنگدان بەریفراندۆم،‮ ‬دەنگدانە بۆ چارەسەری‮ ‬كێشەیەك هێندەی‮ ‬دەوڵەتی‮ ‬عێراق كۆنە‮. ‬

وەك سیاسییەكی‮ ‬وردبینی‮ ‬ئاگادار لە رووداوەكان،‮ ‬بارزانی‮ ‬لە سەردەم و كاتێكدا دەژێت،‮ ‬هەر دەڵێی‮ ‬سەردەم و كاتی‮ ‬لێك هەڵوەشانەوەی‮ ‬یەكێتی‮ ‬سۆڤیەتی‮ ‬جارانە،‮ ‬و پیرۆسترۆكایەك لە ناو هەناوی‮ ‬كۆمەڵگا ناجۆرو ناهەموارە لێك هەڵوەشاوەكەی‮ ‬عێراق دا خۆی‮ ‬مەڵاس داوە،‮ ‬نە شیعەی‮ ‬عەرەب لەگەڵ عەرەب،‮ ‬نەسونەی‮ ‬عەرەب لەگەڵ عەرەب،‮ ‬نەسونەو شیعەی‮ ‬كورد لەگەڵ عەرەبە ئاین و ئاین زاكەی،‮ ‬نەتوركمانە شیعە مەزهەب و سونی‮ ‬مەزهەبە كەبە فیتی‮ ‬ئەنقەرە لەگەڵ خۆیان لەلایەك و لەگەڵ كوردو عەرەبیش لەلایەك هەڵدەكەن،‮ ‬نە كرستییانیانی‮ ‬كلدان و ئاشوور،‮ ‬نە سلێمانی‮ ‬بەفیتی‮ ‬بەغداو تاران لەگەڵ هەولێر تەبا و‮ ‬یەكگرتوو بێ،‮ ‬بەجۆرێ ئەو ناجۆری‮ ‬و ناهەموارییەی‮ ‬لە پێكاتەكەی‮ ‬عێراق دا هەیە لە بەرمیلێك بارووتی‮ ‬كات بۆدانراو بچێ لە ساتی‮ ‬تەقینەوەی‮ ‬دابێ،‮ ‬لەبوركانی‮ ‬ئاگری‮ ‬شەڕێك بچێ،‮ ‬شەڕی‮ ‬ناو لێنەندراوی‮ ‬جیهانی‮ ‬سێیەم‮ ‬یا هەر جەنگێك لە دوای‮ ‬داعش لەمووسڵ،‮ ‬لە چەخماغەدان دایەو لە ئێستاوە بریسكەی‮ ‬لێوە هەڵدەستێ و بۆنی‮ ‬سوتماكردنی‮ ‬خاكی‮ ‬كوردستانی‮ ‬لێ دێ هەروەك لە‮ (‬خاتیمەت و لئەنفال دا لە‮ ‬1988دا‮) ‬بینیمان‮. ‬

ئالێرەدایە بارزانی‮ ‬بە پرۆژە نیشتیمانییەكەی‮ ‬ڕێگرە لەشەرێكی‮ ‬دیكەی‮ ‬سەخترو خوێناویتر،‮ ‬ئا لێرەدایە بارزانی‮ ‬فریادڕەسە،‮ ‬ئەو ئەوسا لەداستانی‮ ‬خواكوڕكا لە هاوینی‮ ‬1988دا پێشهاتەكانی‮ ‬هاتەدی‮ ‬بەجۆرێ ئەوەی‮ ‬چەندین ساڵە لەناوچەكە دەگوزەرێ دەرهاویشتەی‮ ‬كۆتایی‮ ‬شەرو كارەساتی‮ ‬هەشت ساڵەی‮ ‬عێراق و ئێرانە،‮ ‬جگە لە رق و كینەو دوژمدارییەی‮ ‬سەدامی‮ ‬سوونی‮ ‬لە فورسی‮ ‬مەجوس لە قادسییەی‮ ‬یەكەمەوە لە بەرامبەر‮ ‬یەكدا هەیانبوو بەڵام هەردوو لا هاوڕابوون لە‮ ‬ڕیشەكێشكردنی‮ ‬كورد وەك نەتەوە لەڕەگ و پێكەوە‮. ‬

