2017-07-17

بەكر كەریم حەسەن
چاكەخوازی‮ ‬كۆمەڵایەتی‮ ‬و چالاكوانی‮ ‬ئەمریكی‮ ‬سوزان ئەنتۆنی‮ ‬دەڵێ‮: ‬سەربەخۆییمان دەبێتە سەرچاوەی‮ ‬خۆشییەكانمان‮. ‬
گومانی‮ ‬تێدا نییە هەر سەربەخۆیی‮ ‬بوونێك لەسەر‮ ‬ڕووی‮ ‬زەوی‮ ‬خاوەندارێتی‮ ‬ڕەهایی‮ ‬خۆی‮ ‬هەیە بە سەر شتەكانتدا،‮ ‬كوردستانیان كەوا بەرەو‮ ‬ڕیفراندۆم هەنگاو دەنێن سات لە دوای‮ ‬سات لە رێكەوتی‮ ‬25ی 9 نزیك دەبینەوە كە ئەو رۆژە رۆژێكی‮ ‬مێژوویی‮ ‬دەبێت بۆ هەموو كوردێك و بۆ هەموو كوردستانییەك،‮ ‬چونكە لەو رۆژەدا خۆت بڕیار لە سەر چارەنووسی‮ ‬خۆت و میللەتەكەت دەدەی‮ ‬كەوا چەندین ساڵە بە ئاگر و بە ئاسن دەكوژریێ و دەربەدەر دەكرێی،‮ ‬ئەنفاڵ دەكرێ و خاكی‮ ‬خۆتت پێ‮ ‬ڕەوا نابینرێ،‮ ‬هەزاران شەهیدت داوە بۆ مانەوەت لە كوردستانت،‮ ‬بۆ ژیانت بۆ دەستەبەركردنی‮ ‬مافە‮ ‬ڕەواكانت،‮ ‬كەچی‮ ‬ئێستا چارەنووسی‮ ‬خۆت لە دەستی‮ ‬خۆت دایە،‮ ‬ئایا دەتەوێت هەر بە ژێردەستەیی‮ ‬و لەگەڵ عێراقێك بژی‮ ‬كە خۆی‮ ‬سەربەخۆ نییە‮ ‬،‮ ‬یانیش دەتەوێ وەكو كوردستان سەربەخۆ بژیت،‮ ‬بێگومان خۆت بڕیاردەدری‮ ‬و گلەییش لە كەس ناكرێ ئەو گشتپرسییە دەبێتە بەڵگەی‮ ‬دیكۆمێنتاری‮ ‬بۆ سەدان ساڵی‮ ‬تریش بۆ مێژوو و خەباتی‮ ‬كورد‮. ‬
ئەوەی‮ ‬گرنگە و من دەمەوێ لێرەدا باسی‮ ‬بكەم پەیوەندی‮ ‬گشتپرسی‮ ‬بە پەروەردەوە چۆن قوتابی‮ ‬ساڵانی‮ ‬چوونە قوتابخانەی‮ ‬بە هەر نمرەیەك دەرچووبێت ئاساییە لە نێوان‮ ‬ 50 تا‮ ‬100‮ ‬بەڵام پۆڵی‮ ‬دوازدەی‮ ‬ئامادەیی‮ ‬هەر نمرەی‮ ‬دەرچوون بەس نییە،‮ ‬بەڵكو بە پێی‮ ‬نمرەكەت كۆلێژەكان داوات دەكەن،‮ ‬گەر نمرەكەت لە‮ ‬90‮ ‬سەرووتر بێت بە ئارەزووی‮ ‬خۆت لە كام زانكۆ و كۆلێژ بتەوێ لەوێ وەردەگیرێیت بە شانازییەوە،‮ ‬بەڵام گەر نمرەكەت لە دەوروبەری‮ ‬60‮ ‬بێت ئەوا هەلی‮ ‬وەرگرتنت لە زۆربەی‮ ‬زانكۆ و كۆلێژەكان دەفەوتێت و وەرناگیرێیت،‮ ‬ئەو نمرەیەی‮ ‬قوتابی‮ ‬پۆڵی‮ ‬دوازدە دوا نمرەی‮ ‬قوتابخانە و پەروەردەیە لە هەمان كاتیشدا نمرەی‮ ‬وەرگرتنیەتی‮ ‬لە زانكۆ و خوێندنی‮ ‬باڵا‮. ‬
