2017-07-16

خەبات - ئارام شێركۆ

رۆژی 16 / 7 ڕۆژێكی تەواو جیاواز پڕ لە ناخۆشی بوو بە دانیشتوانی شارەكە و هاولاتیان بە تەواوی رۆژێكی زۆر ناخۆشیان بەڕێكرد., لە شارەكەیان كە بوو بە هۆكاری شەهید بوون و بریندار بوونی زیاتر لە 300 هاولاتیانی ئەو شارە لە رێگای تەقینەوەی بار هەلگرێكەوە
 یەك شەممە  یادی تەقینەوە گەورەكەی  ١٦-٧-٢٠٠٧ بوو , كە بارهەڵگرێكی پڕ لە TNT لە لایان كەسێكی خۆكوژەوە , لەبەردەم قەڵای شاری كەركوكدا خۆی تەقاندەوە,  و بەهۆیەوە زیاتر لە ٣٠٠ هاولاتی سڤیی پیر و ژن و منداڵ ئەندامانی هێزە ئەمنیەكانی شارەكە بوونە قوربانی.

دواتریش پاش گەیشتنی هێزە ئەمنیەكان بە و تیمەكانی تەندروستی دەستیان كرد, بە گواستنەوەی تەرمی شەهید و بریندارەكان بۆ نەخۆشخانەكانی كەركووك .هۆبەی دادی پزیشكی چەند بۆمبێكی تر لە سەر  ڕێگا تەقیەوە بە ئەو ئۆتۆمبیلانەی شەهید بریندارەكانیان دەگواستەوە . نەخۆشخانەكانی كەركووك پڕ پڕ ببوون لە بیرندار هاولاتیان پۆل پۆل ڕوویان لە نەخۆشخانەكان دەكرد, بۆ دۆزینەوەی كەس و كاریان بە برینداری یاخو بە شەهیدی .

تەقینەوەكە ئەوەندە  بەهێزبوو كە شوشەی پەنجەرە و بە چەند كۆلانێكی ئەو ناوچەیەوە نەمابوون , هەمووی شكان و هاتە خوارەوە, هاولاتیان  وایان زانی تەقینەوەكە لەبەردەم بیناكەی ئەوان  بووە، بەڕاستی ڕۆژێكی ناخۆش و كارەسات بوو یاخوا و قەت دووبارە نەبێتەوە.
تەقینەوەكە ئەوەندە گەورە بوو كە كۆڵانەكانی كەركوك بەتایبەتی گەڕەكە كوردیەكان هەمووی بە پەڕۆی ڕەشی پرسەكان داپۆشرابوون , و تەعزیەباری و غەمباری شارەكەی داپۆشی بوو.

شایەنی باسە ئەو تەقینەوە لە ناو چارەگەی شاری كەركووك ڕوویدا , بەلام خۆشبەختانە هێزەكانی شاری كەركووك توانیان كۆمەلێك تاوانبار دەستگیر بكەن , كە لە پشتەوە دەستیان هەبوو لە ئەنجامدانی ئەم كردەوە تیرۆرستیەو نەخشە سازی كردەوەكە .
سەبارەت بەمەیش عەقید ئدریس رەفعەت بەرێوەبەری هێزەكانی جموجۆلی بەرێوەبەرایەتی ئاسایشی كەركووك لە لێدوانێكی تایبەت گووتیشی پاش ڕووداوە هێزەئەمنیەكانی دەستیان كرد بەلێكۆلینەوە  لە رووداوەكە توانیمان لە میانەی هەلمەتێكی پشكنین لە قەزای حەویجە چەند كەسێك دەستگیر بكەین كە دووان لەوانە دكتۆرێك و ئەندازرێك بوون دەستیان هەبوو لە ئەنجامی دانی ئەو كردەوە تیرۆرستیەو پاش لێكۆلنەوە لە لایان هێزەكانی ئاسایشەوە رادەستی دادگا كرانەوە

هەر سەبارەت بەمەیش عەمید سەرحەد قادر بەرێوەبەری پۆلیسی قەزاو ناحیەكانی كەركووك لە لێدوانێكی تایبەت گووتی كە ئەو تەقینەوەیە یەكێك بوو لە تەقینەوە گەورەكانی ئەم شارە چونكە چەندین تەقینەوەی تری گەورە لەم شارە ئەنجام دراوە , هاولاتیانی ئەم شارەی كردۆتە قوربانی .
سەرحەد گووتیشی پاش ئەوەی ئەو تەقینەوەیە ئەنجامدراوە چەند كەسێك دەستگیر كراون , لە یان دادگاوە حكوم دراوە بەلام بەداخەوە پاشتر بەدراو , كە دەستیان هەبووە لە خوێنی دەیان هاولاتی سڤیل و پۆلیس و ئاسایش و پۆلیسی هاتۆچۆی ئەم شارە لەو تەقینەوەیە .

 
چاپکردن   Share گه‌ڕانه‌وه‌