ئێستای‮ ‬دوای‮ ‬مووسڵیش تۆبڵێی‮ ‬سیناریۆكان لەبەرگێكی‮ ‬دیكەدا خۆیان دووبارە نەكەنەوە؟

لە بێ ئاگایی‮ ‬یا لاملی‮ ‬ئەنقەست و مل نەدان بۆ ئەم پرۆژە نیشتیمانییە چارەنووس سازە،‮ ‬بە هەر بڕو بیانۆیێ كەسی،‮ ‬یا لە‮ ‬ڕكی‮ ‬پارت و لایەن و‮ ‬ڕق و كینەی‮ ‬مێژوویی،‮ ‬یا لەڕكی‮ ‬خودی‮ ‬بارزانی،‮ ‬یا پیادەكردن ئەجندای‮ ‬دەرەكیی‮ ‬بۆ هەرمەبەستێ بە‮: ‬

‮- ‬بە نەخێر بۆ ریفڕاندۆم‮!!‬  ‬زەرەمەندی‮ ‬یەكەم لە ناوچەكەدا،‮ ‬كوردستان و لێدان لە پرۆژە ستراتیژییەكەی‮ ‬دەبێ‮.‬

نەخشەڕێگەی‮ ‬بارزانی‮ ‬بۆ گەیشتن بە سەربەخۆیی،‮ ‬پرۆژەیەكی‮ ‬نیشتیمانی‮ ‬نەتەوەیی‮ ‬گەلێكە سەد ساڵە،‮ ‬هەلێكی‮ ‬وا زێرینی‮ ‬پڕ‮ ‬دەرفەتی‮ ‬بۆ نەهاتۆتە پێش،‮ ‬بۆیە گرنگە هەموومان،‮ ‬لەگەڵ هەنگاوەكانی‮ ‬نەخشە‮ ‬ڕێگای‮ ‬دەوڵەتی‮ ‬كوردستان دا،‮ ‬هەموو پارت ولایەنێكی‮ ‬سیاسی‮ ‬و رێكخراوی‮ ‬كۆمەڵگای‮ ‬مەدەنی‮ ‬و ئەكادیمییانی‮ ‬كوردستان و مامۆستایان و نووسەرو رۆشنبیران و هونەرمەندان،‮ ‬یاساناس و مافپەروەران،‮ ‬ئەندازیارو پزیشكان كرێكارو جوتیارو وەرزشكارو میدیاكاری‮ ‬جەسوور،‮ ‬قوتابی‮ ‬و خوێندكار كاسبكار و بزنسمان،‮ ‬هەموو خەڵكی‮ ‬لادێ و شار بۆ ساتی‮ ‬ڕاگەیاندی‮ ‬لە ئامادەباشی‮ ‬تەوا دابین و بوونی‮ ‬كێشەو ئاستەنگە ئابووری‮ ‬و سیاسییەكانی‮ ‬ناوخۆ،‮ ‬بە پێوەری‮ ‬كێشەو ئاستەنگەكانی‮ ‬كۆمەڵگای‮ ‬زیندووی‮ ‬پێشكەوتووی‮ ‬پڕلە ئەكتیف سەیر بكەین،‮ ‬نەك بۆ دەستی‮ ‬دەستی‮ ‬پێكردنی‮ ‬پرسە نەتەوەییە نیشتیمانییە چارەنووس سازەكە‮. ‬

بارزانی‮ ‬كوڕ،‮ ‬ئەمڕۆ هیواو ئاواتی‮ ‬بارزانی‮ ‬باوك مستەفا بارزانی‮ ‬دێنێتە دی،‮ ‬بەجاردانی‮ ‬ڕیفراندۆمەوە دووپاتی‮ ‬دەكاتەوەو‮ ‬ڕوونتر دەدوێ و دەڵێ‮: ‬

كورد سەپانی‮ ‬باوكی‮ (‬داعش و ماعش)ەكان نییە و نایەوێ دوای‮ ‬سەد ساڵی‮ ‬تر جارێكی‮ ‬دیكە ببێتەوە قوربانی‮ ‬مانۆر و سینارۆیی‮ ‬دابەشكردنی‮ ‬ناوچەكە،‮ ‬بۆیە دەیەوێ بە جاردانی‮ ‬ریفراندۆم بە دۆست و هاوپەیمانان بڵێ‮: ‬