بەهەمان شێوە ئەنجامی‮ ‬گشتپرسی‮ ‬ئەنجامی‮ ‬یەكلاكەرەوەیە بۆ مانەوەت لەگەڵ عێراق‮ ‬یان هەنگاونانت بەرەو دەوڵەتی‮ ‬كوردستان،‮ ‬كوردستانی‮ ‬سەربەخۆ لە هەموو‮ ‬ڕوویەك و باوەڕپێكردنێكەوە و خاوەن هەموودەستكەوتێك،‮ ‬وە ئەنجامی‮ ‬گشتپرسی‮ ‬وەكو بەڵگەنامەی‮ ‬مێژووی‮ ‬دەمێنێتەوە كە مایەی‮ ‬شانازی‮ ‬هەموو كوردێكە لە پێش هەموویان خوێنی‮ ‬شەهیدان و منداڵ و كەسوكاری‮ ‬شەهیدان پێشمەرگە گیان لەسەر دەستەكان ئەوانن قوربانیان داوە بۆ سەربەخۆیی‮ ‬كوردستان هەر ئەوانیشن زیاتر مافیان هەیە لە سەر كوردستان‮. ‬
لێرەوە گرنگە وەزارەتی‮ ‬پەروەردە لەم دوو مانگەی‮ ‬ماوە بە چڕ‮ ‬و پڕی‮ ‬هەنگاوی‮ ‬بوێرانە و نیشتیمانیانە دەرفەتی‮ ‬پەروەردەیی‮ ‬و فێركردن و ووشیاركردنەوەی‮ ‬تاكەكان زیاتر بڕەخسێنێ،‮ ‬هەڵمەتی‮ ‬ووشیاركردنەوەی‮ ‬تاكەكان لە ئەستۆ بگرێ،‮ ‬چونكە تەنها هەڵبژاردنێك نییە بۆ دیاریكردنی‮ ‬لایەنە سیاسیەكان و پێكهێنانی‮ ‬پەرلەمان و حكومەت،‮ ‬بەڵكو دیاری‮ ‬كردنی‮ ‬چارەنووسی‮ ‬میللەتێكی‮ ‬خاوەن زۆرترین شەهیدە بۆ ئەوەی‮ ‬خوێنی‮ ‬شەهیدان و قوربانیدانی‮ ‬پێشمەرگە قارەمانەكان نادیدە نەگرین نیشتیمانیانە و نەتەوەییانە بێنینە گۆڕەپان دوور لە خۆ هەڵكێشان و خۆبادان و قسەی‮ ‬باق و بریق و‮ ‬ڕستەی‮ ‬ڕەنگاو‮ ‬ڕەنگ‮. ‬
پەروەردە كە تێكەڵ بە هەناوی‮ ‬هەموو خێزان و كۆمەڵگا بووە لە رێگای‮ ‬پەروەردە وە بە پێی‮ ‬بەرنامەیەكی‮ ‬دارێژڕاو بەردەوام و هەست كردن بە بەرپرسیاریەتی‮ ‬قۆناخەكە و خۆ بەخاوەن زانینی‮ ‬پرۆسەكە هەڵمەتی‮ ‬ووشیاركردنەوە و گرنگی‮ ‬و بایەخی‮ ‬بەشداری‮ ‬كردن لە گشت پرسی‮ ‬و دەنگدان بە بەلێ بكرێتە پرۆژەیەكی‮ ‬ئیشكردنی‮ ‬بەردەوام لەمیدیاكان لە قوتابخانەكان و مامۆستا و قوتابیان كە بەشداریكردن لە رۆژی‮ ‬25‮/‬9‮/‬2017‮ ‬وەچەرخانێكی‮ ‬مێژوویی‮ ‬و نەتەوەیی‮ ‬میللەتی‮ ‬كورد دەبێت لە هەمان كاتیشدا نەخشەدانان دەبێت بۆ درووستكردن و بیناتنانی‮ ‬دەوڵەتێك بۆ قوتابییە خۆشەویستەكانمان و منداڵانی‮ ‬شەهیدەكانمان كە ئەوان چاوەڕیێ ئێمە دەكەن پایەكانی‮ ‬دەوڵەتی‮ ‬كوردی‮ ‬بۆیان درووست بكەین،‮ ‬ئەگینا دەكەوینە بەر نەفرەت لێكردنی‮ ‬ئەوان كە مافیان بەسەر ئێمەوە هەیە،‮ ‬چونكە ئەوان ئایندەن و بەڵام ناتوانن بەشداربن لەم گشتپرسییە و هاوكات ئێمەین ئەمانەت پارێز و خاوەن ئیرادە،‮ ‬بۆیە دەبێ بەئیرادەی‮ ‬خۆمان ئەمانەتەكەیان بۆ بپارێزین كە ئەوان چاوەڕیێ دەكەن‮.‬
‮❊ ‬بەڕێوەبەری‮ ‬گشتی‮ ‬چالاكی‮ ‬وەرزش و هونەر

 
چاپکردن   Share گه‌ڕانه‌وه‌