راستكردنەوەی‮ ‬باری‮ ‬لاسەنگی‮ ‬بەرژەوەندییەكانی‮ ‬ئەمریكاو رۆژئاوا لە ناوچەكە لە‮ ‬غەفڵەتگیری‮ ‬رووسیا لەدوای‮ ‬لێدان لە قەزافی‮ ‬و تێوەگلانی‮ ‬لە‮ ‬ڕۆژهەڵات و باشووری‮ ‬ئوكراینای‮ ‬گرگرتوو،‮ ‬نابێ خواست و ویستی‮ ‬نەتەوەیەكی‮ ‬40‮ ‬ملیۆنی‮ ‬نادیدە بگیرێت‮. ‬بەتایبەتیش لە كوردستانی‮ ‬عێراق دا،‮ ‬لە باشووری‮ ‬قوربانی‮ ‬سیاسەتە تاكلایەنەكەی‮ ‬بەغدای‮ ‬زۆرداری‮ ‬خۆسەپێن،‮ ‬جەلادی‮ ‬دوێنێی‮ ‬خاوەن دەسەڵاتی‮ ‬پر لە ناهامەتی‮ ‬بۆ كوردستانیان هەر لە جینۆسایدو تەعریب و كیماباران و‮ ‬ڕاگوێزان و سوتماكردنی‮ ‬خاك دا تا بڕینی‮ ‬موچەو قوتی‮ ‬خەڵك و سیاسەتی‮ ‬برسیكردن و پەرتكەو زاڵبەو‮ ‬ڕشتنی‮ ‬ژەهری‮ ‬شارچیەتی‮ ‬و ناوچەگەرایی‮ ‬درێژە پێدەری‮ ‬بە پاشكۆكردنی‮ ‬كۆمەڵگای‮ ‬كوردستان بە شێوازێكی‮ ‬مۆدرێن و هەوڵی‮ ‬دابڕاندن و لێكترازاندنی‮ ‬شارەكانی‮ ‬كوردستان‮. ‬ئەوا بەهیچ كلۆجێ

كوردو كوردستانییانی‮ ‬دەرەوە و ناوەوەی‮ ‬مادەی‮ ‬140‮ ‬بۆ ریفڕاندۆم و سەربەخۆیی‮ ‬نەك هەر ساردناكاتەوە،‮ ‬بەڵكو هەرگرفتێكیش بۆ ناوچە جێناكۆكەكانی‮ ‬كوردستان بەتایبەتیش بۆ كەركوك و شنگاڵ بێنە پێش و بوق ژەنانی‮ ‬ئەجنداری‮ ‬دەركییەكیش هەربەردەوام زوڕنا ژەنین،‮ ‬ئەوا كوردستان و

بارزانی‮ ‬بێباك لەم و لەو،‮ ‬بە روناهی‮ ‬چاوی‮ ‬یارو كوێرایی‮ ‬چاوی‮ ‬نەیار،‮ ‬هەر هەولێرە و بۆ سلێمانی‮ ‬و كەركووكییەكان و بۆ شەنگال،‮ ‬بۆ كوێستان و گەرمیان و بۆ بادینان و سۆران،‮ ‬بۆ‮ ‬40‮ ‬ملێون كورد،‮ ‬دەوڵەتی‮ ‬سەربەخۆیی‮ ‬كوردستان‮ ‬ڕادەگەیێنن‮. ‬

ئەم‮ ‬ڕاگەیاندنەی‮ ‬كوردستان و بارزانی،‮ ‬جاڕی‮ ‬مافی‮ ‬سەبەخۆیی‮ ‬و ئازادی‮ ‬كوردستانیانە‮. ‬

دوژمن و ناحەزان‮. ‬یارو نەیارانی‮ ‬بارزانی‮. ‬میدیای‮ ‬نابەرپرس‮.

گوێتان لێیە ؟‮‬

مێژوو جارێكی‮ ‬دیكە خۆی‮ ‬دووبارەناكاتەوە و فرمێسكی‮ ‬بەزەیشی‮ ‬بۆ‮ ‬غەفڵەتگیران لە‮ ‬چاوانی‮ ‬قەتیس دادەمێنێ‮. 

 
چاپکردن   Share گه‌ڕانه‌وه‌